رواية عشق في قلب صعيدي الفصل الثالث 3 - بقلم اسماء السيد

وفجأة عشق شدته. نزلت الترعة اللي جنبها. سليم كان واقف وكان هينزل يطلعها، بس فجأة طلعت عشق من تحت المية. عشق بإستمتاع: واو المية تحفة. وشافت سليم على البر، قالت له: هولاكو بتعمل إيه هنا؟ سليم بغضب: هولاكو؟ تصدقي كنت جاية أنقذك، بس إنتي متستاهليش. خسارة فيكي. عشق بعصبية: وأنا كنت قلت لك أنقذني؟ يا جدع إنت! سليم بسخرية: إنتي أصلاً متستاهليش. بس خدي بالك، منستش حركة الصبح وهردهالك. عشق بخبث: تمام، أنا طالعة.

وفجأة نزلت تحت المية وصوتت. وقلب سليم اتنفض مرة واحدة ونط في المية. لاقى عشق طلعت من وراه. عشق: هههههههه هموت من الضحك. وبصلها سليم بغضب. عشق طلعت وشدت الحصان وركبته ومشيت. وسليم واقف هيطق منها. وفجأة قال واحد من المزارعين. المزارع: مالك يا كبير؟ بتعمل إيه، في حاجة واقعة منك ولا إيه؟ سليم بغضب جحيمي: مفيش حاجة، امشي من قدامي. والله ما هسيبك يا بنت الـ... وطلع وركب الحصان ومشي. *** (في قصر الجبالي)

دخلت عشق وهي بتضحك. كل ما تفتكر منظر سليم. وندهت على الراجل بتاع الإسطبل. عشق: يا عم حسين. حسين: أيوه يا هانم، إيه ده؟ إيه اللي عمل فيكي أكده؟ عشق بهدوء: مفيش حاجة عادي. خد فهد حميه وشوف لو مجروح أو في حاجة، ماشي. حسين: حاضر يا هانم. ومشي، بس وقفته عشق. عشق: بقولك يا عم حسين، بلاش هانم دي. أنا زي بنتك، خليها عشق وبس، ماشي يا عم حسين. حسين بحب: حاضر يا بتي. ابتسمت عشق ودخلت. وكلهم اتصدموا من شكلها.

فريدة: إيه اللي حصل يا بنتي؟ عشق: محصلش حاجة، هطلع آخد شاور وأجي أحكيلكم. وطلعت. *** (في قصر القناوي) دخل سليم القصر ولقى الجميع قاعدين. وكلهم اتصدموا من شكله، دا عمره مدخل كدا. صفية: تاني يا ولدي؟ إيه اللي عمل فيك أكده تاني؟ سليم بغضب: مفيش، حصل خير. رامي: مش قلت لك ميقع إلا الشاطر يا سولم هههههه. كريم: بس يا وله، عيب كدا. إيه اللي حصل من غرقك تاني يا سليم ها؟ ومات من الضحك.

وسليم بصلهم بغضب جحيمي: ورحمة أبويا لو ما اتخرستوا، لأكون قتلكوا الليلة. وسابهم وطلع وهو بيشتم في عشق. *** (في قصر الجبالي) نزلت عشق وقعدت معاهم. زين: قولي إيه اللي عمل فيكي كدا؟ عشق: اللي حصل... حكتلهم على الصبح ودلوقتي. والأربعة كانوا بيبصولها بصدمة. وفجأة انفجروا في الضحك على جنونها. دنيا بصدمة: إنتي عملتي كل دا في سليم وسكت لك؟ عشق بمرح: وهو يستجرأ يتكلم؟ زين: طب خلي بالك بقى، عشان سكوت سليم مرعب.

عشق: ميعمل اللي يعمله، أنا مش هسكت له. هو اللي لسانه طويل. يعقوب: إنتي لعبتي مع اللي ما يرحمش يا بنتي. عشق: قلت لكم، ولا هيعرف يعمل معايا حاجة. فريدة: خافي على نفسك بقى يا بنتي منه. عشق: ولا يفرق. زين: والله جنونك هيوديكي في داهية في يوم يا عشق ههههه. *** تاني يوم في (قصر القناوي)

العيلة كانت مستنيهم، وسليم بالذات. وفجأة دخلوا كلهم وعشق وراهم. ولما العيلة شافتها انبهرو بجمالها. وسلمت عليهم، بس منار سلمت بتكبر. فعشق بصتلها من فوق لتحت بقرف وسابتها. والتانية اتجننت. ودنيا خدت عشق مع البنات وراحوا يتكلموا. والبنات حبوا عشق جداً، وهيا حبتهم. وعلى السفرة عشق قعدت بين زين ويعقوب. وسليم قصادها على طول وعمال يبصلها بخبث. وهيا بتبص بتحدي. قطع نظرتهم دخول كريم. سليم: عملت إيه في المناقصة؟

كريم: خسرنا المناقصة. سليم بغضب: إزاي الكلام ده؟ أنا مخسرتش قبل كدا. إنت عارف إن دي أكبر مناقصة في السنة كلها. كريم: والله معرفش. إحنا كان احتمال فوزنا فيها كان 100%، معرفش. سليم: مين اللي أخدها؟ كريم: شركة لسا أول مناقصة ليها، اسمها العشق. عشق كان في بقها دبوس الفرخة. مبقتش عارفة تطلعه ولا تعمل إيه من الصدمة. فجأة يعقوب وزين بصوا لها بصدمة. وهيا شرقت. سليم: وإيه دا اسم ولا إيه؟

دا والله أي كان الكلب ابن الكلب اللي أخده، هجيبه برد... عشق بعصبية: متحترم نفسك يا جدع إنت! الله! سليم بإستغراب: وإنتي مالك محموقة كدا ليه؟ عشق: مش عشان حاجة، بس يعني حرام إنك تشتم حد مش موجود. سليم: آه، عمتا خليكي في نفسك. عشق لسا هتتكلم، قاطعها رنة تليفونها. وكان وليد. وردت. وليد: مبروك يا عشق، أخدنا المناقصة. عشق: آه، عرفت. ماشي. وليد: عرفتي منين؟ عشق: عادي يا وليد. وليد: تمام، مبروك. عشق: الله يبارك فيك...

وفجأة بصوا لها الجميع. عشق: قصدي يتربى في عزك، قصدي الله يخليك. وليد: بإستغراب؟ يتربى في عزى؟ بقولك كسبنا المناقصة، مش خلفت. عشق: آه، عرفت. ماشي. وليد: يا عشق، ألف مبروك. عشق: الله يخليهملك يا رب. الله ياخدك. وقفلت. زين: بخبث: في إيه؟ عشق بتوتر: أصل، أصل، أصل وليد مراته ولدت أربعة، قصدي توأم. زين: آه بجد؟ عشق: آه. وبعدين فريدة قالت بحسن نية: صحيح يا عشق، مش اللي كسبت دي شركتك بردو؟ ألف مبروك يا بنتي.

وفجأة كلهم بصوا لها بصدمة. وعشق ابتسمت بسذاجة وسكتت. كريم: بصدمة: بجد؟ إنتي صاحبة الشركة؟ عشق: آه، لا، آه، آه. سليم: ومقلتيش ليه؟ وسكت. وعشق كملت أكل وسكتت. منار بغل: مش عيب عليكي تكوني لسا آخدة منه شغله وبتأكلي من خيره. عشق اتحرجت وقالت: عن إذنكم، أنا شبعت. وقامت. سليم بص لها بغضب: وإنتي مالك بتاكلي من جيبك؟ وقام هو كمان. منار بغل في نفسها: والله ما هسيبك، ماشي.

وراح سليم ورا عشق. وفجأة لقى عشق قاعدة في الجنينة بتلعب مع القطط وبتضحك. سرح فيها شوية. وبعدين قال: سليم: كنت فاكر هتيجي ألاقييكي بتعيطي وكده. عشق: أنا أعيط ليه؟ إنت فاكر الكلمتين اللي اتقالوا جوه دول شغلوني ولا في بالي. سليم: مبروك. عشق: الله يبارك فيك. عقبال ما آخد منك الباقي. وضحكت ومشيت. سليم: هنشوف يا عشق. ودخلت قعدت جمب زين جوه في الصالون. الجد مجدي: معلش يا بنتي، هيا بس منار اللي هزارها تقيل شوية.

منار بصت لعشق حقد. عشق: عادي يا جدو، ولا يهمك. مجدي: عمتا يا بتي، ألف مبروك. عشق: الله يبارك فيك يا جدو. زين بهمس: متزعليش يا حبيبتي. عشق بمرح: أنا أزعل من السلعوة دي؟ دي شبه الكلب البلدي. وفجأة زين انفجر في الضحك. على دخول سليم. سليم: بتضحك على إيه؟ زين: لا، ولا حاجة. مفيش. عشق بهمس: زين، أنا عاوزة أتفسح. زين: حاضر، قومي يالا نروح نغير ونخرج. زين: معلش يا جماعة، أنا هقوم أنا وعشق ودنيا عشان رايحين مشوار.

يعقوب: رايحين فين يا ابني؟ زين: هنتفسح عشان أوري عشق الصعيد. زين: صحيح يا سليم، متيجي معانا. سليم بخبث: ماشي، هاجي معاكم. منار: وأنا كمان هاجي معاكم. زين بضيق: تمام. كريم: بعد إذنك يا جدي، هاخد ريحانة أفسحها. الجد: ماشي يا حبيبي. زين: تمام، هنروح القصر نغير ونعدي عليكم. سليم: تمام. ومشوا... عشق: ليه عزمته؟ يا رخمة. زين: عادي. ويلا عشان منتأخرش.

ورجعوا غيروا ومشوا. وعشق لبست دريس أسود وطرحة أبيض في أسود كدا، وكانت قمر. وصلوا وسليم أول ما شافها انبهر بجمالها جداً. وفضل متنح شوية لحد ما كريم فوقه. زين: عشق، اركبي مع سليم عشان عاوز أمشي مع دنيا لوحدنا. عشق: مستحيل! لا مش هركب معاه. زين: خلاص، اركبي يالمضة. وركبت مع زين. وراه ومشوا. راحوا الملاهي. منار كانت راكبة مع سليم. منار بحقد: بقولك إيه يا سليم، إنت مش هتاخد حقك؟ سليم: من مين؟

منار: من البنت البيئة اللي اسمها عشق دي. سليم بغضب: أولاً، متقوليش عنها بيئة عشان هي مش موجودة. ثانياً، أنا مفيش بينا عداوة. وخليكي في نفسك. ونفخ بزهق. منار بحقد وغل أكتر لعشق: وإنت بتحامي عنها كدا ليه، إن شاء الله؟ (سليم بص لها بنظرة آخرستها.) *** في الملاهي عشق بطفولة: الله! أنا هركب كل دا، يلا! منار بقرف: إنتوا جايبيننا ملاهي؟ إحنا أطفال ولا إيه؟

زين بضيق: عشق بتحب الملاهي أوي، ودي رغبتها. وقاطعه عشق وهي بتشده عشان يركبوا لعبة. ومشي معاها وهو بيضحك. سليم ابتسم على منظرها وقال: وأنا كمان هركب معاكم. زين ودنيا اتصدموا، لأن دي أول مرة سليم يعملها. منار: سليم، إنت هتركب بجد؟ سليم: آه، هركب. وركب في الكابينة اللي فيها عشق ودنيا. وزين في كابينة. واتقفل عليهم. ومنار كانت هتولع. وكانت رايحة تركب،

بس الراجل قال: معتش مكان. واللعبة اشتغلت. ولما طلعوا مسافة عالية جداً، عشق حطت وشها في حضن سليم ومسكت إيده جامد. وسليم كان مصدوم. لحد ما اللعبة خلصت ونزلت. وعشق لسا ماسكة فيه. وبعدين أخدت بالها من اللي هي عملته. بس للأسف منار شافتهم وولعت أكتر. عشق: أنا آسفة، والله آسفة. مكنش قصدي. سليم: لا، عادي. ولا يهمك. ونزلوا من اللعبة. ومنار راحت عند عشق وضربتها بالقلم جامد.