رواية عشق جنوني الفصل الثاني عشر 12 - بقلم سارة محمد

دخلت شمس ولقت في حد قاعد. شمس: احم، السلام عليكم. مراد: وعليكم السلام، اتفضلي. شمس: كنت جايه علشان الانترڤيو. مراد: هاتي الـ سي في بتاعك. شمس: اتفضل. مراد قرأ الـ سي في. مراد: ممتاز، بس يعني انتي مأخدتيش بالك أن كل اللي بيشتغلوا هنا مش محجبين؟ شمس: تمام، فهمت حضرتك. بعد اذنكم. مراد: استني، لسه مخلصتش كلامي. شمس: ايوه حضرتك، هتقبلني ولا لأ؟ مراد: لو هتقلعي الحجاب ممكن أقبلك. شمس: لأ، متشكره. بعد اذنكم.

مشت شمس. مراد متعصب، بس الغلطة اللي عملتها اللي هتدخلها عرين الأسد إن هي نسيت شنطته. مراد شاف الشنطة. مراد: هترجعي، وأنا هعرفك إزاي تتحديني. *** عند شمس. شمس: إنسان متخلف. أعمل إيه؟ لازم أجيب الدوا لماما. تليفون شمس رن. شمس: الو. جار: شمس، والدتك تعبت. إحنا في بيتكم وطلبنالها دكتور. شمس: إيه؟ طب أنا جايه حالا. *** عند يوسف. سكرتيرة: حضرتك، في شغل لازم يخلص، بس مستر أسر مش موجود.

يوسف: لا، سيبي أسر، ملكيش دعوة بيه. أجلي أي شغل دلوقتي. سكرتيرة: تمام يا فندم. يوسف اتصل على أسر. يوسف: الو. أسر: إيه يا زفت؟ يوسف: إيه يا عم؟ اتصلت في وقت غلط ولا إيه؟ أسر: اهو، شوف منها. بنفطر وهننزل نشتري شوية حاجات. يوسف: عظمه، تجيبلي معاك شوية حاجات كده. أسر: بس باض، أنا فاضيلك. يوسف: بقا كده؟ اديني أختي ياض. ساره: الـو. يوسف: جلب جلبي، وحشتيني. ساره: إنت أكتر. عامل إيه؟ يوسف: وحيد وحزين من غيرك.

ساره: يا عيني. هجيلك حاضر. يوسف: إيه دا؟ أخت عظيمة. ساره: بقولك ركز معايا، عيد ميلاد جنى كمان أسبوع وعاوزة أعملها مفاجأة. حضر انت بقا على ذوقك. يوسف: بس يا معلم، جتلي في ملعبي. ساره: مش عارفة لي، خايفة منك. يوسف: أنا عمري خذلتك. دا أنا حتى مطيع. ساره: إنت هتقولي. أسر: ما كفاية رغي. يوسف: اقفلي يا ستي، شكله غيران. ساره: سلام. وقفلوا. يوسف: فرصة حلوة تعترف لها بحبك في اليوم دا. لحظة، أنا قولت أعترف بحبك. إحيه!

وقعت يا يوسف. *** عند ساره وأسر. أسر: يلا نطلع بقا. ساره: لا، نروح نشتري هدية ليوسف وجنى. أسر: هما؟ طلعلي في البخت. ساره: يلا بقا. وقاموا راحوا مول كبير ودخلوا محل لبس. ساره: حلو دا، أجيبه لجنى. أسر: أيوه، هاتي. اسبيني هحاسب. ساره: طب ما آجي معاك. أسر: لا، روحي انتي اختاري ليوسف. ساره مشيت وأسر اختار فستان لساره وراح يحاسب. ساره اختارت ليوسف طقم كاجوال وساعة. وحاسبوا ومشوا. أسر: أظن بقا نروح الأوتيل.

ساره: هو أنا باجي لندن كل يوم؟ إحنا هنسافر الأسبوع الجاي، عاوزة أفسح. أسر: أمري لله. عاوزة تروحي فين؟ ساره: تعالي نقعد هنا، المكان هادي. (قصدها على شط بحر) أسر: يلا. وراحوا قعدوا. ساره: آيس كريم. أسر: واخد معايا بنت اختي. خليكي هنا، هروح أجيبلك وآجي. ساره: عاوزة شوكولاتة وفانيلا. أسر: ماشي يا ختي. وراح جابلها وأكلت. وفضلوا قاعدين لحد ما ساره نامت على كتف أسر. أسر: ساره، قومي يلا. ساره: إيه دا؟ نمت؟

أسر: آه، يلا الوقت اتأخر. يلا نروح الأوتيل. ساره: يلا. وركبوا العربية ومشوا ووصلوا الفندق وطلعوا الأوضة. أسر: أطلب عشا. ساره: تمام، هدخل آخد دش. ودخلت بس معرفتش تفتح الدش. لبست البرنص. ساره: أسر، ممكن تفتحلي الدش؟ مش عارفة. أسر: ماشي. وفي نفسه: دي شكلها اتطورت خالص. دخل وساره استخبت ورا الباب وفتح وعمل نفسه بيقع. ساره: إنت كويس؟ أسر: كتفي بيوجعني، حتى شوف. ساره: طب هروح أتصل بدكتور. أسر شدها لعنده.

أسر: احضنيني انتي وأنا هكون كويس. ساره: إيه؟ يعني كنت بتمثل؟ وفضلت تضربوا في صدره. أسر ضمها لصدره ومكانش في بينهم غير سنتيمتر واحد. وسرحوا في بعض. وأسر باسها بعنف كأنه بيقولها عليكي معايا أنا بحبك. وساره تجاوبت معاه. وفي اللحظة دي تحولت البوسة لبوسة رقيقة بتعبر عن حبهم لبعض لحد ما انتبهوا. وساره كانت مكسوفة أوي ووشها احمر من الخجل. أسر: احم، خلصي يلا علشان الأكل ما يبردش. ساره بخجل: حاضر. وأسر وطلع. *** عند جنى.

جنى: إيه الزهق دا؟ فينك يا ساره؟ أنا هتصل على يوسف. جنى: الو. يوسف: لا، مش مصدق بتكلميني بنفسك. جنى: زهقانة، بقولك عاوزة أشتغل. ما تتشوفلي شغل. يوسف: طب ما تيجي تشتغلي هنا. جنى: أشتغل إيه؟ يوسف: سكرتيرة مثلاً. جنى: طب يعني إنت محتاج سكرتيرة؟ يوسف: أنا عندي، بس ممكن أنقلها مكان تاني. جنى: امممممم، تمام. أجيلك بكرة بالـ سي في. يوسف: مش محتاجة، اعتبري نفسك اتقبلتي. جنى: لا دا كرم زيادة والله.

يوسف في نفسه: طبعاً، دا إنتي اللي في القلب. *** عند شمس. وصلت عند مامتها. شمس: خير يا دكتور، طمني. دكتور: حالتها حرجة جداً، لازم تعمل العملية في أقرب وقت وإلا القلب هيقف. شمس: تمام، شكراً. الدكتور مشي والباب خبط. شمس: إنت...