رواية عشق في قلب صعيدي الفصل الرابع 4 - بقلم اسماء السيد

بصوا لها الكل بصدمة. عيون عشق فجأة احمرت واتعصبت جداً. سليم انصدم من شكلها. العرق الصعيدي نبح على عشق. فجأة عشق نزلت بلقلم على وش منار، ومن قوة القلم منار وقعت على الأرض ونزفت. عشق كانت هتولع من العصبية والكل اتصدم. منار بوجع بعد ما قامت: انتي اتجننتي؟ ازاي تمدي إيدك عليا يا حيوانة. زين: اخرسي خالص دلوقتي انتي. منار: والله لهوريكي يا بيّه يا قذرة. فجأة عشق انفجرت. عشق بغضب جحيمي وبصوت عالي: أنا عشق الجبالي!

انتي يا عرة تمدي إيدك عليا؟ أنا عشق الجبالي! انضرب من حتة كلبة زيك؟ منار اترعبت من شكلها بس حاولت تعمل قوية. منار: انتي مين يعني؟ لو كنتي عشق الجبالي ف أنا منار القناوي، فاهمة؟ عشق بغضب: إيدك اللي هقطعها ليكي دي تتمد عليا؟ أنا عشق الجبالي يا بنت الرافدي! ها؟ أنا اللي رجالة بشنبات بتترعب من نظرة مني. بس خدي بالك، خافي مني بقى عشان مش هسيبك. زين: عشق اهدي، وكله هيبدأ تمام. اهدي...

وأخدها بعيد. سليم لسه مصدوم من رد فعلها. دنيا بعصبية: ليه عملتي كدا يا متخلفة؟ منار بغل وحقد أكبر لعشق: كانت حاضنة سليم وماسكة إيده وأنا مستحملتش. دي خطافة رجالة. دنيا: تقومي تضربيها؟ طب أحب أقولك خافي على نفسك يا بنت عمي. عشق مش سهلة ومش هتسكت، صدقيني. انتي فتحتي على نفسك باب جهنم ومشيتي. منار بغل: انتي راضي على اللي اتعمل في بنت عمك دا يا سليم؟ سليم بعصبية: انتي إزاي تمدي إيدك عليها؟ دي من حقها كانت قتلتك مش ضربتك.

منار: وانت كنت مبسوط وهي قافشة فيك كدا؟ سليم ببرود: البنت كانت خايفة مش أكتر، واتأسفت وعدى الموقف عادي. بس انتي اللي متخلفة. وسابها ومشي. منار: والله ما هسيبك يا عشق، هدمرك. قابلني بقى. عند عشق، زين هداها. عشق بمرح: يلا بقى عشان لسه في لعب كتير، عايزة أجربها. زين: والله مجنونة، ههههه. دنيا: ربنا يكملك بعقلك، ههههه. سليم: أنا بعتذرلك بنيابة عنها يا آنسة عشق. عشق:

ولا يفرقلي، بس خليها تحرص مني بقى. آه صحيح، مش لما تاخدي حقك الأول؟ ههههه. وفجأة زين ودنيا انفجروا في الضحك. سليم: تصدقي إنها خسارة فيكي إني بعتذرلك. الهي تولعي. عشق: متولع انت، أنا مالي. دا انت رخيم. سليم: أنا رخيم؟ تمام أوي. قابلني بقى يا ست عشق. أنا ساكتلك من امبارح، بس تمام. عشق بتمثيل الخوف: يما خوفت... عدي يا بني، أما نروح نركب أي حاجة.

وراحوا ركبوا لعبة. دنيا ركبت جنب عشق، وزين وسليم مع بعض. ومنار كانت هتولع تحت. وبعد وقت طويل من اللعب والتنطيط وجنون عشق اللي موتهم من الضحك. عشق ودنيا بطفولة: إحنا جعانين. زين: تمام، يلا. هتاكلوا إيه؟ عشق: كنتاكي. دنيا: لا، كبدة وسجق. وهمست لعشق: خلي الكنتاكي والبيتزا للسهرة. عشق بإقتناع: عندك حق يا بت، خلاص كبدة وسجق. كل دا ومنار كانت هتولع. زين: مفيش دليفري بالليل؟ انتوا فاهمين، أنا عارفكم لما بتتلموا على بعض.

سليم: يلا يا جدعان، أنا عايز آكل. زين: يلا بينا. وراحوا مطعم واكلوا وشربوا. وقاموا وركبوا مركب في النيل واكلوا آيس كريم. ومنار كل دا مش طايقاهم. وبعدين وهما ماشيين، عشق وقفت. زين وهيا ودنيا دخلوا السوبر ماركت كبير. وسليم وقف العربية قدام. سليم: انت وقفت ليه؟ في حاجة؟ زين: لا والله، دول دنيا وعشق بيجيبوا حاجات حلوة. أعمل إيه أنا عبد المأمور، هههه. وسليم ضحك عليهم. منار بغل: بخربيت الطفولة!

أنا مش عارفة هما أطفال ولا إيه، دي حاجة تقرف. زين وسليم بصوا لها بقرف. زين بضيق: على فكرة يا منار، اللي قلبهم زي الأطفال دول أحسن قلب. لأنه أبيض، مش شبه سواد قلبك. كل همهم المظاهر. منار بصتله بحقد وسكتت. زين: صحيح يا سليم، متعرفش مكان نضيف هنا بيبيع تورتات نضيفة وتورتات آيس كريم؟ لأني محتار. سليم: ليه؟ عندكم عيد ميلاد؟ زين بضحك:

أصل امبارح أنا ودنيا أكلنا تورتة الآيس كريم بتاعت عشق. ولو عرفت هتنيمنا في الشارع، دي مهبولة، هههه. وسليم ضحك وقاله على مكان حلو مشهور. عند كريم وريحانة. ريحانة: أنا مبسوطة أوي أوي يا كريم. كريم بحب: عقبال ما نتجوز وأبسطك أكتر يا قلب كريم. وغمزلها. ريحانة اتكسفت وقالت. ريحانة بخجل: عمتاً، كلها شهرين بس. كريم: يا أبويا، أنا بفكر أخليها بكرة وخلاص. ريحانة اتكسفت وقالت: بحبك أوووي يا كريم. كريم:

وأنا بعشقك يا قلب كريم. يلا نروح بقى عشان الساعة بقت 12. يلا. ومشيو. عند عشق، طلعت هيا ودنيا ومعاهم أكياس كتير. زين بمرح: يا خرب بيتك يا زين! أنا بيتي اتخرب، أنا الفيزا بتشتمني دلوقتي. دنيا بدلع: يخص عليك يا زين، خسارة في مراتك حبيبتك يا حبيبي، ها. زين: انتي مبتتدلعيش إلا في الأوقات الغلط. فداكي يا حبيبتي. عشق: عمتاً، انتوا محنكم عفن. هرجع من علاقة الحب المصطننة دي، هههه. وسليم مات من الضحك. سليم:

على فكرة، أكله تورتة الآيس كريم بتاعتك. هههه. عشق بغضب مصطنع: ولا يا زين! انت أكلت آيس كريم بتاعي؟ زين بص لسليم بتوعد: يا عشق يا حبيبتي، هجبلك غيرها. دنيا: يخص عليك يا زين، ينفع كدا؟ زين بص لها بصدمة: وحياة أمك... طب دنيا اللي جابتها من التلاجة وقالتلي عادي، دي عبيطة مبتفهمش. وطلع لسان لدنيا. وقعدوا يتخانقوا. عشق: بسسس! حالا تروح تجيبلي غيرها، تورته كيك وتورته آيس كريم. زين:

حاضر. يلا اركبي. ماشي يا سليم الكلب، والله لأوريك. وسليم ضحك وقاله: هسبقك أنا بقى. ومشي. منار: والله دول أطفال. دي حاجة مقرفة. سليم ببرود: يا ريتك تبقي ربع الأطفال دول. منار: أنا أكون شبههم؟ مستحيل. سليم: ماهو فعلاً مستحيل، لأن عمرك ما هتوصلى لطيبة قلبهم. منار: سليم، مالك كدا؟ بتدافع عنها كتير. سليم: عشان انتي عارفة إني مبحبش الغلط. جتك الهم.

وبصلها بقرف وكمل طريقه ساكت. وبعد شوية وصلوا القصر. ومنار نزلت على طول وراحت عند أمها. وسليم طلع على أوضته وهو بيفكر في مسكة عشق ليه النهارده. عند منار وكريمة. منار: شفتي يماما؟ دي ضربتني بالقلم وأنا وقعت على الأرض. كريمة: ولي ضربتك بنت فريدة دي؟ أنا أصلاً محبتهاش. منار: عشان... وحكتلها كل حاجة. كريمة بصدمة: سليم ركب لعب في الملاهي؟ انتي بتهزري يابت. منار: لا والله يا ماما، زي ما حكيتلك كدا. كريمة:

طب خلي بالك، البت دي هتاخد منك سليم. منار: إزاي؟ ده أنا أقتلها! سليم وفلوسه ليا أنا وبس. كريمة: اسمعي، أنا هقولك هنعمل إيه. بصي بقى... هنعرف بعدين. وعملت مكالمة لحد. كريمة: الو. المجهول: الو يا كريمة، عاملة إيه؟ والله زمان. كريمة: مش وقته. اسمعني كويس، وهتعمل اللي هقولك عليه. تمام؟ بالحرف الواحد. المجهول: ها، عايزة إيه؟ كريمة: عايزة منك تعمل... المجهول: حاضر يا كريمة. وقف. منار:

يخرب بيت اللعبة يا ماما. اصبري علي يا عشق، وأنا هوريكي. (في قصر الجبالي) كانوا وصلوا. وعشق طلعت وغيرت. وكانت هيا ودنيا وزين قاعدين وعاملين سهرة جميلة. وفجأة رن تليفون عشق. وكان وليد. عشق: الو. وليد: الحقينا يا عشق، إحنا في مصيبة. عشق: في إيه؟ انطق. وليد: شركتنا بتنهار، والضرايب قالبة الدنيا يا عشق. عشق: الليلة هكون عندك في القاهرة. وقفت. زين: في إيه يا عشق؟ عشق: أنا طالعة القاهرة حالا. زين:

عشق، انتي عارفة الساعة كام؟ عشق: مش مهم. هروح أنا في مصيبة. زين: في إيه؟ احكيلي. عشق: مش وقته. أنا هطلع أغير وأتحرك حالا. زين: هاجي معاك. عشق: لا يا زين، لا. أنا هروح لوحدي. ولو احتاجتك هبعتلك. دنيا: طب خديه معاك. عشق: قولت لا. هبقى أكلمكم.

وطلعت غيرت ونزلت، ركبت العربية بسواق ومعاها كمية حرص كبيرة جداً. وده كان طلب زين. وعند عشق كانت بتفكر هتعمل إيه في المصيبة دي. وطول الطريق بتفكر ومحتارة. لحد ما قطعها رنة التليفون. وكان وليد. عشق: إيه اللي حصل؟ وليد: فينك دلوقتي؟ عشق: كلها تلات ساعات وأوصل. وليد: أنا في انتظارك. وتاني يوم الصبح، وكان عيلة القناوي جايين عند عيلة الجبالي على الغدا. وكانوا على الفطار. يعقوب: أومال فين عشق؟ مجتش على الفطار. زين:

عشق سافرت القاهرة امبارح بليل. يعقوب وفريدة: إيه؟ يعقوب بغضب: وانت إزاي سبتها تسافر لوحدها؟ زين: والله فضلت أحتال عليها. مرضيتش. وأنا باعِت معاها كمية حراسة كبيرة. وهيا وصلت من ساعتين وقالت: هرتاح شوية وهشوف اللي في الشركة وأجي. يعقوب حس إنه ارتاح شوية: وهيا سافرت ليه؟ زين: قالت إن في مشكلة في الشركة عندها. فريدة: أنا قلبي مش مطمن. هاتولي بنتي. يعقوب: اهدي يا فريدة. لو مجتش النهاردة أنا هسافر لها. عند عشق.

نزلت الساعة 9 وركبت العربيات بالحرس واتجهت للشركة. ودخلت وهيا لابسة نضارة شمس. ووراها أربع حراس. ووليد جنبها. وأول ما منه السكرتيرة شافتها جريت عليها. والشباب بيبصولها بإعجاب وخوف. والموظفين كلهم. وقفت احترام. منه: الحقينا يا هانم، الدنيا بايظة. عشق بجدية: هاتيلي القهوة حالا، وهاتيلي ملفات الحسابات كلها. واطلبيلي عز المنشاوي حالا. منه بخوف: حاضر يا هانم. ثواني وهيكونوا عند حضرتك.

ودخلت عشق المكتب. وكانت فحته نفسها في الشغل هيا ووليد بجدية جداً. في قصر الجبالي. دخلت العيلة كلها. وسليم كان بيدور بعينه عليها. وسلموا وقعدوا في الصالون. الجد مجدي: أومال فين عشق يا يعقوب؟ يعقوب: عشق في القاهرة من امبارح بليل يا مجدي. سليم بخوف عليها مش عارف سببه: هيا سافرت لوحدها إزاي؟ زين: والله قعدت أقولها ومرضتش تاخدني معاها. اهدوا، إنشاء الله كله خير. وكريمة ومنار بصوا لبعض بفرحة. عند عشق.

عشق كانت بتشتغل. وفجأة دخل عليها ظابط. الظابط: انتي عشق الجبالي؟ عشق: أيوا أنا. في إيه؟ الظابط: انتي مطلوبة القبض عليكي بتهمة اختلاس من الضرايب من 6 شهور. عشق بجدية: وأنا معملتش كدا. الظابط: ابقي قولي كدا في النيابة. وليد بخوف: يا حضرة الظابط، صدقني إحنا ماشيين بالقانون. الظابط: يلا يا آنسة. عشق بجدية: اتفضل. وأنا هاجي بعربيتي. مش هركب البوكس. الظابط: مينفعش. انتي لازم تيجي معايا في البوكس. عشق:

وانا قولت لحضرتك. اتفضل، وأنا هاجي وراك. لو تحب. أركب معايا؟ أنا عشق الجبالي والصحافة حواليا في كل مكان. أنسى إني أركب البوكس. الظابط: تمام. اتفضلي قدامي. عشق: وليد، متقولش حاجة لبابا. كله هيكون تمام. وليد: يا عشق، انتي معملتيش حاجة. عشق: معلش، أنا معايا ربنا. سلام. وليد: مش هسيبك يا عشق. عشق سلمت عليه ومشيت. والظابط ركب معاها. وراحت لغاية مديرية الأمن. وليد: أعمل إيه؟ أعمل إيه؟

أنا لازم أقول لعم يعقوب. لا زين. آه، زين. (في القصر الجبالي) كانوا على الغدا. وفجأة تليفون زين رن. زين: الو. وليد بتوتر: الحقني يازين، عشق اتقبض عليها. زين: إيه؟ يعقوب: في إيه يا زين؟ وزين ساكت. زين: في إيه يا ابني؟ زين: عشق اتقبض عليها. انتظروني في البارت الجاي. ويا ريت تكون عجبتكم. وهل عشق هتتصرف إزاي؟ ياترى؟ وشكراً على التفاعل القمر بتاعكم.