رواية عشق بمذاق الجنون الفصل العشرون 20 - بقلم هايدي محمد

لتصدم وتندم من جديد الحب للغير مش ليك ابعد وخليك في احزانك وعيش اللي فاضل وانت حزين موجوع بتنتقم ومن جديد. وبعد فتره يوصل ادهم ويدخل على غرفته ليسمع صوت رنين هاتفه. ادهم: ايوه يا احمد. احمد: لاقتها لاقتها ادهم. ادهم: فين مكانكوا وانا جاي حالا. احمد: تعالي على مخزن .... بتاع ابو زياد. ادهم: تمام ساعه واكون عندك. اخذ كاميرا ونزل بسرعه. وبعد ساعه وصل ودخل وهو مش شايف من كتر العصبيه.

احمد: ادهم ممكن تهدى مش عايزين اي غلط. هي خلفت ومعاها بنتين وجبناهم معاها يعني هنهدد بيهم. ادهم: بنت ال ..... والله لاحرق قلبها. احمد: اهدي وبلاش العصبيه. ادهم: هي فين. احمد: تعالي. ودخلوا عندها. ادهم: شيل يابني البتاع اللي على عينيه. دعاء: بفزع وادهم. ادهم: وهو يضع كرسى ويجلس عليه بالخلف. ايوه ادهم يامدام يامحترمه. دعاء: عايز ايه منى وانت اتجننت ايه اللي عامله فيا ده. ليضربها ادهم على وجهها بالقلم.

ادهم: وانتي بتتكلمي مع اسيادك تتكلمي بادب واحترام فاهمه. دعاء: عايز ايه ياادهم مني. ادهم: تعرفي خالد منين. دعاء وهى تبلع ريقها بصعوبه. خالد خالد مين. ادهم: هههههههه بقولك ايه بلاش تلعبي معايا وانتي اللي هتتعبي. دعاء: اعرفه منين ازاي مش هو كان صاحبك. ادهم: بعصبيه وصوت عالى مخيف. كنتي تعرفيه من قبل كده صح. دعاء: بتوتر وقلق. انا لا. ليضربها مره اخرى. دعاء: قولتلك ماعرفوش. ادهم: احمد هات الامانة اللي عندك.

لياتى احمد باحدى بنات دعاء. ادهم: هتتكلمي ولا نخلص على الحلوة. دعاء: ادهم كله الا بناتي. ادهم: طيب انجزي. دعاء: ببكاء بناتي لا بلاش تدخلوهم وسط لعبكم القذرة. ادهم: لعبنا احنا ولا انتوا ياو....... دعاء: ببكاء عايز ايه ياادهم. ادهم: عايز اعرف تعرفيه من امتى وازاى وكل حاجة ومتحاوليش تلعبي او تكدبي فاهمه بناتك الاتنين تحت ايدي. احمد: ادهم تعالى ثوانى عايزك ضرورى. ليقوم ويخرج معاه. ادهم: خير يابنى.

احمد: سيبها يومين علشان نقدر ناخد منها كل اللي عايزينه. ادهم: مش هقدر. احمد: هي دلوقتي تحت ايدنا وماتخافش والوقت اتأخر يلا. ادهم: ماشي يلا. ليذهبوا الاتنين ويسبوها. مازن: حبيبت قلبي وحشاني ياموزتي. ليلى: ماتحترم نفسك بقى. مازن: مالك ياست مش مراتي. ليلى: العب بعيد يا شاطر. مازن: بس بقى نتكلم تتكلم جد بقى. ليلى: وماله. مازن: انا بسأل النجوم كل ليلة عليكي. ليلى: وتسأل النجوم ليه؟ ما تسألني أنا عادي.

مازن: تصدقي انا راجل وسخ اصلا اني بكلمك اقفلي يا ليلى اقفلي. ليلى: مالك يا زوز قفوش كده ليه خليك استريتش. مازن: حبيبتي والله انتي زي القمر بس لسانك ده اللي جايب لك الكافى. ليلى: تتكفي على وشك ماتقوم يابعيد. مازن: والله لاقفل ابو اللي يكلمك ياشيخة. ليلى: يا مازن يا زومة خد يا ض استنى بس. عاااااا قفل في وشي الكلب هيهيهيهي بس بحبه المجنون. ليقطع كلامها خبط على الباب. ليلى: ادخلي. لتدخل تمارا. ليلى: لولا عاملة ايه.

تمارا: ايه ده تمارا عندنا يا مرحبا يا مرحبا. ليلى: ومين كمان تاليا هانم ونبي شرفتوني. تمارا: بجدية أنا عايز اتكلم معاكوا شوية ممكن. ليلى: اكيد خير. تمارا: خير بس عايزة اقول كلمتين ليكوا تحفظوهم وتخلوهم معاكم على طول. تاليا: كلمتين ايه ياتيموا. تمارا: انتوا اخواتي واصحابي دي نصيحة ليكوا اوعوا تنسوها. خلوا بالكم من الثقة اللي بتوزعوها على الناس من غير حساب وبنلمها خذلان ووجع وحيرة وألم وبنكتشف أن احنا غلابة أوي.

خلي بينك وبين الناس حدود. متحكيش اسرارك لحد ومهما كنتي مخنوقة فضفضي للخالق مش للمخلوق لأنه عمره ما هيخذلك ولا هيتخلي عنك. ومهما كنتي حاسة نفسك وحيدة الأيام هتثبتلك أن الوحدة بتقوي مب بتضعفش. ليلى وتاليا وهما ينظرون لبعض. تمارا: إحنا محتاجين قلوب أوسع إنها تتحملنا. قلوب صادقة في مشاعرها. قلوب ميغيرهاش وقت ولا ظرف. قلوب نلاقي نفسنا جواها. قلوب تحس بمشاعرنا. قلوب ترسم البسمة في حياتنا من اهتمامها بينا من خوفها علينا.

من لحظة غضب ممكن نمر بيها. من لحظة ضعف ممكن نحس بيها. ليلى: تمارا انتي بتقولي كده ليه. تمارا: علشان خايفة عليكوا. اوعوا تفتكروا إن الحنان والأمان والسند والظهر في راجل هتتجوزيه أو تتخطبي له. السند اللي بجد هو ربنا لما تبقي موجوعة وترفعي عينك ليه وتقولي يارب أنا اهو تحت رحمتك واقفة ونفسي تبقى معايا. أمانك هو ربنا لما تحسي إنه معاكي في كل حاجة وإنه بيمنع عنك الأذى. أمانك هو شغلك وشخصيتك وكرامتك.

الحنان ده بين إخواتك وأهلك مش في راجل. الظهر ده أبوكي مهما كان بعيد عنك هو اللي هتلاقيه في ضهرك بعد ربنا فاهمين. كرامتك فوق أي حاجة. شخصيتك اوعي تتنزلي عنها عشان حد لأن في الآخر مافيش حد بيقدر. أنا مش بقولك إنك ماتحبيش لا حبى وعيشي بس خلي عندك حدود حتى لقلبك علشان لا قدر الله ولو لعب بيكي ماتتكسريش. واللي قال جملة "مفيش كرامة في الحب" دا إنسان مُهزق .. متسمعوش كلامه.

أي نوع علاقة في الدنيا لازم تكون مبنية على الكرامة والاحترام. الشخص أصلا لو مكنش عنده كرامة وقيمة وتعزيز لنفسه وكرامته عمره أساسا ما كان هيتحب لأنه هيبقي عبارة عن شئ ملوش قيمة ومحدش بيحب الحاجة اللي ملهاش قيمة. وحتى إن الحاجة اللي ملهاش كرامة دي حتى اتحبت حب وهمي مؤقت فا بيبقي سهل الاستغناء عنها في أي وقت بكل سهولة.

الغالي والعزيز بس هو اللي بيتمسك فيه يا جماعة. أما السهل الرخيص في كرامته عمره ما يتحب ولا يحلى في نظر حد.