رواية عشقت العمدة نور الفصل الثامن 8 - بقلم رنا احمد عماد

في مكتب كابر .... كان يقف بغيظ وضيق من اشتهار خبر زواجه من العمده نور، فانهالت عليه التعليقات الساخرة من أصدقائه وتعليقات الفتيات. كابر بغيظ: عجبك كده ي بابا؟ ممكن أعرف مين اللي نشر الخبر بالشكل ده؟ فضيحتي بقت بجلاجل. عجبك التعليقات دي من أصحابي؟ سراج بحده: دول عيال تافهة زيك بالظبط. إيه اللي فيها؟ مش فاهم. واحد وواحدة هيتجوزوا. كابر بغيظ وسخرية: واحدة؟ هي زغلول بقت واحدة؟ دي أرجل من أبويا.

أدهم بابتسامة: البدلة ياعريس. سراج بجدية: بدلة إيه؟ كابر هيلبس جلابية. كابر بغيظ: نعم؟ جلابية إيه؟ لا طبعًا. إمبارح كنت مضطر، لكن دلوقتي لا. يعني مش كفاية زغلول؟ سراج بغضب: بطل تفاهة. أنت هتتجوز واحدة صعيدي، يعني لازم تمشي حسب البلد اللي أنت فيها. وفرحك هيتعمل هنا في الصعيد، ومراتك صعيدية. مش كل حاجة لازم تمشي على كيفك. هتلبس الجلابية والعمة والموضوع ده انتهى الكلام فيه.

كابر بغيظ: لا، كله إلا العمة. كده استايل شعري هيبوظ. سراج بغضب: أنا قلت اللي عندي يـ كابر. وعـلى الله تـخر. أدهم بضحك: ههههههههه. هتلبس العمة يـ كيبو؟ كابر بغيظ: من ناحية هلبس، فهلبس. كفاية هلبس زغلول ده لوحده أكبر خزوق في حياتي. في دوار وهدان ..... في غرفة نور ... كانت تتجمع الفتيات وهن يغنين ويرقصن بسعادة. فالجميع يعشق نور ويعتبروها ابنتهن وأختهن قبل أن تكون العمده نور.

صابحة بغناء: آهـو جالك يـ بت، ريح بالك يـ بت. اطبخيلي الضهر بطة وادبحيله العصر بطة. نور بغيظ: بطة؟ ده أنا هدبحهاله كلب يأكله. سعدية بابتسامة: نور، بقالك إيه عاد؟ حلو الفستان ده. نور بغيظ: فستان إيه يـ أما؟ إيه الجرص دي؟ أنا هلبس لبسي، لبس العمده نور. الجلابية والعمة والعباية. صابحة بحده: حديد إيه ده يـ نور يـ بتي؟ أنتِ عروسة يـ ضنايا، لازم لبس عرايس. سعدية بغيظ: قولي لها يـ صابحة يـ أختي، لاحسن أنا قربت أتشل عاد.

نور بغيظ وتصميم: متتعبوش حالكم. أنا مش هلبس غير خلاجتي واصل. أنا العمده نور وهفضل العمده نور. ومتخلقش عاد اللي يغيرني. في الأسفل .... في مكتب كابر .... أميرة بابتسامة: مساء الخير يـ سراج باشا. سراج بجدية: أهلاً يـ أميرة. عروستنا الحلوة فوق، عايزها على سنجة عشرة. أميرة بابتسامة: اطمن سعادتك. أنا والأء إن شاء الله هنخليها بدر منور. عن إذنك يـ باشا.

كابر باستغراب: هما دول مش أميرة والأء اللي بيشتغلوا في البيوتي سنتر اللي بتروحه شمعه؟ سراج بجدية: أيوه. بس دول مش عشان شمعه، عشان نور. كابر بصدمة: إيه؟ زغلول وهي زغلول؟ ينفع معاها الكلام ده؟ دي عايزة تتنقع في مياه نار وتاخد وش صنفرة وأربع وشوش دهان. وأدي دقني إن اتغير فيها حاجة. وحضرتك فاكر إنها هـ توافق على الكلام ده؟ سراج باستغراب: ومتوافقش ليه؟ يعني مش ست؟ كابر بضحك: ههههههه. ست؟

لا طبعاً مش ست. وبعدين دلوقتي تشوف بنفسك اللي هيحصل. مخيمر بابتسامة: ألف مبروك يـ كابر باشا. كابر: الله يبارك فيك يـ مخيمر. إيه اللي قومك من السرير؟ أنت تعبان؟ مخيمر بابتسامة: ولا تعب ولا حاجة. ده شرخ بسيط أكده في رجلي. وبعدين لازم أقف مع الحاج وهدان، ده دابح يـ أما وعازم ياما. يلا فوتكم بالعافية. كابر بغيظ: مكان دبح الجاموسة اللي عنده كان على الأقل أرخص. في دوار وهدان .... في غرفة نور .....

سعدية بغيظ: برضك عملتي اللي في دماغك؟ في واحدة حنتها النهاردة تلبس كده؟ صبرني يارب. وهدان بسعادة: أيوه جدع يـ جناب العمده. أوعي تتنازلي واصل. نور بابتسامة: متقلقش واصل يـ أبويا، ده بتك. سعدية بغيظ: والناس اللي هيضحكوا علينا من منظرها كده؟ ده شكل عروسة. وهدان بحده: إيه اللي يضحك عاد يـ وليه؟ دي العمده نور، عمده الدباح. واللي مش عاجبه يشرب من البحر. ريم وهي ترتدي فستانًا ذهبيًا: إيه رأيك يـ عمتي؟

سعدية بابتسامة: زي القمر يـ بتي. أميرة بابتسامة: مساء الخير. مبروك يـ عروسة. وهدان بجدية: أنا نازل تحت يـ بتي. وخليكي كده، فاهمة يـ نور. نور بقوة: متقلقش واصل يـ أبويا. سعدية باستغراب: أنتِ مين يـ بتي؟ أميرة بابتسامة: أنا أميرة بيوتي سنتر، وبعتني كابر باشا علشان العروسة القمر. هي فين بقا؟ نور بغيظ: واه عليكي! أنتِ مبتشوفيش ولا إيه؟ أميرة بصدمة: حضرتكِ، آسفة. مـ أخذتش بالي.

نور بغيظ: لا، خودي بالك بعد كده. ويترا سي كابر بعتكم ليا ليه؟ أميرة بجدية وصدمة: علشان نـظبط حضرتك. يعني عايزة تعملي شعرك؟ بديكير؟ مانيكير؟ أو تاتو مثلاً؟ نور بغيظ: هو حد قاله إنّي جعانة ولا إيه؟ أنا مش محتاجة جاتوه. مبحبوش واصل. أميرة بصدمة شديدة: جاتوه إيه يـ حضرتك؟ قصدك تاتو. ريم بابتسامة ومرح: أنا عايزة أعمل تاتو على دراعي كده من فوق. هو مش بيبان أصلاً. أميرة بابتسامة: تحت أمرك يـ هانم.

نور بجهل: هو إيه عاد التاتو ده يـ بت يـ ريم؟ ريم بابتسامة: التاتو عبارة عن رسمة يـ نور. ترسمي على جسمك الرسمة اللي أنتِ بتحبيها. أميرة بابتسامة: يعني نقدر نعمل لحضرتك صورة كابر باشا لو تحبي. نور بغيظ: هو أنا بطيقه علشان أحط صورته؟ يلا يـ حلوة أنتِ وهي، طريقكم أخضر. الأء بهمس: يا خبر أبيض! إزاي كابر باشا القمر ده يتجوز دي؟ دي ولا أي حاجة هتنفع معاها. نور بغيظ وخبث: ريم، اقفلي الباب عاد.

ريم بابتسامة ومرح: وفّقني يـ نور! أخيراً هقفله طوالي. نور بغيظ وهي تشمر يدها: بقا أنا مفيش حاجة تنفع معايا؟ ده أنا اللي هخلي مفيش فيكم حتة سليمة. تعالولي بقا. ريم بصدمة: واه! سيبيهم يـ نور! هيموتوا في يدك. نور بغيظ وهي تضربهم: مش هسيبهم واصل إلا لما أديهم العلقة اللي هيا، علشان الكل يعرف مين هي العمده نور. أميرة والأء بصراخ: آه! الحقونا! لتساعدهم ريم في الهروب. نور بغيظ: يلا يـ بنت الفرطوس أنتِ وهي!

بلا مسخرة وقلة حياة! وقالوا لنـحنوح اللي بعتكم يلم حاله هو كمان بدل ما عملوا تاتو على قبره وأخلي للناس يقروا عليه الفاتحة. في الأسفل ... كانت تجري أميرة والأء بفزع. سراج باستغراب: مالكم؟ ومين اللي عمل فيكم كده؟ أميرة بألم شديد: المتوحشة اللي اسمها نور دي مش ست أبدًا أبدًا. الأء بفزع: انفد بجلدك يـ كابر باشا. سراج بجدية: خلاص، متزعلوش. حقكم محفوظ. أميرة بفزع: لا لا، إحنا مش عايزين حاجة خالص وهنبطل الشغلانة دي خالص.

كابر بضحك: ههههههه. شوفت؟ مش قولتلك الحاج زغلول متنفعش معاها الحاجات دي. أهي جابت صرع للبنات. سراج بخبث وهمس: دي هي دي اللي هتخليك تلف حوالين نفسك يـ كابر. ليلاً في ساحة دوار وهدان 👰🤵👰👰👰👰🤵🤵

كانت تنتشر السعادة بين الجميع وطقوس الصعيد الخاصة. فكانت الخيول تتراقص بحرفية والأغاني التراثية الجميلة تنتشر في المكان. كان يسير كابر إلى الداخل بابتسامة وهو يرحب بالمدعوين بجلابابه الأبيض وعمته، لينظر بصدمة إلى تلك الجالسة بجلابيتها وعمتها وعبايتها، تجلس وهي تضع قدماً على قدم، وهي تمسك العصا بيدها وتنظر إليه باستفزاز وغرور. ليقترب كابر بغيظ ليجلس بجانبها. كابر بغيظ: إيه يـ حاج زغلول؟ تحت أغيرلك الحجر؟

يا فضحتك يـ كابر! يـ فضيحتك! نور بغيظ: يـ فضيحتك أنت؟ إيه اللي أنت لابسه ده؟ لابس زي الجزارين كده ليه؟ ملقتش لون أحسن من كده؟ وإيه العمة اللي فرقت راسك دي؟ كلها عاملة زي طبق الدش، إيه ظابط الإرسال علشان تعرف تيجي ولا إيه؟ كابر بغيظ: لا والنبي شوفي نفسك يـ أختي! فاكرة نفسك في هيفاء وهبي؟ ده انتي عاملة زي المعلم اللي قاعد يشيش على القهوة. صابحة بابتسامة: شوقي الحب باين كيف بينهم يـ سعدية. سعدية بقلق وهمس: حب إيه؟

ربنا يستر. دول شكلهم عايزين يولعوا في بعض. صابحة بابتسامة: واه عاد يـ عريس، متلبس عروستنا الشبكة. نور بابتسامة مصطنعة: واه يـ عمتي! أنا هلبسها لـ حالي. هي دي الأصول برضك؟ مينفعش يلمس يدي. كابر بهمس وغيظ: إلا، يعني همسك إيد مدونا. نور بغيظ وهمس: بقولك إيه عاد، باين للناس إنك مبسوط. متنساش، إحنا في مهمة. كابر باستفزاز: أكذب يعني؟ نور بغيظ: ده على أساس إني ميتة في ديدانك ولا إيه؟ دي مهمة سوداء.

سراج بخبث: اتفضل يـ شيخ سلام. وهدان باستغراب: هو فيه إيه يـ سراج باشا عاد؟ سراج بابتسامة: أنا قلت خير البر عاجله. ليه نكتب الكتاب بكرة؟ نكتبه دلوقتي ونخلي الدخلة لبكرة. وهدان بقلق: أنتِ إيه رأيك يـ جناب العمده؟ نور بابتسامة متصنعة: اللي تشوفوه يـ أبويا. سراج بابتسامة: خلاص يبقى نكتب الكتاب. يلا يـ شيخ سلام. كابر بغيظ وهمس: بقا يجي اليوم اللي يكتب فيه اسم السحلية دي جنب كابر عبد الحي دنجوان الداخلية.

نور بغيظ وهمس: آه يـ ياني! يجي اليوم اللي العمده نور تتجوز فيه البؤمة دي. سلام بجدية: بارك لكم وبارك عليكم وجمع بينكم في خير. ألف مبروك يـ ولاد. شمعه وهي تحتضن كابر بابتسامة: ألف مبروك يـ أخويا. مبروك يـ نور. نور بابتسامة: الله يبارك فيكي يـ شمعه. سعدية بسعادة: للللللللوي! ألف مبروك يـ بنت عمري. ريم بمرح: غني بقا يـ نور. ده انتي صوتك زين جوي. وهدان بحده: إيه اللي بتقوليه ده يـ بت؟ صابحة بغيظ: واه عليك يـ وهدان!

هو فيه حد غريب؟ ده كلنا أهلها وناسها. شمعه بابتسامة: إيه ده؟ ده الحال من بعضه. ما جمع إلا ما وفق. كابر كمان صوته تحفة. صابحة بابتسامة: خلاص عاد، يبقوا الحبايب يغنوا أغنية سوا. سراج بإعجاب: أنا برضه رأي مع الحاجة صابحة. صابحة بدلع: تسلم يـ سراج باشا. ريم بابتسامة: بقولك عاد يـ نور، كان فيه أغنية زمان لـ شادية بس الصراحة مش فاكرها جوي. بس انتي كنتِ دايماً تغنيها. نور بخبث: واه عليكي يـ ريم! تصدقي ده وقتها صوح؟

أغنيها بس كابر حبيبي هيغنيها معايا، مش كده يـ كابر؟ كابر بضحك: طبعاً كده يـ روح كابر. نور بمكر وهي تعطيه الميك: 😂😂😂😂😂. نور بغيظ: يـ سلام على حبي وحبك، وعد ومكتوبلي أحبك. ولا نامشي اللي من حبك. يـ سلام على حبي وحبك. كابر بغيظ: يـ سلام على حبي وحبك. ده مكنش على بالي. أحبك ولا نامشي الليل من حبك. يـ سلام على حبي وحبك. نور بخبث: يـ حبيبي هواك جننتني والشوق ملاني جراح. وحياتك تبعد عني وتسبني علشان أرتاح.

كابر بغيظ: وأنا يـ عني ماسك فيكي؟ ماهو قلبي المشغول بيكي. نور بضيق: حبك حيرني. كابر بغيظ: أنا زيك برضه. نور بزهق: رب يصبرني. كابر برجاء وغيظ: أيوه أنا في عرضه. نور بغيظ: من ساعة قلبي ما حبك مبنمش الليل من حبك. يـ سلام على حبي وحبك. كابر باستفزاز: مش ممكن أعيش من بعدك؟ ده خيالك جنبي ليلاتي. مش ممكن أعيش من بعدك؟ ده خيالك جنبي ليلاتي. وبقول لو ربنا ياخدك كنت أعمل إيه يـ حياتي.

نور بغيظ شديد: إن شاء الله أنت يـ حبيبي يـ هنايا وكل نصيبي. إن شاء الله أنت يـ حبيبي يـ هنايا وكل نصيبي. هووولع في روحي يـ قلبي وعنيا. كابر باستفزاز وهو يشهر ولاعته: لا، أوعي يـ روحي. ده واجب عليا. نور بغيظ: من ساعة قلبي ما حبك مبنمش الليل من حبك. يـ سلام على حبي وحبك. كابر بغيظ: يـ سلام على حبي وحبك. وعد ومكتوبلي أحبك. ولا نامش الليل من حبك. يـ سلام على حبي وحبك. عوض وهو يمسك بالعصا: خلص الغنا دلوقتي عاد؟

جيه وقت الرقص الصعيدي على صوح. امسك يـ جناب العمده. امسك يـ حضرة الظابط. عايزين نشوف رقص صعيدي بالعصا. كان كلا منهما يمسك بالعصا وهو ينظر للآخر. فكانت نور تنظر إليه بغرور وثقة، فهي تجيد ذلك الرقص جيداً. أما هو فكان ينظر إليها بخبث ومكر.