رواية عشق صعيدي الفصل السابع 7 - بقلم سيليا البحيري

جبل بقى يوقف العربية وعيونه بتغمض. بيبص لزينة وهو مبتسم. زينة: جبل لا متغمضش عيونك. انت لسه وعدتني إنك متسبنيش. انت كمان هتسبني زيه؟ جبل بتعب حط إيده على شفايفها. هشششش. أنا عمري ما هسيبك. وبقي يملس على ملامح وشها بهدوء. هي مسكت إيده وبتبكي. لحد ما جبل فقد الوعي. زينة فتحت العربية وخرجت. راحت ناحية جبل. لقيته واخد رصاصة في جنبه. راحت فتحت شنطتها وخرجت خمار. دايماً بتخليه معاها احتياطي عشان لو خمارها اتبهدل.

راحت ناحية جبل وحاولت توقف النزيف. ساعدته ينتقل على الكرسي التاني. وللأسف كانت المنطقة مفيهاش حد. ركبت مكانه وبقت تسوق العربية بسرعة جداً. أعصابها سايبة وبتبكي. لحد ما وصلت للمستشفى. زينة: حد يساعدني. جوزي في ناس ضربوا عليه نار. دكتور. ليأتي الممرضين وياخدوا جبل على ترولي. سريعا لغرفة العمليات. زينة بدموع: أرجوك يا دكتور ادخل معاكم. أنا في كلية طب. ممكن أساعدكم. مش هقدر أقف هنا وأسيـ... أرجوك.

الدكتور: مينفعش يا دكتورة. زينة: أرجوك أرجوك. مش هينفع أسيبه. ده جوزي. أرجوك. بعد إصرار وزينة، وفق الدكتور. الدكتور: بسرعة على أوضة التعقيم. زينة جريت بلهفة. دخلت غيرت واتعقمت. ودخلت مع الدكتور العمليات. زينة شايفة الدكاترة والممرضين حوالين جبل. وفي نقل دم. ونبضه بيقل. حست بالدنيا بتلف حواليها. ممرضة: لو سمحتي لازم تخرجي. وفعلاً أخدت زينة وخرجت. زينة أول ما خرجت وقعت على الأرض. ومدرتش بحاجة حواليها. في قصر الزهراوي.

شخص: ألحق يا سعادة البيه. جبل بيه العزايزي في المستشفى. في ناس ضربوا عليه نار. هو والست زينة. مالك: إيه. إنت بتقول إيه. وزينة كويسة؟ الشخص: أيوه يا بيه. مالك: إيه. لازم أروح. لثريا العزايزي. أكيد أهله قلقانين عليه. بعد نص ساعة في قصر العزايزي. نور بصدمة: بتقول إيه. مين اللي انضرب بالنار. جبل. جبل أخويا. مالك: اهدى يا آنسة. مينفعش كده. نور بقت تعيط.

نهى دخلت على الخبر. وحست من جواها بفرح إن جبل ممكن يموت وتورث فيه. بس طبعاً مثلت الحزن. نور بصوت مدبوح: أنا عايزة أروح لأخويا. مالك: اتفضلي معايا. وأنتي يا نهى هانم اتفضلي. ولا مش ناوية تروحي لجوزك؟ نهى: هروح بعربيتي. اتفضلوا حضرتكم. مالك بص لها باشمئزاز ومشي هو ونور. في المستشفى. دخلت نور وهي بتجري. وبتسأل أي حد عن مكان جبل. وصلت قدام العمليات. لولا مالك كانت اقتحمت أوضة العمليات. مالك مسك إيد نور وهي بتعيط.

مينفعش تدخلي. لازم نستنى. نور وقعت على الأرض. ومالك نزل قعد جنبها. وهي بدون وعي ماسكة في قميصه جامد وبتبكي. هو حس بالإحراج. بس ده مش وقتهم. مالك: اهدى يا آنسة نور. أكيد هيبقى كويس. نور بانهيار: أنا ماليش غيره. ماليش غيره. مالك: اهدى بس. هو هيكون كويس. متخافيش. أنا معاكي ومش هنسيبه ولا هسيبك. متقلقيش. نور بانتباه بعدت عن مالك. أنا أسفة. مش قصد... مالك: احم. عادي. مش وقته. المهم نطمن عليهم الأول. وبعدين فين زينة؟

بعد شوية. ممرضة خرجت من العمليات. مالك ونور في نفس اللحظة: جبل كويس. الممرضة: إحنا خرجنا الرصاصة. الحمد لله. نور: وفين زينة؟ هي كويسة؟ الممرضة: المدام اغمي عليها. مقدرتش تستحمل. وهي دلوقتي في أوضة ١١٥. نهى وصلت بعد شوية. وهي لابسة أسود. نهى: جبل مات. لا حبيبي متسبنيش. لا لا. يمكن يموت ويسبني. الممرضة: يا مدام. جبل بيه الحمد لله. خرجنا الرصاصة. وهو هيتنقل أوضة عادية. نهى بخيبة أمل: ليه. قصدي. الحمد لله.

نهى في نفسها: طول عمرك بسبع ترواح يا ابن عمي. بس ملحوقة. عايش أو ميت هستغلك برضه. في أوضة زينة. زينة بهلوسة: لا يا جبل. أنت وعدتني. لا متسبنيش. لا يا جبل. يدخل سامر غرفتها. ويجدها نائمة. سامر بجنون: قعد جنبها ومسك إيديها بقوة. مبقاش في مانع بينا يا زينة. إنتي ليا. وجبل هيموت. زينة: جبل متغمضش عينك. أنت وعدتني. سامر الغضب اتملك منه. إنتي ليا. افهمي بقى. مش هسيبك له. ولو عاش النهاردة هقتله بكرة عشان يوفق بينا.

بعد ساعتين. جبل خرج من العمليات. ونقلوه أوضة عادية. زينة بدأت تفوق. زينة بانهيار: أه. جبل. جبل والنبي متسبني. يا جبل كفاية اللي سبوني. مالك: اهدى يا زينة. جبل كويس. ونقلوه أوضة عادية. زينة بدموع: عايزة أشوفه يا مالك. والنبي. مالك: اهدى يا قلبي. هنروحله. زينة: جبل وعدني إنه مش هيسبني. أرجوك يا مالك وديني له. مالك باستغراب: زينة. إنتي بتحبيه؟

زينة فعلاً استغربت. وبقت تفكر إذا فعلاً هي حبيته. بس تفتكر طريقته معاها. قسوته ومعاملته الوحشة ليها. وكمان لما يعاملها بهدوء. حسيت إن قلبها ابتدا يميل. مالك: خلاص. تاب خالص يا ستي. تعالي نروحله. زينة بسرعة قامت وعدلت من وضع خمارها. وخرجوا. عند أوضة جبل. زينة: نور. إنتي كويسة. وماما هدى عرفت؟ نور: لا. مرضناش نخلي حد يقولها. عشان لو عرفت هتصمم تيجي. وهي أصلاً تعبانة. زينة: أنا عايزة أدخله. والنبي يا مالك.

الدكتور: فرد واحد بس اللي يدخل. نهى: أنا هدخله. الدكتور: مين؟ زينة: أنا. الدكتور: أعتقد إنك إللي لازم تدخلي. نهى بغيظ: ليه إن شاء الله. ده جوازي أنا. الدكتور: بعملية. جبل بيه بدأ يفوق. وبهلوس باسم مدام زينة. زينة: أنا ممكن أدخل لو سمحت. الدكتور: طبعاً. روحي مع دينا أوضة التعقيم. وتقدري تدخلي.

زينة راحت بسرعة معاها. وجهزت. وافقت آدم أوضة جبل. وهي بتعيط وخايفة. حاسة إن قلبها هينط منها. ويدخله. ومع ذلك رجليها مش شايلها. ومش عايزة تشوفه وهو تعبان. مالك وقف جنبها وحضنها. ماتخافيش يا قلب أخويا. ادخلي. هو كويس. زينة: أنا خايفة أوي يا مالك. مالك: جبل محتاجك يا زينة. ولازم تكوني جنبه. زينة غمضت عينيها ودموعها بتنزل. وفتحت الباب ودخلت. أول ما شافت جريت عليه وقعدت تعيط. مسكت إيده. وقلبها وجعها.

زينة: إنت مش هتسبني يا جبل. مينفعش تسبني. مش هقدر أكمل من غيرك. جبل بيفتح عيونه ببطء. بص لها وابتسم. ماتخافيش يا قلبي. مش هسيبك. عمري ما هسيبك. زينة: إنت كويس. حاسس بحاجة بتوجعك. قولي والنبي. جبل: اهدى بقى. ماتخافيش. زينة بقت تعيط أكتر. جبل بيضحك على شكلها. اهدئ يا زينة. أنا بجد كويس. صدقيني. بس قوليلي. هو إنتي خايفة عليا؟ زينة بسرعة: أنا مرعوبة والله. كنت هموت لما شوفتك. حسيت إني ضعيفة وخايفة أوي.

جبل بصوت ضعيف: تاب. أنا كويس دلوقتي. ممكن بقى تبطلي عياط. زينة: جبل. أنا كمان عايزة أحبك. جبل بابتسامة ساحرة: مش قولتي إن قلوبنا مابتخدش بالأوامر؟ زينة: بس دا مش أمر. دا إحساس. جبل: تعرفي إنك أجمل حاجة حصلتلي. زينة وشها أحمر. وابتسمت بهدوء. بعد يومين. زينة: لازم تاكل الأول. ياله يا جبل. جبل: أنا زهقت وعايز أمشي يا زينة. قلبي. زينة بهمس: بطل الكلمة دي. عشان نهى هتيجي تقتلنا.

جبل: على فكرة إنتي مراتي. بس للأسف لحد دلوقتي على الورق. بس نبقى نشوف الموضوع ده لما نرجع الثرايا. زينة واقفه وشها أحمر. وفتحة عينيها. وبتفرك في إيديها. جبل بضحك: اه اه. الجرح هيفتح يا بنتي. كفاية شكلك مسخرة. زينة ضربته في كتفه. وراحت تجهز حاجته عشان يمشوا. زينة: ياله غير عشان مالك مستنينا تحت عشان يوصلنا. جبل: ساعديني في لبس التشيرت. زينة: إيه. لا. أنا هبعت لك مالك. وماشية. جبل شدها من دراعها. وهو عقد حاجبيه.

زينة: في إيه؟ جبل: على فكرة إنتي مراتي. زينة: يعني عايز إيه؟ جبل: مالك إيه علاقته. إنتي ساعديني. وبعدين أنا الجرح شادد عليا. ياله بسرعة. زينة: بس. جبل بابتسامة جميلة: اهدى يا بنتي. إنتي هتساعديني أغير التيشيرت. بس إيه ده. زينة: ماشي. بس غمض عينيك. جبل: ليه إن شاء الله. زينة: كدا. أنا حرة. وإلا هروح أنادي لمالك. جبل: إنتي هبلة يا زينة. أمري لله. وهي فعلاً ساعدته يغير. ورجعوا القصر. جبل: ياله يا مالك. انزل. هنتغدى سوا.

مالك: معلش. أنا لازم أرجع المصنع. عشان بقالي يومين غايب عنه. جبل: ماشي يا مالك. وأنا مش ناسيلك وقفتك جانبي. تسلم يا ابن الزهراوي. مالك: حمدلله على السلامة. بعد إذنكم. ثم وجه نظره لنور. التي تقف تتابعه بسعادة داخلية. بعد إذنك يا آنسة نور. نور: اتفضل. زينة غمزة لنور. ودخلوا. في الثرايا. خرجت نهى من غرفة جبل وزينة. وهي تبتسم بخبث. نهى: الله يرحمك يا بنت الزهراوي. عشان تبقي تقربي من حاجة مش بتاعتك.

وطلعت تليفونها تكلم حد. نهى بشر: بكرا الصبح بعت له الفيديوهات. شخص بخبث: ده إنتي بتكرهيها أوي. ده ممكن يقتلها. نهى: ياله عشان نخلص منها يا روحي. الشخص: إنتي وحشتيني أوي يا روحي. مش هتيجي بقى؟ نهى بضحكة مايعة: ما إحنا كنا سوا يا روحي اليومين اللي فاتوا. بس أوعدك أول ما يخرج. أجلك. الشخص: أصلك وحشاني أوي يا عمري. هستناكي على أحر من الجمر. لتقلق معه. ثم تنزل سريعا لاستقبال جبل.

هدى بدموع: بقي كدا يا نور. أخوكي يبقى في المستشفى. وأنا آخر من يعلم. ولا عشان مشلولة أبقى آخر من يعلم. جبل وهو يقبل يد أمه. ماتقوليش كدا يا ست الكل. دا إنتي الخير والبركة. صدقيني أنا كويس. هما بس محبوش يتعبوكي. هدى: حمد الله على سلامتك يا ابني. جبل بابتسامة: الله يسلمك يا ست الكل. محروسة: حمد الله على سلامتك يا سي جبل. جبل: الله يسلمك يا ست محروسة. محروسة: الغدا جاهز يا بيه. جبل: أنا مش قادر. هطلع أرتاح دلوقتي.

نهى بسرعة: تعالي أوضتي يا حبيبي. دا إنت وحشني أوي. جبل: ماشي يا نهى. ليصعد معها. ويترك زينة تشعر بالغيرة لأول مرة. ولكن هو ليس حقها. هي فقط. لتتلالا الدموع في عينيها. هدى مسكت إيدها وطبطبت عليها. هدى: معلش يا بنتي. استحملي. زينة بابتسامة: مستحملة. قوليلي بقى. حضرتك أكلتيه؟ هدى: أيوه يا بنتي. وأخدت الأدوية. زينة: بالشفاء إنشاء الله. أنا هروح أجهز الغدا لجبل عشان الأدوية.

راحت جهزت أكل خفيف. وحطيته على الصينية. وطلعت لأوضة جبل ونهى. خبطت على الباب. نهى فتحت لها. وهي لابسة قميص نوم أبيض قصير. نهى: في إيه. مش جبل قالك إنه هيبات هنا النهارده؟ زينة: جبل له أدوية. ولازم يتغدا. جبل وهو قاعد على السرير: ادخلي يا زينة. زينة: الغدا. جبل: بس أنا ماليش نفس. زينة: بس لازم تاكل عشان تاخد الدوا. عشان خاطري. جبل: تاب. هاتي الأكل. وفعلاً أكل. وأخد الأدوية. وزينة رجعت أوضتها.

صَلت العصر. وبقت تدعي إن ربنا يهدي سرها معه. ويحميهم. ويبعد عنهم الشر. بس الظاهر إن الشر لسه بيفتح الباب عشان يدخلهم منه. زينة قامت غيرت. ولابست بجامة سوداء. وفردت شعرها ونامت. بعد مدة. حست بحد. جبل قاعد جنبها. وبيلعب في شعرها الغجري. زينة بنوم: جبل. جبل: عيونه. زينة: إنت مش رحت لنهى؟ جبل: مقدرتش أسيبك تنامي زعلانة. زينة: أنا تعبانة أوي. وعايزة أنام. جبل شدها له. وأخدها في حضنه. ونامت. تاني يوم الصبح.

زينة قامت. وبقت تتفرج عليه وهو نايم. وهي مبسوطة إنه ساب نهى وجايلها. باسته من خده بسرعة. وقامت غيرت. ونزلت. بعد شوية. جبل قام. لقيها مش موجودة. دخل الحمام. يحاول ياخد شاور. وهو خارج. شاف حاجة مرمية على الأرض في ركن. مسكها. وكل رياكشنات وشه اتغيرت للغضب. سمع صوت الموبايل. خرج وهو متنرفز. وبيفتح الموبايل على الرسايل. وفجأة رمى التليفون اتكسر ميت حتة. جبل بصوت هز أركان القصر: زينة. زييييييينننننهههه.

زينة سمعت صوته اتفزعت. طلعت بسرعة جداً على أوضتهم. زينة: في إيه؟ جبل ضربها قلم. ومسكها من شعرها بقوة. خلاها تصوت. وكل اللي في القصر ما عدا نهى. اللي واقفة هتنشل من الفرحة. جبل: زينة. زينة: والله كدب. أنا معملتش كدة. ضربها بقوة. نور بقت تخبط على الباب. وهي مرعوبة على زينة. جبل بغضب جامح: لو سمعت صوت حد. هيموت مكانها. وراح جاب الحزام. وبقي يضرب زينة بقوة. زينة بدموع وجسمها بيرتعش. وترجع لورا: والله كدب. محصلش. صدقني.

ياترى جبل لقى إيه. وإيه الرسالة اللي وصلتله. يتبع.