رواية عشق من نار الفصل السادس 6 - بقلم كيان كاتبة

عايزك تجمد كده علشان تستحمل اللي هعمله فيك علشان أنت أول واحد هوجع بيه عيلة النصر. تاني يوم كان الكل بيفطر، نزلت ليان و وقفت قصادهم. ماهر بحنان: صباح الخير يا بنتي، وقفة عندك ليه؟ تعالي. ماجدة بخنقة: تيجي فين؟ هنقعد وحدة وسطنا منعرفش عنها حاجة. مراد وهو نازل على السلم: في إيه يا ماما؟ صوتك عالي ليه؟ ماجدة بعصبية: تعالي شوف أبوك بيعمل إيه. مراد وهو بيبتسم لليان بهدوء: تعالي يا ليان علشان تفطري.

ماجدة وهي تقف بغضب: انتوا في إيه؟ انتوا عايزين تجننوني، مين دي اللي تيجي تفطر معانا؟ مراد بهدوء: ليان هنا ضيفة يا ماما وأنا كظابط هساعدها علشان توصل لأهلها. كل ده وليان واقفة ساكتة مش بتتكلم. قربت منها ماجدة بعصبية ودفعتها بعيد. كانت ليان هتقع على الأرض بس جاكسون لحقها في ثانية ووقعت في حضنها. ماجدة بعصبية: هنجيب وحدة من الشارع نقعدها وسطنا. مراد بزعيق: ماما ليان في ضيافتي وهتقعد هنا لحد ما ألاقي حد من قرايبها.

جاكسون ببرود وهي بتبص لماجدة: شكل الست الولادة متعرفش إن إكرام الضيف واجب. ماجدة ببرود: بس مش كل الضيوف لازم نكرمهم. مراد وهو بينهي النقاش: خلاص يا ماما. مشيت ماجدة بعصبية. أما ليان كانت ماسكة في إيد جاكسون بقوة وهي بتبص لعيونها بدموع. مشيت جاكسون، أيدها عليها بحنان وقالت بهدوء: أنا هطلع أشوف فهد. ماهر بهدوء: معلش يا بنتي تعالي اقعدي علشان تفطري. ليان وهي بتبص لطيف جاكسون بعيون

حمراء وبعدين بتبص لمراد: هو أنت مراد إيه... !!! مراد باستغراب من سؤالها: مراد النصر... ليان ودموعها بتنزل بتجري على أوضتها بسرعة. ماهر وهو بيبص لابنه باستغراب: مالها دي... !!! في أوضة فهد، دخلت جاكسون من غير ما تخبط. لقته واقف قدام المرايا. قال من غير ما يبصلها: مش في باب ولا محدش علمك الاحترام. جاكسون بهدوء: مكنتش أعرف إنك صحيت، فكرتك نايم محبتش أزعجك.

فهد وهو بيبص عليها من فوق لتحت، كانت لابسة بنطلون أسود وتيشيرت بني بكت ولابسة نظارة وبشرتها غامقة. رجع بص في المرايا وقال ببرود: انتي مين... جاكسون: أنا جاكسون الممرضة. فهد وهو يقرب منها بهدوء قال ببرود وهو لا يفصل بينهم شي: شغالة في المستشفى. جاكسون بهدوء: آه. بعد عنها فهد وكان ماشي. وقف عند الباب وقال ببرود: اللون اللي أنت حاطاه على بشرتك غامق زيادة عن اللزوم.

مشي فهد وسابها في حالة زهول. جريت وقفت قدام المرايا تتفحص نفسها. إذا عرف إنها حاطة لون على بشرتها مع إنها مفيش جزء ظاهر غير وهي حاطة عليه لون. طلعت تليفونها بسرعة وهي عارفة إنها هتسأل عليها في المستشفى. قالت بجدية وهي بتتكلم في التليفون: عايزة مساعدة. بعد وقت كانت راحة جاكسون المطبخ. شافت الخدامة طالعة بفنجان قهوة. قالت بهدوء: هو الفنجان ده لمين؟ الخدمة: لمراد باشا... جاكسون

وهي بتاخد منها الفنجان: تمام هاتيه وروحي هاتيلي كوباية ميه. الخدمة وهي بتديها الفنجان: ماشي... مشيت الخدامة وطلعت جاكسون شيء من جيبها وحطيته في القهوة.