رواية عشق متسلسل الفصل الثامن 8 - بقلم دنيا ثروت

كان بيبوسها بشدة ومراته واقفة. بعد عنها لما حس إنها احتاجت تتنفس. شهد بقرف: ما تاخدها السرير أحسن وأوفر لك يا أسر بيه. نورا برقت بعينها ليه. شهد بصت بقرف عليهم: اللي يشوفك كدا ما يبيّن إنك كنت هتموت عليا زمان. آسر جذب نورا أكتر لصدره وهو بيتكلم: وانتِ بقا فاكرة إني نسيت اللي عملتيه. شهد: ليه يا أخويا عملت إيه؟ آسر: بقولك إيه يا شهد، خلصي اللي إنتي جاية عشانه، إحنا ماعندناش وقت.

شهد بضحك وتريقة: أيوه، هتاخد منها اللي عايزة وترميها زي ما بالظبط. آسر: ما تخصكيش يا كتكوته. شهد بصت له من فوق لتحت ودخلت الأوضة. نورا بسرعة بعدت عنه بعصبية: إنت إزاي تعمل كدا قدامها؟ آسر: إيه اللي إزاي، إنتي مش مراتي ولا إيه؟ نورا: ده اتفاق بينا، وأنا مش عايزة أحط احتمال واحد إن حد فينا يخون الاتفاق. آسر: لأ يا حبيبتي، أنا أعمل اللي عايزة. بعدين تعالي هنا، إنتي مش شايفة اللي إنتي لابساه؟

وقرب عليها بخبث شديد: ده لو واحد في الشارع هيأدمنك بجد. نورا كانت لسه هتتكلم لما حست إن شهد خارجة، سكتت وهو ضحك عليها. شهد برفع حاجب: اعمل حسابك إن المدة قربت تخلص وتترمي الزبالة دي وأنا أرجع. بعد ساعتين في بيت شهد. صالح: جبتي حاجة يا بت؟ شهد: معرفتش أجيب يا أبويا، البت كانت واقفة قدام الباب زي بتوع الأمن. صالح: يعني إيه، إنتي رحتي بلوشي كدا؟ شهد: وأنا أعمل إيه يا أبويا؟ ذنبي إيه يعني؟

وقعدت بتعب من بطنها: راعي إنّي في الخامس يا أبويا. صالح: وأنا أراعي ليه يا أختي، إنتي فاكرة إني هصرف عليكي؟ فتحية دخلت عليهم بزعيق: وفيها إيه لو تصرف عليها يا صالح، دي بنتك مش بنات الجيران. صالح: لأ، دلوقتي مش بنتي يا فتحية، أنا ماليش دعوة، جوزها مش عايز يدفع حاجة ولا عايزها تبقي في بيته. شهد: يعني إيه يا بابا؟ صالح بزعيق: يعني يا أختي، جوزك يجي النهارده بليل نشوف نهاية الحوار ده إيه، عشان خلاص كدا كفاااايه.

في المساء. عبير: لأ يا ابني متروحش، خليك تبقى أهدى شوية وروح. آسر: أنا عايز أروح وأخلص، كفاية اللي عملته فيكي. عبير: خلاص يا ابني، المسامح كريم. نورا بفضول: وهي عملت إيه يا طنط؟ آسر بزعيق: وإنتي مالك؟ هي عملت إيه؟ اتزفتي روحي المطبخ أحسن ما أديكي علقة. نورا دخلت المطبخ بدموع وكسرة. عبير بقله حيلة: ليه يا ابني كلمتها كدا؟ البت ملهاش ذنب، دي كانت بتسأل عادي.

آسر: تسأل أو متسألش، دي ميخصهاش بحاجة، هي مين أصلًا عشان تعرف؟ عبير: هي إيه حكايتها يا ابني؟ وفجأة سمعوا صوت صريخ جااامد من المطبخ.