رواية عشق ارسلان الفصل التاسع عشر 19 - بقلم حليمه عدادي

شال أرسلان القناع، لكن صدمته كانت أكبر لأنه لم يكن يانيس. شال قناع البنت، لم تكن حياة. وضع المسدس على رأسها. أرسلان بغضب: فين يانيس وحياة؟ اتكلمي علشان متتأذيش. البنت بخوف: أرجوك متأذنيش، أنا معرفش حاجة، هما خطفوني، أنا معرفهمش. نظر إليها أرسلان، رأى أنها ترتعش وتبكي من الخوف، وعرف من حالتها أنها لا تعرف شيئاً. أرسلان: ابعث البنت دي لآدم باشا، هي والرجالة اللي قبضتوا عليهم.

أمسك أرسلان باللي كان لابس القناع، ضربه بوكس وقعه على الأرض. تحرك أرسلان من مكانه. استغل الرجل تحركه وهرب. أمسك أريان مسدسه ليضرب عليه، لكن أرسلان منعه. أريان: أرسلان، دا بيهرب ليه؟ نسيبه يهرب؟ أرسلان: إحنا بندور عن مكان يانيس، والراجل دا هو اللي هياخدنا ليه. أريان: يلا بينا نلحقه قبل ما يهرب. أرسلان: إنت خد مدام صوفيا لبيت أختها، وأنا هلحقه لمكان يانيس. أريان: لا، إحنا هنروح سوا.

أرسلان: اعمل اللي بقولك عليه، أنا هروح لوحدي. تحرك أرسلان ليلحق بالرجل. *** في عربية أريان، كان الصمت سيد المكان، لحد ما صوفيا قطعته بسؤالها. صوفيا: كنت عايزة أسألك عن حاجة فاجئتني. أريان: اتفضلي اسألي. صوفيا: حياة كانت دايماً بتحكيلي عن أرسلان إنه فقير، وهي كانت بتاخد منه الخشب علشان تبيعهولها، وإن مافيش حد بيحبه. لكن في المقر العسكري، لاحظت إن الكل بيحترمه وبيخاف منه، حتى الباشا بيحترمه.

أريان: أرسلان هو أكبر قائد في القوات الخاصة. صوفيا: طب ليه كان عايش حياة الفقر؟ أريان: دي كانت مهمة سرية، هو ما يعرفش الهزيمة. صوفيا: أتمنى إنه يقدر يساعد بنتي وترجعلي بالسلامة. أريان: ماتقلقيش، هينقذها وهترجع لبيتها إن شاء الله. *** كان أرسلان لسه ماشي ورا الراجل لحد ما وصل لبيت جوا الغابة. دخل البيت، أرسلان بدأ يقرب من البيت بحذر. جوا البيت، دخل الراجل وهو بيجري. يانيس: فين القائد رماح وصوفيا؟

أنا قلتلك إني عايزهم عايشين. الرجل: ياباشا، هما حاصرونا وقبضوا على كل رجالتنا، أنا الوحيد اللي قدرت أهرب منهم. يانيس بغضب: يا غبي! إنت مهربتش منهم، هما اللي سمحولك إنك تهرب. فتحوا عينيكم كويس وامسكوا أي حد يقرب من المكان. دخل عند حياة، كانت بتبكي. يانيس: إنتي عارفة مين اللي جه عندك؟ نظرت إليه من غير ما تتكلم. يانيس: حبيب القلب أرسلان، أو القائد رماح. حياة بغضب: لو لمست شعرة واحدة منه، أنا هقتلك.

يانيس: ماتخافيش عليه أوي كدا، دا أهم قائد في القوات الخاصة. حياة: كلامك كله كذب، مش عايزة أسمعه. دخل واحد من رجاله. رجل: ياباشا، إحنا مسكنا القائد رماح. قبل ما يتكلم، رجاله دخلوا رماح وهو مربوط. يانيس: شرفتنا يا قائد رماح. هيكون إيه موقف الباشا بتاعك لما يعرف إن قائد في القوات الخاصة معايا؟ أرسلان: ملكش دعوة، سيب حياة ونحل الموضوع بيننا. يانيس: حياة بتستنى بطلها أرسلان، مش القائد رماح. وجه كلامه لحياة.

بنت أخويا، أعرفك على القائد رماح. شيلوا القناع. حياة حست بصدمة ووقعت على الأرض لما شافت أرسلان قدامها. أرسلان بخوف: حياة، إنتي كويسة؟ يانيس، سيب حياة دي مهما كان بنتك. يانيس: اربطوه جنبها. استناني، هرجعلك. *** في بيت أمل. أمل: كل دا يحصل معاكي ومتقوليليش؟ صوفيا: مكنش في وقت علشان أبلغك، من المطار لقسم البوليس. قلبي وجعني أوي على بنتي. أسيل: ماتخافيش يا خالتي، أرسلان هينقذها. أريان قالك إنه هيلحقهم.

أمل: اهدي ياحبيبتي، هترجع بالسلامة إن شاء الله. صوفيا: أنا أعرفه كويس، دا إنسان حقير، مافيش حاجة بتهمه غير الفلوس. أنا خايفة ليعملها حاجة. *** حاول إنه يتكلم معاها، لكن من غير فايدة، مش راضية ترد عليه. أرسلان: حياة، اتكلمي، حتى كلمة واحدة، عايز أطمن عليكي. حياة: ماتخافش ياقائد رماح، أنا كويسة، ماتزعجش نفسك علشاني. أرسلان: حياة، أنا هحكيلك على كل حاجة، بس مش دلوقتي، مش وقته إنك تفضلي زعلانه مني.

حياة: مابقاش في حاجة تهمني، كل اللي حواليا بيكذبوا عليا، كل اللي بحبهم كسروا قلبي.