رواية عشق لصعيدي الفصل السادس والعشرون 26 - بقلم كيان كاتبه

أنا راضي عنك أوي يا سماح وعن الزباين اللي بتجيبيهم. سماح بفرحة: بجد؟ أيوه يا سماح، وأنا أقدر أخليكي قوية يا سماح، قوية لدرجة كل اللي نفسك فيه هتعمليه. بس بشرط. سماح بصتله بترقب وفرحة: تسجد قدامك؟ سماح فضلت شوية تفكر، وبعدين مالت ببطء وسجدت. ميادة كانت واقفة على الباب وشهقت لما شافت الشخص اللي سماح بتميل تحت رجله بيتحول لحاجة تانية. أول ما شافت كده جريت

بخوف وهي بتمتم بخوف ورعب: استغفر الله العظيم، استغفر الله، أنا تبت، تبت والله. وده كان من لطف ربنا إنها تشوف المنظر ده. زياد صحي على صوت فونه. بص ملقاش ريهام جنبه. مسك الفون بنوم، وكان خالد حرك إيده على وشه يطرد النوم. زياد بصوت باين عليه أثر النوم: الو. خالد: لسه صاحي؟ زياد: نمت متأخر امبارح. خالد بهدوء: وإيه اللي منمك متأخر كده؟ زياد: دماغي ما تروحش بعيد، أنا بس سهرت شوية. خالد: ليه، هو الشيخ مجابش نتيجة؟

زياد: لا شكله جاب، بس بخسارتها. خالد: طب يلا قوم عشان ضهر الجمعة قرب. زياد: مع السلامة. زياد قفل معاه وسمع صوت ريهام العالي جاي من المطبخ: يلا يا زياد قوم استحمام وكل حاجة، خليك تلحق الضهر. زياد ابتسم وقام. لقيها محضرة له هدومه. خدهم ودخل يستحمى. بعد شوية طلع وتجه للمراية يسرح شعره الطويل نسبياً. ريهام دخلت عليه عشان تجمع هدوم لنفسها. ريهام برفعة حاجب: اممم، أشمعنى شعرك اللي بتهتم بيه يعني؟

زياد: لا، عندك إلا شعري ده متكلف وصارف. ريهام قربت: بتحطله إيه، أنا عايزة أحط زيك عشان يبقوا حلوين زي بتوعك. زياد شاور لها: استحمي وحطي من ده، ولما يخلص نجيب سوا. ريهام: الشامبو اللي جوه. زياد بقلة صبر: حطي منه. ريهام قربت وحاوطت رقبته: ربنا يخليك ليا. زياد اتأثر ولسه هيقرب منها، هي بعدت ودخلت الحمام: يلا عشان تلحق. وعد وتقى واقفين بيجهزوا الغداء في المطبخ. وعد بصت على تقى اللي باين عليها إنها لسه زعلانة.

وعد: انتي لسه زعلانة من عمي يا تقى؟ تقى بجمود: وهزعل ليه؟ وعد قربت منها: تقى، على فكرة، عمي كان عامل له سحر. تقى سابت اللي في إيدها وبصت له بتركيز. تقى: سحر إيه؟ وعد اتنهدت: بس متقوليش إن أنا اللي قلت لك. تقى بصت له وانتظرتها تكمل. وعد بتوتر: يعني عمي طلع معملاه سحر هو وزياد، ولما زياد راح يشوف شيخ... الشيخ لما عمي قاله إنه هو كمان معملاه سحر تفريق هو ومراته، وأنا كنت ملاحظة إن عمي متغير معاكي الفترة اللي فاتت.

تقى فضلت ساكتة ومردتش. وعد: هو عمي مقللكيش؟ تقى اتنهدت: لا مقليش حاجة يا وعد. وعد: متزعليش، هو عمي كده طول الوقت، والله بيشيل جواه ومش بيقول. تقى ابتسمت وهي بتفتح إيديها ليزيد اللي ساب إيد أبوه أول ما دخل البيت بعد ما رجعوا من صلاة الجمعة. تقى بفرحة: حبيبي، حبيبي اللي صلى الضهر ده. تقى قعدته وحطت طبق قدامه: ودي الكبدة بتاعتك، يلا كلها كلها. وفعلاً يزيد بدأ ياكل وتقى رجعت ترص الأطباق على الصينية اللي هتطلع لجبل وخالد.

تقى: خدي دي وديها لعمك، وأنا هحط للحريم هنا. وعد خدت منها الصينية وطلعت بيها لخالد وجبل. خالد بياكل لوحده عشان حريم أخوه ياخدوا راحتهم. وعد حطت الأكل بين جبل وخالد ودخلت. كانت تقى جهزت الأكل جوه وبدأوا أكل. بعد شوية وعد خدت طبق اللحمة لخالد يوزع النوايب. (في الأول خالد كان بيحط الطبق وكل واحد ياخد اللي عايزه، بس أم جبل كانت بتاخد بزيادة عن أم وعد) خالد: خد يا جبل اللي عايزه. جبل: هات يا عمي اللي تجيبه.

خالد حط حتتين لحمة قدام جبل وزع الباقي. خالد: ده ليك، ود لملك، ودا مرات عمك، ودول اللي في الجنب ليها، وليزيد. وعد: ماشي. وعد لسه هتمشي. جبل: وعد خدي. جبل شال حتة من نايبه ودهالها. وعد: لا، أنا نايبى كبير أهو. جبل: خديها بس. وعد خدتها ودخلت. خالد: أمك لو شافت كده هاتتشل. خالد دخل البيت ملقهاش في الحوش. اتجه على أوضة النوم لقيها قاعدة قدام المراية تسرح شعرها. زياد قعد على السرير وبيبلها.

ريهام: دقيقة هسرح شعري وأحط الأكل. زياد: تعالي أسرح لك. ريهام قامت من مكانها: بجد. قعدت من تحت وهو قعد على السرير. طب يلا. زياد مسك شعرها بين إيديه بحنية. زياد بدأ يسرح شعرها: آخر مرة شفت فيها شعرك كان عندك 15 سنة لما جيتي مع عمك. وبعدها اتحجبتي ومشفتيش شعرك تاني من يومها، بس كان أكبر من كده. ريهام حست إنه أبوها مش جوزها بحنيته دي: اتقصف. زياد: طب هاتي له حاجة أو شوفي له حل.

ريهام: ما هو هستخدم الزيت والشامبو بتاعك، يارب يبقى حلو زيك كده. زياد: خلصنا. ريهام: هغسل إيدي وأحط الأكل. ريهام طلعت ودخلت المطبخ تجهز الأكل. الباب خبط. زياد طلع يفتح الباب وكانت بسملة. بسملة ابتسمت بحب: أمي بعت لكم دول. كان طبق فيه محشي. زياد هياخد الطبق منها: تعيش وتجيب أم محمد. اتفضلي بسملة. بسملة: لا معلش، أمي عايزاني. زياد قفل الباب ودخل. ريهام حطت الأكل. ريهام: يلا. زياد حط الطبق وقعد قصاده.

ريهام: اديني نايبى قبل الأكل. زياد ابتسم: انتي بقيتي ست البيت، أنا اللي عايز نايبى. ريهام: أكتر حاجة بحبها أصلاً إنك بتديني نايبى زي بابا. زياد قسم الحتة اللي قدامه وداها نيبها. عند بسملة.