رواية عشق رعد الفصل الثالث والثلاثون 33 - بقلم نورهان رضا

فى خطوبة كنزى وفارس كنزى خلصت وخرجت من الكوافير ووصلوا القاعة. فارس: مش مصدق إنى معاكى والله ياكنزى. كنزى: أيوه أمال أمال ياحبيبي. وبصت الناحية التانية وجزت على سنانها وقالت: كله من العصير اللي طفحتيه، غير كده ماكنتش حبيتني ولا اتعلقت بيا. فينك يا سعاد لحد دلوقتي؟ فارس: انتي باصة هناك كده ليه؟ كنزى: ولا حاجة. مستنية اختي. فارس: اختك؟ وانتي ليكي أخوات؟ كنزى: أيوه ليا اخت وحيدة اسمها سعاد. أهي هناك أهي. يا أسعاد!

سعاد جت وفي إيدها إزازة عصير. سعاد: ألف مبروك ياكنزى ياحبيبتي، ألف مبروك يافارس. كنزى قربت وحضنت سعاد وقالت: عملتي اللي قولتيلي عليه؟ سعاد: أيوه أمال إيه. سعاد: اتفضل يافارس اشرب العصير ده. فارس: لا شكراً مش عاوز. كنزى بدلع كده: تزعل أختي برضه؟ فارس: أنا أقدر أزعل أختك برضه. فارس خد العصير من سعاد وشربه وقال: الله دا نفس طعم العصير اللي شربته أول لما اتقابلنا أنا وانتي ياكنزى. كنزى: اشرب ياحبيبي بالهنا والشفا.

أنا هروح أظبط مكياجي مع أختي. كنزى مسكت سعاد من إيدها وقالت لها: تعالي. دخلت كنزى أوضة هي وسعاد وقفلت الباب عليهم. كنزى: عملتي زي ما قولتلك؟ سعاد: بالحرف. روحت للعرافة وقولتلها تمد العمل شوية لعشر أيام، وهي عملتلي العصير ده وأدتهولي. كنزى: حلو أوي. أهو دلوقتي أي حاجة هقوله عليها هيسمعها من غير ما يعترض. أصل النهارده كان آخر يوم. خفت مفعول السحر يبطل وينخرب علينا كل حاجة.

سعاد: آه منك إنتي ياكنزى. إنتي لما تخشي فيها بتخربيها. كنزى: اللي زي الناس دي مش عاوزين غير كده. سعاد: وهتعملي إيه بالفلوس دي كلها اللي خدتيها منه؟ كنزى: هديها للبنت اللي كسر قلبها ورماها ولطخ سمعتها وأهانها، وهي تتصرف فيهم. سعاد: واحنا ياموكوسة هنطلع من المولد بلا حمص؟ كنزى: أكيد لا طبعاً. أنا خليته يجبلي فيراري نبقى نبيعها وناخد فلوسها. سعاد: شكلنا في الآخر هنروح في داهية.

كنزى: بطلي قر بس وإحنا هنكون في أمان. أهم حاجة رعد يخلص اللي بيعمله قبل العشر أيام ما يخلصوا. سعاد: يارب. نزلت كنزى على الحفلة وجه وقت تلبيس الخاتم. كنزى مدت إيدها ولبسوا الدبل. وانتهت الحفلة.