رواية عشق من نار الفصل السابع 7 - بقلم كيان كاتبة

مشيت الخدامة وطلعت. جاكسون شي من جيبها وحطته في القهوة. جت الخدامة وقالت بهدوء: الماية. خادت جاكسون منها الماية وأدتها القهوة ومشيت. في أوضة ليان، كانت قاعدة بتعيط. مسحت دموعها لما حست برجل حد جاي ناحيتها. بصت على مكان الصوت وكانت جاكسون اللي وقفت وبصتلها بعيون حمراء. قامت ليان بسرعة وراحت ناحيتها وحضنتها بقوة وبقت تبكي بصوت عالي. جاكسون بهدوء: اش، بس اهدّي، أنا معاكي. ليان

وهي تبعد عنها بعيون حمراء: انتي كنتي عارفة علشان كده غيرتي من شكلك صح؟ مراد من وراهم: مين دي اللي غيرت من شكلها؟ جاكسون بتوتر وهي تحاول أن تكون طبيعية: هي قصدها على عمليات التجميل اللي عملتها، أصل أنا قولتلها إنّي كنت عاملة عملية تجميل. مراد هو غير مقتنع بكلامها: امممممم، ماشي. ليان وهي تبص بعيد عن عينيه: هو في حاجة؟ مراد بهدوء: لا، كنت جاي أطمّن عليكي، أكمنك طلعتي بسرعة على الأوضة وإنتي بتعيطي.

ليان بعيون حمراء: آه، أصل افتكرت أمي وأختي. مراد بانتباه: يعني انتي عندك أم؟ مال، هي فين؟ بصت ليان على جاكسون اللي بصتلها بجمود. قالت بسرعة: مسافرة. ياترى هي مسافرة فين؟ كان ده صوت فهد اللي كان واقف عند الباب وسامع كل حاجة. بلعت جاكسون ريقها وهي عارفة إنّوا ممكن تتكشف في أي وقت بسبب ليان. كانت لسه ليان هترد، سبقتها جاكسون وقالت بحده: الضغط عليها غلط يا فهد باشا، هي لسه تعبانة وأنت كمان لسه تعبان ومحتاج راحة.

بصلها فهد نظرة مش مفهومة ومشي من غير ولا كلمة. قالت جاكسون بهدوء وهي خارجة من الأوضة: بعد إذنكم. مراد هو بيبص ليان: كنت جاي أعتذر كمان على اللي حصل الصبح من أمي. ليان بقرف: لا عادي، محصلش حاجة. مراد هو بيلاحظ تغيرها: تمام، لو احتجتي أي حاجة أنا موجود، اعتبريني أخوكي. مشي مراد بعد أما أنهى كلامه. قالت ليان بعيون حمراء بعد رحيله: وأنا ميشرفنيش إنك تبقي أخويا.

في أوضة جاكسون، كانت طالعة من الحمام لافة المنشفة على جسمها. وقفت قدام المراية وهي بتبعد خصلات شعرها اللي على عينيها بهدوء. رفعت عينها للمراية وبقت تبص لنفسها بثقة. كانت عيونها زرق مثل البحر. رفعت إيدها قدام عينها وهي تتفحص زوال اللون من على جسمها الأبيض. رجعت بصت للمراية بهدوء. فتحت عينها فجأة بصدمة. في أوضة مراد، كان قاعد حاطط إيده على رأسه بتعب. سمع صوت خبط على الباب. قال بهدوء: ادخل.

دخلت الخدامة وهي في إيديها كباية قهوة. قالت بهدوء: الأقهوة اللي طلبتها يا مراد باشا. مراد هو بياخد منها القهوة هو مش واخد باله من كلامها: جت في وقتها.