رواية عشق في قلب صعيدي الفصل الثالث عشر 13 - بقلم اسماء السيد

عشق بدأت تصرخ والرجال يشيلونها ودنيا مش عارفة تتصرف. عشق بعد ما ركبت العربية واتحركوا: انتوا مين وعايزين إيه؟ سيبوني حرام عليكم. أحد الرجال: صدقيني انتي متوصي عليكي توصية مش على حد، شكلك مهمة أوي للبوص. عشق: بوص مين وبتاع مين؟ أنا عايزة أمشي. الراجل: بقولك إيه، انتي هتتعبنا ليه... وفجأة حط على وشها منديل فيه مخدر وهي نامت. عند دنيا، كانت منهارة ورنت على زين. دنيا بانهيار: زين الحقني. زين بخوف: في إيه؟ انتي كويسة؟

دنيا: عشق اتخطفت. زين: إيه؟ انتي بتقولي إيه؟ إزاي ده حصل؟ دنيا: في رجالة ضربوا نار على الحرس كله وأخدوا عشق. زين: طب خليكي مكانك أنا جايلك. دنيا: عشق يا زين أنا خايفة عليها أوي. لا أنا راكبة وجاية، أنا في العربية. زين: تمام، أنا هبلغ سليم وإن شاء الله هنجيبها، بس والله أي كان مين لقتلته. وقفل. واتصل على سليم وكان في اجتماع وقافل تليفونه. زين بغضب: قافل تليفونك ليه يا سليم؟ أنا لازم أروحله.

وطلع من شركته على شركة سليم. وسليم كان مشغول جداً في الاجتماع. وفجأة دخل زين على طول. زين بخوف: الحقنا يا سليم. سليم بقلق: في إيه مالك؟ زين: عشق اتخطفت. سليم: إيه؟ وطلع يجري على بره والكل مصدوم. وسليم كلم حد في التليفون من المخابرات. عند عشق، صحيت لاقت نفسها مربوطة في كرسي والدنيا ضلمة فخافت جداً. عشق بخوف: انتوا اللي هنا؟ يا ناس حد يجي يكلمني. أحد الرجال: اسكتي بقى، البيه جاي أهو. عشق: بيه مين وبتاع مين؟

سيبوني أمشي. وفجأة النور اشتغل والأوضة نورت ودخل هشام. هشام بخبث: أهلاً أهلاً ببنت الجبالي. وعشق خافت بس محبتش تبين ده عشان ميعملش فيها حاجة. عشق: كنت عارفة إن ده حركة من حركاتك الوسخة. هشام: صدقيني هتبسطي معايا جداً يا مدام القناوي. عشق بجمود: وإنت فاكر إن سليم هيسيبك؟ هههههه تبقى بتحلم. وفجأة دخل رفعت وعشق اتصدمت لما شافته. رفعت: الله الله، إنتي اللي عاملة كل ده. واتصدم لما شافها. رفعت في نفسه: إيه ده؟

دي شبه ليلى أوي. هشام: أيوا هي دي بنت الجبالي. وفجأة دخل أحد الرجال. الراجل: يا باشا الرجالة خايفة. هشام: من إيه؟ الراجل: من سليم القناوي، ده مبيرحمش يا باشا، ولما عرفوا إنها تخصه وكمان مراته اترعبوا، وفعلاً لو سليم القناوي وصل هنا مش هيسمي علينا، ده وحش مش إنسان يا باشا والله. هشام بخوف وغضب: وأنا مالي؟ اطلع قول لشوية النسوان اللي بره دول يتلموا ويجمدوا، يالا. إيه يا رفعت متنح كده ليه؟

رفعت: أصلها شبه واحدة أعرفها. إنتي مين يا بت؟ عشق بغضب جحيمي: أنا عشق الجبالي. هشام: لسه برضه بتقوحي يا بت؟ إنتي أنا هقطعلك لسانك ده. عشق بسخرية: ولا تقدر تعمل حاجة يا هشام، إنت بوء يلا. هشام بغضب: هقتلك يا بنت الـ... رفعت بخبث: اهدى واقعد، متنساش إنها جاية بأمر من البوص، وبعدين البت عجبتني يا راجل، شرسة. عشق: أنا هوريكم اللي عمركم ما شفتوه، فاهمين؟ أنا عشق الجبالي ومرات سليم القناوي، يعني مخافش من كلاب زيكم.

رفعت بغضب: لمي نفسك يا بت انتي. وفجأة دخل البوص. أكرم: أهلاً ببنت الجبالي، إنتي شرفتي. وعشق اتصدمت لما شافته. وأكرم انبهر بجمالها. أكرم: واو، إنتي فرسة يا بت وعجبتيني، تعرفي إني متشوق أشوفك من زمان. عشق بغضب: فكوني، أنا كده كده مش هعرف أهرب من رجالتكم، فكوني ونتكلم. أكرم بشر: فكوها. هشام: بس يابوص. أكرم: قولت فكوها يلا. وبالفعل فكوا عشق وهي كان نفسها تقتلهم بس اتملكت من أعصابها. رفعت: عجبتني شجاعتك يا بت.

عشق: أنا متسميش بت، أنا اسمي عشق الجبالي يا راجل انت. هشام: اخرسي يا بنت الجبالي عشان مقتلكيش. عشق حطت رجل على رجل وبجمود: بوء يا هشام، إنت بوء. ولا تقدر تعمل حاجة، أصل أنا عجبت البوص بتاعك، وأكيد مش هيخليك تقتلني إلا أما ياخد اللي هو عايزه، ولا إيه؟ أكرم بدهشة: واو، إنتي فعلاً دماغك ذرية، اقعد يا هشام واخرس. وعشق بصتله بسخرية. رفعت: هنعمل فيها إيه يا باشا؟

أكرم بخبث: هنتسلى شوية وبعدين ناخد اللي عاوزينه، ولو عجبتني هنسبها ليا، لو لا هقتلها، ههههه. عشق: طلباتك إيه عشان أمشي؟ أكرم: تؤتؤ، متستعجليش يا حرم سليم القناوي. عشق: وإنت بقى فاكر إن سليم هيسبني؟ هههههه تبقى بتحلم يا بوص. رفعت: اتكلمي عدل معاه يا بت. عشق: اخرس انت، أنا بكلم كبيرك، يبقى إنت متدخلش، يا ابن الرفاعي. رفعت بدهشة: إنتي عرفتي منين إني ابن الرفاعي؟

أكرم: رفعت اخرس، عندها حق، هي بتكلمني أنا. وإذا كان على سليم هقتله تاني زي ما قتلته أول مرة. عشق بغضب: أقسم بربي لو جوزي اتلمس منه شعرة، لهكون قاتلك وما هسمي عليك، فاهم يا ههههه بوص؟ أكرم بغضب: إنتي إزاي تتكلمي معايا كده؟ هشام: قولتلك اقتلها يا بوص. أكرم: أنا هسيبك تقولي براحتك، بس خافي مني. عشق بسخرية: هههههه، أنا مبخفش غير من رب العباد وبس، إنما إنت آخرك طلقة بـ 100 جنيه مش أكتر. رفعت بغضب: لا، إنتي زوديها أوي.

وراح عندها ومسكها من رقبتها وعشق ما عطتش أي رد فعل. وهو افتكر لما كان بيخنق ليلى بنفس الطريقة وبعد عنها وهو متوتر. عشق: مقتلتنيش ليه؟ ها؟ متقتلني. أكرم: رفعت ارجع مكانك، وسيبها شوية ونرجع لها. يلا اربطوها. عشق: صدقوني هقتلكم يا ولاد الكلب. وهما سابوها وخرجوا. عند سليم، راح القصر وطلع أوضته أخد حاجة ونزل جري وطلع وقف قدام القصر. وقدامه أكتر من 500 راجل مستنين إشارة منه.

سليم بغضب جحيمي: أنا مراتي اتخطفت وهنتحرك عشان هنجيبها، فاهمين؟ والله لو مراتي اتلمست لأقتلكم، فاهمين؟ الرجال بخوف: فاهمين. سليم: يلا ورايا. واتجه لمكان عشق وهو بيفكر. **فلاش باك** كانت عشق واقفة قدام المراية وفجأة جه سليم وحضنها من ضهرها. سليم بحب: بتعملي إيه يا قلبي؟ عشق بابتسامة: عادي، كنت بسرح. سليم: تعرفي إنك جميلة أوي، بالذات بقميصي ده. عشق بضحك: ههههه، أنا عارفة إنك متغاظ إني لبست قميصك.

سليم: لا والله، إنتي تعرفي إني بلبسهم وراكي على طول عشان بتكون ريحتك فيهم. عشق: يا راجل، بجد بتحبني لدرجة دي؟ سليم بحب: أنا بعشقك يا عشق، وعمري ما حبيت غيرك، وعشان أثبتلك أنا جبتلك حتة هدية. عشق بحماس: بجد؟ وريني بسرعة. سليم بضحك: اهدي بس ثواني. واتجه للدريسنج وطلع منه بوكيه هدايا كبير. عشق: إيه ده؟ كبير أوي. وراحت قعدت على السرير وهو راح قعد جنبها. سليم: افتحيه وقوليلي رأيك.

وعشق فتحته بحماس وطلعت منه بوكيه ورد أحمر وكان عليه شريط مكتوب عليه (اخترتك لتكوني نسائي الأربعة يا حب عمري وأعظم انتصاراتي❤) عشق: واو واو، ده جميل جداً. سليم: طب شوفي الباقي. وعشق لاقت عليه، ففتحته وكان فيها عقد من الألماس وعليه اسم سليم، وأسورة محفور عليها اسمه، ودبلة وخاتم. والدبلة محفور عليها عشق والخاتم محفور عليه سليم. وباقي البوكس شوكولاتة. عشق بإنبهار: واو يا سليم، دول حلوين أوي. سليم: بجد عجبك؟

طب لبسيني دبلة جوازنا اللي هتربطيني بيها طول العمر. وفعلاً عشق لبسته الدبلة، وهو لبسها الخاتم. سليم: بصي بقى، إنتي مش هتعرفي تقلعي الأسورة دي أبداً. أنا هربطك بيها حياتك كلها. ولبسها ليها هي والعقد. سليم: إيه رأيك بقى في هديتي؟ عشق: تحفة يا سليم، أنا بحبك أوي. وحضنته جامد. **نهاية الفلاش باك** سليم: هجيبك بالعقد والأسورة يا عشق، صدقيني مش هسيبك يا قلبي. وفعلاً سليم عرف مكانها واتجه لهناك. في قصر القناوي.

فريدة ببكاء: بنتي يا يعقوب، بنتي هتروح مني. يعقوب بحزن: اهدي يا فريدة، ربنا يستر. زين وسليم راحوا يجيبوها. مجدي: اهدي يا فريدة، صدقيني خير إن شاء الله. دنيا ببكاء: دول شالوها وهي كانت بتصرخ وما عرفتش أعملها حاجة. ريحانة ببكاء: يا رب ترجع بسلامة، دي مابتأذيش حد. كل ده ومنار وكريمة طايرين من الفرحة وبيدعوا إنها تموت ومترجعش تاني. صفية ببكاء: ده أنا اعتبرتها بنتي، ربنا يسترها عليهم.

ماجد: اهدوا يا جماعة، كل الشباب راحوا يجيبوها، حتى رامي وريان. اهدوا، ربنا يعديها على خير. كريمة بخبث: والله أنا قلقانة على ريان أوي، ربنا يستر. (ونسيّب الحرباية هي وبنتها ونروح لعشق) عند عشق، كانت مربوطة وبتفكر إن أكرم ده اللي اغتصب أمها ورفعت أبوها مع بعض. وبتفكر هتنتقم منهم إزاي. فجأة دخل عليها أكرم وهشام ورفعت. أكرم: أنا قولت أسيبك تهدي وأجيلك يا مزة. هشام: صراحة أنا كان نفسي أقتلك، بس يلا، البوص أمر.

رفعت: إنتي فعلاً فرسة يا بت، والله أنا دوري بعد البوص. وعشق اتصدمت إن إزاي ده أبوها. عشق بجمود: اسمع انت وهوا، أنا مفيش حد هيمس مني شعرة غير على جثتي، فاهمين؟ أكرم: وماله يا قطة، نقتلك صح يا رجالة؟ ههههه. رفعت وهشام: صح يا بوص، ههههه. عشق: انتوا إيه؟ متعرفوش إن في ربنا؟ إيه؟ جنسكم إيه؟ ده ربنا اللي خلقكم، بس يا خسارة هتخسروا دنيا وآخرة.

أكرم: والله يا حلوة، إحنا عارفين إننا داخلين النار، فمش فارقة، نتمتع في الدنيا ونتحاسب في الآخرة. عشق: خد بالك، ربنا مبيسبش حد، وأنا واثقة إن ربنا هينقذني منكم يا شوية يهود. هشام: إنتي إزاي تتكلمي معاه كده؟ إنتي هتعملي فيها شيخة ولا إيه يا ست عشق؟ عشق بصتله بسخرية: والله يا هشام، إنت اللي صعبان عليا، ههههه، آه والله، عايز تعمل شبح ومش عارف عشان هلفوت. أكرم بغضب: بت انتي إيه؟ مبتحاوليش؟

نازلة فينا شتيمة وأنا ساكتلك، بس لا يا روح أمك، أنا أدفنك مكانك هنا. عشق: ههههه، عيب على سنك يا جدو انت وهوا، إنتوا رجل برا ورجل جوة. اقتلني يلا، اقتلني. أكرم بشر: لا، أنا مش هقتلك، أنا هتمتع وبعدين أقتلك، فكوها. عشق: ارجع يلا انت وهوا. وفكوها وقامت. وأكرم بدأ يقرب منها أكتر وهي ترجع. أكرم بخبث: متقلقيش، أنا هكون حنين معاكي يا مرات سليم، هشوف هو اختار صح ولا لأ. وعشق بترجع لحد ما لزقت في الحيطة.

عشق بتوتر: ابعد عني، هقتلك لو لمستني، ابعد يا حيوان. وفجأة انقض عليها وقطع كم الدريس وهي بتصرخ. عشق بصراخ: يا سليم، يا سليم، الحقني، يا سليم، يا رفعت، اعمل حاجة، خلي عندك نخوة. رفعت افتكر ليلى وهي بتصرخ كده وحس إنه عايز ينقذها. رفعت: يا باشا بلاش دي، سيبها يا بوص، أحسن سليم يقتلنا. أكرم: اخرس يا حيوان، أنا حر. عشق بصراخ: هقتلكم يا ولاد الكلب، يا سليم، يا سليم، يا رب. ابعد عني يا ابن الكلب.

وأكرم بيحاول يقطع الفستان وعشق بتقاوم وبتزقه فيه وماسكة هدومها. وفجأة الباب اتكسر ودخل سليم وجري على عشق. شد أكرم ونزل فيه ضرب لحد لما نام في الأرض. ورامي وريان وكريم وزين والرجال كانوا بيضربوا هشام ورفعت والرجالة. وسليم جري على عشق. سليم بخوف: إنتي كويسة يا حبيبتي؟ عشق بانهيار: لا، أنا مش كويسة. سليم: عملك حاجة يا نور عيني؟ عشق: لا، بس أنا خايفة أوي. وحضنت سليم جامد وهو شدها من حضنها. وزين جري عليها.

زين بلهفة: إنتي كويسة يا عشق حبيبتي؟ عشق: الحمد لله. وسليم قلع الجاكت بتاعه وحطه عليها. سليم: أنا عايزة أكرم ورفعت عشان بينا حساب، وخليلكم هشام. سليم: وأنا كمان ليهم حساب معايا. الظابط: مينفعش يا سليم، لازم ناخدهم معانا. عشق: أرجوك يا سليم، أنا عايزهم يومين وهسلمهم. سليم: تمام يا عشق. يلا يا حبيبتي. كريم توديهم التلاتة المخزن لحد ما أجيلهم. كريم: حاضر.

وكانوا خارجين بس فجأة هشام رفع سلاح وكان هيقتل سليم بس عشق لحقته ووقفت قدامه والظابط ضربه رصاصة في راسه. سليم برعب: عشق! إنتي كويسة؟ زين بخوف: يلا ناخدها المستشفى بسرعة. وفعلاً سليم شالها واتجه لإسعاف اللي بره وأخدوها على المستشفى ودخلت العمليات على طول. والعيلة عرفت وكلهم جم المستشفى معاد كريمة ومنار. وكريم بالفعل أخد رفعت وأكرم على المخزن. في المستشفى. كان سليم قاعد على الأرض ومنهار من العياط.

مجدي: اهدي يا سليم، اهدا يا ولدي، إن شاء الله خير. سليم ببكاء: أنا خايف يجدي تروح مني، دي لو جرى لها حاجة أنا هموت يا جدي، أنا أحبها أوي. صفية: والله يا ولدي هتبقى كويسة، اهدا بس. فريدة: بنتي مالها؟ أنا عايزة بنتي. ريان: اهدي يا عمتي، إن شاء الله خير. روح: هي كويسة يا ريان؟ ريان: إن شاء الله خير يا روح. روح ببكاء: أنا خايفة عليها أوي، أنا حبيتها جداً. ريان: خلاص اهدي يا روح، هي هتبقى كويسة.

روح: يا رب، دي أكتر من أختي، يا رب. وفجأة حضنها ريان وهي عيطت جامد وشدت من حضنه. وفضلت العيلة منهارة لحد ما وصل رامي وكريم. كريم: اهدوا يا جماعة، إن شاء الله خير، اهدي يا سليم، هتكون كويسة، عشق قوية وهتقاوم. سليم بنهار: يا رب، مليش غيرها يا رب. وبعد شويه خرج الدكتور. وكلهم جريوا عليه. سليم: عشق عاملة إيه؟ الدكتور: للأسف حالتها خطر، قلبها وقف 6 مرات، بس هي كانت بتقاوم الموت في كل لحظة، بس دلوقتي استقرت.

سليم: طب ينفع أخش لها؟ الدكتور: للأسف مينفعش دلوقتي، بس فين سليم ومامتها؟ سليم: أنا سليم. ومامتها أهي. الدكتور: إنتي يا ليلى، شكلها بتحبك جداً انتي وهو. دي طول العملية بتقول ماما ليلى وسليم وهي بتعيط. عن إذنكم. والدكتور مشي. يعقوب: مين ليلى؟ سليم، إنت تعرفها؟ سليم: ليلى دي أم عشق الحقيقية. يعقوب: إزاي يعني؟ عشق فاكرة أهلها؟ سليم: بعدين يا عمي، لما تفوق بس. يعقوب: ماشي.

وبعد أسبوع وعشق لسه ما فاقتش وسليم قاعد معاها ليل نهار. والعيلة بتروح وتيجي. سليم بيكون نايم جنبها على الكرسي وماسك إيدها وهي بتحرك إيديها وسليم بيحس فيها، يتنفض. سليم بلهفة: عشق حبيبتي، إنتي كويسة؟ عشق بتعب: اممم. سليم: أنا هنده الدكتور حالا. وبالفعل طلع ونده له والدكتور جه جري ودخل فحص عشق. الدكتور: ألف مبروك يا مدام عشق، حمد الله على السلامة. عشق بتعب: الله يسلمك. الدكتور: عن إذنكم. وخرج.

سليم بدموع: إنتي كويسة يا عشق قلبي؟ عشق حطت إيدها على خده: أنا كويسة يا حبيبي. سليم: إنتي وحشتيني أوي، أنا مسبتكش لحظة. عشق: إنت كمان وحشتني أوي يا نور عيني. وسليم بيحضنها. والعيلة بتيجي. فريدة: ألف سلامة يا قلب أمك. عشق بتعب: الله يسلمك يا ماما. وروح وتاليا بيجروا عليها. روح بدموع: أنا خوفت عليكي أوي يا عشق. عشق: أنا كويسة يا حبيبتي. تاليا: وحشتيني أوي يا عشق، أوي. عشق: وإنتي كمان والله.

وبعد أسبوع عشق بتتعافى تماماً وبتروح القصر. مجدي: حمد الله على سلامتك يا عشق يا بت. عشق بابتسامة: الله يسلمك يا جدي. وروح وتاليا بينزلوا جري ويحضنوها. روح: وحشتينا أوي يا عشق. عشق: والله وإنتوا يا حبايبي. تاليا: حمد الله على سلامتك. سليم: خلاص يا جماعة سيبولي مراتي شوية. مجدي: يعني يا واد إنت مش عايز نسلم عليها ولا إيه؟ عشق: لا يا جدي، هوا قاصد إني أرتاح لأني فعلاً مرهقة. سليم: أيوا مرهقة، يلا يا حبيبتي عشان ترتاحي.

عشق: تمام يا حبيبي، يلا عن إذنكم. ومشت خطوتين. وفجأة سليم شالها وهي اتصدمت. عشق بخجل: نزلني يا سليم. سليم: لا يا قلب سليم، أنا هطلعك أصلك مرهقة وتعبانة وأنا عايز أريحك، يالا عشان أريحك. وعشق دفنت وشها في صدره من الكسوف. وبعدين اتجه للطلوع ومنار وكريمة متغاظين. مجدي: شوف الواد، طب راعي إننا موجودين حتى يا سافل. سليم وهوا طالع: قول إنك غيران يا مجدي، مش كده؟ مجدي: أنا أغار منها يا ابن الكلب؟

سليم: خلاص متزعلش، متغاظ، ههههه. والعيلة كلها بتضحك وسليم بيوصل الجناح وبينزل عشق براحة على السرير وعشق خدودها كانت زي الفراولة. سليم: يا خلّصي على الفراولة بتاعتي يا ناس. عشق: مكنش ينفع تشلني كده. سليم: ليه يا حبيبتي؟ إنتي مراتي وملكي وأعمل اللي أنا عايزه. بس سيبك انتي وحشتيني أوي. عشق: وإنت كمان وحشتني. سليم: متجيبي حاجة تعويض كده. عشق: اتلم يا سليم وبطل قلة أدب. سليم: اتلم إيه؟ إنتي لسه شفتي قلة أدبي يا عشقي.

(ونسيب قلة الأدب ونروح عند الحرباية وبنتها) منار بغيظ: شوفتي كان شايلها إزاي؟ كريمة بخبث: اهدي يا بت، أنا هكلم رفعت وهو هيحل المشكلة وهيقتلها، بس يخلص الشغل اللي عنده، وكمان هيعرفني على هشام السيوفي، أكبر عدو لبنت الجبالي. (غلبانة دول عايشين في المهلبية 😂) منار: اعملي أي حاجة، المهم أخلص منها، البت دي. كريمة: اهدي بقى، أنا هتصرف. بليل عند عشق، كانت نايمة في حضن سليم وسرحانة. وسليم بيدخن وطفا السيجارة وباسها من خدها.

سليم: بتفكري في إيه يا حبيبتي؟ عشق: بفكر في رفعت. سليم بغضب: وبتفكري فيه ليه؟ أنا لسه هصفي حسابي معاه، هو ده اللي خبطني طلقة وأكرم هو اللي قتل معتز. عشق بصدمة: هو ده اللي ضربك طلقة؟ إنت عارف ده يبقى مين؟ سليم: آه، رفعت الرفاعي. عشق بتوتر: أنا كان اسمي دهب رفعت الرفاعي. سليم بصدمة: إيه؟ إزاي؟ عشق: والله زي ما بقولك كده، رفعت ده كان أبويا وأكرم ده هو اللي اغتصب أمي قدام عيني. وانهارت في البكاء.

سليم: اهدي يا حبيبتي، أنا ليا حق، والله هاخدلك حقك وحقي وحق معتز من الكلاب دول. عشق: سليم، أنا عايزة أقابلهم عشان خاطرك. سليم: مستحيل أسيبك تقابليه. عشق: عشان خاطري يا سليم، أنا مستنية اليوم اللي ه انتقم منه من 17 سنة. سليم: ماشي يا عشق، هنروح بكرا. عشق: تمام. سليم: إيه؟ عشق: إنت كرهتني؟ سليم برفعة حاجب: ودة ليه بقى؟ أنا أكرهك ليه؟ دا انتي حب حياتي كلها. عشق: يمكن عشان عرفت إني بنت رفعت. سليم

بسرعة وحط وشها بين إيديه: عشق يا حبيبتي، أنا بعشقك وأكتر كمان، أنا بقيت بدمنك يا عشق، إنتي متعرفيش أنا كنت هموت عليكي وإنتي في المستشفى. عشق: بجد يا سليم؟ يعني إنت لسه بتحبني؟ سليم: أيوا لسه يا عشق، وروح سليم الأول والآخر. عشق حضنته جامد. عشق: وأنا كمان بحبك وا... وفجأة قامت جريت على الحمام. وسليم قلبه اتقبض عليها وجري وراها وعشق كانت بتستفرغ. وسليم واقف واستنى أما خلصت وغسلها وشها وبوقها من غير ما يقرف حتى.

وشالها لحد السرير وهي تعبانة جداً. سليم بحنية مفرطة: إيه رأيك نروح للدكتورة أو أكلمها؟ عشق بتعب: لا يا حبيبي، أنا كويسة. سليم: أنا خايف عليكي أوي، تعالي نروح للدكتورة. عشق: مش مستاهلة يا سليم، أنا كويسة وكمان هتلاقي دور برد. وقام طفى النور وناموا. تاني يوم الصبح، صحيت عشق تعبانة جداً وكانت طول الليل بتجري تستفرغ. ومبتلاقيش سليم جنبها، ف قامت تدور عليه ملقتوش. ف دخلت الحمام وأخدت شاور وطلعت لبست ونزلت.

عشق: صباح الخير. الجميع: صباح النور. عشق: أومال سليم فين؟ متعرفوش؟ مجدي: سليم في المجلس يا بنتي. عشق: مجلس إيه؟ ده؟ مجدي: إنتي نسيتي إن سليم كبير البلد والعمده. عشق: آه عارفة، بس مجلس إيه اللي دلوقتي ده؟ مجدي: عادي، هوا زمانه جاي. كلي لحد ما هو يجي. عشق: لا، أنا هستناه لحد ما يرجع. وعشق طلعت فوق. وفجأة دخل سليم. سليم: هيا عشق منزلتش ولا إيه؟ صفية: لسه طالعة دلوقتي. سليم: أكلت؟ صفية: مرضتش تاكل وقالت هتستناك.

سليم: يعني ما أكلتش، تمام، بعد إذنك يا ماما، قولي لهم يجيبوا الفطار فوق. صفية: حاضر يا ولدي. وسليم طلع لعشق وهي كانت قاعدة بتتفرج على التليفزيون. ودخل سليم. سليم بحب: صباح الخير يا قلبي. عشق: صباح النور يا حبيبي. وسليم أخدها في حضنه. سليم: ما أكلتيش ليه بقى يا حبيبتي؟ عشق بتعب: مش قادرة آكل وكنت مستنياك ترجع. سليم: أنا طلبت أكل وهناكل سوا. عشق: أوكي. وبعد شويه الأكل بيوصل وبيفطروا. عند كريمة.

كريمة بخوف: مبتردش عليا ليه يا رفعت؟ غريبة دي، أول مرة يعملها. وفجأة تليفون منار رن. منار: ألو؟ مين؟ المجهول: أنا فاعل خير وعرفت إنك عايزة تنتقمي من عشق. منار: وإنت مين بقى؟ المجهول: أنا محمد السيوفي ومش عايز حاجة غير عشق. منار بخبث: تمام، وأنا عايزة سليم. محمد: يبقى اتفقنا، إنتي تاخدي سليم وأنا هاخد عشق حبيبتي. منار: ماشي. وقفت. كريمة: مين يا بت؟ منار: ده محمد السيوفي وعايز يفرق عشق وسليم. كريمة: وده ليه؟

منار: عشان بيحب عشق. كريمة: آه والله ما عارفة هما بيحبوا البت دي ليه، مع إني شايفا إنها وحشة وسودة من جوا. منار بخبث: اتقلي عليا بس. عند عشق، وكانت في الطريق هي وسليم للمخزن. نزلت عشق وهي متوترة ودخلت لقت رفعت وأكرم، كل واحد مربوط في كرسي. وسليم راح عندهم. سليم بغضب: صدقوني أنا مش هرحمكم. أكرم بخوف: كل ده عشان الظابط اللي قتل نفسه؟ سليم: لا، اتقل عليا وأنا هعرفك. عشق: إزيكوا عاملين إيه؟ إزيكم يا رفعت؟

رفعت بتوتر: أهلاً، إنتوا عايزين إيه مني؟ سيبوني. عشق بسخرية: تؤ تؤ، مينفعش تمشي من غير ما أضيفك يا بابا. رفعت بصدمة: بابا؟ إنتي مين؟ عشق حطت رجل على رجل: أنا دهب. رفعت: دهب؟ بنتي؟ كنت حاسس. عشق بغضب: اخرس، بلا بنتي، إنت كلب ولا تسوى. رفعت: سامحيني يا بنتي. عشق: اخرس يا ظالم يا قاتل. رفعت: أنا مقتلتش، ليلى اللي خططت لكل حاجة، حتى موت سالم كانت كريمة. عشق وسليم: إيه؟