رواية عشق تحت ظل القمر الفصل السادس 6 - بقلم ايمان رأفت

أمل: احيات عيالك يا كابتن لتنزلني.

ولاء: أنا هعترف على كل حاجة. بص يا باشا، البت أمل دي قالتلي تعالي نتفرج على فيلم رعب وناكل فشار. قولتلها لا يا بت خلينا قاعدين متعززين في أوضتنا. قالتلي ولو لازم ننزل. قولتلها يهديكي يرضيكي. قالتلي لا وقالتلي أنا مخنوقة من صرصار البلاعات. ريان والارنب عدي تعالي نعلم عليهم. قولتلها عيب عليكي. قالتلي لو مش هتشتركي معايا أنا مش هدفعلك فاتورة النت وإلا النت راحت. قالتلي أنا اللي هعلم عليهم وأنتي تربطي. وأنا والله غلبانة وبجري على يتامى وكده وعندي الغضروف وعندي انشراح في المفاصل وعندي برد كمان.

أمل صفرت وصقفت: أوبا عليكي يا بت يا ولاء. جامدة. لازم أقدمك في مسرح مصر. وحياة أمي لما أنزل لمسح بيكي الأرض. وحياة أمك يا باشا نزلني. والله ولاء دي مفيش كلمة قالتها صح. ريان: بقا أنا الطاووس الأسود يتعلم عليا ومن واحدة ست؟ خليكم متعلقين كده بنفس الحبل اللي ربطوني بيه. يا أغبي خلق الله حد يربط حد من رجليه بس؟ ولاء: ما هي دي موضة الربط 2023. ريان: أنا نفسي أقتلك. اللي مخليني ساكت الواد دكتور البهايم ده.

وقرب من أمل بهمس: أنا ممكن أنزلك بس بشرط. أمل: أي بالله عليك. ريان: بوسة. أمل: يا منحرف يا حقير يا سافل ياللي مشوفتش خمس ثواني تربية. ريان: خلاص انزلي لوحدك. أمل بصت للارتفاع خافت لأنه كان معلقها على مكان ارتفاعه عالي هي وولاء. أمل: خلاص خلاص أنا موافقة بس نزلني الأول بالله عليك. ريان: اتفقنا. ولاء: باشا بشوات مصر أنتا نسيتني ولا إيه؟ يا عم سوما العاشق أنتا.

ريان: لما دكتور البهايم ده يفوق هيفكك. ونزل أمل ولسه بينزلها فجأة أمل مسكت في شعره وفضلت تشده وتضربه وبتقول: بقا أنا يا سافل يا منحرف يا ابن حمدي الوزير أنتا عايزني أبوسك؟ ريان: يابنت المجانين سيبي شعري. ولاء بتصقف وتصفر وتشجع: أيوه كده ابت يا أمل. اديله يا ابن الملزقة ده. دا أنا مفروسة منه من بدري. أقولك يا بت اضربيه في عيونه اللي شبه دراكولا دول. ريان: اخلص بس يا بومة أنتي وهفجر المسدس في راسك اللي عايزة الحرق دي.

ولاء: الله هو أنا قولت حاجة. فجأة ريان ضغط على عرق في رقبتها وأمل أغمي عليها وخدها لأوضتها ونيمها برفق وجاب شوية ورق وخلاها تبصم عليهم ومشي. على الجانب الآخر. عدي فاق. عدي: منك لله يا بنت المجانين. هو انتي معندكيش سلاح غير المزهرية دي؟ ولاء: أنا بنت مجانين؟ طب أقولك المجنونة دي تبقي أمك. عدي: لسانك ده عايز قطعه وعلي إيدي إن شاء الله. ولاء: قطع لسان مين يلا نزلني وأنا هوريك مقامك.

قرب منها عدي: هنزلك لو عملتي حاجة صغيرة كده. ولاء: أي هيا؟ عدي: ورقة تثبت أنك مش هتضربيني بأي مزهرية تانية. ولاء من هبلها صدقت: خلاص اشطا بس تنزلني. جاب الورق ومضته ونزلها. ومشي وهيا طلعت. عدي: خلاص بقيتي ملكي لوحدي. على الجانب الآخر. عند حسام ومالك. حسام تسلق بلكونة تغريد ودخل لقاها. رش منوم عشان متفوقش وخدها ونزل ينفذ خطته. ومالك رن على وفاء عشان يشغلها عقبال ما حسام يخلص خطته. مالك: الو يا وفاء. وفاء بصوتها

الرقيق الذي أذاب قلب مالك: ممكن نتغدى سوا في مطعم عشان من ساعة ما جيتوا من أمريكا مخرجتوش. وفاء: خلاص ماشي هلبس وهنزل. مالك: مستنيكي يلا سلام.

لبست فستان رقيق فوق الركبة وسابت لشعرها العنان ووضعت بعض مساحيق الميكاب الرقيق ونزلت. أول ما شافها مالك كان هيتجنن من جمالها. كان نفسه ياخدها ويخبيها في حضنه ويقول دي ملكي أنا بس. وخدها وراحوا مطعم فخم جدا. والجرسون كان بيبص لوفاء بإعجاب. وخد طلباتهم. وفجأة مالك أصحابه هناك. أصحابه سلموا عليه. وكان فيه واحد معجب بوفاء ومش شايل عينه من عليها. وجات أغنية في المطعم لرقص سلو. وجه الشخص ده طلب من وفاء الرقص. ومالك بص لها

نظرات نارية بس هي مفهمتش ووافقت. وأول ما جات ترقص الشخص مسك وسطها بطريقة مش حلو. وفاء ضربته وجريت على مالك بتدور عليه مش لاقياه. فجأة سمعت صوت تكسير لاقت مالك كاسر إيدين الشخص ورجليه ومشي وخادها وروحوا. كان طول الطريق بيطلع نار من عينيه.

ووفاء لاحظت وقالت: أنا آسفة. بصلها مالك بعصبية وقال: انتي ملكي أنا بس. محدش هيلمسك غيري. انتي فاهمة؟ ومتتكلميش مع جنس راجل غيري. ولو هزرتي أو ابتسمتي لحد هقتله. فاهمة؟ وفاء بخوف: فاهمة. ووصلوا وطلعت على أوضتها وانهارت من العياط لأن عمر ما حد زعق لها. لاحظ مالك وخبط ودخل. مالك بهدوء: أنا آسف. أنا بس اتدايقت وخرجت عن شعوري. وفاء أنا. وفاء بصتله وتاه في عينيها وقال بهيام: أنا بحبك. وفاء قلبها فضل يدق بسرعة وخدودها احمرت

وهو لاحظ وعشق كسوفها وقال: هستنى ردك واتمنى يكون اللي في بالي. وسابها وهيا شبه الفراولة ومشي. على الجانب الآخر. عند حسام. تغريد فتحت عينيها لقت نفسها في.