رواية عشق رعد الفصل التاسع والعشرون 29 - بقلم نورهان رضا

فى قصر عباس... عباس لنفسه: لازم أخفي كل حاجة عن رعد بأي تمن، أنا مش مستعد أخسره هو كمان زي أخوه. أنا مش هكرر غلطتي مرتين. وقف عباس قدام أوضة مقفولة، وبص عليها. فجأة سمع صوت بيقوله: "خايف ينكشف سرك بتاع زمان يا عباس؟ عباس بخوف بص وقال: "أبو الحسن." أبو الحسن: أيوه أبو الحسن. عباس: قصدك سرنا مش سري لوحدي يا أبو الحسن، ولا أقولك يا سيد يا قط، مش ده اسمك القديم برضه؟ أبو الحسن: لا، مش ناسي يا فار. عباس: فار؟

أبو الحسن: اسمك أيام الشحاتة يا عباس، هو في حد يتوه عن اسمه برضه؟ عباس: خلاص بطل. أنا عاوز أجمع كل الأدلة علشان رعد موصلش لأي حاجة منهم، والأدلة اللي عندك تجبهالي. أبو الحسن: أنت خايف على ابنك، أما ابني مش خايف عليه، ابني مرمي في السجن. عباس: ابنك يستاهل يا أبو الحسن، من دلعك فيه ابنك باظ. أبو الحسن: مالكش دعوة. ابني يخرج، بدل ما آخد الأدلة دي وأسلمها لرعد. عباس: لو أنا وقعت، أنت هتقع معايا.

أبو الحسن: مبقاش يهمني حاجة. قدام ابني هيفضل في السجن طول عمره يا عباس. تطلع ابني تاخد الأدلة، ولا عاوز تبقى مقطوع النسل يا فار؟ عباس: خلاص خلاص، ابنك هيطلع، بس اديني الأدلة. أبو الحسن: ابني يطلع الأول، وبعدين خد الأدلة. سلام يا فار. عباس وقف قدام الأوضة وقال: "إيه اللي الواحد عمله في نفسه ده." مشي عباس وراح قصر رعد. رن الجرس. فتحت تقى الباب وقالت: "أنت؟ عباس: أنت شكلك أمك مش معلمالك الأدب. أنا حماكي في مقام أبوكي.

تقى: أنا آسفة. عباس: تعالي معايا. تقى: سيب إيدي بعد إذنك. عباس شدها وخدها على الجنينة وقالها: "بطلي وطّي صوتك واسمعي الكلمتين اللي هقولهملك." عباس: فارس يطلع من السجن خلاص، يوم بس، وإلا هخليكي أرملة يوم صباحيتك، وأنتي حرة. تقى وقفت بذهول وصدمة، وبدأت تترعش وعينيها بتعيط. مشي عباس وقالها: "24 ساعة وقتك بدأ من دلوقتي، وإياكي رعد يعرف باللي قولتهوله، وإلا هتكوني أرملة خلاص. 24 ساعة." مشي عباس.

وتقى وقعت مكانها في الأرض، وكلام عباس بيرن في ودانها، وبتعيط وبتقول لنفسها: "لأ لأ، رعد لأ، مستحيل أخلي حاجة تحصل له." رعد بينادي على تقى. تقى قامت بسرعة ومسحت دموعها وقالت: "أيوه يا رعد، جايبة أهو." رعد: كنتي فين؟ ومين رن الجرس؟ تقى: دا الحارس، كان عاوزني أشوف الشجرة اللي قولتهاله يزرعها في الجنينة ورا. رعد: طيب، خشي جوه. تقى: أنت لابس كده ورايح فين؟ رعد: عندي اجتماع في الشركة، معلش لازم أروحه ومش هتأخر عليكي.

تقى: تمام يا روحي، خلي بالك من نفسك. ركب رعد عربيته. وتقى واقفة على الباب بتشاورله باي باي. دخلت تقى وطلعت أوضتها، لبست ونزلت. ماما تقى: أنتِ رايحة فين يا تقى؟ تقى: هروح أتسوق. ماما تقى: هو في عروسة بتخرج يوم صباحيتها؟ تقى: مش هتأخر والله يا ماما. ماما تقى: تمام، ماشي، بس ارجعي بسرعة. خرجت تقى وخدت عربية. السواق: على فين يا مدام؟ تقى: اتجه على قسم الشرطة. وصلت لقسم الشرطة. دخلت تقى لظابط. الظابط: اتفضلي يا مدام.

تقى: أنا كنت جاية علشان أسحب شكوى ضد واحد أنا كنت مشتكياه. الظابط: قضية إيه؟ ومين هو؟ تقى: قضية ضد فارس أبو الحسن. الظابط: أنتِ متأكدة وجاية بإرادتك يا مدام ولا حد جبرك؟ تقى: جاية بإرادتي. الظابط: هات يا ابني فارس أبو الحسن. وأنتي امضيلي هنا. مضيت وخرجت. لاقيت...