رواية عشق خالد الفصل الثالث والعشرون 23 - بقلم رنا احمد

في المستشفي . كان يجلس أسر علي السرير وهو يتألم بشده ويصرخ بالم . أسر: اه ي بابا الحقني مش قادر . مالك: ان شاء الله هتعدي ي أسر خليك املك في ربنا كبير انا عارف أنه الامل ضعيف بس ي عني . الدكتور: ما هو حضرتك غلط برضه ي استاذ مالك فيه حد يرش علي حد ماده طفايه الحريق دي ماده كاويه زودت الموضوع اكتر . خالد: ما هو ده كان المطلوب احمم ي دكتور هو كان في ايه ولا فيه كلنا كنا عايزين ننقذه .

تقي: سلامتك ي جوز بنتي أن شاء الله هتبقا زي الفل . مالك: سكت مرات اخوك والا قسما بالله هحجزلها هنا في عنبر المجانين تقضي بقيه حياتها . في الخارج . كانت تجلس عائشه والإبتسامة لا تفارق وجهها وهي تتذكر غيرته الشديدة عليها وأفعاله التي تؤكد أنه يعشقها . تقي: انا هموت واعرف انتي مبسوطه علي ايه . عائشه: ههههه بصراحه ي امي منظره وهو مسلوخ كده كان مسخره .

تقي: اكتمي ي بت بلا قله حياه ده ي كبدي الواد اقطع قلبي منك لله ي مالك ي ابن خالد . عائشه: بعد الشر عليه أن شاء الله الي بيكرهوه يتحرقوا كلهم . تقي: ي سلام ي اختي ومالك محموقه كده المهم بقولك ايه انا هروح اشتري شويه حاجات اوديهم الفيلا وهرجع علطول المهم خليكي هنا . عائشه: هنا فين لا طبعا انا هرجع مع عمي .

تقي: سيبك من عمك وبطل كلام فارغ المريض ده يبقا خطيبك شويه وهيكون جوزك ي عني ده من واجبه عليكي انك تفضلي جنبه فاهمه سلام . عائشه: كان مات كنت خلصت منه اوووف . مالك: ايه ي عروسه مش تتدخلي تتطمني علي عريس الغفلة . عائشه: اكيد طبعا هطمن عليه ده ساكن قلبي من جوه . مالك: طب لمي نفسك بقا بدل ماحجزلك اوضه هنا في قسم الجراحه مش هخليهم يخيطوا فيكي غرزه فاهمه . خالد: ايه انت وهي احنا في مستشفي يلا خلونا نمشي .

عائشه: اتفضل انت ي عمي انا مش هامشي قبل ماطمن علي اسر حبيبي . مالك: سمعيني كده تاني قولتي ايه علشان اطربق المستشفي علي نفوخك ودماغ الي خلفوكي . عائشه: بقول هاجي طبعا معاك ي ابني عمي انا اقدر ارفضلك طلب . خالد: ي سلام عليكي ي عائشه بشخصيتك القويه روحوا انتوا وانا هروح الشركه . في فيلا المرشدي… في غرفه عائشه .. كانت تسير الي الداخل بخوف وارتباك ليتبعها مالك بحده وهو يغلق الباب .

عائشه: ماالك اطلع بره هصوت والم عليك الناس . مالك: صوتي ي اختي الي عندك اعمليه علي العموم هو كده كده الصويت هيشتغل لما يجوا يلموا جثتك دلوقتي قوليلي ايه الجنان الي انتي بتعملي ده عايزه توصلي لايه ي بنت تقي . عائشه: ايه المشكله بصراحه اسر ميترفضش هيعوضني عن كل المر الي شوفته معاك ي ابن العشق .

مالك: المر انتي لسه شوفتي مر بقولك ايه هي كلمه مش هكررها تاني بطلي استهبال بدل ماهوريكي الي عمرك مشوفتيه فاهمه انتي بتاعتي ملكي انا وبس . عائشه: هو انا معندكش غير الكلمه دي تقوله اللي مينفعش تقولي كلمه حب كلمه حلوه طول الوقت عايز تثبت ملكيتك ليا وخلاص بس احبك اقولك أن كل الي بينا انتهاء ي مالك وانا هتجوز اسر لانه بيحبني بجد مش زيك عايزني جاريه ليك ي مالك . مالك: ي عني دي اخر كلام عندك خلاص مالك مبقاش ليه وجود جواكي .

عائشه: وهي تبتعد للخلف بارتباك وخوف من ضعفها المحبب لها معه لتسقط علي السرير ليقترب منها وهو يقبلها بهمس مهلك جعلها تستسلم له كعادتها . عائشه: مالك ابعد كده حرام انت ناسي أننا مطلقين . مالك: انتي مرائتي فاهمه مرائتي عائشه ملك . عائشه: ملك مالك وبس . ليبتسم هو بسعاده ليغرقوا سويا في بحور عشقهم الجميل … في شركه خالد…. كان يجلس بصدمه وغيظ بعدما علم معلومات كثيره عن مدحت الصياد وابنه اسر.

خالد: انت متاكد من كلامك ده ي قاسم. قاسم: طبعا متاكد ي مالك بس برغم كل ده قطعيا محدش قدر يمسك عليهم حاجه دول عاملين زي التعابين دخولهم حياتكم مستحيل يكون صدفه خالي بالك علي نفسك وعائلتك ي خالد . خالد: اطمن ي قاسم متقلقش اوعدك أن تسليمهم ووقوعهم هيكون علي ايديا انا اطمن . في فيلا الصياد .. كان يسير أسر بغضب وتوعد ليتحدث بغضب شديد . أسر: عجبك الي حصل ده قسما بالله لندمهم كلهم وخصوصا سي روميو ده .

مدحت: مالك ده ظهوره مش في مصلحتنا ي أسر واضح أنه شخصيه ذكيه جدا. أسر: متقلقش هو مش هيعيش اصلا علشان يتذاكا علينا انت فاكرني هعدي الي حصل ده بالساهل . مدحت: اسر مدخلناش في مشاكل واضح كده أنه عينه من عائشه وانت كده هتفتح علينا ابواب جهنم . أسر: تغور كل حاجه قصاد كرامتي الي اداست في التراب بابا اطلع من الموضوع ده خالص طالما هو عينه منها انا بقا هحسره علي رجولته لما اخليها بتاعتي انا . في الجنينه ..

كان يجلس خالد بشرود وتوعد لهم لتجلس عشق بجانبه بقلق . عشق: مالك ي حبيبي فيك ايه . خالد: مفيش حاجه ي حبيبتي شويه مشاكل في الشغل . عشق: خالد انت موافق علي موضوع خطوبه اسر وعائشه دي . خالد: عيزاني اعمل ايه ي عشق ده قرارها هي هي حره . عشق: مش عليا الكلام ده ي خالد محدش حفظك وفاهمك قدي أنت الي مكبر في دماغها الموضوع علشان تجننوا مالك مش كده بس انا بقا مش هسكت ده ابني وحته من قلبي .

خالد: ي عني هو مش ابني انا كمان بس مالك لازم يتعلم لو بيحبها صحيح لازم يتعلم اصول العشق ازي . عشق: طبعا لازم يتعلم من البروفسير الي عملني العشق بكل أصوله بعشقك ي خالد . خالد: وانا بموت فيكي ي روحي . في غرفه عائشه . كانت تجلس في احضان مالك لتتحدث باستغراب . عائشه: نفسي اعرف انا ليه ببقا معاك كده ي مالك ضعيفه مستسلمه مع أن ده مش طبعي طول عمري عاقله .

مالك: وده مضايقك ي عائشه مضايقه انك معايا بالضعف ده انك حابه وجودي جنبك . عائشه: ما هو ده الي هيجنني ي مالك اني مبسوطه اوي معاك حابه وجودي في حضنك . مالك: وانا اوعدك مش هتبعدي عن حضني ابدا . عائشه: ي خبر امي زمانها جايه علشان خاطري ي مالك أخرج دي تبقا مصيبه . مالك: علشان خاطرك هاخرج بس اعملي حسابك أن الكل لازم يعرف انك مرائتي فاهمه . عائشه: فاهمه . في فيلا المرشدي… كان يسير زين الي الداخل لتوقفه تقي بحده .

تقي: زين استنا عندك . زين: سلاما قولا من رب الرحيم خير ي مرات عمي . تقي: اسمع بقا انا حذرتك قبل كده وانت مفيش فايده فيك بطل مكالمات انت والبت البت في أولي طب سيبها تركز في مذاكرتها بدل قسما بالله افركشلك الجوازه دي خالص جوازه الهم . زين: ي ساتر يارب أمنا الغوله نفسي اشمت فيها يارب حققلي امنيتي وخلينا اشوفها وهي بتتهزق مره واحده . في الداخل .. كان يجلس مالك علي الاب توب الخاص به لتقترب منه بغيظ شديد .

تقي: ي سلام وقاعد بارد ولا علي بالك ممكن اعرف ايه الي انت هببته ده . مالك: انتي بتكلميني انا . تقي: لا خيالك ممكن اعرف ايه الوقاحه الي عملتها زي . مالك: اسمعي ي مراة انتي انا غير اي حد في البيت ده فاهمه ولا لا شغل الرعب الي انتي عملاه هنا ميمشيش عليا احسالك تبعدي عني انا خالص وصوتك لو علي عليا كده تاني انتي حره هبعتك بلدكم ي خريجه كباريهات شارع الهرم . تقي: ماشي ي مالك ماشي . زين: هههههه باشا مصر حبيبي ي ابن عمي .

مالك: هههههه اي خدمه . في غرفه عائشه .. عائشه: ي امي حاجات ايه بس الي هنجيبها دلوقتي من القاهره ي امي الجو نار وانا تعبانه . تقي: بقولك ايه ي بت انتي بلاش دلع بنات ماسخ انتي ماشيه علي رجليكي ماحنا معانا عربيه انتي واختك ناقصكم حاجات كتير هنروح ونرجع اخر النهار يلا قومي فزي . عائشه: استغفر الله العظيم يارب . في غرفه مكتب خالد … كان يجلس ليسير مالك إليه بابتسامه . مالك: عامل ايه بابا .

خالد: حبيب ابوك اقعد شكلك عايز تقول حاجه. مالك: انا خلاص قررت اصارح العائله بجوازي من عائشه مش هينفع نعيش في الضلمه كده ي بابا انا عايزها مراتي في النور . خالد: ايوه كده ي حبيبي ربنا يسعدكم ويهنيكم ي ابني . في القاهره … كانت تقف عائشه وهي تشعر بالتعب من الشديد فهي تحملت الكثير مع حملها . تقي: مالك ي بت ي عائشه فيه ايه ده انتي كنتي بتموتي في الخروج واللف ايه الي جرالك . عائشه: تعبانه اوي ي ماما الحقيني ي أما .

تقي: عائشه . في عياده الدكتوره . كانت تقف تقي بفزع وخوف شديد لتقترب منها الدكتوره بابتسامه . الدكتوره: اطمني حضرتك بنتك الحمد لله بخير بس هو مكنش ينفع التعب والاجهاد ده في أول حملها . تقي: بتقولي ايه ي دكتوراه . الدكتوره: واضح أن حضرتك مكنتيش تعرفي أنها حامل علي العموم الف مبروك حامل في شهر عن اذنك هشوف المرضي بتوعي تقدري تدخلي لها . في غرفه عائشه ….

كانت تجلس عائشه وهي تبكي بدموع ووجع خوفا من القادم لتسير تقي وعلي وجهها غضب شديد . عائشه: ابوس ايدك ي أما اسمعيني . تقي: اه ي بنت الكلب اه ي بنت الكلب حامل حامل ي خاطيه حطيتي وشي انا وابوكي في الطين ده انا هولع فيكي ي بنت الكلب . عائشه: لا ي أما قسما بالله ما حصل ده ابني من الحلال من جوزي علي سنه الله ورسوله .

تقي: مالك مش كده ابن خالد صح ده هيكون اخر يوم في عمرك لو اتجوزتيه فاهمه مش هسيبك تعيشي زي مانا عيشت الكل شايف نفسه عليا ودائما يعاملوني من فوق علشان كنت رقاصه ولسه بتزل بها لحد دلوقتي مش هسيب خالد ينفذ مخططه . فلاش باك… في فيلا المرشدي. في مكتب خالد … كان يجلس خالد بضيق ليقترب منه جاسر باستغراب . جاسر: فيه ايه ي خالد كنت قاعد ساعه كتب كتابي انا وتقي شكلك زهقان ومش طايق .

خالد: انا فعلا مش قابل الجوازه دي ي جاسر ووفقت علشان خاطرك لكن في الاول والاخر دي رقاصه عارف ي عني ايه رقاصه . جاسر: يووووه ي خالد ايه المشكله ي عني شويه والناس هتنسا .

خالد: لا ي شيخ ولما تخلفوا وولادكم يكبروا ويعرفوا أن امهم كانت رقاصه ومصيبه بقا لو كانوا بنات تفتكر هيتجوزوا ازي مين من الطبقات الراقيه هيرضا بيهم وامهم رقاصه وفوق ده كله هيتجوزو رجاله تزل فيهم وتهينهم لو عرفوا انت لسه فيها ي جاسر تقي دي مش هتنفعك مش من مستوانا شوف عشق ونور واحكم بنفسك . جاسر: خلاص ي خالد كفايه الموضوع انتهاء انا بحب تقي ومش هسيبها . طبعا تقي كانت واقفه وسمعت كل حاجه اتكون جواها كره كبير ل خالد .

باك …. تقي: مش هيحصل ي خالد مش هخليك تنتصر في النهايه عمري مكرهت حد ماكرهتك . الدكتوره: لو سمحتي كفايه كده انتي ازي تتضربيها كده . تقي: بقولك ايه ي دكتوراه شكلك كده من الناس الي بتفهم هتاخدي الي انتي عايزاه وتخلصيني من المصيبه الي في بطنها دي ومش بس كده عمليه من إياها انتي فهماني بقا عيزاها ترجع زي مكانت . عائشه: لا ي أما ابوس ايدك ابوس ايدك ابني وابن مالك لا ابوس ايدك ي أما .

تقي: وهي كانت فين امك ي بنت الجزمه لما حملتي منه صوتك مش عايزاه يطلع فاهمه شوفي شغلك ي دكتوراه مش عايزه اي دليل يثبت أن ابن خالد لمس شعره منها . الدكتوره: تمام . عائشه: حرام عليكم مااااالك .