رواية عشق في قلب صعيدي الفصل الحادي عشر 11 - بقلم اسماء السيد

عشق: بقولك يا حبيبي افتح التليفونات بقا، انت بقالك شهر قافلها وفاتهم قلقانين علينا. سليم: حاضر يا حبيبتي، كده كده احنا ماشيين الصبح. عشق: بجد والله، زعلت أنا كان نفسي أفضل هنا شوية كمان. سليم: هجيبك تاني يا قلب سليم، بس أنا عندي شغل متلتل. عشق: آه والله، دا أنا نسيت الشركة خالص، فات وليد محتاس. سليم بغيره: بقولك إيه، انتي هتفضلي جرا وليد دا وراكي كده كتير، شوفلك واحدة.

عشق: يا حبيبي، وليد ده زي زين بالظبط، والله وبعدين أنا بثق فيه جداً لدرجة إني سايباله الشركة بقالي شهرين، وهو متكلمش حتى، وأمين كمان. وبعدين هو متجوز وعنده بنوتة كمان وبيحب مراته. سليم: ماشي يا عشق، بس بلاش اختلاط كتير يعني. عشق: حاضر يا قلبي، أنا هقوم أجهز الشنط. فسليم شدها عليه. سليم بخبث: هو لازم دلوقتي تجهزي الشنط يا قلبي. عشق: أيوا يا حبيبي لازم عشان هنمشي بكرة الصبح، يلا سيبني. سليم: لا مش هسيبك.

عشق فجأة بصت ناحية البلكونة. عشق: سليم، هو مين اللي في البلكونة دا؟ فبص سليم، وعشق استغلت الفرصة وبسته من خده وجريت. سليم: هتروحي مني فين؟ مسيرك يا ملوخية تيجي تحت المخرطة، ماشي يا عشق، أنا هوريكي. ودخل ياخد شاور. وعشق كانت بتجهز الشنط وفجأة طلع حضنها من ضهرها. عشق: انسي يا سليم. سليم: بت انتي متستفزنيش، والله أعلقك. عشق لفت له وحاوطت رقبته بإيديها. وقالت بدلع: عشق بدلع: آهون عليك يا سولم، تعلقني؟ يخص عليك.

سليم: لا متهونيش عليا يا قلب السولم، بس خد بالك، دلعك ده هيوديك في داهية. عشق: أنا جعانة يا سليم. سليم: حاضر، هطلبلك أكل، بس انتي بتهربي، ماشي يا عشقي، العبي بنار حلو، بس خافي مني. عشق: مرات سليم القناوي متخافش من أي حد، وبعدين بتعمل اللي هي عايزاه. سليم: يخربيتك عليكي في التثبيت يا بت. عشق: أنا؟ يخص عليك يا سليم. فجأة سليم شالها وحطها على السرير. في قصر القناوي، كانوا متجمعين على العشا، ورامي دخل هو وكريم وقعد.

رامي: ريحانة فين تاليا؟ ريحانة: والله ما أعرف، من ساعة ما طلّعتها أوضتها وهي منزلتش، دي حتى مرضيتش تاكل أي حاجة. ريان: مين تاليا؟ رامي: دي واحدة خبطتها بعربيتي الصبح ورجليها اتعورت، فجبتها هنا عشان بيتها في محافظة بعيدة عن هنا. مجدي: كتر خيرك يا ابني، أنا والله حبيتها، باين عليها غلبانة. منار بغل: ماهو هتلاقيها داخلة على طمع، أنا عارفة الأشكال دي كويس.

رامي بغضب: احترمي نفسك يا منار، هي على فكرة أطيب وعينها مليانة عنك، هي مكنتش عايزة تيجي بس أنا اللي أصرت عليها، وبعدين هي مش داخلة على طمع زيك، كل همها الفلوس والمظاهر والتكبر على خلق الله زيك. منار بغضب: والله ماشي يا رامي. لاحظ إن صاحبة البيت ومش جاية من الشارع زي البت دي، والست عشق.

الجد مجدي بجمود: احترمي نفسك يا منار، لو كانت عشق هنا أو سليم كان فاتك، اتخرستي، بس أنا موجود والقصر ده بتاعي، واللي كبره سالم وأحمد الله يرحمهم، وأبوكي كان بره مسافر، ومن بعدهم سليم، فاهمة يا بنت كريمة؟ منار بخوف: يا جدي، أنا مكنش قصدي، أنا كن... قاطعها ماجد. ماجد: اخرسي بقى، أبويا عنده حق، انتي إيه؟ اخرسي. وقامت منار وطلعت على فوق. وماجد اعتذر لمجدي. وراح رامي قال لسعيدة تجهز أكل وتجيبه أوضة تاليا وطلع فوق عندها.

وخبط على الباب وتاليا قامت لبست إسدال فتحت لرامي. رامي بمرح: صحي النوم، ساعة بخبط يا ست تاليا. تاليا: أنا آسفة، بس كنت في الحمام. رامي: مش مشكلة، انتي مأكلتيش ليه بقا؟ تاليا حطت وشها في الأرض بكسوف. تاليا: ماليش نفس يا أستاذ رامي. رامي: بلاش أستاذ دي، خليها رامي، وأنا وصيت سعيدة وهيا هتطلعلك أكل، أنا عارف إنك ميتة من الجوع بس مكسوفة، عادي يا ستي البيت بيتك. وتاليا بصت له بصدمة إنه إزاي عرف إنها ميتة من الجوع.

تاليا: شكراً يا رامي على مساعدتك ليا. رامي: يا ستي ولا يهمك، عن إذنك، أنا هروح أنا، أنا بقى سلام. أنا أوضتي اللي جنبك دي لو احتجتي أي حاجة خبطي عليا. تاليا: تمام يا رامي، متشكرة. وسابها رامي ودخل أوضته. وسعيدة طلعت الأكل ودخلته لتاليا. وهي فرحت جداً وشغلت فيلم وقعدت تاكل بجوع شديد لحد ما شبعت وقامت قفلت النور ونامت. تاني يوم الصبح صحي سليم وعشق وفطروا ولبسوا وطلعوا على المطار واتجهوا لمصر.

وطول الطريق عشق نايمة في حضن سليم. وبعدين وصلوا مصر وركبوا العربية وطلعوا على الصعيد. في قصر القناوي على الغدا، وكانت عيلة الجبالي هناك معزومين. ودنيا حبت تاليا جداً وهيا حبتهم ونزلوها على الغدا معاهم. مجدي: صحيح يا يعقوب، اومال عشق وسليم هيجوا امتى؟ الواد ابن الكلب من يوم ما اتجوز وهو معديني. يعقوب بضحك: معلش يا مجدي، أنا بنتي مش أي حد بردو. زين: دي مجنونة أكيد مصدع سليم دلوقتي، ههههه.

دنيا: تب اسكت بقى عشان لو عشق سمعتك هتنفخك. زين: ولا تقدر تعمل حاجة، دي بوق عيلة مجنونة. وفجأة سمع صوت من وراه وكانت عشق وبتقول: عشق: والله أنا بوق. زين: عشق حبيبتي، ست الناس. الجميع ضحك عليه. وقاموا سلموا عليهم، ومنار وكريمة هيولعوا. عشق: انتي مين يا سكر؟ تاليا: أنا تاليا، ضيفة يومين وهمشي. عشق: متخافيش يا حبيبتي، هتمشي ليه؟ رامي: أنا خبطتها بالعربية امبارح، وهيا من محافظة تانية، فجبتها هنا.

عشق بمرح: يعني عبيط و أحول كمان. والكل ضحك. سليم بضحك: يا بنتي اقعدي بقى. عشق: طيب، بس متزقش، تخيلو مجوعني بقاله شهر مبيأكلنيش. سليم بص لها بصدمة. سليم: يخربيتك، أنا مكنتش بأكلك، دي خربت بيتي على الدليفري، هههه. تب والله كدابة، كنتي كلتيني أحسن يا ست عشق. بلاش أقول على يوم البشاميل، فاكرة. وهمس لعشق. بوسة وحضن. ورامي: إيه اللي حصل مع البشاميل؟ سليم بخبث: يوم البشاميل حص... وفجأة عشق كتمت بوقه.

عشق: محصلش حاجة، دا عادي، انت مالك يا رخيم. وقربت على سليم بهمس. وحيات أمك هديك بوسة وحضن، بس بلاش فضايح. وبعدين شالت إيديها. سليم: كان تحفة، أكلنا وخرجنا، ههههه. كل ده ومنار هتولع من الغل. زين: أيوا يا عم، أنا عندي خبر حلو، مرضيتش أقول غير قدامكم. عشق: قول يا عم، انجز. زين بفرحة: دنيا حامل في توأم. عشق: بجد يا دنيا، ألف مبروك. وقامت حضنتها والكل بارك لهم. منار بغل: أخيراً حملتي بعد أربع سنين. كان زين هيتكلم.

عشق: سيبلي أنا الطلعة دي. ووجهت نظرها لمنار. والله يا منار، على الأقل اتجوزت وحملت وقلبها أبيض وسكرة والكل بيحبها، إنما الدور والباقي عليكي. انتي عندك 26 سنة ولسا بايرة ومشفتيش كلب خبط على الباب، وانتي مستنية حاجة مش هتاخديها، لأن بالعربي سليم ده جوزي وملكي أنا وبس، إنما انتي هتفضلي بايرة، متطلعي كده بره تشوفي لك عريس ولا حاجة، أصلك عنستي ومعملتيش أي حاجة في حياتك غير الصفار والغل.

أنا مش قصدي أشتمك أو أهينك، أنا بوصفك يا مرمر. والكل مصدوم من الرد. منار بغل وحقد: قصدك إيه يا عشق؟ على الأقل أنا بنت القناوي بدم، مش عايشة مع ناس مش أهلي. وكان سليم ويعقوب هيردوا، بس فجأة عشق هبت واقفة ورزعت بإيديها على الترابيزة واتعصبت. عشق بغضب: أنا عشق الجبالي وبنت يعقوب الجبالي، فاهمة؟ ولو كنتي بتبني بس رافعة راسي، وفي أي حتة بيفتخر إني بنته، بس وربي يا بنت كريمة لهوريكي اللي عمرك ما شفتيه.

خافي مني، وأنا بقولك قدام الكل، مع احترامي لجدي، بس انتي أنا مشوفتش في رخصك يا بت، والله جتك الهم. وسابتهم وطلعت. ومنار اترعبت. سليم بغضب جحيمي: والله يا منار لو ملمتي نفسك بعيد عن مراتي، لهزعلك. ياريت يا عم ماجد، يابني، تربي بنتك، لاما والله هرميها بره القصر كله، وأنا حذرتكم كذا مرة، اللي هيفكر يأذي مراتي، هيزعل مني، وبيتهيألي إنكم عارفين غضبي كويس. عن إذنك يا جدي. وطلع ورا عشق.

يعقوب: ياريت يا ماجد، تبقى تعلم بنتك الأصول وتربيها شوية. ماجد: حقك عليا يا يعقوب، أنا آسفة ليكم والله، يا منار لو ملمتي نفسك لهقتلك وأريح راسي منك خالص، لمي بنتك يا كريمة. كريمة بغضب: ويعني بنتي كانت عملت إيه؟ ماهيا اللي قالت أدبها الأول. مجدي بجمود: كريمة، غوري انتي وبنتك من وشي، ده أنتم شياطين، غوري. وكريمة أخدت منار وطلعوا. معلش يا يعقوب، حقكم عليا.

عند عشق وسليم، كانت عشق متعصبة جداً وغيرت ولبست بيجامة وكانت غضبانه جداً. سليم: متزعليش يا حبيبتي. عشق بغضب: أنا مش زعلانة، أنا ميفرقليش الكلام ده. سليم: طب اهدي كده وكله هيكون تمام. عشق: مفيش حاجة هتكون تمام، طول ما أنا قلبي محروق على أمي، يا سليم، أنا بتقطع كل يوم ومحدش شايف ولا حاسس. سليم بضيق: خلاص، متزعليش عشان خاطري، خلاص، أنا جنبك يا عشق. عشق: سليم، أنا بجد معتش قادرة.

سليم: اهدي يا عشق، خلاص، متزعليش، هي في مكان أحسن. عشق: أنا مش زعلانة، أنا مقهورة إني خسرتها بسبب كلب زيه، بس والله ما هسيبه إلا أما أقتله بإيدي دي. سليم: اهدي يا عشق، اهدي بقى. وحضنها جامد، وهيا انهارت من العياط وشدت من حضن سليم، وهو حضنها جامد. عشق ببكاء: عشان خاطري يا سليم، أو إوعى تسبني زيها، أنا مليش غيرك. سليم: وأنا عمري ما هبعد عنك. وأخدها على السرير لحد ما نامت. ودخل أخد شاور وطلع.

وراح قعد على الكنبة وهو بيفكر في حق أبوه وحق عشق من أبوها. ومن كتر التفكير نام. وبعد شوية صحيت عشق ملقتش سليم، فدورت لقيته على الكنبة، فأخدت غطا وراحت نامت جنبه وحضنته من ضهره واتغطوا. وهو حس بيها فلف، أخدها في حضنه ونام. عند منار وكريمة. منار بغل: أنا تعبت يا ماما، أنا جبت آخري من البت دي. كريمة بخبث: اهدي يا حبيبتي، أنا هندمها بنت الجبالي، بس اصبري علي. منار: هتعملي إيه؟ ما على يدك دبرنا، الحبسة، وهيا طلعت منها.

كريمة: يابنت، اتقلي، ده أنا هخليها تلف حوالين نفسها، بس اصبري على أمك شوية. منار: أنا مليش دعوة، أنا تعبت، تجيبي لي حقي. كريمة: أنا هقولك نعمل إيه. هنعرف بعدين. منار بخبث: يابنت اللعيبة يا ماما، دي هتموت أو تنجلط فيها، ههه. وقعدوا يضحكوا. تاني يوم الصبح صحي سليم ومرضاش يصحي عشق. وقام شالها، نيمها على السرير، ولبس وباسها ونزل اتجه للشركة. وهيا لسه نايمة. على الفطار. سليم: صباح الخير. الجميع: صباح النور.

صفية: فين مراتك يا ولدي؟ سليم: لسه نايمة. ياما، وأنا سبتها عشان تعبانة، أنا همشي أنا. منار وكريمة بصوا لبعض بخبث. وبعد ما خلصوا، كل واحد راح يشوف هيعمل إيه. وتاليا كانت قاعدة هيا وريحانه وحبتهم. تاليا: بس عشق طلعت جميلة أوي يا ريحانة. ريحانه: مش قولتلك هتحبيها. تاليا: فعلاً والله حبيتها أوي، بس باين عليها مبتسبش حقها.

ريحانه: هيا عشق كده، مبتسكتش، عمرها ما خدت الكلام وعيطت، من يوم ما عرفتها وهي بتقف لمنار وأمها، عشان كده منار بتكرها هيا وأمها. ريحانه: الله صحيح يا تاليا، انتي من أنهي محافظة؟ تاليا بتوتر: لا، ما هو الصراحة. وحكت لها على كل حاجة في حياتها. ريحانه: يا حبيبتي، ربنا يرحمهم، خلاص، خليكي قاعدة معانا، أنا حبيتك أوي أوي، انتي طيبة. تاليا: والله وأنا كمان حبيتك جداً، بس مش هينفع. عند عشق، كانت لسه صاحية ودورت ملقتش سليم.

وقامت دخلت الحمام ولبست البرنس وطلعت. لقت تعبان كبير في وشها، فاترعبت وحاولت تنده على سليم بس محدش كان سامع. ودخلت الحمام وقعدت على الأرض. وكانت خايفة جداً. وقامت وقفت وشجعت نفسها. عشق: أنا عشق الجبالي ومرات سليم القناوي، هخاف من تعبان؟ لا. أنا عارفة إنها من منار وأمها، بس أنا هجلطكم، استنوا عليا. وطلعت عشق ولقيت التعبان على الكنبة. فجريت فتحت الدرج اللي جنب السرير وطلعت سلاح سليم ودخلت الدريسنج.

جري لبست هدومها وطلعت. ولقت التعبان على الأرض، فضربته بنار. والكل اتجمع تحت على الصوت. مجدي: إيه الصوت ده؟ رامي: ده ضرب نار جاي من فوق. ريان: ممكن تكون عشق جرالها حاجة. ومنار وكريمة مبسوطين جداً. وفجأة لقوا عشق نازلة شايلة التعبان بعد ما مات. وكلهم مصدومين من حجم التعبان ومنها. ورمته على منار، وهيا صرخت. مجدي: إيه دي يا عشق؟ عشق بغضب: انتي خايفة دلوقتي، اومال لما كنتوا بتحطوه كان حلو. وكلهم اتصدموا.

كريمة بتوتر: إيه يا بت، انتي هيا أي حاجة تحصلك هتلبسيها فينا؟ عشق بغضب جحيمي: أنا مرات سليم القناوي، مش أنا اللي أخاف من حتة تعبان، بس الله في سماه يا كريمة، انتي وبنتك لهتشوفوا مني وش، هنتفاجئ بيه إحنا الاتنين، عشان أنا جبت آخري منكم، وانتِ عارفة كويس إني مش غلطانة، وأنتم اللي عملتوها عشان يقتلني، صح ولا إيه؟ مجدي: فيه إيه يا عشق؟ هما عملوا كده بجد؟

عشق: يا جدي، مفيش ناموسة تعرف تعدي من الحرس اللي بره، وأنا متأكدة إنهم اللي عملوها، زي ما عملوا أكتر من كده. عن إذنك، أنا خارجهم. مجدي: على فين يا بنتي؟ عشق: خارجة أشم هوا، بس والله ما هسيبهم وهزعّلهم مني جامد، ويا ريت تخافوا من غضب عشق الجبالي، عشان أنا جوايا وحش لو طلع، هيحرق الكل، وأنا مش راضية أشغل دماغي عليكم، عشان والله ما هتستحملوا اللي هعمله فيكم. عن إذنكم. وخرجت أخدت عربية وطلعت عند سليم في الشركة.

رامي: بجد عشق دي أجمد بنت أنا شفتها. ريان: وأنا والله، يابخت سليم بيها، بت بميت راجل ده. صفية: يلا يا لمض انت وهو على شغلكم. مجدي: ربنا يسترها عليكم، لما سليم يعرف. كريمة بتوتر: هيعمل إيه يعني؟ هيضربني؟ مجدي: انتي عارفة يا كريمة، إن غضب سليم وحش قد إيه، وأنا بقولكم خافوا على نفسكم من عشق قبل سليم، جتكم الهم. وصلت عشق ودخلت وهي لابسة نضارة شمس، والكل عارفها، لأنها شريكة معاه في مصر، وكل الشباب عينهم هتتخلع عليها.

ودخلت على المكتب على طول. سليم بخوف: عشق حبيبتي، إيه اللي جابك؟ عشق بدموع: سليم. وجريت اترمت في حضنه، وكانت بتترعش من الرعب، وهيا في حضن سليم. سليم: اهدي يا حبيبتي، إيه اللي حصل بس يا قلب سليم. عشق: أنا خايفة أوي يا سليم. سليم: من إيه يا نور عيني؟ فيه إيه؟ عشق: كان في تعبان في الأوضة يا سليم. وعيطت جامد. سليم بصدمة: تعبان؟ وإيه اللي هيدخله القصر؟ إزاي حصل؟ انتي كويسة؟ فيكي حاجة؟

عشق بخوف: لا، أنا كويسة، أصل أنا قتلته بسلاحك. سليم حضنها جامد. سليم: طب اهدي، الحمد لله إنك بخير. بس مين اللي جابه القصر؟ عشق: معرفش، أنا طلعت من الحمام ولقيته في وشي. سليم بغضب جحيمي: والله اللي عمل فيكي كده، ما هرحمه يا عشق، اهدي يا حبيبتي بقى خلاص. وعشق هدت وسليم فكها وضحكها. وبعدين فضلوا يشتغلوا مع بعض، وبعد كده أخدها اتغدوا بره وجاب لها حلويات وتورتة آيس كريم. وفرحها. وبعد كده راحوا على القصر.

ودخلين بيضحكوا ومبسوطين. وأول ما منار وكريمة شافوا سليم، اترعبوا. دخل سليم وقعد في الصالون معاهم، هوا وعشق جنبه. ريحانه: انتي كويسة يا عشق؟ عشق: أيوا يا حبيبتي، أنا تمام. صفية: إيه اللي رجعك بدري يا سليم؟ مش عوايدك. سليم: عادي يا ماما، أصل خلصت شغل بدري النهارده، بس الله صحيح، مين اللي حط تعبان في أوضة مراتي؟ مجدي: اهدي يا سليم. حصل خير يا ولدي.

سليم بغضب: لا ما حصلش خير، مش سليم القناوي اللي كل مرة يتعمل في مراته حاجة ويسكت، انت يوم السم اللي كان في العصير، أنا سكت عشان خاطرك، إنما توصل لتعبان، افترض كانت ماتت يا جدي، كنت هعمل إيه؟ هموت وراها، فاهمين؟ عشق: اهدي يا سليم، اهدي يا حبيبي، خلاص.

سليم بغضب: لا مش خلاص، بتهيألي يا عم ماجد، إني حذرت مراتك وبنتك مني كتير أوي، وانت مأخدتش موقف خالص، لاما والله العظيم لو أنا غضبي اللي مخبيه طلع، ما هفرق بين كبير ولا صغير، ماشي يا عم ماجد، أنا رديت عليك، وماتكلمتش معاهم، أنا كده يا جدي، عداني العيب، وزح. ماشي يا جدي. كريمة بتوتر: وانت إيه اللي أكد لك إن أنا وبنتي اللي عملنا كده يا سليم؟

سليم بغضب: أنا متأكد إنكم اللي عملتوها يا كريمة، لأن محدش يتجرأ يعمل كده في سليم القناوي إلا انتي وبنتك، بس والله لهوريكم اللي عمركم ما شفتوه. وسابهم وطلعوا. عشق طلعت وراه. دخل سليم رما الجاكت على الكنبة وقعد. وعشق دخلت. عشق: اهدا يا سليم، أنا كويسة وخلاص. سليم بضيق: لا مش خلاص، أنا مش هقعد أتفرج وهما بيأذوكي، انتي ملكي وأنا محدش يأذي حاجة ملكي. عشق كانت عارفة هتهديه إزاي، وقربت منه وحاوت رقبته بإيديها.

عشق بدلع: خلاص يا حبيبي، أنا كويسة، الحمد لله. وفجأة شدها سليم على رجله ودفن وشه في رقبتها. سليم بخبث: انتي فاكرة إنك كده بتهديني يا عشق؟ عشق: مش القصد، بس خلاص يا قلبي، حصل خير. سليم بغضب: قولت محصلش خير، فاهمة؟ طول ما انتي كنتي هتتأذي، أنا عمري ما هرتاح ولا هيكون فيه خير، فاهمة. عشق بتوتر: فاهمة، حاسب عشان أقوم. سليم بخبث: تؤتؤ، مش هسيبك. عشق: سيبني يا سليم، أقوم.

سليم: لا مش هسيبك، انتي خلاص لعبتي بنار، فاستحملي يا عشقي، انتي دخلتي عرين الأسد. عشق بخوف: هتعمل إيه يا سل... سليم. سليم بخبث وقام شالها: كل خير يا حبيبتي. أكرم: عملتوا إيه في الصفقة الجديدة؟ هشام: إنشاء الله يا باشا، السلاح بتاع الصفقة اللي فات اتباع كله، بس الجديدة طالبين فيها كتير حبتين. مجهول: أنا بقول يا باشا إننا ناخدها وندفع، لأن عمر رجب ما جاب لنا بضاعة وحشة.

أكرم: عندك حق، خلاص هنشتري، بس خليه يدينا عليه كام كيلو كوك*ين عشان نمشي السوق. هشام: تمام يا باشا، أنا هكلمه النهارده وأخليه ييجي ونتفق معاه على كل حاجة. أكرم: تمام يا هشام، صحيح، عملت إيه مع البت اللي أخدت منك المناقصة؟ هشام بغضب: والله ما هسيبها، بنت الجبالي، بس أفوق لها بس. المجهول: أنا شايف إنها مجرد بنت متعرفش حاجة يا جدع. هشام: مين دي اللي متعرفش؟

دي عشق الجبالي، دي صغيرة أه، بس مبتسبش حقها، دي بت دماغها ذرية حرفياً، تخيلوا راحت أمريكا، وأخدت حديد تمنه مليون دولار، جابته بنص مليون، لا عشق الجبالي مبتسكتش ومش سهلة، أنا عمري ما شفت بت كده، بس والله لهدمرها، بنت الجبالي، وكمان متجوزة من سليم القناوي، وهو ضرب أخويا، أنا مش هسيبهم في حالهم، بس أفوق لهم بس، ولا الك*ب ده، أنا هشام السيوفي. المجهول: ياه، للدرجادي؟ عشان كده كريمة وبنتها بيكرهوها. هشام: كريمة مين؟

المجهول: مرات ماجد القناوي، بس إيه شيطانة يا جدعة. هشام بخبث: والله دي أحلوت أوي. أكرم: بقولك إيه، انت وهو، البت دي آخرها طلقة، تمام؟ يبقا تركزوا في شغلكم، ونبقى نشوفها بعدين. الاثنين في نفس واحد: تحت أمرك يا بوص. عند عشق، بليل كانت بتشتغل في اللابتوب وبتكلم وليد في التليفون، وسليم كان بياخد شاور وطلع عاري الصدر، وعشق كانت مندمجة لدرجة إنها مأخدتش بالها إنه طلع. وهو فضل واقف جنبها.

عشق بجمود: اسمع يا وليد، أنا أرباحي الشهر ده ناقصة 5% تمام، أنا في حد بيلعب من ورايا في الحسابات. وليد: يا عشق، والله أنا ما عارف، أنا محتاس. عشق: معلش، بس حالا، ابعت لي حسابات التلت شهور اللي فاتوا على اللابتوب، تمام. وقفت. سليم: مراتي بزين ومان يا جدعان. عشق: الله، انت خرجت امتى؟ سليم: من ساعة، الخمسة في المية. عشق: مش عارفة يا سليم، أنا قلبي قلقان أوي. وسليم قفل اللابتوب وشدها على رجله. سليم بحنية: من إيه يا قلبي؟

انتي قلقانة وأنا جنبك. عشق: مش عارفة، حاسة إن هيحصلي حاجة. وسليم حس بنغزة في قلبه وحضنها جامد، وهيا حضنته جامد وعيطت. عشق: سليم. سليم: قلبه و روحه، نعم. عشق: أنا عايزك، لو مت، متحبش غيري، ممكن أكون أنانية، بس أنا حبيتك لدرجة تجنن، متسبنيش يا سليم. وسليم اتصدم. سليم: عشق، انتي كويسة يا حبيبتي؟ وبعدين بعيد الشر عليكي، اومال من هيجيب سليم الصغير؟ حاكم خدي بالك، أنا عايز 10 عيال. عشق بصدمة: عشرة؟ ياسليم؟ ليه متجوز أرنبة؟

أنا مش هجيب الأعداد دي، أنا آخري واحد أو اتنين بس، وإن قدرت كمان. سليم: لا يا حبيبتي، هما 10، ولا أقولك، خليهم 15، قولتي إيه؟ عشق: نعم؟ دانتا عايز فارة مش أرنبة على كده. وسليم بص لها شوية، وبعدين انفجر في الضحك، وهيا اتغاظت. سليم: تعالي نشوف انتي فارة ولا أرنبة. وشالها واتجه للسرير. عند ريان، كان خلص شغل وماشي وطلع بالعربية، فجأة طلعت قدامه بنت، وكانت روح، ووقف ريان.

وهيا أول ما شافته، وقفت وراه، وهو مصدوم، وهيا بتعيط ومرعوبة. بس فجأة لاقي أربع شباب جايين وراها. الشاب: اديني المزة يا شبح وامشي من سكات. ريان بثبات وروح مسكت فيه أكتر: هيا تبقالكو حاجة ولا إيه؟ أصلي عايزها معايا. الشاب: لا، البت دي بالذات تخصنا، دي فتحت دماغ الواد. الشاب التاني: والله ما هسيبك يا بنت ال*ب. ريان برفعة حاجب: انتي إيه حكايتك مع فتح الدماغ يا بنتي. وراح قلع الجاكت، حطه في العربية، ورفع كم القميص.

الشاب: خلص يا جدع، انت أحسن، بالله ندفنك هناري. ريان ببرود: وبعد عن روح: أهي عندكم أهي، خدها، أنا معرفهاش. وروح اتصدمت. وفجأة الشاب لسا هيمد إيده، لقى بوكس في وشه، واللي كان من ريان. وكلهم جريوا يضربوه، بس حصل اشتباك شديد. وروح منهارة. وبعد وقت، ريان خلص وراح عند روح. ريان: اهدي خلاص، اهدي. وفجأة روح حضنته جامد، وهو اتصدم، وهيا اغمى عليها. فشالها وحطها في العربية وفوقها وعطاها ميه.

ريان ببرود: ممكن تقوليلي إيه اللي يخلي بنت زيك كده تيجي هنا دلوقتي؟ روح بدموع: والله أنا أمي ماتت من 6 شهور، وجوز أمي بلطجي، واخد من أمي الشقة قبل ما تموت، وكان عايز يغتصبني، بس أنا عرفت أهرب، ورجالته كانوا بيجروا ورايا، وفتحت دماغ واحد، ورشيت في وشهم تراب وجريت، ولحد ما قابلتك. أنا دلوقتي لا عندي لا خال ولا عم ولا أي حد، ومش عارفة أعمل إيه. ولو رجعت البيت، معرفش هيعمل فيا إيه. ريان: اهدي بس يا روح. روح: اسمي روح.

ريان: خلاص، اهدي يا روح، ثواني وجاي. ونزل وقف بعيد عن العربية ورن على سليم وحكاله كل حاجة. سليم: هاتها، عقبال ما نشوف لها مكان قريب. ريان: متأكد يا سليم؟ سليم: هاتها يا ريان. وقفل. عشق: فيه إيه يا حبيبي؟ سليم: ريان شاف بنت. وأنا قلت له هاتها. عشق: عملت الصح، بس ربنا يرحم أمها. عند ريان، راح عند روح. ريان: آنسة روح، انتي ممكن تيجي معايا القصر وتقعدي يومين، عقبال ما أشوف لك شغلانة ولا بيت، أو حاجة. روح: قصر؟

وأنا مينفعش أقعد معاك لوحدي. ريان بسرعة: لا لا، أنا معايا عيلتي، قولتي إيه؟ روح باستسلام: تمام يا حضرة الظابط. ودريان دور ومشير. ريان: قولولي بقا عندك كام سنة؟ روح: عندي 23 سنة. ريان: خريجة إيه؟ روح: هندسة معمارية. ريان: ما شاء الله، ممكن أكلم لك عشق تشغلك معاها؟ روح: مين عشق؟ ريان: مرات ابن عمي. روح: شكراً يا ريان. ريان: اسمي ريان. روح: شكراً يا ريان بيه. ريان: بلاش بيه دي، خليها ريان وخلاص. روح بصت له وسكتت.

ووصلوا القصر ودخل وروح خايفة. كريمة: مين دي يا ولا يا ريان؟ ريان: دي روح. منار: آه، وجاية ليه بقا إنشاء الله؟ مش كفاية علينا ست تاليا. وروح حطت وشها في الأرض ودموعها نزلت. ريان بغضب: ملكيش فيه يا منار، تمام؟ كريمة بغضب: ملناش فيه إزاي؟ طلع البت دي برا حالا. صوت من وراهم: دي ضيفتي أنا. وكانت عشق. منار: ليه إنشاء الله؟ كان قصرك واحنا منعرفش. سليم: لا، قصر جوزها. كريمة: واحنا مش عايزينها هنا يا سليم.

روح بدموع: أنا آسفة، أنا ممكن أمشي. عشق: لا، انتي مش هتمشي، انتي ضيفتي، وكريمة ومنار ملهمش دخل. منار بغل: متدخليش انتي يا عشق، إحنا أحرار. عشق بغضب: والتكبر على خلق الله مش حرية يا منار، وبعدين انتي مالك؟ روحي شوفي لك حد غلي عليه، انتي وأمك. تعالي يا حبيبتي، أوديكي أوضتك. كريمة: انت راضي بكلام مراتك يا سليم؟ دي احترام. سليم: طول ما مراتي مغلطتش، أنا راضي، طول ما هيا مع الحق، أنا موافق. وسابهم وطلع. عند عشق.

عشق بحب: إيه رأيك في الأوضة؟ روح بإنبهار: الله، دي قد شقتي. عشق: مبروكة عليكي يا حبيبتي. روح: انتي شكلك طيبة أوي والله، مش انتي عشق؟ عشق بضحك: أيوا أنا عشق، لا بقا دا أنا أشهر من نار على علم، بقا ههههه. روح: ههههه، بجد انتي عسولة أوي. عشق: تسلمي يا حبيبتي، بكرة بقا هعرفك على العسولات الباقيين. روح: تمام يا عشق، شكراً. عشق: الشكر لله يا حبيبتي، أنا هخليهم يحضروا لك أكل وهجيب لك إيه حاجة من عندي تلبسيها، تمام؟

روح بخجل: لا شكراً، ملوش لازوم. عشق: لا بقا عيب، دا انتي في بيت الكرم، عن إذنك. وخرجت عشق. وروح جريت تتنطط على السرير بفرحة. عند عشق. نزلت طلبت منهم يعملوا أكل وراحت أوضتها ودخلت الدريسنج. جابت بيجامتتين وطقمين خروج وراحت عند روح. عشق: بصي بقا يا ستي، أنا جبت لك أحلى لبس عندي. روح: كتر خيرك والله، ما عارفة أقولك إيه، ربنا يخليكِ. عشق: متقوليش كده، انتي زي أختي بردو. والباب خبط وكان الأكل.

عشق: أهو الأكل وصل، ألف هنا، تصبحي على خير، لو احتجتي حاجة، أنا الجناح بتاعي في الدور التالت، تصبحي على خير. روح: وانتي من أهلها يا حبيبتي.