رواية عشقت عفريته صعيديه الفصل الثاني 2 - بقلم رنا احمد

في شقه عادل. سندس بصراخ وغيظ: ي ابوي ي ابوي، علي الحمار ده. ينفع الي انت عملته ده؟ عادل بضيق: انا مش فاهم انتي زعلانه كده ليه. سندس بغيظ: زعلانه؟ لا ي شيخ، وهزعل ليه عاد بقا. بعد ما كان عايز يموتك ويعتدي عليك برجالته، تقوم تتنزل عن المحضر كده بكل سهوله وتقول قدام الظابط أنه سوء تفاهم. عادل بحزن: امال عايزه اعمل ايه؟ الراجل كان بيطالب بحقه، مغلطش. وبعدين اقف قدام مين؟ انا مش قد الراجل ده، انا غلبان.

سندس بجديه: عادل مينفعش كده، مينفعش تكون ضعيف والناس تستغلك بالشكل ده. عادل بحزن: وانا عندي ايه استقوي بيه ي سندس. سندس بجديه وابتسامه: كفايه انك تكون عندك نفسك ي عادل، نفس الإنسان المفروض تكون أغلى ما يملك. عادل بغيظ: هو طالعلي عفريته من علم النفس ولا ايه. سندس: ههههههه، تشكر ي سيدي. عادل بابتسامه: تعرفي أن الي بيحصل ده ولا ف الاحلام، بس انا بجد مبسوط جدا بوجودك معايا وانك جنبي.

سندس بابتسامه: انا قولتلك هفضل جنبك لحد ما تكون زي ما انت عايز. قمر بخوف: ايه ي عادل، انت بتكلم نفسك. سندس بغيظ: جات البومة ام شعر في صدرها. عادل بضحكه مكتومه: تعالي ي قمر اتفضلي، ده انا بتكلم مع نفسي ي ستي، ماهو من غلبي. قمر بغضب: ينفع الي حصل ده ي عادل؟ المعلم سباعي كل شويه يطالبك بالايجار، ده فضيحتك بقت بجلاجل.

سندس بغيظ: اه ي زباله، وكان فين الحديد ده وانتي بتسحبي في فلوسه. بس معلش، ملحوقه، انتي هتكوني اول أعدائي في المهمه دي. عادل بحزن: وانا هعمل ايه بس ي قمر، مانتي عارفه حالتي. قمر بغضب: لا ي اخويا، ده انت عامل زي المراه العويله الي ملهاش لازمه. اه اه، بتضربني ي عادل، ده انت وقعتك معايا سودا. عادل بصدمه: بس انا مضربتهاش. سندس بجديه: انا الي ضربتها. عادل بغضب: ليه؟ ليه ي سندس؟ دي حبيبتي، انا بحبها.

سندس بغضب: حبها برص، دي واحده استغلاليه مش عايزه منك غير فلوسك وبس. كان لازم تقف عند حدها، طيبتك هي الي خلتها اخدت عليك بالمنظر ده. عادل بحزن: يعني الطيبه دلوقتي مبقتش بتتقدر. سندس بجديه: الي انت فيه ده مش طيبه، الي انت فيه ده ضعف، سذاجه، وده الي مخلي الناس كلها تتطمع فيك. عادل بهروب: انا لازم اخلص الشغل، انا مش ناقص المدير يديني خصم كمان.

سندس بياس: مفيش فايده، بس انا لازما افضل وراك، مش هسيبك. ودلوقتي لازما نفكر في لقمه نأكلها. في مملكه الجان. مرجانه بابتسامه: ماذا بك عفارت، هل اشتقت إليها. عفارت بابتسامه: نعم ي خالتي، فهي صغيرتي. لكني اعلم أنها ستعود قريبا بعد اتمام تلك المهمه كعادتها. مرجانه بابتسامه وارتباك: لا تريد أن تعرفها بسرك مع سراي.

عفارت بلهفه وقلق: لا ي خالتي، لا اود ذلك الان. عندما اعثر علي سلفانا اختي، سأقتل سراي وسأكون انا الحاكم، وستتحول مملكه الجان الي غير ذلك مع معشوقتي الجميله. في شركه الشماع. في مكتب تامر. تامر بابتسامه: اهلا شوكت. شوكت بضيق: لا اهلا ولا سهلا. ايه ي تامر، لو اختك رفضاني قول. تامر بابتسامه: رفضك ايه ي شوكت، ده كلام. انت تترفض، بس هي بتتدلع زي البنات، يعني. شوكت بضيق: بس دلعها زاد اوي كده ي تامر.

تامر بابتسامه: هكلمك واقولك، حدد ميعاد الخطوبه، احنا مش عشره يوم ي شوكت. شوكت بجديه: تمام ي تامر. تامر بغيظ: وبعدين معاكي ي سلمي، شكلي كده دلعتك كتير، انا معنديش استعداد انك تبوظي كل الي عملته، هتتجوزي شوكت غصبن عنك. في فيلا الشماع. سلمي بابتسامه وحنين: ايه رايك ي بابا أننا نروح نزور عادل ابن عمي. الشماع بحزن: والله ي بنتي مبقدر ابص في وشه حتي، كل ما بفتكر الي عملته فيه ي بنتي.

سلمي بابتسامه: المسامح كريم ي بابا، وعادل طول عمره حنين ومسامح، اكيد هيسامحنا بالذات لو رجعناله حقه. الشماع بضيق: وانا هرجعله حقه ازاي؟ وتامر مخفي كل الاوراق ومش عارف اوصل لاي حاجه. سلمي بضيق من طمع أخيها: ماشي ي بابا، بس ده مينفعش أننا نشوفه ونطمن عليه، دي صله رحم ي بابا. في شقه علاء. في الحمام. علاء بقرف: ايه الريحه الغريبه دي؟ ي نهار اسود، ناقعه الفراخ في البانيو. وقعتك سوده ي سندس. سندس في المطبخ.

سندس بحركات راقصه: انتي بسكوتايه مقرمشه، انتي قطه مفرفشه. علاء بغيظ: ومعفنه ومنتنه. سندس بغيظ: انت هتلبخ ولا ايه، مش كفايه بعملك طفح. عادل بغيظ: ايه القرف الي انتي عملاه ده، في حد ينقع الفراخ في البانيو. سندس بلا مبالاه: اعمل ايه، ما الحوض مش فاضي. عادل بغيظ: صبرني يارب. سندس: طب بطل رغي وهات ليمونه من عندك. لتقوم سندس بعصر الليمونه، ليتطاير قطرات منها في عينيها، لتصرخ. الم: ااه. عادل بلهفه

وهو يمسك بالمنديل المبلل: همسحها حالا. سندس بالم: بسرعه، بتحرقني جوي جوي. ليتذكر عادل بابتسامه حالمه نفس ذلك المشهد. فلاش باك. كانت تجلس سلمي وهي عمرها خمس اعوام وهي تلون البيض بالالوان المائيه. فكانت تزيح خصلات شعرها الحريري، لتتطاير الالوان في عينيها، لتصرخ وتبكي ببراءه. عادل بعشق ولهفه: متخافيش ي حبيبتي، متعيطيش علشان خاطري. سلمي ببراءه ووجه ملاكي: بتحرقني اوي ي عادل. عادل بعشق: سلامتك من الوجع ي روح عادل. باك.

عادل بعشق وهمس واشتياق: وحشتيني اوي ي سلمي. سندس بمرح: شويه كمان وانا هوحشك ي عم ساموزين، فقعت عنيا. عادل بغيظ: سلاما قولا من رب رحيم. سندس بغيظ: ايه، شوفت عفريت. عادل بضحك: هههههه، امال انتي ايه. سندس بابتسامه: اولا، انا جنيه مش شريره. فكرتني بعفارت. عادل باستغراب: عفارت مين ده. سندس بغرور ومرح: ده الكابل بتاعي، بالشعبي اوي ي عمي، المز بتاعي. عادل بضحك: هههههه، ربنا يعينه. سندس بغيظ: ليه ي اخويا، ده انا مزه المززز.

عادل بضحك: هههههه، ماشي ي ستي، هروح اكمل الشغل، مش ناقصه كلمه من المدير. سندس بتخطيط: لازم ابدأ في مهمتي بجد. في فيلا الشماع. في غرفه سلمي. تامر بغضب شديد: يعني ايه مش عايزه تتجوزي شوكت؟ عيبه ايه. سلمي بحده: عيبه أنه سكري وبتاع ستات، واني مقبلش زوج زيه ابدا. تامر بغضب: علشان كده بس، ولا بتحني للي فات.

سلمي بقوه: حتى لو ده ميخصكش ي تامر. واني مش هتجوز شوكت لو مهما حصل، وروح بقا ي اخي رجع لليتيم ده حقه، بدل نار جهنم ما تحرقك. تامر بتوعد وغضب: ده بعدك ي سلمي، مش هيحصل ابدا، وهتتجوزي شوكت غصبن عنك. وعادل ده هتمسحيه من حياتك زي احنا ما مسحناها من زمان. ياما، قسما بالله رصاصه واحده تخلصني منه ومن صداعك عنه انتي وابوكي. في الشهر العقاري. المدير بغضب شديد: ايه القرف ده ي استاذ.

عادل بقلق: فيه ايه سعادتك، ده انا سهرت عليه طول الليل. المدير بغضب: سهرت علي ايه بالظبط، شخابيط، هو ده الي عملته. عادل بصدمه: شخابيط. المدير بغضب: انت مرفود. عادل بضيق: ي افندم، اسمعني بس. المدير بغضب: مش عايز اسمع حاجه. انت عارف الحسابات دي علشان تتعاد من الاول عايزه وقت اد ايه وفلوس كمان. يلا سلم كل حاجه تخصك وغور من هنا. في شقه عادل. كانت تجلس سندس باستمتاع وهي تشاهد التلفاز. سندس بضحك: هههههه، فيلم حلو اوي.

عادل بغضب: ليه عملت كده؟ انت جايالي علشان تخربي حياتي. سندس ببرود: ليه عملت ايه. عادل بحده: انتي عارفه كويس عملتي ايه، وبسببك اترفدت من الشغل وهنرمي في الشارع. سندس بجديه: وهو ده المطلوب. عادل بصراخ: قصدك ايه. سندس بجديه: لانك كفايه عليك كده ي عادل، لازم تروح لعمك، لازم تاخد حقك، لازم يبقا معاك فلوس قد الي معاهم بالظبط، لازم تتجوز البنت الي بتحبها، كفايه الي انت عيشته، كفايه.