رواية عشق من نار الفصل الخامس 5 - بقلم كيان كاتبة

تمد يدها بجمود وعلى وجهها ابتسامة خبيثة: وأنا جاكسون. مراد بابتسامة: تشرفنا. أكمل كلامه وهو يفتح لها باب السيارة: اتفضلي. بصت له جاكسون نظرة طويلة. فهم مراد قصدها: متخافيش، بابا وماما والخدم موجودين في الفيلا. في فيلا النصر، كان ماهر يتعشى هو وماجدة. دخل عليهم مراد ومعها جاكسون. سابَت ماجدة الأكل وبصت على مراد وعلى جاكسون، اللي مش باين من وشها حاجة غير عينيها. قالت بتسأل وهي بتبص عليها: مين دي يا مراد؟

مراد بهدوء: دي الممرضة اللي هتهتم بفهد. ماجدة باقتضاب وهي غير راضية عنها تمام: ملقتش غير دي. مراد: بسبب دي فهد كويس. أنا روحت المستشفى علشان أطلعه، لقتها هي مطلعاه. جاكسون كانت بتبص لماجدة بعيون حمراء. أكمل مراد كلامه وهو بيبص لماهر: أما البنت اللي أنا جبتها فين؟ ماهر بهدوء: في الأوضة فوق. خلي الممرضة تشوفها هي كمان. في أوضة ليان، كانت فاتحة عينيها بتعب. دخل عليها مراد هو وجاكسون. ليان بتعب وبسرعة: لين.

مراد: اهدى، ده أنا... بصت له لين بتعب، بعدين بصت لجاكسون: أنا فين؟ مراد: متخافيش، أنتِ في بيتي. أكمل كلامه بهدوء: المستشفى حصل فيها حريق، فجبتك هنا. هزت ليان راسها بهدوء، وبعدين بصت لجاكسون اللي شافت دمعة نازلة من عينيها، بس متكلمتش. مراد: أنتِ مين بقى واسمك إيه؟ ليان بهدوء: أنا ليان. مراد: مفيش حد بيسأل عليكي، قصدي ملكيش حد يعني؟ ليان: لا، عندي أختي لين. مراد: تمام أوي. هي فين بقى؟

ليان بثقة: معرفش، بس لو هي عايزة تجيلي، هتعرف مكان وتيجي لو أنا فين. بص مراد على جاكسون اللي لسه واقفة عند الباب: إيه؟ هتفضلي واقفة كده؟ تعالي شوفيها. جاكسون وهي بتقرب من ليان بحذر وبتكشفها من غير ولا كلمة. ليان بصوت واطي: هي مبتتكلمش ولا إيه؟ ضحك مراد بخفة لما سمعها. بص لجاكسون: إيه؟ هي كويسة؟ هزت جاكسون راسها بهدوء. استغرب مراد من سكوته. مراد: تمام. تعالي علشان أوريكي أوضة فهد. جاكسون بعدم انتباه: تمام.

مشيت جاكسون مع مراد. أما ليان كانت بتبصلها بصدمة: معقول دي لين؟ أيوه، وده صوتها، أنا متأكدة. في أوضة فهد، كان نايم بهدوء. مراد: الأفضل إنك تباتي مع فهد النهاردة عشان لو احتاج حاجة أو حالته سائت. هزت جاكسون راسها. خرج مراد وقفل الباب وراه. بصت جاكسون لطيفه، وبعدين بصت على فهد النايم، وخلعت الكمامة والنظارة ورمتهم بإهمال في الأرض. قربت جاكسون من فهد بعيون نار. مشت إيدها على إيده وخربشته في إيده بقوة. أتألم فهد.

قالت بغضب وهي بتقرب من ودنه ودموعها بتنزل بحرقة: تو تو تو. لسه الوجع جاي. وكل دمعة نزلت من عينينا بسببكم. لأندمكم عليها. وأكملت كلامه وهي بتمسك دقنه ببرود: عايزك تجمد كده عشان تستحمل اللي هعمله فيك، عشان أنت أول واحد هوجع بيه عيلة النصر.