رواية عشق المراد الفصل الخامس عشر 15 - بقلم رشا السيد

بدر سمع صوت صرختها والخط اتقطع. أخذ مفتاح سيارته. بدر بسرعة: أنا لازم أمشي. عدي: طب في إيه؟ بدر: بعدين يا عدي، سلام. عدي: سلام. عند نجمة… عمر بابتسامة خبيثه: كنتي فاكرة إنك هتقدري تهربي منين؟ نجمة بخوف: ونبي يا بابا سيبني وأنا أوعدك هشتغل اليوم كله بس متجوزنيش. رحاب بعصبية: يلا يا بت الراجل مستني علشان يكتب الكتاب، خلينا نخلص. نجمة بصراخ: لا مش هروح معاكم، سيبوني في حالي. رحاب ضربتها بالقلم. عمر بغضب وهو

يمسك يد نجمة ويضغط عليها: يلا امشوا. نزل تحت وخلفه رحاب و مها. نجمة بصراخ: سيبني، أنا بكرهك، بكرهك، بكرهك. عمر ضربها بالقلم جامد جعل فمها ينزف. نجمة: اضربني كمان، اعمل اللي انت عاوزه بس أنا مش هتتحرك من هنا. عمر ضربها بالقلم مرة أخرى لكنها فقدت الوعي. مها أسرعت إليها محاولة أن ترجع لوعيها لكنها فشلت في ذلك. مها بغضب: انتوا بتعملوا معاها كده ليه؟ أنا مش فاهمة، انت أب؟

انت مفيش أب بيجبر بنته على حاجة هي مش عاوزاها، لكن بالنسبة ليك عادي علشان انت اللي هتستفيد، مش هي. عمر: انتي ملكيش دعوة، ده بنتي وأعمل فيها اللي أنا عاوزه. مها بعصبية: لا ليا، ده صحبتي وجت عندي تتحامى فيا علشان خايفة من أبوها اللي هو المفروض أحن شخص في الدنيا لبنته، واتفضلوا يلا هنا علشان مطلبش البوليس ليكم. عمر: لا مش همشي وهاخدها معايا. مها بعصبية: لا مش هتاخدها. رحاب بغرور: انتي مش هتقدري تمنعي أب ياخد بنته.

عمر شال نجمة. مها: ابعد عنها، سيبها. رحاب منعتها وزقتها واتخبطت في السفارة وبدأت رأسها تنزف. رحاب وعمر لما شافوها بتنزف هربوا بسرعة. وصل بدر ونزل، استغرب أن الباب مفتوح. لما دخل انصدم بوجود دم على الأرض ووجد فتاة مرمية على الأرض وبتنزف. مكنش عارف يتصرف إزاي. اتصل بسرعة بالإسعاف. وبعد عشر دقايق وصلت الإسعاف ونقلوها للمستشفى. بدر كان متعصب إنه ملحقش نجمة ومكنش عارف حتى منزلها فين. بدر اتصل بمراد. عند عدي ومراد…

عدي: أيوه صح، قولي انت عملت إيه مع سيلا. مراد: مفيش حاجة، قابلتها واعتذرت ليها وقولتلها ممكن ترجعي الشغل تاني. عدي: وهي قالت إيه؟ مراد بهدوء: قالت إنها عاوزة تفكر. عدي: الصراحة عندها حق، بعد ما طردتها قدام الشركة كلها مش هتقدر ترجع بكل سهولة. وهاتف مراد رن وكان بدر. مراد باستغراب: إيه بدر بيتصل؟ عدي: طب رد بسرعة، ممكن يكون في حاجة. مراد: ألو. بدر بسرعة: مراد أنا محتاج مساعدتك بسرعة. مراد: في إيه؟

بدر: أنا عاوزك تعرفلي مكان واحدة اسمها نجمة عمر. مراد: طب ليه؟ بدر: بعدين يا مراد، المهم عاوز أعرف مكانها بسرعة. مراد: حاضر. وقفل مراد. عدي: في إيه؟ مراد: اتصل بـ رعد. مراد: رعد خلال خمس دقائق تبعتلي مكان واحدة اسمها نجمة عمر. رعد: أمرك يا مراد بيه. عدي: ممكن أعرف بقى في إيه؟ مراد: معرفش، بدر كلمني وقالي إنه عاوز يعرف مكان واحدة اسمها نجمة عمر. عدي: طب ليه ومين ده أصلاً؟ مراد: معرفش، هو أي مش حاجة تاني.

وتم وصل رسالة لمراد بها مكان نجمة ومراد بعتها لبدر بسرعة. عند سيلا… كانت ذاهبة لمنزل مها ووصلت. استغربت لأن الباب كان مفتوح والمنزل فارغ. لكنها انصدمت من وجود دم وهذا جعلها تدرك أن والد نجمة أتى وكانت خائفة من أن يكون حدث لصديقاتها. في منزل نجمة… في غرفتها. نجمة بدأت ترجع لوعيها. وفي اللحظة دي دخلت رحاب وعمر. رحاب: أخيراً فوقتي. عمر: يلا علشان تمشي مع جوزك. نجمة بصدمة: جوزي؟

عمر: أيوه، انتي اتجوزتي الأستاذ حسن ودفع فيكي 2 مليون. نجمة بغضب: لا، الجوازة دي باطلة، أنا مش موافقة. رحاب بسخرية: إحنا مش بناخد رأيك، هو بس بيقولك وبعدين خلاص يا حبيبتي بقيتي مراته وهو من حقه ياخدك حتى لو كان غصب عنك. الباب البيت خبط وفريدة فتحت. دخل بدر وهو ينادي على نجمة. بدر بصوت عالي: نجمة، نجمة. عمر ورحاب نزلوا بسرعة على صوته ونزلت نجمة وراهم. عمر بعصبية: أنت مين وإزاي تعلي صوت في بيتي؟ نجمة: بدر.