رواية عشق مذبذب الفصل الحادي عشر 11 - بقلم دنيا ثروت

عبير بنظرة شر وتمثيل ليها: اااه اااه. عاصم شد دراع حور وزقها، وقوم أمه من على الأرض وقعدها على الكرسي. عاصم: أنتي كويسة؟ عبير بعياط: اااه، أيدي بتوجعني، بتوجعني أوي. عاصم بصلها وبيتقرب منها بعصبية. عاصم: أنتي إيه اللي عملتيه ده؟ حور: عملت إيه؟ عبير بتمثيل: الله يسامحك، وكمان بتكذبي. حور بزعيق: أنتي بتقولي إيه؟ عاصم بيضربها بالقلم. عاصم: أنتي ليكي عين تزعقي في أمي؟ مسكها من إيدها ورميها برا الأوضة.

عاصم: لمي هدومك وغوري من هنا. حور مكنتش عارفة تعمل إيه، قامت ومسحت دموعها وطلعت أوضتها. مايا دخلت عليها. مايا: مغورتيش ليه؟ حور بصتلها بصدمة. حور: اتغيرتي أوي.. في يوم اتغيرتي، مبقتيش مايا اللي أعرفه. مايا: اه، شكلك هتقولي كلام ملهوش لازمة. مسكتها من إيدها بتطردها برا القصر. سالم بيطلع. سالم: في إيه يا مايا؟ مايا: يا عمي، الزبالة دي مكنتش عايزة تمشي.

حور قاعدة على الأرض بتفتكر مشهد أمها وأخواتها، بتفتكر موت أمها قدامها. عينها بتدمع للحظة، بتقوم ترمي مايا في وشها هدومها. حور: يلا أمشي من هنا يا حرامية يا خطافة الرجالة. وقفت الباب في وشها. سالم بيدخل على عبير. سالم: ننام بقى مرتاحين. عبير: بقولك إيه، القصر ده وكل حاجة تتكتب باسم عاصم، عايزين نخلص قبل ما حد فينا يحصله حاجة، مش ضامنين. وبعدين ولادنا أولى من ولادهم. سالم وهو بيريح راسه على المخدة.

سالم: ليكي حق والله، يعني عياله عملوا إيه بالعلام؟ اهو مات ومش عارفين يعيشوا، وقال إيه جاية تخدم عندنا، هههههه. عاصم بيدخل أوضتها. عاصم: مالك كده متعصبة لي، مش واحدة زي دي تعصبك؟ مايا بتقرب منه وبتلف إيديه ورا رقبته. مايا: يروحي، عايزة تاخدك مني، يرضيك يعني؟ عاصم بيبعد إيدها بخفة، بيلاقيها زعلت. عاصم: ياحبيبتي كبري دماغك. بعدين صحيح، هو نسبتك كام في الشركة؟ مايا: يروحي، بابا اللي يعرف، بس تقريباً مديني 25 في المية.

حضنته ودفنت راسها في عنقه. مايا: وحشتني على فكرة. في المساء، بينزلوا على العشاء وكلهم فرحانين. عبير بضحكة: ياه، على السفره وهي من غير شؤم. مايا: لي تجيبي سيرتها بس، ياااه، هم وانزاح. عبير: يلا بقى، عايزة أشوف حفيدي بأسرع وقت. مايا بتتكسف. مايا: يا مرات عمي بقى. بيدخل عليهم إبراهيم وهو ساكت. عبير: حبيبي، أهلاً وسهلاً. حور بتدخل وراه، بيمسك إيدها. إبراهيم بتحكم: الكل بصدمة، إيه اللي جاب الزبالة دي؟ بيبص في عينها.

إبراهيم: جوري هانم مراتي.