رواية عشق سام الفصل الخامس 5 - بقلم سوليية نصار

بجد... بجد... قولتها بلهفة وأنا دموع السعادة بتنفجر من عيوني. كان نفسي أصرخ في الشارع وأرقص من السعادة. سمعت صوتها مخنوق وكأنها هتبكي وقالت: "أيوه بجد... أنا أقنعت أحمد... وهيتجوزك. إحنا اللي هنكلم أهلك. تعالي دلوقتي بيتنا." قفلت التليفون وأنا حاسة إني طايرة. فضلت ألف حوالين نفسي في الشارع وأنا بضحك بسعادة. الناس كانت بتبصلي وكأني مجنونة، بس أنا مكنتش مهتمة. أنا كنت فرحانة... فرحانة أوي!

بعد ما خلصت وسام المكالمة، قعدت وهي حاسة بالتعب. بصلها أحمد بغيظ وقال: "هتجوزها بس حسك عينيك تشتكي من غيرتك، فاهمة ولا لأ؟ أنا هعاملها زيك ويومها هيكون زي يومك." اتنهدت وسام بتعب وهي بتبص للأرض وسكتت نهائي. تاني يوم. "هقتلها والله هقتلها." قالها بابا وهو بيحاول يقرب مني عشان يضربني. بس وسام وقفت في وشه وهي بتقول: "اهدأ بس... خلاص... أحسن لك تجوزها وإلا هتجيب لك الفضايح. لو قتلتها مش هتستفيد حاجة غير إنك هتدخل السجن."

كان أبويا بيتنفس بعنف وهو بيبصلي بكره شديد. كنت بترعش وأنا ببصله. قربت أمي مني وقالت: "يا بنتي إيه اللي بتعمليه في نفسك ده؟ ليه تتجوزي واحد متجوز يا بنتي. ليه تقهرينا بالشكل ده؟ خلينا نروح يا بسمة... أنتي ألف واحد يتمناك." دموعي نزلت وقولت بصوت مخنوق: "بس أنا مش عايزة غير أحمد يا ماما، مبتمناش غيره! نفخ أبويا بضيق وقال: "هبقى وكيلها وأجوزها وأخلص منها...

ده هو المناسب يا سناء. أنا أصلًا عارف إن الجوازة دي مش هتنجح ومش هتجني منها إلا المرار. بس براحتها بقى هي اللي هتعاني... وإحنا بعد كده ملناش دعوة. لو عملوا فيها إيه إحنا مش هنتدخل! وبالفعل أبويا بقى وكيلي. وبقيت أنا مرات أحمد. وروحت مع أهلي واتفقنا نعمل فرح بسيط عشان الأشهار.

عملنا الفرح ووسام بنفسها باركت لي بابتسامة عريضة من غير ما تحس بالقهر. صحيح وصلت لهدفي، بس وسام كانت زي الشوكة في حلقي. كان مفروض هي تغير مني، بس اللي حصل العكس تمامًا. أنا اللي كنت بموت من الغيرة بسببها. خرجت من شرودي وأنا بمسح دموعي. حطيت المخدة على وشي. كنت فاكرة إني لما أتجوزه هفرح، بس اللي حصل العكس. أنا مقدرتش أوصل لقلبه، هو بيفضل وسام وبس.

مرت الأيام وأحمد جالي وطلب أننا نروح للدكتور عشان جوازنا مر عليه ست شهور من غير حمل. وأنا وافقت عشان ده كان اتفاقي مع وسام. روحنا لدكتور صاحبه وعملنا كل التحاليل والأشعات. واستنينا النتيجة بفارغ الصبر. كنا قاعدين في عيادة الدكتور وهو بيبص للنتائج وبيقول بعملية: