رواية عشق متسلسل الفصل الثالث 3 - بقلم دنيا ثروت

دخلت الصيدلية من جوا. بعد ثواني، دخل عادل وراها وهو بيقلع القميص: يلا بقا عايزين نخلص قبل ماحد يجي. نورا بترجع لورا بخوف: بتعمل إيه يابيه؟ عادل قلع القميص ورماه: بيه إيه وبتاع إيه، انتي خليتي فيها بيه. ده جسمك عايز يتفصص تفصيص. نورا وهي بتنكمش هدومها على نفسها وترجع لورا بخوف شديد: سيبني أمشي أبوس إيديك. عادل بخبث شديد: بقولك إيه، انتي فاكرة هسيبك بعد ده كله؟

نورا بعياط وشحوطة: يحياة عيالك سيبني يابيه، يحياة عيالك سيبني. عادل: لا ياحلوة مش هسيبك. قرب عليها بيقطع هدومها وهي بتقاوم، لكنه كان أقوى منها. وفجأة حقنة غرست في رقبته فوقع في الأرض. نورا بتلم هدومها المقطعة من على الأرض بعياط شديد: ابعد ابعدددد. آسر قرب عليها بهدوء: انتي كويسة؟ نورا بتنطق الحروف بالعافية: ان.. انت مين؟ آسر لسه بيقرب عليها، وقعت في حضنه زي الفريسة المغمي عليها.

شالها بين إيديه وبص عليه بقرف وهو على الأرض. شهد: إيه ده ياحماتي، انتي عايزة تشربي ولا إيه؟ عبير وهي بتعدل نفسها بالعافية: انتي لسه ممشيتيش؟ إزاي؟ شهد: اخص عليكي يخربيت غلك وحقدك، انتي عايزاني أمشي كمان؟ عبير: يابنتي أنا عملتلك إيه؟ شهد بضحك وتريقة: ياختي قولي معملتيش إيه؟ مش كفاية بشيل القرف وراكي زي البهايم. عبير بدموع وكسرة: من أول ما اتجوزتي ابني أنا بعاملك كويس زي بنتي، وقفت جنبك كتير.

شهد: هههه ضحكتيني والله، وقفتي جنبي إمتى ياسكر؟ ده أنا وآسر أما جينا عندك ناخد فلوس عشان نعمل طفل أنابيب قولتي معيش. عبير: وأنا يابنتي مكنش معايا فعلاً، هكدب عليكي ليه؟ شهد: ومبعتيش حتة من دهبك ليه؟ بقولك إيه ياستي، انتي لو عيطتي من هنا للصبح هعمل نفسي مش سامعاكي. وابنك مش باين جاي ولا لأ. عبير: يعني إيه؟ شهد: يعني شكله أخد بعضه وهرب منك ومن قرفك. وأنا هسيبك كده تتعفني لحد ما تموتي.

وخرجت من الأوضة بلا مبالاة وقعدت على الكنبة. بعد دقايق، كان بيفتح الباب وشايلها على إيديه. شهد بصدمة وصريخ: يخربيتك! مين ديييي؟ آسر قفل الباب وحطها على الكنبة. قرب عليها بعصبية: انتي لسه متزفتيش؟ مشيتي لي؟ شهد: وامشي بقا عشان تجيب بنات في البيت وتعيش معاهم. آسر: قسماً بالله ياشهد لو مامشيتي هكون مطلقاك وحالا. شهد: يعني إيه؟ انت عايز تمشيني عشان المقرفة دي؟ لا لا ياأخويا فوقالي كده، أعرف هي مين.

شهد كانت لسه رايحة تشدها من شعرها. مسكها من دراعها بقوة: ابعدي إيديكي عنها. شهد بتمثيل: اااه، بطني اااه بتوجعني أوي. آسر: أمي، هدومك وهطلبلك تاكسي. شهد بتحدي: أنا مش همشي من غير ما أعرف مين البت دي وبتعمل إيه هنا. نورا بتفتح عينيها أول ما تشوف خناقتهم بتصرخ: ابعدوو عني، ابعدو عني، ابعدوووو. آسر بيقرب عليها ويحضنها بحنية: اهدي، اهدي ياحبيبتي. شهد برفع حاجب: حبيبتك!!! آسر: أيوه، مراتي وحبيبتي... !!!!!؟؟؟