رواية عشق متسلسل الفصل التاسع 9 - بقلم دنيا ثروت

فجأة سمعوا صوت صريخ جامد من المطبخ. آسر جري على المطبخ. كانت في المطبخ وماسكة إيدها المحروقة من البوتجاز. جري عليها وبيمسك إيدها: انتي بتصرخي لييه؟ نورا بوجع: وقعت المياه السخنة مش قادرة اااه. آسر مسك إيدها جامد وهو بيبص في عيونها مش مهتم بيها ولا بوجعه. نورا: سيب ايدييي بتوجعنييي انت متخلففف! آسر بيقبض إيده عليها أكتر: لا مش متخلف بس أحسنلك تفهمي انتي بتلعبي مع مين. نورا بعدم فهم: قصدك اي؟

آسر: قصدي ياحلوة متتمثليش إنك هتموتي من الوجع عشان أعطف عليكي ولا حاجة. نورا بتزقه بشدة على الرخامة: وأنا أعمل كدا عشان أنت تعطف عليا لي؟ أنا مش محتاجة منك أي حاجة. عارف ليه؟ آسر بخبث: ليه ياحلوة؟ نورا بعصبية: أنا مش حلوة حد احترم نفسك والتزم حدودك وانت بتتكلم معايا أحسن، وربي لأكون أوريك وشي التاني. آسر بيحبها من خصرها بتملك: انتي ليه محسساني إن أنا مش عارف انتي عايزة إيه ولا غايتك إيه؟

نورا: كفاية بقا بطل الهوس اللي في دماغك ده، أنا مش عايزاك، افهم بقا افهممم! آسر بعد عنها بضحك: بقولك إيه، هروح أشوف أبوها وأرجع تكوني جاهزة في الأوضة. خرج وهو بيقرب على عبير: أنا ماشي ياحجة. عبير: يابني خلي بالك، دول مش سهلين. آسر: حاضر، أنا همشي وإن شاء الله شوية وأرجع. بعد ساعتين في بيت شهد. آسر: مش فاهم ياعمي، انت عايز إيه؟ صالح: عايز بنتي ترجع بيتها، وأنا يابني بيني وبينك أنا مش حمل أدفع مصاريف اتنين.

آسر: وأنا مش هخليها ترجع، ونورا في بيتي. صالح: يعني إيه؟ يعني بنتي ابنك يطردها برا؟ لي؟ هي كانت عملتلك إيه؟ آسر: معملتليش حاجة بس هي عارفة كويس عملت إيه. شهد بدموع تماسيح: عملت إيه ياآسر؟ ده أنا كنت بشيلك انت وأمك في رموش عنيا. آسر: يابت ده أنا عارفك كويس وعارف صنفك من جوا، لو بتمثلي قدام أبوكي وأمك فمش عليا يا شهد. مديحة بزعيق شديد: لا انت زودتها خالص.

آسر وهو بيقوم بتحدي: لا ولا زودتها ولا حاجة، مش انتو عايزين فلوس تصرفو عليها؟ من عيني، أنا هبعتلكم مبلغ كل أول شهر، وكلها كام شهر ويجي ابني ونخلص. شهد: يعني إيه؟ انت عايز تاخد ابني مني؟ آسر بص عليها من فوق لتحت ومشي. عبير: احكيلي يابنتي انتي قصتك إيه؟ نورا: مليش قصة يا طنط، وحاولت تداري على الموضوع: هو حضرتك متغدتيش؟ أحطلك الأكل؟ عبير مسكت إيدها بهدوء: مالك ياحبيبتي؟ انتي خايفة من إيه؟

نورا هزمتها دموعها بكسرة: خايفة منهم كلهم يا طنط. عبير: من مين ياحبيبتي؟ نورا: لو أبويا لاقاني هيد'بحني. آسر من وراهم: هو أبوكي عايش... !!!!