رواية عشق من نار الفصل الرابع 4 - بقلم كيان كاتبة

دخلت الأوضة وبصت على فهد اللي نايم بعمق. قالت بجمود وهي بتطلع حقنة من جيبها: "مع السلامة." كانت رايحة ناحية المحلول، وقفت لما لقيته ابتدا يفوق ومش قادر ياخد نفسه بسبب الدخان. فهد وهو بيفتح عينه بضعف، بيحاول ياخد نفسه والصورة مشوشة بالنسباله. رفع إيده ناحيتها كأنه بيستنجد بيها. أما البنت، فضلت واقفة مكانها بجمود ومتحركتش ناحيته خطوة. في الخارج، كانت ماجدة واقفة قدام المستشفى بتعيط بهستريا وهي ماسكة في ماهر.

"أنا عايزة عيالي يا ماهر." ماهر وهو بيحاول يهديها: "اهدي... مكملش كلامه ولقي مراد طالع وشايل حد على إيده. جري عليه ماهر وماجدة. ماجدة وهي بتمسح دموعها وهي بتبص على ليان اللي بين إيديه: "مين دي؟ وفي أخوك؟ مراد وهو بينزل ليان على الكرسي: "معرفهاش. هروح أجيب فهد." ماجدة وهي بتمسك إيده بعصبية: "سبت أخوك جوه علشان خاطر دي؟ مراد وهو بيشيل إيديها: "مش وقته يا ماما الكلام ده." دخل مراد بسرعة جوه المستشفى. بصت ماجدة لـ

(اسم غير واضح) بعصبية، وبعدين بصت على ماهر اللي كان بيحاول يفوق في ليان. عند البوص، كان قاعد على الكرسي ببرود. قال واحد من حرّاسه: "ولعت في المستشفى يا بوص." البوص وهو يقوم من على الكرسي باستغراب: "مش عارف إيه اللي بيدور في دماغها." ثم أكمل كلامه ببرود: "بس المهم إنها تخلص المهمة من غير ولا غلطة." في المستشفى، كان فهد ابتدت الصورة تتضح قدامه. شاف البنت وهي واقفة، قال بتعب وهو بيكح ومش قادر ياخد نفسه: "تعالي ساعديني."

كانت البنت واقفة بتبصله بجمود وعيون حمراء، ومتحركتش من مكانها. بصت على إيده اللي مداها ليه، وبعدين بصت له بعيون مفيهاش ذرة شفقة. خدت نفس ورجعت الحقنة في جيبها تاني. مدت إيديها في إيده بهدوء، راحت قومته من على السرير ولفت إيده حوالين رقبتها من غير ولا كلمة. كان فهد بيبص عليها بتعب، بس مكنش شايف ملامحها بسبب الكمامة والنظارة اللي كانوا لابساهم. مشي معاها بتعب.

شافهم مراد جري عليهم بسرعة وخد فهد منها وشاله وطلع بيه من المستشفى. شافته ماجدة من بعيد، جريت عليه بلهفة: "فهد... مراد وهو بينزله: "هو كويس. خلينا ناخده على البيت." خلص مراد كلامه وبقى يبص حواليه على البنت، ملقاهاش. ماجدة: "بتدور على إيه يا مراد؟ مراد: "لا مفيش حاجة. أمال بابا فين؟ ماجدة بخنقة: "خد البنت اللي إنت جبتها وروح بيها على الفيلا." مراد بهدوء: "ماشي. خلي السواق يجي هنا." بعد وقت، جه السواق.

ركب مراد فهد مع ماجدة. ماجدة: "إنت رايح فين يا مراد؟ مش هتيجي؟ مراد: "أنا هاجي بالعربية بتاعتي وهشوف ممرضة تيجي علشان تتابع حالة فهد، وهاجي على طول. روحي إنتي." ماجدة: "ماشي يا حبيبي. خلي بالك من نفسك." مشيت ماجدة، وبعدين ركب مراد عربيته ومشي. شاف البنت ماشية في الطريق، وقف العربية جنبها. بصت البنت عليه. قال مراد وهو بينزل من العربية: "إنتي، كنت عايز أشكرك على اللي عملتيه مع أخويا."

البنت بهدوء: "عادي. أخوكي أو أي حد، كنت هعمل كده." مراد وهو بيبص على لبسها: "إنتي ممرضة صح؟ هزت راسها بدون تردد. قال مراد بابتسامة: "مش هلقي أحسن منك ياخد باله من فهد." بعدين مد إيده بهدوء: "الأول، أنا مراد النصر... البنت وهي بتبص لإيده وبتمد إيدها بجمود وعلى وشها ابتسامة خبيثة: "وأنا جاكسون."