رواية عشق من الماضي الفصل الثالث عشر 13 - بقلم الكاتبه المجهوله

محمد: سحر عندها ورم سرطاني. سلوى بصدمة: لاااا! انت كداب. سحر كويسة، لا! سحر كويسة. اه، سحر لسه سايباها حالا و كانت مفيهاش حاجة. محمد: طب ممكن تهدي و تسمعيني؟ سلوى بدموع: قول، قول يا خويا قول. قولي إن سحر معندهاش حاجة.

محمد: أنا مقدر اللي انتي فيه، بس للأسف بسبب الحادثة قدرنا نعرف الورم ده فين و نحدد مكانه. وللأسف مقدرناش نستأصله وقتها لأن كانت حالتها حرجة و كان عندها نزيف داخلي. ولو كنا عملنا أي حاجة وقتها كان هيبقى في خطر على حياتها. سلوى بدموع: و العمل يا دكتور؟ هنعمل إيه؟ محمد: مفيش قدامنا حل إلا إنها تفضل هنا قدامنا و تحت عنينا على ما حالتها تستقر و ندخلها العمليات علشان نستأصل الورم ده. سلوى بانهيار: كان مستخبي فين ده يا رب؟

ده سحر غلبانة و في حاله. إزاي يحصل فيها كده؟ محمد: انتي المفروض تحمدي ربنا، لأن لولا الحادثة اللي حصلت لها دي مكناش قدرنا نكتشف الورم ده و كان ممكن ينتشر و وقتها مكناش هنلحقها و كان هيقضي عليها. سلوى بدموع: الحمد لله يا رب، الحمد لله. عند سحر: سحر: الحمد لله، كفاية كده. أم سحر بحب: كفاية إيه؟ لا تاكلي يلا. هي المكرونة وحشة؟ سحر بحب: لا والله دي كانت تحفة. والبطاطس يا سلااام مقرمشة زي اللي بحبها بالظبط.

أم سحر بحب: بالهنا والشفا يا قلبي. قاطعهم دخول الدكتور محمد: السلام عليكم. الكل: وعليكم السلام. محمد: الله الله! مكرونة بالبشاميل في المستشفى؟ دخلتي بيها إزاي دول مانعين أي أكل يدخل هنا. أم سحر: هو أكل المستشفيات ده أكل؟ ده أكل يمرض مش يشفي. وغير كده سحورة بتحب الأكلة دي. محمد: وأنا مليش من الحب جانب؟ أم سحر: لا إزاي؟ من عيوني. أحلى خرطة مكرونة. بتحبي الطرف ولا الوسط؟ محمد: هههههه. ده أنا بهزر. أم سحر: وماله؟

ده الأكل كتير و يساع من الحبايب ألف. محمد: ربنا يخليكي. بالهنا والشفا ليكم. أنا بتغدى مع الست الوالدة، ربنا يخليها يا رب. أم سحر: ربنا يخليك ليها و يخليكم لبعض يا رب. محمد: اللهم آمين يا ماما. عن إذنكم. أم سحر: اتفضل يا دكتور. الدكتور محمد طلع. أم سحر: والله دكتور ابن حلال. سحر: إلا سمر أختي فين؟ وسارة؟ أم سحر بارتباك: هاااه؟ آآه. ما أنا قولت لك سافرت عند خالتك. سحر: طب وسارة وكتابها؟ أم سحر باستغراب: كتابها؟

سحر: أيوا يا ماما، مش في الإجازة بنوديها كتاب عشان تحفظ القرآن. أم سحر: آآه آآه. ما هو لسه الدرجات طالعة بقى نفرحها شوية. سحر بلهفة: يعني نجحت في سنة رابعة و هتخش خمسة؟ أم سحر في نفسها: رابعة إيه دي؟ دي خلصت ٢ ثانوي. سحر: معايا يا ماما؟ أم سحر بحب: معاكي يا ضنايا. من عيوني. هروح أتصل بـ أخواتك يجوا لك. وبإذن الله هجبهم و أجيلك بالليل. سحر: تمام يا ماما. قاطعهم دخول علي: إزيك يا ماما؟

أم سحر بحب: إزيك يا حبيبي. خد بالك من سحر على ما أجي بالليل. علي وهو بيبص لـ سحر بحب: من عيوني. أم سحر بحب: تسلم يا حبيبي. مش عايزة حاجة يا سحورة؟ سحر بحب: عايزة سلامتك يا ماما. أم سحر: سلام يا حلوين. وطلعت برا. علي بحب: أخبار روح قلبي إيه؟ سحر بخجل: بطل طريقتك دي. علي بحب: مالها طريقتي؟ أنا معدتش هخبي. أنا بحبك يا سحر. سحر بخجل: ده لسه المرحلة طويلة. لسه ٤ سنين كلية و ماجستير ودكتوراه. لسه بدري على الموضوع ده.

علي بارتباك: ما هو ما هو... سحر: أقولك على حاجة؟ علي بحب: قولي يا سحورة. سحر: ما توفي بوعدك و تاخدني الملاهي. علي بحب: خفي أنتِ بس، وأول ما تطلعي من المستشفى هوديكي. سحر بزعل: خلاص ماشي. في المساء: د/ محمد لـ سلوى: خلي سحر تاكل و اديها الدوا بتاعها. وبعدهم الحقنة دي... سلوى: حاضر يا دكتور. بس أنا جبت لك التحاليل اللي قولت لي عليها. فضلت مع دكتور التحاليل لغاية ما طلعها. يارب تكون خير.

محمد وهو ماسك الأشعة: أهوا شوفي كدا. ده الورم السرطاني اللي قولت لك عليه. لو فضل أكتر هيصيب الخلايا اللي حواليه، فخلينا نلحقها من الأول. سلوى بدموع: يعني في أمل للشفاء يا دكتور؟ محمد: الحمد لله، اكتشفناه في الأول أهوا. وإن شاء الله خير. يلا بس روحي لـ سحر و اعملي اللي قولت لك عليه. وإياكي تجيبي لها سيرة. إحنا مصدقنا إن نفسيتها اتعدلت و تحسنت عن الأول. سلوى وهي بتمسح دموعها: حاضر يا دكتور. في غرفة سحر:

سلوى بحب فتحت الباب: سحورة، يلا علشان العشا. قطعت كلامها لما شافت سحر مش موجودة. سلوى بخضة وهي بتخبط على باب الحمام: سحررر! انتي هنا؟ لا يوجد رد. فتحت الباب و...