رواية عشق جنوني الفصل الثالث عشر 13 - بقلم سارة محمد

لما الباب خبط وشمس راحت تفتح. شمس: انت مين؟ مراد: اي يا حلوه اتفاجئتي بيا. شمس: اخلص عاوز اي مش فاضيه لك. مراد بخبث: عيب كدا أنا حتى جاي أطمن على والدتك، وأديكي موبايلك. شمس: وانت عرفت ازاي أن أمي تعبانه وعرف عنواني منين؟ مراد: معقوله نتكلم على الباب كدا، دخليني طيب. وزقها ودخل. شمس: خير يلا جاوبني. مراد: لاحظي انتي بتتكلمي مع مين، أنا بقيت بعرف عنك كل حاجه، أنا مراد السويفي. شمس: تشرفنا يا عم المغرور.

مراد: طب اوعي كدا عاوز أطمن على حماتي. شمس: ؟؟! مراد: مالك مستغربه لي، بصي اقعدي وأفهمك. شمس: اقعد أي وزفت أي. مراد: بصي مهو أنا كدا كدا حطيتك في دماغي، وبصراحة هتجوزك غصب عنك أو بموافقتك. شمس: والله، طب يلا بره. مراد: هطلع بمزاجي، بس برده انتي اللي هتيجي وتتحايلي إني اتجوزك. وطلع من البيت. شمس: دا أي يا ربي البلاوي دي. *** أسر: ساره يلا هنتأخر. ساره: خلصت خلاص. وفون ساره رن وأسر أخده.

أسر: مين My BFF دي اللي بترن عليك؟ ساره: دا يوسف، رد عليه. أسر: يوسف، والله مش فاهم، متسجليه يوسف وخلاص. ساره: ياعم مش حوار، اخلص رد. أسر: عايش مع سرسجيه. أسر: الو يا زفت. يوسف: يا عم انت طالعلي في البخت. أسر: عاوز أي يلا اخلص. يوسف: هعوز منك أي، أنا عاوز ساره. أسر: بتلبس لما تخلص تبقى تكلمك. يوسف: أيوه بقا اخرجوا انتو وأنا في هنا متبهدل. أسر: قر بقا يلا سلام دلوقتي. أسر قفل وساره طلعت.

أسر انبهر بيها، كانت لابسه فستان أسود لحد بعد الركبة بسويه، وفردت شعرها البني وصل لحد نص ضهرها، وكانت حاطه مكياج سيمبل يعتبر مش باين، وصندل مفتوح كعب. أسر كان متنح ومش حاسس بحاجه خالص، قام وقف قدامها وفضل يقرب منها، وساره بتبعد لورا لحد ما خبطت في الحيطه. ساره بخوف وخجل: مالك يا أسر؟

أسر بدون مقدمات التهم شفايفها في قبله عميقه، بينت حبه ليها، كان تايه فيها وفي ريحتها اللي شبه الأطفال، فضل يبوس فيها وساره حاولت تبعده كتير لكن مقدرتش، في لحظه شالها لحد ما بقت في مستواه، وساره كمان تاهت معاه، وبعد عنها لما حس بحاجتها للهوا، بس نزل على رقبتها وهو بيبوسها. ساره بخجل: أسر لو سمحت نزلني، عيب كدا. أسر بعد وقت حس وبعد عنها، وهي وقعت على الأرض بسبب قصرها. ساره: اعععععع اي دا، حاسه إني وقعت من الدور الثاني.

أسر: اعملك أي، انتي اللي أوزعه. ساره بغضب طفولي: متقولش أوزعه. أسر: أنا بقول الحقيقه، يلا يا أوزعه. ساره: اووووووف يلا. أسر: لحظه، انتي هتنزلي كدا؟ ساره: أيوه مالي. أسر: لا. طبعًا، ادخلي. البسي حاجه عدله. ساره: بس أنا عاوزه انزل كدا. أسر: لا، وأقولك. يلا غيري مش هننزلي. ساره: احسن بردوا. ساره مشيت غيرت هدومها لبيجامه طفوليه باللون الزيتي، كانت عباره عن بنطلون وبدي كت، ورفعت شعرها كحكه عشوائيه.

ساره: اطلب اكل بقا، أنا جعانه. أسر: طلبت اه، احنا هنسافر بكرا. ساره بفرحه: بجد؟ أسر: هو انتي كنتي زهقانه مني اوي كدا؟ ساره: مش قصدي والله. أسر: خلاص، هننزل مصر علشان اريحك مني. ساره: استنى والله مش قصدي. أسر قام دخل اوضته وساره قعدت تعيط. *** مراد: تتعمل طلب إزالة للبيت دا، فاهم، وقبل كدا تعلي الإيجار على شمس بس ضعفين المبلغ اللي بتدفعه. شخص: أمرك يا باشا. مراد: أنا بقا هعرفك تنزلي تقفي في وشي.

عاصم: مراد هتعمل أي مع ساره وأسر. مراد: هسيبهم يتهنو شويه، والمفجآت كلها هتيجي آخر الأسبوع. عاصم: لي آخر الأسبوع. مراد: علشان في حفله في القصر، ودا أنسب وقت أضرب فيه ضربتي. عاصم: مش مرتاحلكم. مراد بخبث: ارتاح، ارتاح. *** شمس: يعني أي إزالة، أي واروح فين أنا وأمي؟ شخص: والله أنا عبد المأمور، البيت اتباع لشخص تاني وهو اللي أمرنا بكدا. شمس: طب اديني بقا عنوان الراجل دا. الشخص: تمام، خدي.

شمس: يا ربي أنا هعمل أي، مصاريف علاج ماما دا غير العملية والإيجار، اعمل أي بس. قامت لبست علشان تروح لصاحب البيت، لبست فستان طويل من اللون الأزرق وطرحه من اللون الأبيض، راحت ركبت تاكسي ووصلت لفيلا كبيرة. شمس: لما هو غني كدا عايز مننا احنا أي، اووووووف. حارس: خير يا آنسه. شمس: كنت عاوزه أقابل صاحب الفيلا لو سمحت. حارس: عندك معاد. شمس: لا. حارس: طب خليكي هنا هروح أديله خبر. الحارس راح.

حارس: في واحده بره عاوزه تدخل لحضرتك. مراد ابتسم بخبث وعرف أن هي شمس. مراد: دخليها. شمس دخلت وكان مراد قاعد مديها ضهرها. شمس: احم، لو سمحت كنت. مراد: عرفتي بقا إنك كدا كدا هتجيلي. شمس: أنا مش جايالك انت. لحظه، انت اللي اشتريت البيت؟ مراد: اه، ها، موافقه تتجوزيني؟ شمس: انت لو آخر واحد في الدنيا مستحيل اتجوزك. مراد: طب شوفي الفيديو دا يمكن تغيري رأيك. *** عند هيدي وعمار.

عمار: ها هتعملي أي، اتجوزو لا، وكمان طلعو شهر عسل. هيدي: معرفش، بس ورحمة أبويا ما هسيبهم. عمار: ناويه على ايه. هيدي: هتشوف. وطلعت موبايلها واتصلت على شخص. هيدي: تراقبلي القصر كويس، وأول ما يرجعو تنفذ اللي قولتك عليه. عمار: انتي فعلا هتعملي كدا. هيدي: أيوه، لازم أبدأ كدا. *** ساره فضلت تعيط وقت كبير، وبعدين دخلت الاوضه لأسر. أسر: بتعملي أي. ساره: هنام. أسر: لا، اطلعي برا. ساره انفجرت من العياط وجريت عليه حضنته.

ساره: والله مكنتش اقصد، كان قصدي إن يوسف وجنى وحشوني. أسر مصدوم، بس حاوطتها بايدو وشدها لحضنه اكتر. أسر: هشش، متعيطيش خلاص. ساره نامت في حضنه. أسر: اه، غيرتيني كتير، شكلي حبيتك. أسر اتعدل ونام واخدها في حضنو. *** جنى: يلاهوي اتأخرت، اه يا هبله، اول يوم شغل أتأخر كدا. ونزلت ركبت تاكسي ووصلت الشركه بسرعه. جنى طلعت مكتب يوسف خبطت ودخلت. يوسف: كل دا تأخير من اول يوم، اي الاستهتار دا.

جنى وعيونها اتملت دموع: أنا أنا اسفه واللهي. يوسف: يخربيتك، انتي صدقتي؟ أنا بهزر معاكي. جنى: متهزرش تاني. بقا. يوسف: حاضر، روحي يلا هيفهموكي الشغل، واعملي حسابك هنتغدى مع بعض انهارده. جنى: حاضر. *** شمس: انت ازاي حقير كدا، وديت أمي فين؟ مراد: معايا، أول ما مكتب الكتاب هتشوفيها، وكان هعملها العملية. شمس: حرام عليك، أنا عملتلك أي لكل دا؟ مراد: مزاجي كدا، ها، اخلصي موافقه ولا لا. شمس بعياط: موافقه. مراد: برافو عليكي.

*** ساره صحيت من النوم لقت نفسها في حضن أسر. صوتت. أسر بخضه: في أي يا بنت المجنونه. ساره: أنا أي اللي نيمني هنا. أسر: يعني مش فاكره. ساره: لا. أسر: مش مهم، افتكري مع نفسك، يلا علشان الطياره كمان ساعتين.