رواية عشق الروح الفصل الثالث 3 - بقلم عائشة الكيلاني

روح خدت منها الفون واتصدمت لما شافت صورهم مع بعض. قالت بنفي: ـ ده متفبرك مش كده؟ عمر مستحيل يعمل كده. انتي كدابة. ميرا ببرود وتمثيل الحزن:

ـ كان نفسي أقولك، لكن للأسف يا ضرتي كله حقيقي. وأنا جيت بس علشان أنبهك وأعرفك جوزك على حقيقته. وبالمرة أعزمك على فرحنا اللي كمان أسبوعين. هههه. ضحك عليكي وقال لك إنه هيسافر علشان شغل، لكن الحقيقة إنه مسافر علشان هيبقا معايا. يا حبيبتي. أوبسسس. شكلي قولت كل حاجة ونسيت إن الزعل غلط عليكي. سوري يا روحي. كملت بابتسامة سخرية وشماتة: ـ يا روح الروح باي باي. آه صحيح، لو مش مصدقني تقدري تتأكدي بنفسك يا حياتي.

ميرا مشيت وهي بتغني بفرح تحت نظرات روح الغاضبة. لا تعلم سبب غضبها، هل مصدقة ولا غيرة؟ قفلت الباب بغضب وقعدت على الركنة وبقت تهز رجليها بتوتر وغضب. والحلم والخوف مش مفرقين خيالها. حطت وشها بين إيديها وبقت تبكي، لكن مستحت دموعها. ـ نعم يا ماما. هنا: ـ انتي بتعيطي ليه يا بنتي؟ مالك يا روح. روح بدموع:

ـ مفيش حاجة يا ماما. أنا كويسة، بس مخنوقة شوية. لا مخنوقة أوي. أول مرة أحس إني تايهة. حاسة ومتلخبطة. ماما أنا حاسة إني مش هكمل مع عمر. الحلم اللي بحلمه كل يوم. كلام مامته وحاجات كتير. كل ده مش دليل. مش مؤشر على إنه هيحصل. أنا تعبت وأنا بحارب لوحدي علشان جوازنا يستمر. بس أنا متأكدة يا ماما. أنا إحساسي عمره ما كدب عليا. هنا مسكت إيديها:

ـ روح اهدي يا حبيبتي. عمر بيحبك بجد. وإنه حارب علشان الجواز يتم. مش معقول بعد كل ده لسه عندك شك في حبه ليكي. روح عمر لو مش بيحبك كان متجوزكش ولا فكر فيكي من أصله. طلعي الحاجات دي من دماغك. هو مين اللي كان بيخبط صحيح؟ روح بتوتر: ـ مش عارفة. آه، واحدة بس كانت متلخبطة في العمارة. أنا رايحة أنام بعد إذن حضرتك.

روح دخلت أوضتها علشان تنام. بعد شوية عمر جه خدها وروحوا. الصمت ملأ المكان. هو مستغرب ومتوتر، وهي مذلة، تايهة وبتكدب خوفها وإحساسها. عد اليوم كده. تاني يوم عمر ودع روح وراح شغله في شركة عمر. ميرا بحزن: ـ أنا آسفة. عمر بهدوء عكس بركان الغضب اللي جواه: ـ حصل خير. إحنا الاتنين غلطانين. وأنا زي ما قولت هتجوزك بس علشان الناس، لكن أوعي تكوني فاكرة إنك هتكوني مراتي بجد. تمام؟ ميرا بدموع:

ـ أنا آسفة. والله ما كنت أقصد. أنت كنت مش في وعيك وأنا كمان. عمر قام من على مكتبه بحدة: ـ تمام. وأنا قولت هتجوزك. حاجة تانية. اتفضلي اطلعي برا. ويا ريت مشوفش وشك تاني برا. ميرا حطت إيديها على راسها بتعب ووقعت في حضن عمر: ـ عمر أنا مش كويسة. حاسة إني دايخة. ميرا حاوطت خصره. عمر اتنهد بغضب: ـ ناقص أرفك انتي كمان. إيه اليوم ده. عمر شالها حطها على الكنبة. ميرا حاوطت رقبته وقالت بهمس:

ـ عارفة إنك مش بتحبها. وإنك اتجوزتها بس عندا فيا. وإنك بتحبني زي ما أنا بحبك أوي يا عمر. عمر بتوهان: ـ ميرا ابعدي إيدك. ميرا بابتسامة: ـ قلبي وعيوني ميرا. بحبك. روح كانت بتبصله بصدمة ودموعها بتنزل على وشها. قالت بصوت متقطع: ـ طالما مش بتحبني اتجوزتني ليه. عمر بعد ميرا عنه وبص وراه. كانت روح بتبصلهم بصدمة وخذلان وقهرة. قرب منها بتوتر: ـ روح انتي والله فاهمة غلط. أنا هفهمك. ميرا تعبت وأنا كـ… ضحكت بسخرية: ـ بتنقذها؟

مممم. لا. ابن أصول. طلقني دلوقتي بقولك، وإلا هتزعل. عمر بصلها.