رواية عشق مذبذب الفصل الأول 1 - بقلم دنيا ثروت

بترمي لحم أخوكي في الشارع. يتفلقوا، هما كانوا عيالي. كانوا واقفين ورا العمود، بيحضنوا أختهم على كلام عمهم الجشع. سهيله: سامح عمل إيه عشان تعمل في عياله كده؟ سالم: قصدك معملش إيه. مش كفاية مدخل عياله مدارس بفلوس أبويا. سهيله بصوت عالي: فلوس أبوك إيه! سامح كان بيعلم عياله بعرق جبينه، وبعدين يخصك في إيه عياله وهو حر فيهم. سالم بيمسكها من إيدها ويخرجها ويشد البنتين اللي بيعيطوا: وأنا حر في بيتي، ملمحكيش هنا تاني. حضنتهم

في نص الشارع وهي بتعيط: أروح فيكم فين ولا أجي منين. مسكتهم من إيدهم ومشيت بيهم في الشارع. سهيله مقدرتش تتنفس، وقعت على الأرض. حور بخوف: ماما ماما، انتي كويسة؟ استني هجيب مايا. مسكت إيد حور ومليكة: متسيبوش بعض، ولا في يوم تتفرقوا. بصت للسما: جايالك يا حبيب عمري. بدأت تكح دم، توفت على الحال. حور جريت على بيت عمها بعياط: افتح ياعمو، ونبي افتح، ونبي افتح ياعمو. ماما ماما بتموت. تدمرت في العياط وجريت لأختها. كانت حور...

بصتلها بفقدان أمل وحضنتها: متخافيش، أنا جنبك. دفنوا مامتها، وأهل القرية ساعدتهم. عمهم مفتحش الباب ولا حتى فكر يفتحه. في المساء. حور: مليكة لازم نلاقي مكان نقعد فيه. مليكة بعياط: حور أنا لازم أقولك حاجة. حور وهي بتدور على مكان وبتبص يمينها وشمالها: انجزي قولي. مليكة: أنا حامل. حور (14 سنة) بصدمة: إيه! مليكة (16 سنة) : والله ما كنت أعرف إن هيحصل كدا. حور بتضربها بالقلم وبتمسكها من إيدها: انتي فاهمة اللي بتقوليه؟

حصل إمتى وإزاي وفين ومن مين؟ انطقي! مليكة: ابن عمك. حور: عاصم! مليكة: ضعفت ورماني زي الكلبه. مكنتش أعرف أروح فين وأجي منين. في اليوم اللي كنت هقول لبابا فيه... حور: واستنيتي لما أمك كمان تموت؟ بيقطع شرودها طفل صغير يمسك إيدها: خالته حور، خالته. حور بتشيله وتحضنه: حبيبة خالته. يزن: هو لازم تروحي الشغل النهارده. مليكة: ما كفاية بقى الشغلانة دي. حور بتسيب يزن وتقف قدامها: الشغلانة دي اللي أنقذتك من الموت، انتي وابنك.

بتبوس يزن وبتروح على الشغل. كان قصر فخم وباين عليه تجهيزات فرح. بتجري عشان تلبس لبس العاملين لأنها خادمة فيه. جه المساء وكلهم كانوا جاهزين. العريس جه هو وعيلته. وحور كل ده مطلعتش من المطبخ. طلعت عشان تقدم العصاير، بتقع منها الصينية. بصدمة: عمي!