رواية عشق في قلب صعيدي الفصل الرابع عشر 14 - بقلم اسماء السيد

عشق وسليم بصدمة: آيه! عشق: أنت كداب، أنت اللي قتلتها قدام عيني. رفعت بندم: صدقيني كريمة هي اللي لعبت في دماغي يا بنتي. سليم بغضب: يعني كريمة هي اللي عملت كل ده! إزاي؟ عشق: صدقني أنا متأكدة إن أنت وسمر اللي قتلتها.

رفعت: يا بنتي صدقيني كريمة هي اللي عطتني السم حتى سمر تبقى أخت كريمة، ولفّت عليا لغاية ما بقت تزن عليا عشان أقتلها وأنا كنت برفض، بس يا بنتي أنتي عارفة إن الزن على الودان أمر من السحر، وكريمة فضلت ماسكة عليا ذلة قتل ليلى، وهي اللي طلبت مني كمان أحبسك. عشق: أنتم شياطين! بس إزاي سمر أخت كريمة بجد يا سليم؟ سليم: فعلًا كريمة كان عندها أخت اسمها سمر بس دي ماتت من عشر سنين.

رفعت: اللي قتلها كريمة، وكمان هي اللي قتلت سالم وأحمد. سليم بصدمة: عمي أحمد اتقتل إزاي؟ رفعت: كريمة معاها سم ما يبانش تأثيره في الجسم وكأنه موتة طبيعية، ولما أحمد عرف إنها هي اللي قتلت سالم وهددها هي قتلته. سليم اتعصب جدًا وقرب مسكه من رقبته. سليم بغضب: هي قتلت أبويا ليه؟ انطق!

رفعت: عشان كانت بتحب سالم، ولما حاولت تقرب منه كتير هو رفضها وقالها إنه هيقول لماجد، وهي خافت وكانت متغاظة من الحاجة صفية عشان هي كبيرة القصر، فوصّت ناس عشان تضرب نار على سالم، وبالفعل ضربوا نار عليه وهو راجع من مصر بالليل والعربية اتقلبت، وهو ما ماتش بس كان مجروح جامد، وهي كانت موجودة و شافته وهو بيموت وبعدين ضربته طلقة ومات. سليم بغضب جحيمي: يا بنت الكلب والله لأقتلها!

عشق: اهدى يا سليم، اهدى، أخد الحق حرفة، وهي أكيد هتنكر، لازم نمسك عليها دليل عشان لو سلمتها للحكومة يبقى معانا دليل وقوي كمان. سليم بغضب: مش قادر، أنا هموتها، دي قتلت أبويا وعمي. عشق بضيق: سليم، أنا ليا حق منها زي زيك بالظبط، أنا أمي اتقتلت بسبب شوية كلاب. أكرم: هتخلصوا المسرحية دي إمتى؟ طلعوني من هنا أنا مش هرحمكم، وديني لأقتلكم! سليم بغضب: ورحمة أبويا لو ما اخرست يا ابن الكلب لأدفنك مكانك، لسه حسابك جاي.

وضربه بالبوكس لدرجة إنه وقع بالكرسي لورا. سليم بغضب: قومه، وأنا دلوقتي هنمسك عليها دليل إزاي؟ عشق بتفكير: أنا عندي فكرة، إحنا نخلي رفعت يكلمها ويستدرجها في الكلام. سليم: تمام، حلوة الفكرة دي. الله في سماه لو أنت ما عرفت تخليها تعترف لأقتلكم. رفعت بخوف وندم: اللي أنتم عاوزينه يا ابني. سليم: ثواني وجاي، تعالي معايا يا عشق. عشق: لأ أنا هستناك هنا. سليم: وأنا مش هسيبك هنا. عشق: أنا مش همشي، أنا موجودة أهو.

سليم: تمام، أنا هجيب تليفونه من العربية وأجي، خلوا بالكم منها. واتجه لبرا. عشق قربت من أكرم. عشق بغضب: أنا هقتلك يا أكرم! أكرم: وأنا كنت عملتلك إيه إلا خطفتك؟ عشق بصوت عالي: لأ عملت يا روح أمك، اغتصبت أمي... آه بس صح، العيب مش عليك، العيب على رفعت. ووجهت نظرها ليه وقربت منه. عشق بقهر: ليه قتلتها؟ ليه حرام عليك؟ دي كانت بتحبك. رفعت بندم: حقك عليا يا بنتي، أنا آسف والله الشيطان كان عاميني، سامحيني يا دهب، سامحيني.

عشق بسخرية: هههههه أسامحك بالسهولة دي يا رفعت؟ وفجأة مسكته من رقبته وملامحها اتحولت للغضب. عشق: أنا ممكن أقتلك دلوقتي بس لأ، أنا هوريك العذاب الأول وبعدين هقتلك. رفعت بندم: من حقك يا بنتي، أنا آسف والله كانت غلطة.

عشق بدموع: إنك تقتل أمي دي كانت غلطة، وإنك تحبسوني في أوضة ضلمة من غير أكل ولا شرب دي كانت غلطة، وإنك ترميني في الشارع في عز المطر دي غلطة برضه، وإني دماغي اتجرحت وأنت ما عبرتنيش حتى برضه غلطة. لأ، أنت ظلمتني كتير وأنا مش هقدر أسامحك يا رفعت. رفعت بدموع: سامحيني يا بنتي وأنا هعترف على نفسي صدقيني بس سامحيني، والله أنا دورت عليكي كتير وما كنتش لاقيكي يا دهب يا بنتي والله.

عشق بعصبية: ما اسميش دهب، أنا عشق، أنا مش بنتك، أنا بنت يعقوب الجبالي الراجل الطيب اللي أخدني من الشارع عشان أبويا طمع وقتل أمي، ليه تحرمني منها ليه؟ ودخل سليم وجري عليها بخوف. سليم: عشق اهدي يا حبيبتي. عشق: جبت التليفون؟ سليم: أيوه أهو. وفتحه ورن على كريمة. سليم: اسمع، أنت هتكلمها وهتخليها تعترف بكل حاجة فاهم؟ رفعت: فاهم فاهم. أكرم: خليه معاكم ومشوني، أنا عطشان. سليم بغضب: اخرس أنت عشان ما أقتلكش دلوقتي فاهم؟

أكرم: أنا عطشان، خلي عندك دم يا أخي، وأنا مالي؟ مشيني من هنا، أنت متعرفش أنا هعمل فيك إيه. سليم ببرود: ولا تقدر، ولو كنت تقدر كنت عملت يا خنزير. أنا هاخد حق مراتي وحق معتز وحقي يا ابن الكلب! وفجأة ببوكس في وشه ونزل فيه ضرب. عشق: سليم يا حبيبي مش وقته، كريمة بترن. قام سليم من عليه. سليم بغضب: خذوه وروقه. والرجالة أخذت أكرم. وعشق فتحت المكالمة. كريمة: ألو يا رفعت. رفعت: أيوه يا كريمة.

كريمة بعصبية: أنت ما بتردش عليا بقالك كتير ليه ها؟ رفعت بعصبية: أنا مش شغال عندك فاهمة؟ أنا أرد وقت ما أحب. كريمة بخبث: تمام، وأنا برضه هودي الدليل للحكومة وقت ما أحب يا رفعت. رفعت: أعلى ما في خيلك اركبيه، أنتي اللي حطيتي السم عشان كنتي بتكرهي ليلى، وأنتي اللي خططتي لكل حاجة وليلى كانت بتعتبرك صاحبتها وبتحكيلك وما تعرفش إنك أنتي اللي قتلتي أبوها الحاج أمجد فاكرة ولا نسيتي؟ كريمة بتوتر: أنت إزاي تكلمني كده ها؟

أنا ممكن أوديك في داهية فاهم؟ وبعدين أنا كنت بكره ليلى عشان دايمًا كانت بتحسسني إنها أحسن مني في كل حاجة. رفعت: يبقى تعقلي كده ومش كل ما تكلميني تقعدي تهددي فاهمة يا كريمة؟ أرغي كنتي عاوزة إيه؟ كريمة بغل: كنت عاوزة أعرف أنت اللي كنت خاطف الزفتة عشق ولا لأ. ورفعت بص لسليم وهو هز له رأسه بلا. رفعت: لأ مش أنا اللي خطفتها، ارتحتي؟ كريمة: أومال مين اللي خطفها؟ رفعت: هشام السيوفي هو اللي خطفها والشرطة قتلته.

كريمة: عشان كده أنت ما كنتش بترد، ما كنتش عارف تقتلها، غبي! رفعت بغضب: اسمعي يا كريمة، أنا ساكتلك من زمان، الزمي حدك عشان ما أقتلكيش فاهمة ولا إيه؟ كريمة: أنت متضايق من كلمة غبي عشان أنت فعلًا غبي، قلتلك احبسها طلعت تاني يوم، قلتلك اقتلها قلتلي أصلي عندي شغل ولما أخلص هفكر، زي ليلى لما كنت أقعد أقولك اعمل كذا وأنت بترفض بس في الآخر نفذت اللي في دماغي ههههه.

رفعت: كريمة أنا برضه ممكن أقول إنك أنتي اللي قتلتي سالم وأحمد كمان فاكرة ولا نسيتي؟ كريمة بتوتر: أنت من إمتى بتكلمني كده يا رفعت؟ أنت نسيت نفسك ولا إيه؟ رفعت: عشان زهقت، مش كل شوية تعايريني وأنتي عارفة إني ما كنتش عاوز أقتلها وقلتلك أطلقها، قلتلي لأ عشان ما تاخدش الشركة، وأنتي أصلًا شيطانة وما تنسيش إني ممكن أقول عن تجارتك في السلاح مع أكرم.

كريمة: أيوه أنا اللي قتلتهم وقتلت ليلى عشان ما كنتش بحبها، أنا كنت بكرهها عشان كانت بتعاملني كأنها بتعطف عليا وأنا المفروض كانت تديني فلوس، وأنا اللي قتلت أمجد الرفاعي عشان جابني وهددني إني لو ما بعدتش عن ليلى هيقتلني، وكمان هقتل عشق عشان بتفكرني بيها وهقتل سليم كمان بس اصبر عليا. رفعت: اهبطي بقى يا كريمة وكفاية شر عشان ما أقتلكيش وأرتاح منك فاهمة؟ وأقول كل حاجة لعشق وسليم.

كريمة بغضب: اسمع يا رفعت، أنا عملت كل ده، ما بالك بقى مش هعرف أقتلك ولا إيه يا ابن الرفاعي؟ رفعت: أعلى ما في خيلك اركبيه يا كريمة، أنا هستنى إيه من واحدة قتلت أختها! وقفل. عشق: يا بنت الكلب، والله لأوريكي يا بنت الكلب! سليم بغضب جحيمي: والله ما هسيبك يا كريمة، يلا عشان نتحرك. وبالفعل أخذوا رفعت واتحركوا للقصر. *** في القصر: يعقوب: هي عشق وسليم راحوا فين؟ مجدي: والله ما عارف، هما قالوا خارجين، زمانهم جايين.

وفجأة دخلت عشق وسليم. يعقوب: كنتي فين يا عشق؟ عشق بغضب وصوت عالي هز القصر: يا كريمة يا كريمة! مجدي: في إيه؟ وطي صوتك يا بنتي. سليم بصوت عالي: يا كريمة انزلي يا كريمة! رامي وريان: هو في إيه يا سليم؟ عشق: يا كريمة يا كريمة! كريمة وهي بتبص لهم من فوق: إيه في إيه مالكم؟ سليم: انزلي عاوزك. ماجد: في إيه يا سليم مالكم؟ سليم: اهدأ أنت يا عمي. كريمة وهي نازلة: عاوزين مني إيه؟ عشق: انزلي تعالي عاوزاكي يا غالية يا بنت الكلب!

منار بغل: احترمي نفسك يا بت أنتي! عشق بغضب: الله في سماه لو ما اخرستي لأقتلك فاهمة؟ كريمة بخوف بعد ما نزلت: نعم عاوزين إيه؟ عشق قربت عليها ومسكتها من هدومها، والكل اتصدم. عشق: أنا هقتلك يا كريمة فاهمة؟ كريمة: أنتي إزاي تمسكيني كده؟ أنتي اتجننتي؟ عشق: أنتي لسه شوفتي جنان. وسابتها وراحت عند أحد الحرس اللي واقفين على الباب وشدت السلاح من جنبه. والجميع اتصدم. وعشق قربت ورفعت على كريمة السلاح.

ريان: أنتي مجنونة نزلي السلاح! سليم بهدوء: اسكت أنت، نزلي السلاح يا عشق! عشق بهدوء ما قبل العاصفة: لأ مش هنزله، أنا هقتلها. كريمة بتوتر: إيه أنا عملتلك إيه يا بت أنتي؟ سليم بغضب: أنا هقولك عملتي إيه، دخلوه. وفجأة دخل رفعت والرجالة مسكاه. سليم: سيبوه واطلعوا. وكريمة كانت مصدومة. عشق: أنتي مصدومة ليه؟ ما تخافيش، أنا عرفت كل حاجة يا بنت الكلب! كريمة بتوتر: مين ده؟ أنا ما أعرفهوش. سليم: نعم يا روح أمك؟

مين ده اللي ما تعرفيهوش؟ مجدي بغضب: ما تفهمني يا سليم في إيه ومين ده؟ سليم: أنا هقولكم ده يبقى... قاطعته عشق: أبويا... والكل اتصدم حتى كريمة. يعقوب: أبوكي إزاي؟ إنتي بنته إزاي؟ عشق: آه، أنا بنت رفعت الرفاعي، أنا دهب يا كريمة. كريمة بصدمة: إنتي بنت ليلى؟ عشق بغضب: أيوا، أنا بنت ليلى اللي إنتي قتلتها، فاكرة؟ كريمة: أنا ما قتلتش حد. عشق: لا، قتلتي ليلى وكمان قتلتي جدي أمجد، فاكرة؟

سليم: لا، وكمان هي اللي قتلت أبويا وكمان سمر أختها وكمان عم أحمد. كريم ودنيا: إيه؟ كريم: إنتي اللي قتلتي أبويا إزاي؟ رامي: إنتي كمان قتلتي أبويا؟ مجدي: يعني إنتي اللي قتلتي ولادي؟ عشق: ومش بس كدا، دي كمان قتلت أمي وجدي وكمان بتاجر في السلاح والكوكايين. كريمة: ما حصلش، أنتم كذابين أنا ما قتلتش حد. رفعت: لا، إنتي اللي قتلتيهم وأنا شاهد، وإنتي اللي أجبرتيني على قتل ليلى، فاكرة ولا نسيتي؟

وكمان إنتي اللي قتلت أمجد الرفاعي بالنار. مجدي بصدمة: وهو إنتي جدك أمجد الرفاعي؟ عشق باستغراب: آه، أنا بنت بنته. مجدي: يعني إنتي بنت ليلى؟ عشق: آه، في إيه؟ مجدي: أنا صاحب عمري هو أمجد الرفاعي، بس مين رفعت دا؟ إنت اللي ما كنتش عاوز تجوزك بنته عشان عارف إنك طمعان فيها، مش كدا؟ عشق: أنا كل دا ما يهمنيش دلوقتي، أنا اللي يهمني إني هقتلها، دي قتلت أمي وجدي، دي شيطانة.

كريمة بغضب: أيوا، أنا اللي قتلت ليلى وأنا اللي قتلت أمجد وأحمد وسالم، عارفين ليه؟ عشان أنا اللي كنت استحق أتجوز سالم كبير البلد مش ماجد، أنا كنت بحبه وكل ما كنت أقرب منه هو يبعدني، أنا اللي المفروض أكون ست القصر مش صفية، ولما أحمد عرف وهددني قتلته، ههههه. كريم بغضب: يا بنت الكلب، هقتلك يا بنت الكلب. سليم: اهدى، هي هتشوف العذاب ألوان بس اهدى. ماجد: ليه عملتي كدا؟ ليه؟ أنا عملتلك إيه؟

أنا اللي غلطان إني دخلتك العيلة، أنا غلطان. ريان: اهدى يا أبويا، دي مش إنسانة، دي شيطانة وتستاهل الإعدام. عشق: خلصتوا كلامكم؟ برضه أنا مش هاسيبها إلا أما أقتلها. سليم: عشق، نزلي السلاح. عشق: لا استني عليا... ووجهت السلاح على رفعت. رفعت بندم: سامحيني يا بنتي، أنا آسف، حقك عليا. يعقوب: طب لما إنتي فاكرة عيلتك ما قولتيش ليه من الأول؟ عشق بغضب: أقولك إيه؟ أقولك إن أمي ماتت قدام عيني؟

ولا أقولك إني اتحبست أسبوع في أوضة ضلمة من غير أكل ولا شرب؟ ولا أقولك إن أمي اغتصبوها اتنين قدام عيني؟ ولا أقولك إن أمي كانت بتضرب وأبويا داخل كل يوم بواحدة؟ وهي كانت بتستحمل، أنا شوفت الويل، كنت كل يوم بعيط من غير صوت وأقول عاوزة ماما، خوفت أقولكم تطردوني أو تعاملوني زيه طفلة عندها 6 سنين شالت الهم والحزن، أنا بقالي 17 سنة مستني اليوم دا. رفعت: سامحيني يا دهب، سامحيني. عشق: فين قبر أمي يا رفعت؟ فين؟ انطق.

رفعت: جنب جدك يا بنتي، أنا دفنتها بس ما عملتش عزا. عشق: شركة جدي فين يا رفعت؟ انطق. رفعت: لسه معايا وشغالة. عشق: حطيت فيها فلوس حرام؟ رفعت: لا، اللي مشغلها حمدي أخويا. عشق: ههههه، حمدي دا لسه حسابه جاي، والشقة والفلة؟ رفعت: معايا لسه. عشق: طب اسمع بقى، أنا هاخد الشركة والشقة والفلة وحق أمي وجدي، تمام. رفعت: اللي إنتي عاوزاه يا دهب أنا هعمله بس تسامحيني.

عشق: عمري ما هعرف أسامحك، أنا بكرهك يا رفعت، بكرهك، بس استني عليا... ورفعت التليفون واتصلت على عز. عشق: ألو. عز: عشق، حمد لله على السلامة. عشق: مش وقته، هتجهزلي تلات عقود دلوقتي تمليك، فاهم. عز: بتوع إيه ومين الوارث ومين الوريث؟ عشق: الوارث رفعت الرفاعي والوريث أنا، هتعملي عقد شركة وفلة وشقة حالًا تكون عندي... وقفلت. عشق: هاخد منك كل حاجة وأحرق قلبك زي ما حرقت قلبها.

كريمة: أنا كنت حاسة إنك بنت ليلى لإنك شبهها وكمان فكرتيني بيها، بس أنا هقتلكم كلكم. سليم: اخرسي بقى يا زبالة، إنتي إيه؟ ... وقرب عليها ضربها بالقلم... والكل اتصدم. كريمة: إنت بتضربني يا ابن سالم؟ والله لأندمك، أنا ما بحبكش ولا بقبلك عشان شبه أبوك. سليم بغضب جحيمي: إنتي إيه يا شيخة؟ إيه؟ إنتي شيطان؟ أنا ممكن أقتلك مكانك بس لولا إني مش عاوز أوسخ إيدي في كلبة زيك.

عشق: سليم ما تتعبش نفسك، دي ما عندهاش لا قلب ولا ضمير، دي قتلت أختها مش هتقتل كل دا. كريمة: أيوا قتلتها عشان حبت رفعت ولما قلتلها تمضي على الأملاك كلها وتقتله قالتلي لا أنا بحبه. منار بصدمة: إنتي عملتي كل دا يا ماما بجد؟ كريمة: آه عملت كل دا بس ما تبقيش طيبة معاهم، دول شياطين وما تنسيش إن بنت ليلى هي اللي أخدت سليم منك. عشق... قربت منها وحطت السلاح على دماغها.

عشق بصوت عالي: أنا ممكن أقتلك وأخلص منك يا كريمة بس أنا مش زيك، أنا تربية ناس طيبين وأمي زرعت في قلبي الطيبة من صغري زي ما حاولتوا تقتلوني بسم إنتي وبنتك وكمان التعبان ولا نسيتي؟ ... وفجأة دخل عز. عز: سلام عليكم. عشق: وعليكم السلام، جبت الورق؟ عز بتوتر من المنظر: آه كل تمام، هو في إيه؟ عشق: ما لكش فيه، هات... وراحت خدت الورق وراحت عند رفعت. عشق: أمضي يلا. رفعت: هاتي يا بنتي... وأخد الورق ومضى عليه.

عشق: خد بالك أنا مش محتاجهم وعندي اللي أحسن منهم بس كان لازم آخد شقا جدي منكم وحمدي أخوك لسه حسابه معايا عسير. رفعت: اللي إنتي عاوزاه يا دهب... اتفضلي... وعطاها الورق. عشق بجمود: تطلع على الشهر العقاري، الحاجات دي تكون ملكي الليلة، فاهم؟ عز بخوف: تمام يا عشق، عن إذنك. كريمة: غبي، باع كل حاجة بسهولة، غبي يا رفعت. رفعت بغضب: لا، أنا مش غبي، أنا حاولت أصلح حاجة من اللي عملته...

وآه صحيح يا سليم نسيت أقولك إن كريمة هي اللي بلغت أكرم إنكم جايين تمسكوه متلبس وهي كمان اللي قالتله يقتلكم بعد ما سمعتك وإنت بتتكلم في الأوضة. سليم بصدمة: إيه؟ كريمة بخوف: أنا ما عملتش كدا، دا كذاب. سليم قرب عليها ومسكها من رقبتها. سليم بغضب: إنتي اللي قتلتي معتز؟ ليه؟ أنا هقتلك، إنتي شيطانة، أخدتي مني الناس اللي بحبهم، أبويا وعمي وصاحب عمري، هقتلك... وجري عليه زين. زين: اهدى يا سليم، ما توسخش إيدك بكلبة زيها...

وبعد وقت عرف يبعده عنها... وكريمة كانت خلاص هتموت. زين: حسبي الله ونعم الوكيل فيكي، قتلتيه ليه؟ دا كان أطيب واحد فينا كلنا، إنتي حاجة أوسخ وأنعل من الشيطان. وعشق قربت منها وحطت السلاح على دماغها. عشق: أنا اللي هقتلك، إنتي كلبة ولا تسوى... وفجأة كريمة أخدت منها السلاح وصوبته على عشق ورجعت لورا. كريمة بشر: أنا اللي ممكن أقتلك دلوقتي. عشق: ولا تعرفي تعملي حاجة، إنتي كلبة. كريمة بغضب: كدا طيب يا بنت ليلى...

وفجأة ضربت نار على عشق بس رفعت وقف قصادها وأخد الطلقة وعشق اتصدمت. ورفعت وقع على الأرض. عشق بصدمة: بابا... ونزلت أخدته في حضنها. رفعت بوجع: بابا؟ أخيرًا قولتيها، سامحيني يا دهب. عشق بدموع: إنت مش هتموت، لا إنت مش هتموت. رفعت: يا ريت أكون قدرت أعمل حاجة صح في حياتي يا بنتي. عشق بدموع: ما تسيبنيش يا بابا، ما تسيبنيش زيها، ونبي أنتم ليه مش بتحبوني وبتسيبوني؟

رفعت حط إيده على خدها: أنا بحبك قوي يا دهب، سامحيني لو أذيتك في يوم، وابقي زوريني يا دهب. عشق: إنت مش هتموت، لا والله أنا بحبك بس كنت بكابر، ما تسيبنيش عشان خاطري. رفعت: ليلى أهي يا دهب هناك أهي، استني أنا جاي معاكي يا ليلى، سامحيني يا حبيبتي. عشق ببكاء: لا ابعد، لا ما تروحش خليك معايا. رفعت بوجع: بحبك يا دهب... ومات وعشق اتصدمت. عشق: بابا، بابا رد عليا، بابا... وأخدته في حضنها وانهارت خالص...

ياااابابا لا ما تموتش لاااااا ما تسيبنيش لااا أبويااا. أنا آسفة سامحني يا بابا ااااه ما تسيبنيش. سليم قرب عليها: اهدي يا عشق، اهدي يا حبيبتي. عشق بجنون وانهيار: أنا مش عشق، أنا دهب، أنا دهب. اصحى يا بابا، اصحى، أنا آسفة، أنا اللي كنت قاسية عليك يا بابا، قوم بقى عشان خاطر دهب يا بابا... والكل كان بيعيط على حالتها. مجدي: اهدي يا بنتي، ربنا يرحمه. عشق: لا هو مش هيسيبني زيها لأ. قرب عليها يعقوب ونزل أخدها في حضنه.

عشق: لا أنا عاوزة بابا، أنا مش عاوزة يموت، قوله يرجع عشان خاطري ونبي... ويعقوب كان منهار على حالتها. وعشق قامت وقفت: أنا هقتلك يا كريمة، هقتلك، إنتي خسرتيني أمي وأبويا ويتمتيني، أنا هقتلك. كريمة بخوف: لو قربتي أنا هقتلك، فاهمة؟ عشق بغضب: اقتليني، اقتليني، أنا عاوزة أموت وأروح لأبويا وأمي، اقتليني يلا... وكريمة كانت بترجع وعشق بتقرب. كريمة برعب: لو قربتي هقتلك، أنا قلتلك أهو يا عشق. عشق بجنون: أنا اسمي دهب، فاهمة؟

مش عشق، أنا دهب رفعت الرفاعي اللي هتقتلك... وعشق قربت ومسكتها من رقبتها وكانت خلاص هتموتها بس سليم اتدخل هو والحكومة دخلت. الظابط: مدام عشق سيبيها لو سمحتي. عشق: لا، دي دمرتلي حياتي. الظابط: سليم شيل مراتك، لازم تتعاقب على جرايمها. وبالفعل سليم شدها وعشق كانت بتحاول تبعده بس ما قدرتش. عشق بصراخ: سيبني أقتلها يا سليم، سيبني أقتلها. سليم: بس بقى، اهدي، هي هتاخد جزاءها، اهدي. وعشق انهارت وسليم حضنها جامد.

الظابط: يلا يا كريمة، يلا يا شيطانة. كريمة: أنا ما عملتش حاجة، ابعدوا عني. الظابط: لا عملتي كل حاجة، اتسجلت دلوقتي ومكالمتك مع رفعت وأكرم اتقبض عليه واعترف على كل المافيا. خدوها... وقرب العساكر وأخدوها وهي كانت بتصرخ. ماجد: استنوا... والعساكر وقفت والكل كان مستغرب. ماجد بقرف: أنا غلطت لما نضفتك ودخلتك بين عيلتي يا رخيصة يا كلبة، إنتي طالق بالتلاتة، أنا بريء منك ليوم الدين، طالق يا شيطانة، أتفوو... خدوها...

والعساكر مشيت. الظابط: سليم إحنا هناخد الجثة دي عشان تتشرح... وعشق طلعت من حضن سليم وقربت على رفعت وحضنته. عشق: لا، أنتم مش هاتخدوه لا. سليم: معلش يا حبيبتي لازم عشان القضية تتثبت عليها. عشق بانهيار: لا ونبي يا سليم لا، أنا عاوزاه ما يتشرحش عشان خاطري ونبي يا سليم. الظابط: يا مدام عشق للأسف دي إجراءات. عشق: بص، خد ثروتي كلها بس ما يتشرحش. سليم: كدا هي مش هتتهم بقتله يا عشق. عشق: سليم حرام، أنا عاوزة كدا عشان خاطري.

الظابط: تمام يا مدام عشق أنا همشيلك الدنيا لحد ما أودي كريمة المركز وأجي آخد الجثة، عن إذنكم. عشق: شوفت آخرتها إيه يا بابا؟ ليه عملت كدا من الأول؟ ليه إحنا كنا عايشين كويسين؟ ليه عملت كدا بس دي كانت بتحبك وبتحبني يا بابا، ليه بس... وعيطت جامد. فريدة بحزن: اهدي يا عشق، اهدي يا حبيبتي، أنا عمري قصرت معاكي في حاجة؟ عشق: أنتم ونعم الناس بس أنا موجوعة عشان كان عندي بابا وماما وجدو بس بابا طمعه وصله لحاجات وحشة.

يعقوب: معلش يا عشق، الله يرحمه. زين: سامحيه يا عشق، سامحيه يا حبيبتي. عشق: مسامحاه، أنا بحبه بس كنت بكابر، يا ريتني كنت خدت الطلقة مكانه. سليم: ما تقوليش كدا يا نور عيني، أنا كنت موت وراكي، إحنا كلنا بنحبك يا عشق وعاوزينك. عشق: وأنا بحبكم بس أنا خسرت كل حاجة، أبويا وأمي اتقتلوا على إيد شيطانة. ماجد: حقك عليا أنا يا بنتي. عشق: إنت ما لكش ذنب يا عمي. سليم: طب قومي يلا يا حبيبتي، إنتي هدومك كلها اتغرقت دم.

عشق: لا أنا هفضل معاه شوية. وشدت من حضنها عليه. سامحني يا بابا إني مقدرتش أحميك. منار: يعني إيه؟ يعني أمي كدا خلاص راحت بسببك؟ سليم بغضب: أنتي إيه؟ معندكيش قلب يا بت أنتي ولا إيه؟ منار بغل: أنا بكرهك يا عشق، بكرهك. كل دا وعشق في عالم تاني. ماجد بغضب: منار اطلعي فوق حالًا عشان والله أقتلك. منار نفخت وطلعت فوق وهي بتتوعد لعشق بشر. روح وتاليا ودنيا وريحانه قربوا عند عشق. روح: قومي يا عشق متزعليش، هوا عند ربنا.

تاليا: هوا فعلًا في مكان أحسن يا عشق. دنيا: متزعليش يا عمري، أنتي جميلة ومأذتيش حد وتستاهلي كل خير، هوا دلوقتي راح عند ربنا اللي أحن من الدنيا كلها. ريحانه: ادعيله بالرحمة وإن ربنا يسامحه. كل دا وعشق حاضنة رفعت وباصة قدامها وساكتة. سليم نزل وحضنها: عشق يا حبيبتي خلاص دا أمر واقع ولازم نستحمل، وبعدين مش أنا قولتلك طول ما أنا جنبك ما تخافيش يا قلب وروح سليم. وعشق مردتش. سليم: ردي عليا يا عشق، طب ردي عليا يا دهب.

عشق: حاضر يا سليم، أنا كويسة. سليم: أنا عارف إنك موجوعة وتعبانة بس الله يرحمه كفاية إنه عرفنا الحقيقة كلها وكمان أخد بدالك الطلقة، هوا كان كويس من جوه بس شيطانه اللي كان عاميه يا دهب. عشق: الله يرحمه. وفجأة دخل الظابط. الظابط: طيب يا مدام عشق أنا سبتك حوالي ساعتين، يا ريت تسلميلي الجثة بعد إذنك. عشق: يعني إيه؟ خلاص هتاخده؟ لا ونبي سيبه. سليم: اهدي يا عشق.

الظابط: سليم أنا اتأخرت في الإجراءات وأنت عارف فلازم أخده حالًا. فجأة وقف سليم وشد عشق وهي كانت بتصرخ. عشق بانهيار: سيبني يا سليم، سيبني عشان خاطري لو بتحبني سيبني. والمسعفين دخلوا حطوه على الشيالة واتجهوا لبرا. عشق بجنون: سيبني يا سليم عشان خاطري، لااا سيبوه يا بابا، استنوا هوا مش هيسيبني، لااا اصحى يا رفعت يا بابا اصحى. كل دا والعيلة كلها بتعيط حتى سليم كان بيعيط والظابط. وفجأة عشق أغمي عليها، وسليم شالها.

سليم: عشق يا حبيبتي، عششق، دكتورة حالًا دكتورة. وحطها على الكنبة، وقعد يصحي فيها مكنتش بتصحى. زين بخوف: تعالى نوديها المستشفى. سليم: صح مستشفى. وشالها وطلع يجري على برا وركب العربية وطلع والعيلة كلها وراه. في المستشفى، وصل سليم في وقت قياسي ونزل شال عشق ودخل يجري جوه. سليم بصوت عالي: الحقوا مراتي بسرعة يلا. الدكتور: حاضر حاضر. سليم بغضب: لو حصلها حاجة هاخد روحك. الدكتور بخوف: تمام، بسرعة خدوها.

وبعد شوية العيلة وصلت وسليم رايح جاي في الطرقة. يعقوب: هيا كويسة؟ سليم: لسا الدكتور مطلعش. وبعد شوية الدكتور طلع والجميع جرى عليه. سليم: هيا كويسة؟ طمني. الدكتور: هيا عندها انهيار عصبي شديد وأنا أديتها مهدئ وهيا نايمة حاليًا وكمان ساعتين هتصحى وتقدر تروح وهيا محتاجة رعاية هيا والجنين. سليم بصدمة: جنين؟! الدكتور: أيوا المدام حامل في شهرين. سليم بفرحة: بجد؟ الدكتور: آه بجد، ألف مبروك عن إذنكم. ومشي.

مجدي بفرحة: ألف مبروك يا ولدي. صفية: ألف مبروك يا حبيبي. سليم: الله يبارك فيكم بس هيا تقوم بالسلامة. والكل بارك لسليم. وبعد ساعتين عشق صحيت وكانت منهارة وبتصرخ وسليم دخلها جرى وأخدها في حضنه وهي بتعيط وقعد يهدي فيها لحد ما هديت. سليم بحزن: اهدي يا حبيبتي والله كله هيكون تمام. عشق بدموع: أنا ظلمته يا سليم مش كدا؟ أنا وحشة. سليم: لا أنتي مش وحشة، أنتي أطيب وأحن بنوته. عشق: أنا حاسة إني وحشة أوي إني جيت عليه.

سليم: يا حبيبتي لو أنتي وحشة ما كنتيش سامحتيه على كل اللي عمله، الله يرحمه ويسامحه، وبعدين عندي ليكي خبر حلو. عشق: الله يرحمه، إيه الخبر دا؟ سليم بفرحة: في سليم صغير جاي في السكة وعنده شهرين. عشق بفرحة: بجد؟ أنا حامل؟ يعني أنا حامل؟ سليم: أيوا حامل يلا قومي نروح يلا. عشق: يلا أنا هدومي فين؟ سليم: أنا بعت ريحانه تجيبلك هدوم عشان هدومك التانية كانت غرقانة دم. وبعد وقت عشق لبست وطلعت اتجهت للقصر وكان بليل.

مجدي: شدي حيلك يا بنتي. عشق: الشدة على الله يا جدي، ربنا يرحمه. يعقوب: عشق أنتي بنتي مش كدا؟ يعني هتفضلي مكتوبة على اسمي صح يا عشق ولا إيه؟ عشق مسكت إيده. عشق بحب: أنا بحبك وأنت أبويا وأنا اسمي عشق يعقوب الجبالي وعمري ما هغير اسمي، أنتم عيلتي. وحضنته. زين: طب كويس إنك لسا عايشة، أنا قولت هتتكلّي وأرتاح منك. عشق: والله أنا مش هرد عليك عشان أما الكلاب بتهوهو إحنا مبنردش عليهم فمش هرد عليك.

زين بغيظ: ماشي يا عشق، أنت راضي يا سليم بمراتك؟ سليم حط إيده في جيبه: والله أنا شايف إنها مغلطتش. زين: ماشي يا كلبة. عشق: ماشي يا عم الرخم، عن إذنكم أنا مش قادرة أقف فهطلع أرتاح عشان بكرة يوم متعب بالنسبة لي. زين: صحيح نسيت أقولك عز سجل الحاجة في الشهر العقاري يعني بقوا ملكك دلوقتي. عشق: تمام عن إذنكم. وطلعت. ريحانه: أنا عشق صعبانة عليا أوي. سليم: معلش شدة وهتعدي، الحمد لله لولا رفعت الله يرحمه ما كناش عرفنا الحقيقة.

كريم: أنا كان نفسي أقتلها أوي، أبويا يبقى مقتول وأنا مش عارف إزاي. دنيا: إحنا إزاي ما خدناش بالنا إنه فعلًا مات بعد الأكل على طول. وعيطت وزين حضنها. زين: اهدي يا دنيا هيا هتاخد جزاءها. ماجد: حقكم عليا أنا اللي جبتها هنا واتجوزتها. سليم: وأنت ذنبك إيه بس يا عمي؟ هيا اللي كانت شيطانة. ريان: هوا أنا هفضل أخوكم مش كدا؟ رامي: أنت عبيط يالا؟ كريم: فعلًا والله عبيط وغبي. ريان: أنا بتكلم جد مش بهزر.

سليم: ريان أنت ملكش ذنب وإحنا ولا كأن حاجة حصلت. ريان: بجد يعني هتفضلوا تحبوني؟ رامي: أكيد يا موزة، هوا حد يسيب الحلاوة دي ها؟ وغمزله. ريان: اتلم بدل ما أحبسك يالا فاهم؟ سليم: بعد إذنك يا ماما عاوزين أكل فوق. صفية: من عيوني يا ولدي. منار بغل: يعني كدا خلاص أمي راحت بسبب مراتك! فجأة قرب منها سليم وضربها بالقلم.