رواية عشق الروح الفصل الثاني عشر 12 - بقلم ياسمين عبده

مصطفى: جهزي نفسك انتي هتيجي معايا. ملك بتسرع: لا طبعًا. مصطفى برفع حاجب: لا ليه؟ ملك وقد أدركت نفسها: أنا آسفة حضرتك بس مينفعش أخرج مع حضرتك لوحدي. مصطفى باستغراب: ليه يعني؟ ملك بإيجابية: علشان هبقى مع حضرتك لوحدي وده حرام. انت ولا محللي ولا واحد من قرايبي ولا ليك أي صلة بيا. مصطفى بتفهم: تمام، هناخد السكرتيرة سمر معانا. ارتحتي كده؟ ملك بابتسامة: شكرًا لتفهم حضرتك. ابتسم لها مصطفى وخرجت من عنده، وحطت إيديها

على قلبها وقالت في نفسها: إيه يا ملك ركزي في شغلك، وبعدين شورت على قلبها: وانت بطل تدق بقى. وابتسمت وراحت تكمل شغلها. عند يونس. يونس وصل إسكندرية من شهر، وأجر شقة ونقل شغله في إسكندرية ونقل هو جدته علشان يدور على ملك، بس اكتشف إنها مش موجودة. وملك قالت للجيران إنها لو حد سأل عليها هنا يقولوا إنها سافرت البلد. يونس وصل البيت اللي ملك قاعدة فيه، بس كانت ملك مشيت مع مصطفى على الغردقة.

يونس فضل يخبط على الباب بس مفيش رد، لحد ما خرج حد من الجيران وقاله نفس الكلام اللي ملك قالته. هو مش مصدق بس قال يدور عليها تاني ومشي. كان يونس مجبور يروح الغردقة علشان في اجتماع هناك. كانت ملك ومصطفى وسمر في العربية. ملك وسمر ورا ومصطفى بيسوق، بس كان مصطفى بيخطف نظرة والتانية لملك، وملك لاحظت كده واتكسفت جدًا. وكانت سمر بتفكر في عمر.

(ملحوظة: سمر بتحب عمر جدًا بس عمر مش معترف إنه بيحبها، وعمر قال كلام جارح لسمر. كل حاجة هتظهر في الأحداث) ملك بهزار: مالك يا سمر سرحانة في إيه؟ في حد كدا في بالك ولا إيه يا قمر؟ سمر والدموع تلمع بعينيها: للأسف يا ملك آه، بس هو مش بيحس بيا وهو متجاهلني، وهو كمان قالي كلام جارح أوي يا ملك. ملك بحزن عليها: ليه بس كدا؟ وبعدين مين يتجرأ ويعمل كده في سمر حبيبتي.

سمر وقد بدأت في بكاء شديد: أنا غلطانة إني سلمت قلبي لواحد زيي مقدرنيش وجرحني وحزني. ملك أخدتها في حضنها ودموعها نزلت لأنها افتكرت المعاناة بتاعتها. نظر مصطفى إليها وحزن على دموع طفلته، ولكنه لم يعلم لماذا هذا الشعور تجاهها. مصطفى بتلطيف الجو: أكيد الغبي عمر عملك حاجة. صدقني أول ما نروح هديله بوكس يفوقه، متقلقيش. ضحكت سمر على مصطفى. سمر وهي بتحاول تهدي نفسها عشان خاطر المدير ما

يعرفش حاجة بينها وبين عمر: شكرًا يا مستر مصطفى، بس متتكلمش مستر عمر في حاجة، وسمحت. مصطفى بإيماء: أوكي. ركزوا بقى عشان الشغل تمام. ملك وسمر: أوكي يا باشمهندس. وصل مصطفى الغردقة ونزل من العربية هو وملك وسمر، ودخلوا الفندق. مصطفى بجدية: اتفضلوا المفتاح. الجناح انتو الاتنين هتقعدوا في جناح واحد. فرح كل من ملك وسمر، وأنا هكون في الجناح اللي قصدكم. سمر بجدية: أوكي يا مستر.

مصطفى بجدية: اجهزوا. النهاردة فيه حفلة عشان المستثمرين اللي جايين من أمريكا. ملك بتوتر: ينفع حضرتك محضرش الحفلة دي؟ مصطفى بنفي: لا، لازم تيجي. انتي بتكوني سكرتيرتي الخاصة. ملك بجدية: أوكي يا باشمهندس. وبعدين راح كل واحد على أوضته. وصل يونس للغردقة، بس قعد في فندق غير فندق ملك، لأنه هو من الشركة المنافسة لشركة مصطفى. بليل وصل عمر على معاد الحفلة وراح عند صديقه في الجناح بتاعه. عمر: هو انت جبت مين معاك غير ملك؟

مصطفى: جبت سمر كمان. آه صحيح، انت عملت إيه في البنت دي؟ من واحنا في الطريق مبطلتش عياط. عمر بغيظ: جاية تقولي إنها بتحبني! هي نسيت نفسها ولا إيه. مصطفى بجدية: راجع نفسك قبل ما تخسرها يا صاحبي، وعمر الحب ما كان بالمناصب أو المكانة، خليك فاكر كده. عمر بضيق: طيب خلينا نجهز للحفلة، يلا. مصطفى بتنهيدة: يلا. ملك لبست درس لونه أزرق ونقاب أبيض، كانت شبه الأميرات.

وسمر لبست فستان بكم طويل لونه أزرق لون عيونها، لأنها وهي وملك متفقين يلبسوا زي بعض، ولبست الحجاب لونه أبيض زي ملك، وحطت بعض الميكب الخفيف، وكانت تخطف الأنظار زي ملك. كان يونس في الحفلة، وكان مصطفى وعمر واقفين مع المستثمرين. لحد ما جت الأمريتين دول الحفلة خطفوا الأنظار. مصطفى بص لملك بحب واعجاب بعيونها الخضر. عمر فضل متنح لسمر وجمالها، بس اتعصب لما لقى واحد بيبصلها، واتعصب منها عشان حاطة ميكب والناس بتبصلها.

انتبه يونس لملك وسمر، بس معرفهاش عشان هي لابسة النقاب وكانت باصة في الأرض، وكمل كلامه مع صاحبه. ملك قربت من مصطفى هيا وسمر، اللي أول ما شافت عمر قلبها دق وحزنت لما افتكرت اللي حصل. عمر بص لها بنظرات غير مفهومة. مصطفى بتوهان: ما شاء الله، إيه القمر ده. ملك اتكسفت وبصت في الأرض. مصطفى رجع لعقله تاني: وانتي كمان قمر يا سمر. ضحكت سمر وملك بخفة، ولكن عمر تضايق من ضحك سمر مع مصطفى.

عمر بضيق: انتي نازلة كده ليه وحاطة ميكب ليه؟ سمر بجدية: والله دي حاجة متخصكش يا باشمهندس. انت مجرد مديري في الشغل وأنا بشتغل عند حضرتك، فياريت متتعداش الحدود. مصطفى بتخفيف: الأستاذة سمر معاها حق يا عمر، انت متتدخلش فيها. تضايق عمر وسابهم ومشي. بشمهندس مصطفى أخبارك؟ بص كل من ملك ومصطفى وسمر، بس ملك وقفت بصدمة.