رواية عشق رعد الفصل الرابع والعشرون 24 - بقلم نورهان رضا

مسك رعد الصاعق وصعق تقى بقوة، أول مرة بل فاقت، وتاني مرة بل فاقت، وتالت مرة. أسامة مسك إيده وقاله: كفاية حرام عليك، حتى وهي ميتة سيبها ترتاح. زق رعد أسامة وصعق تقى وهو بيصرخ وبيقول: تقى، عشق رعد مش هتموت إلا بموت رعد. وفجأة رجع نبض تقى يشتغل. أسامة بص باستغراب. الدكتور للممرضة: بسرعة، هاتوا الحقنة. رعد: بفرحة، تقى، تقى. الدكتور: من فضلكم، آخركم بره. أسامة مسك رعد وطلعوا بره. رعد فضل واقف وباصص على تقى.

الدكتور خرج بعد نص ساعة. رعد: تقى. الدكتور: اهدى، هي دلوقتي بأمان، بس هي فاقدة الوعي حاليًا. هنستنى الدكتور المتخصص علشان يستخرج كل السم، وإن شاء الله هتكون كويسة. رعد سجد على الأرض. أسامة: الحمد لله. رعد قام وهو فرحان وبيقول: شوفت يا أسامة، تقى رجعت. أسامة: تقى مراتي خلاص، دور على خطيبتك. رعد: تقى مش مراتك، وأنا لما شفت العقد عارف إنه مزور من أول لما شفتها. أسامة: عرفت إزاي؟

رعد: أنا مش بتاع بليلة. أما مي، فأنا للي هحاسبها كويس أوي. خد رعد التلفون من أسامة ونشر كل فيديوهات مي واللي عملته، وكتب عليها: إليكم أحقر صديقة في العالم، تخطف خطيب صديقتها. رعد: أنا هروح القصر. ركب رعد عربيته ووصل القصر. دخل رعد. سيف: ماما كويسة؟ رعد: الحمد لله كويسة، إنت كويس دلوقتي؟ سيف: أيوه، بس طنط الشريرة خطفتني وهي للي حبست ماما. رعد بغضب وعينه بتطق شرار وبصوت عالي: مي، إنتي فين؟ نزلت مي.

رعد: إنتي مخلوقة من إيه؟ إنتي شيطانة؟ إنتي عبارة عن لعنة؟ إنتي أحقر حد قابلته في حياتي. مي بتمثيل البراءة: أنا عملت كل دا علشان بحبك ومش عاوزة أخسرك. رعد: إنتي تعرفي يعني إيه حب؟ إنتي عمرك ما حبيتي حد، إنتي ما حبيتيش إلا نفسك وبس. إنتي أكتر من شيطان، إنتي معجونة بماية شياطين. جالك قلب تعملي كل دا في تقى صاحبت عمرك؟

مي بغضب: أيوه عملت كدة وهعمل أكتر من كدة. أنا حطتلها غاز سام علشان تموت وتريحني. أنا بكرها وهفضل أكرها لحد ما أموت، وهاقتلها. رعد: اتفضل خش ياحضرة الظابط. المتهمة اعترفت إنها حاولت القتل عمد. مي بصدمة: رعد، إنت بتبيعني علشان تقى؟ رعد: وأبيع الدنيا كلها علشان خاطرها والله. الظابط خدها. مي: هتدفعها التمن غالي أوي، هقتلها تاني وتالت ورابع، هحسر قلبك عليها.

رعد: لما تخرجي ابقى اتكلمي. واه، ياحضرة الظابط، المشترك معاها هو فارس أبو الحسن. الظابط: هيتم القبض عليه وهيتعرض للتحقيق. الظابط خد مي وخرج. وطلعت لاقت كل الصحافة بره. مي: لا لا، محدش يصور. رعد: صوروا كويس أوي واعملوه أكبر خبر في البلد. أحقر إنسانة باعت صديقتها وحاولت قتلها للاستيلاء على خطيبها. والخبر التاني إن زواجي من الآنسة تقى عبد التواب بكرة الساعة 11 والكل معزوم.

مي بغضب شديد: رعد، دا أنا حبيتك من كل قلبي، إنت ليا يارعد، مش هتجوز منها. أنا بوعدك إني هدمر حياتكم. رعد: أنا محبتش غير تقى، تقى هي عشق رعد. واللي يقرب منها يعدي من على رعد الصافي الأول وبعدين يقدر يوصلها. باي يا قطة.