رواية عشق مذبذب الفصل الثاني 2 - بقلم دنيا ثروت

بترجع ورا بخوف. = يامصيبتي يامصيبتي، إيه اللي جابه هنا. واحدة من الشغالين بتقرب عليها. = وقعتي الصينية ليه يا ست هانم. حور بتحاول تتكلم. = أنا.. أنا آسفة. = هاتي صينية تانية وروحي عشان تضيفي. حور بتوتر جامد. = أنا لازم أمشي، لازم. وتجري تغير هدومها وتخرج من البيت بتخبط فيه، وهو مكنش شايف قدامه. بتقع بين إيديه، بيفضلوا يبصوا في عين بعض. بتبلع ريقها وهي عارفة إنه مين. بتقوم من إيديه. = آسفة، آسفة.

بتمشي بسرعة من غير ما عمها يشوفها. بترجع البيت. = شفته، شفته يا مليكة. مليكة بتحاول تهدّيها. = مين؟ اهدي، اهدي واحكي بهدوء وأنا جنبك. = عمك، عمك يا مليكة. مليكة كأنه نغزة دخلت قلبها. = حور، أوعي يكون شافك. حور بدأت في العياط ومليكة حضنتها. = متقلقيش، مصيرهم هيمشوا من هنا ويرجعوا بلادهم. في القصر اللي بتشتغل فيه. = بارك الله لكما وبارك عليكما وجمع بينكما في خير. باص راسها قدام الناس. = مبروك يا روحي.

= حبيبي، مبروك علينا. عاصم كان قاعد مش فاهم ليه بيفكر فيها أوي. عيونها كانت ساحراه. عدى الفرح وكلهم طلعوا عشان يباتوا في أوضتهم الخاصة. في الأوضة. = يلا يا روحي، غيري هدومك. مايا دخلت الحمام عشان تغير. = عبيطة، مش عارفة إن اتجوزتها عشان الفلوس. بس أنا لازم أعرف مين اللي شوفتها الصبح دي. الصباح. دعاء والدة مايا بتخبط على الباب. = يلا يا حبايبي، اصحوا ولا هتقضواها نوم طول النهار. عاصم بيقوم منزعج.

= مش عارف بيصحونا ليه، وهما مالهم. يلا، أهو هاخدك انهاردة ونروح بيتنا. = لا، أنا مش هسيب أهلي. وقامت من على السرير تتجه للحمام. = حاضر يا ماما، جايين أهو. لبست وهو كمان لبس. = هنشوف كلام مين اللي هيمشي. مايا نزلت تحت على السفرة. = ماما، فين جوري؟ = معرفش والله يا مايا. مايا بزعل. = مجتش حتى كتب الكتاب إمبارح، أنا زعلانة منها أوي. قررت حور تروح القصر وتتابع شغلها لمجرد إنها فاكرة إن خلاص مش هتشوفهم تاني.

بتدخل من باب القصر. مايا بتنده عليها. = جوري، تعالي. جوري بتدخل وكان قدامها عمها. بصت في عينه افتكرت كل ذكرياتها كأن كان امبارح، بس هو مفتكرهاش. حاول يلمح بس برضو مفتكرهاش. ملامحها اتغيرت في الـ 4 سنين. وعلى ناحية أخرى كان بيبص عليها كأنه مش عايز يسيب عيونها. حس إنها سحرته. مايا بزعل. = إيه بقا يا ست هانم، مجتيش ليه إمبارح. جوري بضحك. = متزعليش مني، كان عندي شغل ضروري. مايا. = أيوه أيوه، يزن واخدك مننا.

بلعت ريقها لمجرد إن حد يشك أو يعرف مكانه. عاصم بفضول. = إيه ده، مخطوبة. مايا. = لا لا، ده ابن أختها. جوري ممكن تضحي بحياتها عشانه، هههه. خلصوا أكل بين الكلام بين العيلتين. = يلا يا مايا، لازم نمشي. = لا، مش همشي وأسيب بيت أهلي. = وإنتي دلوقتي بقيتي على ذمة راجل، وأظن إني قايلك من بدري إننا هنعيش في بيت أهلي. = يا ولاد، خلاص اهدوا، هتتحل. عاصم بيقوم بعصبية بتوقفه جملة مايا. = لو همشي، همشي ومعايا جوري.