رواية عشق جنوني الفصل الرابع عشر 14 - بقلم سارة محمد

أسر: يلا يا ساره الضيوف بدأو يوصلوا. ساره: خلصت خلاص. طلعت من الحمام وكانت لابسه فستان اسود طويل بأكمام مش طويلة وفردت شعرها البني وصل لحد نص ضهرها بدون مكياج علشان متضايقش أسر. أسر وكان منبهر بيها: أي الجمال دا يخربيت جمال أمك. ساره: بخجل: بس يا منحرف. أسر: انتي لسه شوفتي انحراف. ساره: احم يلا ننزل. أسر: عاوز أقولك حاجة. ساره: قول. أسر: أنا وقبل ما يتكلم سمعو يوسف من برا بيخبط. أسر بغضب: ادخل يا عملي الأسود.

يوسف دخل: خليك كدا مش طايقني. أوباااا. أسر: أي. يوسف: بس يا عم دا في وحش كاسر معانا في الأوضة. ساره ضحكت بخجل. أما يوسف لقى قلم نازل على وشه. يوسف: اعااااا بتضربني لي طاااااه. أسر بغضب وغيره: اخلص قول عاوز إيه أحسن أقسم بالله هكسرك. يوسف: على فكرة أنا طول عمري بعاكسها. احم المهم كنت عاوز أوري ساره الخاتم دا بما إنها بنت وكمان صاحبة جنى وكده. ساره: جميل أووي. ثم تابعت بخبث: بس هو انت بصفتك إيه هتقدملها خاتم زي دا.

(ملحوظة الخاتم كان من الألماس) يوسف: لهو انتي متعرفيش. أسر: اخلص يا زفت. يوسف: مهو عقبال عندك ناوي أعترف بحبي انهاردة. ساره بصدمة وفرحه: بتهزر أنا مكنتش أتوقع إنك تقع بالسهولة دي. يوسف: شوفتي أخوكي نمس بردو. أسر: طيب يلا يا نمس اطلع برا. يوسف: كاسر معنوياتي أنا خارج من أم الأوضة الكئيبة شبه صاحبها. أنا رأي تنقلوا أوضته ساره. أسر: في الزبالة. يوسف: هو إيه. أسر: رأيي. يوسف: عيل سمج يلا اخلصو انزلوا.

خرج يوسف من الأوضة وساره واقفه بتضحك. أسر: بطلي ضحك بدل وربنا ما ننزل انهاردة. ساره: بس بقا. أسر: صحيح انتو قولتو لجنى أصلا. ساره: اه اتصلت قولتلها إني تعبانة وعاوزاها تيجي تشوفني. أسر: طب يلا. ساره: احم كنت عاوز تقول إيه قبل ما يوسف يدخل. أسر: هتعرفي بعدين. يلا نزلو تحت واستقبلوا الضيوف. *** مراد بخبث: يلا يا بطل. شمس ببكاء: أنا مش فاهمة انت عاوز تتجوزني لي أنا أي ذنبي لي.

مراد: مش عشان جمال عيونك عشان انتي اتحديتيني وأنا بقا محدش يتحداني. شمس: خلاص أسفة والله رجعلي أمي ومش هخليك تشوف وشي تاني. مراد: مش بمزاجك هتجوزك غصب عنك وهطلقك في الوقت اللي يعجبني ويلا اخلصي البسي الفستان دا عشان المأذون تحت ولو سمعت صوتك تحت غير الكلام اللي أنا عاوز أسمعه هتزعلي. خرج مراد وشمس فضلت منهاره ولبست ونزلت هي ومراد وكانت مغيبة تماما عن الواقع لحد ما فاقت على صوت المأذون

(بارك الله لكما وبارك عليكما وجمع بينكما في خير) *** ساره: جنى اتأخرت أوي. أسر: متخافيش زمانها جايه أهي. وصلت أول ما جنى دخلت النور طفا والعاب نارية وبلالين بتفرقع لحد ما النور قاد. (ملحوظة كل دا في الجنينة) يوسف: كل سنة وانتي طيبة يا أجمل ما في الكون. جنى: كل دا عشاني. ساره: وانتي في أغلى منك. أسر: كل سنة وانتي طيبة يا جنى. جنى: ميرسي والله مش مصدقة نفسي. يوسف أخدها في وسط الجنينة وكل اللي موجودين ونزل على ركبته.

يوسف: تتجوزيني. ساره بخجل: هاي. يوسف: اخلصي ركبتي وجعتني. جنى بتوتر وخجل: مـ موافقة. ولكن جواها شعور تاني إنها مش مبسوطة لكن يمكن عشان متعرفوش أوي أو مش متعودة عليه هكذا حدثت جنى نفسها. يوسف لبسها الخاتم وقام. يوسف: بحبك. جنى بخجل: شـ شكرا. يوسف بضحك: هسكت على شكرا دي عشان عارف إنك مكسوفة. ساره: اععععععع مبروك مش مصدقة نفسي. أسر: مبروك يا أهبل. يوسف: عيب على فكرة دا أنا حتى هتجوز. ساره وجنى حضنوا بعض ويوسف وأسر كمان.

وبعد وقت. أسر: تعالي نرقص. ساره وأسر قاموا رقصوا. وفي وسط رقصهم جات بنت. البنت: ازيك يا أسر. أسر بعدم اهتمام: تمام يا رضوى. رضوى: هي مش دي برضو اللي كانت بتشتغل هنا. أيوه أنا شوفتها قبل كدا. أسر شد ساره من وسطها لعنده: أقدم لك مراتي ساره. رضوى: مش مصدقة إن أسر الخطاب من أكبر رجال الأعمال في الوطن العربي اتجوز خدامة. ساره حست بنغزة في قلبها وجريت جوا الفيلا. أما أسر ضرب رضوى بالقلم ونده للأمن يرموها برا.

ويوسف لغى الحفلة وجريوا ورا ساره. أسر: سااااااااااااااااااره لاااااااااااااااااااا. *** إياد صاحب مراد: أي يا بطل وقعت ولا إيه. مراد: بس يلا قال وقعت قال أنا مراد السويفي يلا. إياد: هتقع وهتشوف وهي دي اللي هتقعك. بعد وقت كبير الضيوف كلهم مشيوا ومتبقيش غير مراد وشمس اللي كانت مغيبة عن الواقع. مراد: يلا اطلعي أوضتك ومشوفش وشك غير لما أناديلك. شمس قامت وهي ماشيه وقعت من طولها.

مراد جري عليها وشالها وطلع بيها بسرعة على أوضته وطلب الدكتور. حاول يفوقها لكن دون جدوى. الدكتور وصل وكشف عليها. مراد بخوف حقيقي: خير يا دكتور. دكتور: خير هي عندها صدمة عصبية وده سبب في رفع ضغطها ده غير إنها مأخدتش دول السكر بقالها فترة. مراد بصدمة: سكر. دكتور: أيوه المدام عندها السكر ياريت تاخد حقن الأنسولين في معادها وكمان أديها الدوا ده لو حرارتها ارتفعت. مراد: شكرا اتفضل.

الدكتور مشي ومراد دخل لشمس لقاها نايمة زي الملايكة. قرب منها وباسها من جبينها.