رواية عشقت ابن المارد الفصل التاسع 9 - بقلم مارينا عبود

اسر: تتجوزيني؟ حور بصدمة: اسر بهدوء: أنا عارف إنك مستغربة إني بطلب منك كده، بس ده الحل الوحيد عشان أقدر أحميكي من أبوكي. ومتخافيش، أنا مستحيل إني أعمل حاجة تأذيكي. داده فيروز قبل ما تموت، طلبت مني إني أتزوجك وأخلي بالي منك، وسابتك أمانة عندي. وأنا عشان أحميكي هتجوزك، وبكده أبوكي لو جه مش هيقدر ياخدك ولا يجوزك لابن عمك. حور بحزن: موافقة. اسر: تمام، ارتاحي. حور: تمام. اسر طلع وراح أوضته، بدل هدومه ونام.

وحور قعدت في أوضتها تعيط لحد ما راحت في النوم. ****** في صباح يوم جديد ****** في فيلا مراد الجارحي مراد قام وهو بيفرك في عيونه، بيلتفت ملقاش روان. وفجأة لقاها طالعة من الحمام وهي لابسة بنطلون جينز وتيشيرت من بتوعه، وكانوا واسعين عليها. مراد بص لها بصدمة، وبعدين انفجر ضحك. روان بعصبية: بتضحك على إيه؟ مراد بضحكة مكتومة: إيه اللي أنتِ عملاه في نفسك ده؟ روان: يعني أعمل إيه حضرتك؟

اتجوزتني غصب عني وجبتني هنا، ونسيت تجيب لي هدوم. مراد كان مستغرب هدوءها، بس فرح من جواه إنها رجعت تتكلم ومنهارتش زي كل مرة. مراد بابتسامة: أنا آسف، حقك عليا. عموما أنا هدخل آخد شاور، وهنزل أقول لماما تخلي حد من الخدم يجب لك طقم من عند نور أختي. روان: هو أنت عندك أخت؟ مراد: آه، بس قولي لي أنتِ كويسة؟ روان: آه طبعًا كويسة جدًا. مراد بشك: أنتِ متأكدة إنك كويسة؟ روان بتصنع البرود: طبعًا، طبعًا. أنت شايف إيه؟ مراد: ماشي.

مراد دخل أخد شاور، ولبس هدومه، وطلع لقى روان قاعدة على السرير وسرحانة. مراد: روان. روان: مراد بصوت عالي: رووووان. روان اتفزعت وبصت له بخوف: في إيه؟ مراد: مفيش، بكلمك وأنتِ ولا هنا. روان: آه معلش، سرحت شوية. مراد كان هيتكلم، بس قاطعه صوت رنة الفون، وكان اسر. مراد: إيه يا باشا؟ اسر: مراد، تعال على المكتب عاوزك في حاجة مهمة. مراد بقلق: في إيه؟ اسر: لما تيجي. مراد: تمام. وقفل.

مراد: روان، أنا نازل وهبعت لك الهدوم، وشوية وهاجي آخدك نشتري لك هدوم، تمام؟ روان: ماشي. مراد كان طالع، بس وقفه صوت روان. روان: مراد، أنا عاوزة أعرف الحقيقة كلها والنهاردة. مراد بحزن: حاضر، هرجع ونبقى نحكي. روان: تمام، هستناك. وطلع. روان قعدت على السرير ودموعها نزلت: أنا متأكدة إنه بابا مستحيل يعمل كده، أكيد فيه حاجة غلط. مراد نزل لقى أهله قاعدين. فريدة: أمال روان فين يا ابني؟

مراد: فوق، معلش يا ماما، قولي لأي حد من الخدم يوديلها طقم من بتوع نور. فريدة: حاضر يا ابني. هشام: على فين يا مراد؟ مراد: رايح الشركة، اسر كلمني وعاوزني في حاجة مهمة. هشام: تمام يا ابني، خلي بالك من نفسك. مراد: حاضر يا بابا، بعد إذنكم. مراد طلع من الفيلا، وأخد عربيته واتجه للشركة. ****** في فيلا السيوفي ****** حور كانت نايمة، وفجأة صحيت على خبط الباب. حور قامت وظبطت شعرها وفتحت، وكان اسر. اسر بابتسامة: صباح الخير.

حور: صباح النور. اسر لاحظ إن عيونها محمرة أوي. اسر: حور، أنتِ كنتِ بتبكي؟ حور بتوتر: هااا، لا، أنا لسه صاحية. اسر محبش يضغط عليها: تمام يا حور. جهزي نفسك، النهاردة هبعت لك فستان فرحك، وكمان هبعت لك الميكب ارتست عشان تجهزك. حور بصدمة: ليه؟ هو أنت هتعمل فرح؟ اسر بابتسامته الجذابة: أكيد طبعًا، لازم كل الناس تعرف إنك هتبقي مراتي، وكمان مينفعش أتجوزك ومعملكيش فرح زي ما أي بنت بتتمنى. حور بفرحة: شكراً. اسر: على إيه؟

أنا هروح الشركة دلوقتي، وهرجع تكوني جهزتي عشان آخدك ونروح القاعة. كمان هقول لنبيلة تجهز لك الأكل، تمام؟ حور: تمام. اسر مشي، وحور راحت ومسكت صورة جدتها ومامتها. حور بدموع: كان نفسي تكونوا معايا، عمري ما اتخيلت إنه يجي اليوم ده وأبقى فيه لوحدي، وحشتوني أوي. ****** في فيلا الأسيطي ****** تميم: جوري، رايحة على فين؟ جوري: الكلية. تميم: أمال نور فين؟ جوري: نور تعبانة شوية ومش هتروح النهارده. تميم: تمام، طيب يلا عشان أوصلك.

جوري: مفيش داعي. تميم بحدة: جوري، يلا قدامي عشان أوصلك. جوري بغيظ: يوه، حاضر. جوري طلعت، وتميم بص لها وابتسم: ههه، وراكي وراكي، لما أشوف آخرك. تميم طلع وركب عربيته وأخد جوري ومشيوا، وبعد وقت وصلوا الكلية. تميم: خلي بالك من نفسك. جوري: ملكش دعوة بيه، أخلي بالي من نفسي أو لأ، حاجة متخصكش. تميم بتنهيدة: كلامي يتسمع يا ست هانم، ويا ريت لو الزفت حسام جه النهاردة وضايقك تقولي لي. جوري: حاضر.

وسابته ونزلت من العربية ودخلت الكلية. تميم بحزن: مش عارف أعمل إيه عشان تسامحيني، تعبت من معاملتك الجافة دي. تميم ساق عربيته وراح الشركة. بعد مرور وقت ****** في شركة السيوفي ********* مراد: بقالك ساعة مقعدني هنا، ممكن أعرف في إيه؟ اسر: تميم فين؟ مراد: كلمته وجاي في السكة، إيه بقى الموضوع؟ باب المكتب اتفتح وتميم دخل. تميم بمرح: موضوع إيه بقى؟ اسر بهدوء: احم، أنا قررت أتزوج. مراد وتميم في صوت واحد: أيييييه؟ اسر: إيه؟

مراد: ده إيه القرار المفاجئ ده؟ تميم: احم، ومين تعيسة الحظ؟ اسر: حور، حفيدة داده فيروز. والقرار المفاجئ ده عشان داده فيروز قبل ما تموت، وصتني عليها. ده غير إن أبوها بيدور عليها عشان يرجعها معاه الصعيد غصب عنها، وهي حاليًا موجودة عندي في الفيلا، وانتوا عارفين إنه مينفعش تفضل معايا في الفيلا لوحدنا. عشان كده قررت أتزوجها، وبكده أبوها ميقدرش ياخدها مني. مراد: اممم، وأبوه عاوز ياخدها غصب ليه؟

اسر: عشان الورث، والبنت خلاص بقت يتيمة. تميم: أيوه، بس أنت كده هتتجوزها عشان تحميها مش أكتر، يعني جوازك منها هيبقى على ورق، ولا البنت موزة وعجبتك؟ وغمز له. اسر بغضب: تمييييييييم. تميم بخوف: خلاص يا باشا، آسف. مراد: تمام، امتى هتتجوزها؟ اسر: النهاردة، وعاوز الكل يعرف إن اسر السيوفي هيتجوز. كمان عاوزكم كلكم النهاردة تكونوا معايا. تميم بمرح: هههه، ودي عاوزة كلام؟ طبعًا كلنا هنكون معاك يا صديق.

مراد بابتسامة: أنت متأكد من قرارك يا صُحبي؟ اسر بحب: متأكد، متقلقش. مراد: خلاص تمام، خلى رعد يبعتلنا عنوان القاعة، وكلنا هنجهز وهنكونوا هناك. كمان أنا هقول لأهلي، وتميم هيقول لأهله، وكلنا هنبقى معاك. بس مقلتليش، هي البنت اسمها إيه؟ اسر: حور. مراد: حور مين؟ كمل اسمها. اسر: حور هشام. مراد بصدمة: أيييييه؟ اسر باستغراب: في إيه يا مراد؟ أنت تعرفها؟ مراد بتوتر: احمم، دي صديقة روان المقربة. تميم بضحك: اوعى بقى!

اتنين صحاب متجوزين بنتين صحاب؟ عقبالي بقى. اسر بضحك: هههه، ما أنت لو مكنتش هربت كان زمانك عندك عيال دلوقتي. اتلم واقعد ساكت. تميم بحزن: عندك حق. مراد بضحك: أنت هتقلبها نكد؟ مش ناقصين. تميم بضحك: هههههه، أنت بتضحك على أحزاني يا خي؟ أبو معرفتك، صدق اللي قال الصحاب في إجازة. مراد وأسر فضلوا يضحكوا عليها. اسر: مراد، إيه رأيك تخلي روان تروح لـ حور؟ مراد: اممم، هفكر. اسر: تمام، يلا روحوا دلوقتي لشغلكم عشان تلحقوا تجهزوا.

مراد بضحك: أنت بتقول لنا الكلام ده ليه؟ إحنا مش العرسان، حضرتك العريس، يعني المفروض حضرتك تخلص شغلك عشان تلحق تجهز. تميم بضحك: ههههههه، عريس؟ أنا مش متخيل اسر السيوفي اللي كان رافض مبدأ الجواز تمامًا بقى عريس؟ ههههههه، مش قادر. مراد بضحكة مكتومة: تميييم، اتلم، عيب كده، اسر يزعل. اسر: انتوا عارفين لو مطلعوش دلوقتي هعمل إيه؟ تميم بضحك: ههههه، وعلى إيه يا عريس؟ الطيب أحسن، يلاه يا مراد. مراد بضحك: يلاه.

تميم ومراد طلعوا، وأسر قعد على مكتبه يكمل شغل. ****** في الكلية ****** جوري كانت واقفة، وفجأة لقت حد حط إيده على كتفها. جوري التفتت واتصدمت لما شافت..