رواية عشقت ابنتي الفصل الثاني عشر 12 - بقلم دنيا ثروت

نزل أرسلان المياه وشال رهف من المياه بسرعة، وطلع بها على الأرض وبدأ يعمل لها تنفس بيديه حتى خرج الماء من فمها. رهف وهي تكح: آه. أرسلان حضنها بسرعة بكل خوف: أنتي كويسة صح؟ رهف وهي في حضنه متمسكة به: آه أنا كويسة. أرسلان بسرعة شالها بين إيديه وهو كل ده حاضنها وهي بتخفي وشها في حضنه، وطلع بها الأوضة وقعدها على السرير برقة. أرسلان

راح جابلها فوطة وهدوم: البسي دول عقبال ما أصل بالفندق يطلعوا حاجة سخنة. ومشي وسابها وتعابير وشه مكنتش تطمن. رهف راحت غيرت هدومها على طول، وهو اتصل بالريسبشن وجابوا له ينسون. أرسلان وهو بيديها الينسون: خدي اشربي عشان تدفي. رهف مسكت الكوباية وبدأت تشرب وهو باصص لها ببرود. وبعد ماخلصت: في إيه يا أرسلان؟ أرسلان ببرود: في إيه؟ رهف: أنا مبهزرش.. بسألك في إيه؟ أرسلان

بصوت عالي خلاها تخاف: أنتي ما أكلتيش ليه زي ماقولتلك وشربتي عصير؟ لو كنتي اهتميتي بصحتك شوية ماكنش كل ده حصل. رهف بدموع: أنت خايف عشان بوظت حفلتك... وكملت بعياط: طب ماكنتش جبتني معاك.. وفضلت تعيط بانهيار. أرسلان قلبه مقدرش يشوف دموعها، وقعد على السرير وسحبها لحضنه: أياكي. ثم أياكي تفكري كده. حفلة إيه اللي تبوظيها؟ أنا كنت بزعق عشانك أنتي. تولع مليون حفلة، أنتي عندي بكنوز الدنيا.

رهف جاية تقوم حضنه وبدأت تهدي من العياط. أرسلان حضنها أكتر: لا مش هتقومي. رهف وهي بتمسح دموعها: ماشي... ممكن سؤال؟ أرسلان: اسألي يا قلبي. رهف: أنت إيه اللي خلاك تمسك إيد البنت المعفنة دي؟ أرسلان شالها بحضنه بكل هدوء ومسك وشها برقة: بنت مين؟ رهف: البنت الصايعة اللي كانت جنبك. أرسلان حب يغيظها: آه قصدك كنزي. رهف ضربته في قلبه: مهزرش أحسنلك. أرسلان بوجع: آه...

خلاص خلاص. بصي يا ستي دي بنت مختار بيه راجل أعمال كبير وكده وأنا كنت هعمل معاه الصفقة انهارده بس الحفلة انتهت بسرعة. رهف: ماشي... بعدين برضه مشرحتش أنت مسكت إيديها امتى. أرسلان قربها ليه أكتر: أنا ممسكتش إيديها. بعدين تلاقيها لازقة ومسكت إيديا عشان مجنونة.. أنا عمر ما أمسك غير إيديكي انتي. رهف: امممم يلا ننام. أرسلان: تؤتؤ.. أنا عايزة آكل فراولة.. وأخذ شفتيها في قبلة شوق. رهف وشها احمر كليا وبقى زي لون الدم: احم.

أرسلان: يلا ننام. رهف بسؤال: طب ممكن سؤال تاني؟ أرسلان: اتفضلي يا روحي. رهف: إيه اللي مخليك صابر عليا.. يعني قصدي إحنا يعتبر بقالنا سنة ونص متجوزين. لبه صبرت على حقك كزوج. أرسلان: ببساطة يا ستي عشان أنتي مراتي وحبيبتي وقلبي ويستحيل أجبرك على حاجة انتي مش عايزاها... ولو على الحق فأنا هصبر عليكي ولو العمر كله. ويلا بقا ننام. وأخدها في حضنه وهو حاضنها حضن تملك. وجاء الصباح الذي يحمل المفاجأت.

رهف وهي بتقوم من النوم ملقتش أرسلان جنبها، قعدت تدور عليه الجناح كله ملقتهوش، ورن تليفونه. رهف: الو.. أنت فين؟ أرسلان: في مطعم الفندق، هأقع على أوراق صفقة وأجي. رهف باستغراب: صفقة إيه؟ أرسلان: اللي قولتلك عليها امبارح. يلا هقفل عشان مختار بيه جه.. وأياكي تنزلي من الجناح. رهف: أرسلان.. الو.. الو. تحت عند أرسلان. أرسلان: أهلاً أهلاً. مختار بيه. مختار سلم عليه: ازيك يا أرسلان بيه... وقعدوا على الترابيزة.

أرسلان: مش يلا بقا نوقع الورق؟ مختار: آه بس كنزي اللي هتجيب الورق.. وزمانها جاية. أرسلان: تمام. وقبل ما يكمل سمع صريخ. كنزي. مختار جري على بنته وأرسلان كمان راح معاه.