رواية عشق في قلب صعيدي الفصل الثاني عشر 12 - بقلم اسماء السيد

عشق طلعت من عند روح وراحت الجناح بتاعها. مَلَقِتش سليم، وخبطت على الحمام مَلَقِتوش. قعدت تدور عليه شوية، ولحد ما لقته في الجنينة واقف بيدخن وسرحان. اتجهت عنده وحضنته من ضهره. عشق بحب: سرحان في إيه يا حب عمري كله؟ أوعى تكون بتفكر تخونّي يا سليم؟ سليم: أنا حب عمري كله بجد يا عشقة. عشق: آه والله، أنا بحبك أوي يا سليم. سليم: وأنا بعشقك يا عشق. عشق بمرح: طب يلا اِطفي القرف ده، خنقتني.

سليم: بس كده. حاضر. ورماها على الأرض وداس عليها. عشق: أيوة كده، أنا جوزي شطور بيسمع الكلام أهو. ولفت إيديها حوالين رقبته، وهوا شدها من وسطها لعنده. سليم بحب: متجيبي بوسة. عشق بخجل: بس يا سليم، أحسن حد يشوفنا. ابعد. سليم بخبث: تؤ تؤ، مش هبعد. انتي مراتي لو مش واخده بالك. عشق بكسوف: سليم ابعد يا قليل الأدب، فيه واحد جاي من الحرس.

وسليم بص، فهربت منه وطلعت تجري، وهوا جري وراها. وكل ده وما خدوش بالهم من منار اللي عينها كلها غل من البلكونة وبتتفرج عليهم. عشق بضحك: ارجع يا مجنون، انت بتجري ليه؟ ههههه. سليم بضحك: والله ما هسيبك أما تجيبي بوسة. ههههه. عشق: بعينك يا سافل يا قليل الأدب. ههههه. سليم بخبث: ماشي، مش عاوز حاجة. عشق بشك: انت فاكر إنك كده بتضحك عليا؟ ههههه. سليم: يستي خلاص، أنا مش عاوز حاجة. عشق: تمام، عدّيني عشان أمشي.

سليم: ما تعدي أهو. وفتح لها سكة، وهيا عدت. بس فجأة مسكها، وهيا كانت هتقع في البيسين، فمسكت فيه ووقعت معاه. وعشق غطست لأن الماية كانت سقعة، وسليم جابها وهيا اتعلقت فيه، ولفت إيديها حوالين رقبته ورجليها حوالين خصره. سليم: انتي كويسة يا عشقي؟ عشق: آه كويسة. أنا آسفة بس... سليم: خلاص، متتأسفيش. أنا اللي حمار عشان مَلحقتش أمسكك. وعشق فضلت تبصله شوية وانفجرت في الضحك. عشق بضحك: ههههههه، هموت.

سليم بغيظ: انتي بتضحكي على إيه؟ عشق بضحك: عليك يا حمار قلبي. هههههه. سليم بخبث: ماشي يا عشق. وفجأة باسها، وهيا اتجاوبت معاه ومسكوا في بعض أكتر. ومنار شايفة اهما وهتتجلط حرفيًا من اللي بيحصل. وسليم بعد عنها لما حس إنها محتاجة أكسجين. وحط جبينه على جبينها وكان بيتنفس بصعوبة. وعشق مكسوفة، وراح حطها على حافة البيسين وطلع قعد. سليم: متتكسفيش، أنا زي جوزك بردوا. عشق: أنا مش مكسوفة.

سليم: ما هو باين، ده انتي قلبتي فراولة. ههههه. عشق فجأة انفجرت في الضحك. سليم برفعة حاجب: بتضحكي على إيه؟ عشق بضحك: افتكرت حتة مقلب. ههههه. سليم: احكيلي.

عشق: كان عندي 10 سنين، وزين كان 17 سنة. وكل ما كنت أنزل البيسين أنا وهو، يقعد يغلس عليا ومبعرفش ألعب. فبابا وماما كانوا بيشوفوا جنبنا في الجنينة، فطلعت وقلتلهم. وبابا قال لزين ملوش دعوة بيا وزعقله، وزين اتغاظ. وأنا كنت بطلعله لساني. وكان في مسمار كبير كده فشلني، علقني عليه وكان بيضحك عليا. فأنا اقسمت إني هانتقم منه. وبعد شوية نزلني واتغدينا. ونزل تاني، وأنا كنت بخاف. فهو كان بيغطس وبيحط ميه في بوقه ويطلعها زي النافورة كده. وبعدين جاتلي فكرة، فنزلت قريب منه وعملتها. وطلعت قعدت برا، وكل ما يحط ميه في بوقه ويطلعها وأنا ميتة من الضحك. فبعد وقت وأنا لسه بضحك، هو قالي بتضحكي على إيه؟

فقولتله وطلعت أجري وأنا ميتة ضحك. فصرخ وقالي: والله ما هسيبك يا عشق يا كلبة، خدي يابت هنا. وأنا قولتله: ابعد، ريحتك وحشة يا معفن. وهوا فضل يستحمى يومين، ومن ساعتها استحالة ينزل حمام سباحة أنا فيه. ههههه. (جتك القرف، عيلة معفنة 😂😂😂😂) سليم بص لها بصدمة، وبعدين انفجر في الضحك ونام على الأرض من الضحك. ومنار اتصدمت لأنها عمرها ما شافت سليم بيضحك كده، وكانت مغلولة منهم. وسليم بضحك: يخربيت كده، انتي عملتي كده بجد؟

عشق: آه والله. ههههه. ده كان شكله مسخرة. سليم بضحك: انتي ملكيش حل وربنا، هموت ههههه. أنا معتش مسلم عليه تاني. ههههه. عشق: ده لو عرف هيجري ورايا. ههههه. وبعد وقت من الضحك، الدنيا مطرت. وعشق اتوترت، وسليم لاحظ. عشق بخوف: أنا لازم أدخل. سليم: اهدي يا حبيبتي، ده الشتا تحفة.

عشق: لا، أنا هدخل، مش قادرة. وفجأة كل ذكرياتها جت قدام عينها، وبقت بتلف بجنون وتحاول تسكت عقلها. وبقت بتعيط جامد. وسليم حاول يهديها، وأخدها في حضنه وفهم السبب. سليم: عشق، اهدي يا حبيبتي، أنا معاكي، متخافيش. عشق بدموع: مش قادرة، مش قادرة، أنا شايفة اهما وأنا بتترمى في الشارع، وأمي. يارب. سليم بحزن: اهدي، كله هيكون تمام يا قلبي، اهدي.

وسليم بقى بيهديها وقت كبير، وكان عاوزها تتخطى خوفها. وكل ما تحاول تدخل، سليم يوقفها. ومنار واقفة مستغربة، هي خايفة كده ليه؟ وبعد وقت. عشق بانهيار: سليم، أرجوك، مش قادرة، نبي دخلني. سليم: حاضر يا نور عيني. وبيشلها وهي قافشة فيه، وبيطلع بيها الجناح، وهيا بتترعش. ومنار بتشيط. سليم: ممكن تهدي، أنا معاكي، أنا أمانك يا عشق، خلاص اهدي. عشق وبالفعل ابتدت تهدأ. سليم: بقيتي كويسة؟ عشق: آه، بقيت تمام.

سليم: خلاص، خشي خدي شاور دافي عشان تهدي أكتر. عشق: حاضر. بس أقولك حاجة؟ سليم: اممم. عشق: زين كان منظره يموت ضحك. ههههه. سليم ضحك عليها: طب خشي خدي شاور يا مجنونة قلبي. ههههه. وبالفعل عشق دخلت أخدت شاور، وهوا راح حمام تاني في الدور، ولبس بنطلون مريح أسود وتيشيرت أسود بارز عضلاته. ودخل لقى عشق طالعة، وكانت لابسة قميصه الأبيض، وكانت بتنشف شعرها، وكانت جميلة جدًا. سليم: ممكن أعرف انتي لابسة قميصي ليه؟

عشق: عادي، مريح، وكمان بحبه. سليم: يا عشق، انتي مسبتيش قميص في هدومي كلها. عشق، وهي بتسرح شعرها البني الطويل: عادي يا قلبي، قصدك إني بعمل فيهم حاجة؟ سليم بخبث: لا، مش القصد، بس بتكوني حلوة أوي وأنا مش بقدر أمسك نفسي.

عشق بخجل: لم نفسك يا سليم بقى. وبعدين قرب عليها، وأخد منها الفرشة وشغل الاستشوار، وبدأ ينشف لها شعرها ويسرح لها. وهيا كانت مبسوطة جدًا. وبعد وقت خلص، وحضنها من ضهرها، وبقى يشم ريحة الفراولة اللي طالعة منها ومبسوط أوي. عشق: انت عارف أنا عاوزة آكل إيه بقالي كتير؟ سليم: إيه يا حبيبتي؟ عشق: إندومي. سليم: انسى يا عشق، أنا محرمة يدخل من باب القصر كله. عشق: ليه يا سليم؟ ده طعمه تحفة والله.

سليم: لا يا عشق، أنا كنت معلق رامي وريان وكريم على الشجرة بسببه قبل كده. عشق: والله نفسي فيه يا سليم، عشان خاطري، أنا مأكلتوش من زمان أوي، بقالي حوالي 8 شهور. آه. سليم: قولت لا يا عشق، لا، فاهمة؟ وعشق قعدت تضرب رجليها في الأرض زي الأطفال. وهوا ابتسم غصب عنه، وهيا اتغاظت. عشق برجاء: عشان خاطري يا سليم، نبي وافق يا سليم. سليم: قولت لا يا عشق، خلاص، الكلام انتهى في الموضوع ده.

عشق بخبث: ماشي يا سليم، مش عاوزة حاجة. ماشي. سليم بشك: عشق، والله لو فكرتي تاكليه هزعل منك. عشق بصت له واتجهت للسرير وغطت وشها ونامت. وسليم طفى النور وراح أخدها في حضنه، وهيا بعدته. سليم: عشق، متزعليش بقى، أنا عارف إنك زعلانة، بس صحتك. عشق بغضب طفولي: نام يا سليم، يرخم. وطلعت له لسانها ونامت. وبالفعل ناموا، بس على الساعة 2 بالليل عشق صحيت على صوت سليم، وبصت

لقت وشه كله عرق وبيقول: بحبك يا عشق، وكلام كتير. وعشق حطت إيديها على راسه، وشالت إيديها، لا إنها مقدرتش تحط إيدها من السخونية. ولبست أسدال ونزلت جابت تلج وحطت عليه ميه ساقعة، وجابت قماشة بيضة نضيفة وجابت مناديل. وطلعت قلعت الأسدال وقعدت تعمله كمادات لحد ما عيطت على حالته. عشق بعياط: سليم، انت كويس؟ أنا آسفة، أنا السبب، أنا اللي شديتك معايا، سامحني. سليم يا حبيبي. سليم بتعب شديد: اممم.

عشق عيطت أكتر: أنا آسفة يا حبيبي، آسفة. سليم بتعب: أنا ك. وي. س يا. عش. ق.

عشق قعدت تعمله كمادات لحد ما الحرارة نزلت شوية، وبعدين قعدت تفكر لحد ما فكرت تديله شاور ساقعة. ودخلت ملت البانيو ميه ساقعة، وطلعت حاولت تسند سليم بس مقدرتش، وقعدت تحاول لحد ما عرفت، ودخلت وقلعت له هدومه، ونيمته في البانيو. هوا كان فايق بس مش قادر يتكلم حتى أو يتحرك. وعشق طلعت ولبست ونزلت تحت عملت له شوربة خضار وفراخ، وطلعت فوق حطتهم. وطلعت له هدوم وفوطة. وبعد وقت طلعت سليم، وهوا كان فاق تمامًا بس بيستعبط، وكان عاوز يشوف هيتصرف إزاي. وكانت بتنشفه وسندته، طلعته ولبسته، وحطيته على السرير. وهوا بدأ يبين إنه بيفوق كويس.

عشق بدموع: انت كويس يا حبيبي؟ سليم وحط إيده على خدها: أنا كويس يا روحي. عشق: طب يلا عشان تاكل، أنا بقى عملت لك شوية شوربة خضار بالفراخ تحفة. وحطت له منديل وبدأت تأكله، وهوا مستسلم خالص ومبسوط باهتمامها. عشق: إيه رأيك بقى؟ سليم: تحفة، تسلم إيدك يا قلبي. عشق: أنا آسفة إني شديتك معايا، والله ما كان قصدي. سليم: ولا يهمك يا حبيبتي. وبعد وقت وهي بتأكله، سليم: خلاص شبعت يا عشق. عشق: طب عشان خاطري، آخر حتة.

سليم: مش قادر والله. عشق: وحياتي عندك. فأكلها سليم. وهيا حطت الصينية بعيد وجابت له ميه ونيمته وغطيته كويس، ونامت جنبه. تاني يوم في الصباح. صحيت عشق وسليم كان لسه نايم. عشق دخلت أخدت شاور ولبست بيجامة وسرحت. وراحت تصحيه، وهوا مش راضي يقوم. عشق: سليم، يلا يا حبيبي. سليم بنوم: لا، أنا هنام، سيبيني. فسابته وراحت تشوف الورق اللي وليد بعته، وكانت بتراجعه بدقة شديدة، ولقيت فعلاً فيه لعب في الحسابات.

وكلمت وليد وقالت له: دور من غير شوشرة، وقفلت. وكان بقالها ساعتين بتشتغل. وطلبت من سعيدة الفطار. ووصل الفطار، وراحت عند سليم. عشق: سليم. سليم: اممممم، سيبوني أنام. عشق بطفولة: سليم، اصحى بقى، انت وحشتني الله. سليم: ماشي، كمان شوية هجيب لك شوكولاتة. عشق برفعة حاجب: شوكولاتة؟ والله. سليم، بقولك اصحى بقى، انت وحشتني يا بني آدم. سليم بزهق: ماشي يا عشق، أنا هقوم أهو.

عشق بخبث: طب يا سليم، والله لهصحيك. وراحت جابت كوباية ميه ودلقتها عليه. وهوا اتخض وقام مرة واحدة، وبصله بنظرة رعبتها حرفيًا. سليم بغضب: إيه اللي عملتيه ده؟ انتي غبية؟ عشق بخوف: أنا كنت. كنت عاوزة أصحيك عشان انت وحشتني بس. سليم بحدة: وأنا كنت عاوز أنام. أنا أعمل إيه؟ وبصت له عشق بحزن: أنا آسفة يا سليم، مش هعمل كده تاني.

سليم زعل إنه زعلها: خلاص، محصلش حاجة، ولا يهمك. وقام دخل الحمام. وهيا قعدت على السرير وعيطت جامد لدرجة إنها كانت بتشهق. وسليم طلع، وأول ما شافها كده جري عليها من غير تفكير. سليم: متزعليش، أنا مكنش قصدي والله، أنا آسف. عشق بدموع: انت كنت واحشني وأنا صحيتك، بس أنا اللي غلطت، أنا آسفة. وحضنها جامد.

سليم: خلاص بقى. وبعدين هدت عشق، وقاموا فطروا، وسليم ضحكها. ولبست عشق ونزلوا ماسكين إيد بعض، ومنار شافتهم وكانت بتولع حرفيًا. سليم: صباح الخير. الجميع: صباح النور. عشق: هيا روح منزلتش؟ ريان: روح مين؟ عشق: انت ما قولتلهمش يا ريان؟ ريان: لأ، بس بعتلها الفطار لما منزلتش. عشق: بعد إذنك يا حبيبي، هطلع أجيبها وأجي. سليم: تمام يا قلبي. وهيا طلعت، وسليم راح قعد جمب جده. مجدي: يااه، لسا فاكر إن ليك جد يا بيه؟

سليم: وأنا قصرت معاك في إيه؟ مجدي: يا ابن الكلب، انت من يوم ما اتجوزت والبت خدتك مني، أنا ابتديت أتغير يا ولا. والكل ضحك. معاد منار وكريمة. ماجد: عريس بقى، هنقول إيه؟ ههههه. صفية: والله حتى أنا يا أبويا، معاد بيفكر فيا ولا بيجي لي حتى. ههههه. سليم: والله يا جدي، أنا. مجدي: اخرس، انت مبقتش بتهتم زي الأول. انت كنت بتعدي عليا كل يوم قبل ما تطلع أوضتك، من يوم ما اتجوزت وانت ناسيني يا بيه.

سليم بضحك: والله انت اللي في القلب يا حاج. وبعدين هوا أنا مراتك ولا إيه؟ ههههه. ومجدي ضحك وحضنه. كريم: يخص عليك يا سليم، مش توفي طلباتك كزوجة أصيلة؟ ههههه. رامي: عنده حق، أنا لو منك يا جدي أطلقه. سليم بغيظ: عجبك كده يا عم؟ اديني بقيت مرئي. انت راضي؟ مجدي بضحك: بس يا ولاد، عبيط، ده في مقام جدتكم. والجميع ماتوا من الضحك. سليم: ماشي يا مجدي، ماشي يا كبير. ريان: أنا من رأيي إنك تطلق يا جدي وخلاص، أصلها نكدية.

سليم بغيظ: والله ماشي، انت راضي كده؟ مجدي: معلش يا سليم، استحمل ضرايرك التلاتة، أصل أنا الشرع محلل لي أربع. والشباب اتصدمت، وسليم ضحك. كريم: والله يا جدي، ماشي. عند عشق، طلعت وخبطت على الباب، وروح فتحت. عشق: صباح الخير. روح: صباح النور، أنا كنت مستنياكي. عشق: بجد؟ طب يلا البسي عشان ننزل. روح بخجل: بس أنا يعني، محروجة بجد. عشق: يا بنتي، ما تقلقيش، يلا. وروح دخلت لبست ونزلت مع عشق، وهيا مكسوفة.

مجدي: ما شاء الله، أحفادي زادوا واحدة أهى. عشق: يعني انت نسيتني؟ مجدي: وأنا أقدر؟ بس انتي حاليًا ضرتي. ههه. عشق بضحك: وده ليه إن شاء الله؟ مجدي: الواد معتش بيهتم بيا من يوم ما اتجوزك. عشق بمرح: وانت كمان عاوز تقاسمني في الواد اليتيم اللي حيلتي؟ ههههه. مجدي: كده يا بنت يعقوب، ماشي يا بنت الكلب. وفجأة دخلت العيلة. يعقوب: أنا بتشتم هنا يا جماعة؟ مجدي: حبيبي، واحشني يا راجل.

وكلهم ضحكوا عليه. وروح اتعرفت عليهم وحبوها أوي. عشق: وحشتوني أوي يا عيلتي السعيدة. وجريت حضنتهم وسلمت عليهم. دنيا: والله يا بت يا عشق، البيت هناك مالي طعم من غيرك. ههههه. عشق بغرور مصطنع: عشان تعرفوا قيمتي. وزين راح يسلم على سليم، وأول ما سليم شافه مات من الضحك. زين: إيه يا سليم، انت اتلبست ولا إيه؟ وعشق فهمت وراحت عند زين. عشق بخبث: بقولك يا زين، ما تيجي ننزل البيسين. زين بسرعة: لا، أنا أنا مش نازل، لالا، مستحيل.

وفريدة ويعقوب وسليم وعشق ماتوا من الضحك. وزين فهم. مجدي: بتضحكوا على إيه؟ عشق: أصل يا جدي، كن... وفجأة زين كتم بوقها. زين: اخرسي يابت عشان معلقكش. سليم بضحك: سيب مراتي، كفاية علقتها مرة. وزين بص لعشق: انتي حكتيله؟ عشق: اممم. وشال إيده. آه، عادي. ههههه. زين بغيظ: يا عشق يا كلبة.

وطلعت تجري وهوا بيجري وراها. ومنار وكريمة هيولعوا. وعشق استخبت ورا سليم، وهوا مش قادر من الضحك. ومجدي مبسوط لأنه عمره ما شاف سليم بيضحك كده. وزين مسكها من قفاها. زين بمرح: يا واطية يا معفنة، يا عشق يا معفنة، انتي السبب يا كلبة. عشق وهي شبه الفار المبلول: الله، وأنا مالي يا لمبي؟ أنا معملتش حاجة. زين بغيظ: والله انتي معملتيش، ماشي يا عشق. عشق بضحك: ما انت اللي كنت عامل فيها نافورة. ههههه. زين: بس يا معفنة.

دنيا: فيه إيه يا جدعان، فهموني. عشق: سيبني عشان أقولها يا ولا. زين: بعينك يا كلبة البحر. سليم بضحك: سيب مراتي يا له، بدل ما أعلقك. زين: اسكت انت، أما أربيها المعفنة دي. سليم: خلاص يا رجولة، براحتك، عاوز مساعدة؟ عشق بغيظ: ماشي يا سليم يا واطي، سبني عليه. زين: تحت أمرك يا وحش. وسابها. سليم: تصدق إنك واطي يا له.

عشق غمزت لسليم وطلعت تجري وراه، وهوا استخبى في زين. وعشق بقت تضرب زين، وسليم ماسكه وبيضحك. والعيلة ميتة من الضحك. وفجأة عشق ضربت زين شلوط، فزين لف وجه في سليم. عشق بصدمة: والله ما كان قصدي يا وحش. رامي: البسي. ههههه. سليم: انتي ضربتيني، ماشي. وراح ماسكها. عشق: أنا آسفة يا شبح، مش القصد. سليم: شبح، والله، واد يا زين، تعالا خد حقك. والاتنين فضلوا يضربوها بهزار. عشق: يا عيلتي الواطية، حد يساعدني.

مجدي: بس يا ولاد، كفاية. ههههه. وقضوا يوم الجمعة مع بعض في حب، لحد ما عشق كانت معدية سمعت رامي وريان وكريم وريحانه بيتفقوا على حاجة وخايفين. فدخلت واتفقت معاهم، وكانت مبسوطة. وعملوا جروب ودخلتهم كلهم فيه، حتى روح وتاليا. عشق: تمام، هننفذ على بليل يا رجالة، متقلقوش. رامي: ربنا يستر. وطلعوا برا كلهم. سليم: انتوا كنتوا فين كده؟ كريم بتوتر: كنا في المطبخ، أصل، أصل. سليم: أصل إيه؟ عشق: حاجة وقعت على روح، ولحقناها.

سليم: تمام، ألف سلامة يا آنسة روح. روح: الله يسلمك. وعدى اليوم بين ضحك وهزار، وكان لذيذ جدًا. ومنار وكريمة كانوا هيولعوا طول اليوم من الغل. عند كريمة، كانت بتكلم حد في التليفون. كريمة: الو. المجهول: إيه يا كريمة؟ كريمة: أنا خلاص، معتش طايقة البت دي. المجهول: اعمل إيه يعني يا كريمة؟ كريمة: شوف لها أي داهية، موتها حتى، يا رفعت، أنا معتش قادرة.

رفعت: تمام يا كريمة، بعدين، عشان عندي تسليم شحنة. هخلص وهشوف لها صرفة. أصلًا هشام السيوفي مش هيسيبها. كريمة: مين هشام السيوفي؟ رفعت: ده أكبر عدو لبنت الجبالي دي، خسرته ملايين. كريمة: أنا لازم أتعرف عليه ضروري. رفعت: تمام يا كريمة. كريمة: بس تعرف يا رفعت، إن عشق دي شبه ليلى؟ رفعت: يعني إيه شبه ليلى؟ كريمة: والله نسخة من ليلى. رفعت: يا شيخة، يخلق من الشبه أربعين. كريمة: يمكن، خلاص، هبقى أكلمك تاني. وقفل.

عند عشق، الساعة 1 بالليل، كانت نايمة هيا وسليم. فجأة تليفونها رن، ففتحت. عشق بهمس: انت جبت الحاجة؟ المجهول: كله تمام يا عشق، يلا. عشق: تمام، أنا هنزل حالا، أصل وحشني بشكل. المجهول: طب يلا يا ستي. وقفل. وقامت لبست هدومها، تريننج أسود بيتي وطرحة. وراحت عند سليم وبسته. عشق: سامحني يا سليم، هتكون أول مرة أخونك فيها، بس صدقني، أنا بحبه أوي. سلام.

ونزلت. دخلت الجنينة من باب المطبخ، ولقيت كريم وريحانه وريان ورامي وروح وتاليا موجودين، وقاعدين على الأرض وقدامهم أطباق كبيرة مليانة إندومي. وعشق جريت قعدت. كريم: صدقوني، سليم لو عرف هينفخنا يا عشق. عشق وهي بتاكل: يا عم، متشلش هم حاجة. رامي: أنا خايف أوي من سليم. ريان: وأنا والله مرعوب. روح: والله أنتم قلقانين على الفاضي، مش هوا نايم؟ عشق: آه، سايباه نعسان. ريحانه: يبقى تمام، ربنا يستر، ومنتعلقش.

تاليا: يا جماعة، اسكتوا واستمتعوا. وبعد وقت قليل. رامي: قول لي يا عشق، لو سليم قفشنا، هتعملي إيه؟ عشق: هقول له إننا من حقنا نأكله، ومش هسكت خالص. كريم: متأكدة يا عشق؟ إحنا واثقين فيكي. عشق: عيب عليكم، أنا قدها. طب، خليه يجي بس، وأنا هدافع عنكم، متخافوش، أنا وحش يا شباب. وفجأة لقت حد ماسكها من قفاها. سليم بغضب: انتي بتعملي إيه هنا يا وحش؟ عشق برعب: سيد الناس، أنا جيت بالصدفة، وقفتهم متلبسين.

رامي: يا واطية، لأ لأ يا سليم، دي هيا صاحبة الفكرة. سليم: انتوا اخرسوا خالص، أنا مش قولتلكم ممنوع القرف ده يدخل القصر؟ كريم: إحنا كان نفسنا فيه، انت بقالك سنين منعه ناكله. ريان: آه، ماله يا أخويا، يعني مرة واحدة. سليم: اسكتوا، أنا هعلمكم الأدب يا كلاب، استنوا عليا. عشق: أنا يا سليم، مش قصدي. سليم: انتي تخرسي خالص، مش قولتلكم لو أكلتيه هزعل منك. اصبري عليا. بس. يا سعيد، انت يا سعيد. سعيد بخوف: أيوا يا كبير.

سليم: هاتي لي سبع حبال عشان هنربط الحلوين دول. تاليا وروح: حتى إحنا؟ سليم: آه، مش دخلتوا القصر، تبقوا منه وهتتعاقبوا، فاهمين؟ عشق: سليم، يعني هتعلق مراتك يا سليم؟ سليم: آه، هعلقك يا حبيبتي، مش قولتلكم. ريحانه: يا سليم، مجتش من مرة يا سليم، يعني. سليم: مسمعش نفسك خالص، فاهمين؟ وفعلاً سليم ربط السبعة على الشجر قدامه، وقعد على الكرسي وطلب قهوة، وفضل قاعد يتفرج عليهم. رامي: يا سليم، عيب كده، أنا أخوك برضه.

كريم: نزلني يا صاحبي، مينفعش كده. ريان: ونبي نزلني يا أخوي، ربنا ينتقم منك يا عشق. عشق: الله، وأنا مالي يا لمبي؟ أنا معملتش حاجة. تاليا: يا أستاذ سليم، أنا مليش دعوة بدا كله، ده أنا ضيفة حتى عندكم. روح: أيوا، عندها حق، نزلنا بقى يا أستاذ سليم. ريحانه: إحنا غلطانين يا أخوي، نزلنا بقى ومش هنعملها تاني. وسليم ولا كان سامع حاجة منهم. عشق: سليم، نزلني، أرجوك يا حبيبي.

سليم بغضب: انتي بالذات تخرسي خالص، أنا زعلان منك، فاهمة؟ عشق: خلاص يا سليم. سليم: مش عاوز أنزل. عشق: نعم؟ ليه؟ إيه؟ عبيد؟ سليم: هوا كده، فاهمين؟ عن إذنكم، أنا رايح أجيب حاجة تتاكل، وأجيلكم. ههههه. كريم: استنى يا سليم، نزلنا. وسليم سابهم ودخل. سليم في نفسه: الحمد لله إنها طلعت نزلة تاكل إندومي، ده أنا عقلي راح بعيد خالص، والله لأربيِك يا عشق، اصبري عليا. وجاب سندوتشات وميه وقعد ياكل قدامهم. عشق: سليم، أنا عطشانة.

سليم: مفيش ميه. عشق: عشان خاطري، والله عطشانة جدًا. سليم: ماشي. وراح وقف على الكرسي وشربها. وبعد ساعتين من الاحتيال عليه. سليم: قولت الصبح، مش هفككم غير الصبح، اخرسوا بقى. وفجأة الدنيا مطرت، وسليم خاف على عشق، وهيا عيطت وانهارت خالص، وبقت تصرخ. والكل مصدوم. عشق بانهيار: نزلني يا سليم، مش قادرة، نزلني.

سليم بخوف: بسرعة، فكوهم. وجري على عشق، وبقى يفكها. والرجالة راحت وفكت الباقي. وعشق أول ما اتفكت، قعدت تلف حوالين نفسها بعياط شديد، وأغمي عليها. وسليم شالها على فوق، والكل خاف عليها وطلعوا وراه. سليم بخوف: عشق، يا حبيبتي، عشق. كريم: هيا مالها يا سليم؟ سليم: عشق، يا حبيبتي. وفاقت عشق وكانت بتصرخ. وسليم حضنها جامد، والكل مصدوم من رد فعلها. رامي: انتي كويسة يا عشق؟ سليم: اخرجو انتو، أنا هديها، كل واحد على أوضته.

وبالفعل كل واحد راح أوضته، وهيا مازالت بتعيط. سليم: اهدي يا عشقي، اهدي. وبعد شوية عشق هدت، وسليم دخلها تاخد شاور دافي، وطلعت نامت. وهوا كان خايف عليها وبيفكر يخليها تتخطى إزاي، لحد ما نام هوا كمان. عند تاليا، كانت أخدت شاور ولبست بيجامة، ومكنتش عارفة تنام. فلبست أسدال وطلعت البلكونة. وهيا واقفة سرحانة، فجأة جه رامي من وراها، لأن البلكونتين لازقين في بعض. رامي: لسا صاحية ليه يا تاليا؟ تاليا: اااه، خضتني. إيه؟

رامي: لسا صاحية ليه يا ستي؟ تاليا: عادي، حاولت أنام ومعرفتش. رامي: وأنا كمان والله. خلاص، تعالي نحكي شوية. صحيح، طمنيني، رجلك عاملة إيه دلوقتي؟ تاليا: الحمد لله، كويسة شوية. رامي: قولي لي بقى، انتي ملكيش أي حد خالص؟ عم أو كده؟ أنا آسف لو بتدخل يعني.

تاليا بحزن: لا، عادي. أنا مليش، لأن أبويا وأمي كانوا ولاد عم واتجوزوا غصب عن العيلة وهربوا على الصعيد. وهما كانوا من دمياط، وخلفوني. وأنا كبرت وماتوا من سنة. وأنا كنت شغالة في شركة، ولأني قعدت شهر مرحتش الشغل، فرفضوني. ومن أسبوع صاحب البيت طردني، وقعدت يومين في الشارع لحد ما قابلتك. وانهارت جامد. ورامي حس بحزن عليها. رامي: خلاص يا ستي، متعيطيش بقى. عمتا، انتي مش هتمشي من هنا. تاليا: لا، إن شاء الله رجلي تخف وهمشي.

رامي: خلص الكلام، أنا حبيتك. قصدي، كلنا حبيناك. تاليا: آه، عينيا. رامي بخوف: إيه؟ في إيه؟ تاليا: في حاجة دخلت عيني، بتحرقني. رامي: قربي، أشوفها لك. وتاليا قربت ورامي قرب يشوف عينها ونفخ لها فيها. رامي: ها، بقيتي أحسن؟ تاليا: آه، الحمد لله. ورفعت عينها ورامي سرح فيها، وهيا كمان سرحت. رامي بهيام: عيونك حلوة أوي. تاليا بهيام: آه، وانت حلو أوي. وبعدين استوعبت. تاليا بخجل: عن إذنك، أنا لازم أمشي. تصبح على خير.

وطلعت جري على جوه. رامي: أنا إيه اللي بعمله ده؟ ودخل وقعد يفكر فيها ويضحك لحد ما نام على نفسه. تاني يوم الصبح، بتصحي عشق وبتلاقي سليم نايم. فتقعد تلعب في وشه بحب. وسليم اتضايق وفتح عينه. عشق: صباح الخير يا قلبي. سليم: صباح النور. وقام دخل الحمام. وهيا زعلت وعرفت إنه زعلان من امبارح. وبعد وقت خرج سليم، وهوا لابس بنطلون أسود وعاري الصدر، وبينشف شعره. عشق: سليم، انت لسه زعلان مني؟ سليم: ولا يهمك يا هانم.

عشق: خلاص يا سليم، دي مرة واحدة يعني. سليم: لا، مش مرة واحدة، انتي كسرتي كلامي، وأنا قولت لك إني هزعل منك، وانتي استهونتي وعملتي اللي في دماغك. عشق بحزن: أنا آسفة يا حبيبي، صدقني، آخر مرة. سليم: لا يا عشق، مش مسامحك. عشق: يعني انت مش هتسامحني؟ سليم: لا، قولت لأ يا عشق. وفجأة عشق بدأت تقرب منه. وسليم بيرجع، وهيا بتبصله بخبث وحاوطته بين الحيطة. عشق بخبث: متأكد يا سليم؟ سليم برفعة حاجب: آه، متأكد.

عشق: تمام يا سليم، عادي. سليم: يعني زعلي مش فارق لك؟ عشق: لا، فارق لي، بس إيه اللي يرضيك وأنا أعمله؟ سليم: مش عاوز منك حاجة، وابعدي كده. عشق وهي بتقرب أكتر: متأكد إني أبعد؟ سليم بتوتر من قربها: آه يا عشق، ابعدي. عشق: تمام، ملكش نصيب. سليم: في إيه؟ عشق: في اللي كنت هعمله فيك. سليم: ولا تقدري تعملي حاجة، أنا ميفرقليش يا ست عشق. وفجأة عشق باستُه، وهوا اتجاوب معاها ورفعها من على الأرض، وهيا حضنته جامد.

(يخص عليكِ، طلعتي قليلة الأدب 🙃) عشق بعدت وسليم لسه رافعها: عرفت إنك متتاخدش في إيدي حاجة يا سلوم. سليم بخبث: والله انتي اللي جبتيه لنفسك يا عشق. واتجه لسرير ونزلها واعتالها. عشق بتوتر: سليم، لا، أنا أنا مش جاهزة. سليم بخبث: مش انتي اللي بدأتي يا عشق. عشق بتوتر: انت ما صدقت يا سليم، بهزر معاك. ههه. سليم: وأنا مابحبش الهزار يا عشق. عشق: سليم، ماتهزرش، خليني أقوم و... قاطعها بقبلة من سليم، وهيا تجاوبت معاه.

(ونسيب قليلة الأدب دي ونروح عند كريم وريحانه) كريم: صباح الخير يا حبيبتي. ريحانه: صباح النور يا قلبي. كريم: مالك كده وشك أصفر؟ ريحانه: لا، أنا كويسة، بس عندي لك مفاجأة. كريم: قولي يا ريحانة قلبي. ريحانه: أنا، أنا حامل في شهر. كريم بفرحة: إيه؟ بتتكلمي جد؟ ريحانه بابتسامة: آه والله، حامل. كريم: يعني أنا هكون أب؟ الله أكبر! أنا هكون أب! ريحانه: اهدي يا حبيبي، اهدا. كريم: اسمعي، انتي تقعدي متتحركيش خالص، فاهمة؟

وتخدي بالك منه عشان خاطري. ريحانه: حاضر يا حبيبي. وكريم نزل على ركبته وحط راسه على بطنها. كريم: هوا مبيتحركش ليه؟ هاريحانه: يا كريم يا حبيبي، دا لسه في شهر، يعني لسه هيتكون يا حبيبي. كريم: ولو، لازم ييجي بسرعة. أخيرا هجيب منك عيل يا مزتي. ريحانه: طب يلا عشان ننزل نفطر، إحنا جعانين أوي. كريم: يا سلام، يلا. وفجأة شالها ونزل. ريحانه: نزلني يا كريم! هيقولوا إيه دلوقتي عنا؟ كريم: ما يقولوا مراتي.

تحت على السفرة، نزل كريم وهو شايل ريحانة. رامي: ياسيدي ياسيدي على الحب. كريم: وأنا مينفعش أسيبها تمشي أصلاً. ريان: ليه على رجليها؟ نقش الحنة؟ ههههه. كريم: لا يا لمض، حامل. صفية: بجد؟ ألف ألف مبروك يا بتي. ريحانه: الله يبارك فيكي يا ماما. والكل باركلها. مجدي: اومال سليم فين؟ مشفتوش. صفية: طلب الأكل فوق النهارده. منار بغيظ: هوا كل يوم هيطلب الفطار فوق؟ مجدي: هوا حر، هوا ومراته، انتي ملكيش دخل.

عند سليم، كان بيفطر هوا وعشق، طالعة من الحمام. سليم: برضه لابسة قميصي؟ عشق: بحبه والله، بحبه أوي يا سليم. قام سليم وقرب منها. سليم: وأنا بحبه عشان بتحبيه. عشق حاوطت رقبته: وأنا بحبك أكتر من القميص. سليم: طب يلا نفطر عشان متهورش تاني يا ملكة قلبي. عشق: لالا، يلا، أنا معتش قادرة. وراحت ناحية الأكل. سليم بضحك: والله ماشي يا ست عشق. عشق: يلا يا حبيبي، تعال ناكل. وفعلاً راح وفطر.

عشق: بعد إذنك يا حبيبي، أنا هروح القصر النهارده عند بابا. سليم: ليه يا حبيبتي؟ عشق: أصل هروح أنا ودنيا نشتري هدوم للبيبي. سليم: عقبال ما نجيب لسليم الصغير. حاضر، روحي. عشق: صحيح، انت عاوز تسمي سليم لو جبت ولد؟ سليم: آه، عشان يبقى سليم الصغير. عشق: طب استني أما أحمل الأول حتة. سليم: قلبي حاسس إن في حاجة جاية. عشق: لا والله، مفيش. لو فيه هقولك. وبعدين نزلوا تحت، وعشق كانت هتقع، بس سليم مسكها. سليم: مش تحاسبي يا وحشة؟

عشق: أنا آسفة، بس مختش بالي. ريان: واو، على السلم يا سليم، فعل فاضح. سليم: اخرس يالا. ريان: مسكتك متلبس. ههههه. عشق بكسوف: لا والله، أنا كنت هقع. وقاطعها سليم ومسكها من وسطها. سليم: أنا حر، دي مراتي يا حضرة الظابط. ريان: خلاص، إفراج يا متهم. ههههه. والكل ضحك. سليم: عن إذنكم، إحنا خارجين. منار: رايح فين؟ عشق بغضب: وانتي مالك رايح فين؟ منار بغل: مش قصدي، أنا كنت بس بسأل. عشق: لا، مش من حقك تسألي. يلا يا سليم.

(في مكان تاني) هشام: كده احنا أخدنا الصفقة، أفاق لعشق الجبالي بقرف. رفعت: آه صحيح، كريمة سألت عليك وزهقت منها وعاوزة تنتقم منها. هشام بخبث: أكيد، ومالو، نقابلها. أكرم بشر: أنا لازم أشوف البت اللي قالبة الدنيا دي. رفعت: عندك حق يا بوص، وأنا كمان والله. هشام: ومالو، نجيبها النهارده، وآخد منها حقي ونخلص الحوار. رفعت: خلاص، ابعت الرجالة تنفذ. هشام: فعلاً. ههههه.

عند عشق، ركبت جنب سليم واتحركوا على قصر الجبالي. ونزلها ومشي، وعشق دخلت. عشق: صباح الخير يا عيلتي السعيدة. فريدة: صباح النور يا قلب أمك، تعالي تفكري. عشق: لا، سبقتكم يا حبيبتي. دنيا: استني، هطلع ألبس. زين: رايحين فين؟ عشق: رايحين نجيب هدوم للبيبي. يعقوب: عقبالك يا عشق يا بنتي. عشق: اللهم آمين.

ودنيا غيرت ونزلت، ومشيت هيا وعشق راحوا المول. ولسه هيدخلوا، وقفت عربية سودة ونزل منها رجالة وضربوا نار، وشالوا عشق. وهيا بتصرخ. عشق: سيبوني، الحقوني، اعاااااا، الحقوني، اعاااااا. @@@@@@@@@@@@@@@@@@@@@@@ استوب، يا ريت يكون البارت عجبكم، وأنا طولته جدًا عشان خاطركم، وده تعويض عن التأخير اللي فات. ويا ترى سليم هيوصل لعشق ولا إيه؟ وكريمة تعرف ليلى إزاي؟ ورفعت ده مين؟ هنعرف في اللي جاي، واستنوني في البارت الجاي. 💯❤