رواية عشقت الإمبراطور القاسي الفصل الثالث 3 - بقلم فاطمة الدالي

حازم بصدمة: يعني انت تقرب لأبو***** دول إزاي؟ العميد بغضب وزعيق: أنت مفصول، ومش عشان غلطت في عيلتي. لأ، أنا أصلاً مش بدخل الأمور الشخصية دي في أمور الجامعة. أنت مفصول عشان الجامعة دي جامعة محترمة، واللي فيها لازم يبقوا محترمين ومتفوقين، مش بيعيدوا عشان يلعبوا ببنات الناس. ويلا مشوفش وشك السمح ده تاني في الجامعة. وبره الجامعة بقى هتتحاسب على كل كلمة قلتها في حق حبيبة أختي وأولادها.

حازم بضحكة: لو فاكر إنك هتخوفني بكلامك ده أو تقدر تبعد مريم عني تبقى غلطان يا عاصم بيه. وبص على مريم اللي بتعيط في حضن مروان. ومرر لسانه على شفتيه بطريقة مقرفة جداً وخرج من مكتب العميد. الدكتور أسر: والله وعندك دم وبتعيطي يا بت يا مريم؟ لأ وكمان بتعيطي، ده حاجة غريبة يا جدع. مروان بضحك: فعلاً.

(نتعرف على اللي جه جديد ده، أسر المنشاوي ابن الجيران لمريم ومرام وصاحب عمر في نفس الوقت. وهو وعمر صحاب من ثانوي لحد ما بقوا دكاترة في الجامعة. عنده 30 سنة، عيونه بني وشعره بني برضو، وبشرته قمحاوية وطويل جداً جداً. وقولولكم على سر ومش تقولوا لحد، البت مرام بتموت فيه وهو كمان بيموت فيها، ومريم الوحيدة اللي عارفة بالموضوع ده عشان هي اللي قافشاهم دايماً 😂. نرجع بقى للبارت) مريم بردح ولا

كأنها كانت بتعيط من شوية: لأ ما أنت تلم نفسك بقى يا ابن فرحة بدل ما أقل منك. أسر ومروان بصوت واحد: مين دي؟ أسر بصدمة: هااااااار أسوووووح، بقى الدكتور أسر يتقل منه؟ ومن مين؟ من بنت الجيران. مروان: يعني أنت مخدتش بالك من ابن فرحة يا ابن فرخة أنت؟ أسر: فرخة؟ والله لأقولها يا ابن بيبو. أمشي أنا بقى عشان ورايا محاضرة وكفاية تهزيق أكتر من كده أنت وأختك. والله بيبو مربتش غير البت مرام. ومشي. مروان قبل مريم من جبينها.

مروان بابتسامة: يلا. مريم بابتسامة: يلا. ومشوا. وبعد دقائق وصلوا الكافتيريا. عند مرام وياسمين، أول ما شافوا مريم جريوا عليها وحضنوها. مرام بعياط: مريم، أهئ أهئ، مريم أنا آسفة، أهئ أهئ، إني معرفتش أدافع عنك، أهئ أهئ. مريم: آسفة إيه؟ آسفة على إيه بقى؟ مرام: على إني معرفتش أدافع عنك. مريم بضحك: تمام يا حضرة الشبح. المرة الجاية تضربي أنتِ بدالي. مرام: رووووح أمك. وهو فيه مرة جاية كمان؟ مروان وياسمين: هههههههه.

ياسمين: يعني أنتِ كويسة يا مريم؟ مريم: آه أنا كويسة. ويلا بقى يا ست مرام على المحاضرة. مرام: يلا. ومشوا. *** (عند عمر) عمر خرج من مكتب العميد وفي سؤال واحد بس اللي بيدور في دماغه، هو إزاي العميد يبقى خاله أخو مامته وأخو حبيبة في نفس الوقت. عمر: معقول تبقى حبيبة اللي بيتكلموا عليها دي تبقى خالتي حبيبة توأم ماما؟ اللي كانت بتعيط عليها أكتر من 20 سنة. ثم أطلق تنهيدة قوية. *** (عند كارما)

ــــــــــــــ: ما تاخديني معاكي الملهى الليلي اللي هتروحيه يا ست كارما، ولا منفعش؟ كارما بفزع 😳: أناااا؟ أناااا؟ طاااااخ. نزل قلم على وشها. كارما: مـ مصطفى؟ مـ مصطفى اسمعني. مصطفى بغضب 😡: أسمع إيه؟ بعد اللي سمعته؟ أنتِ اللي زيك ميستاهلش أخ زي عمر. أنتِ بلاء، بلاء ونزل على عيلة الشرقاوي ومش هيروح غير بالـ... كارما بعياط: أنا والله معملتش حاجة. أنا عارفة حدودي كويس ومسمحلكش تشك فيا وفي أخلاقي.

مصطفى ضحك بشدة: ههههههه، ضحكتيني. هههههه. أخلاق؟ أخلاق إيه يا أم أخلاق؟ هتروحي نايت كلوب مع شاب بالليل يا محترمة يا أم أخلاق؟ وأكيد طبعاً شربتي وسكرتي ولعبتي قمار. كارما بتعيط. مصطفى: أنتِ عارفة أنا كنت بحبك وبحبك أوي كمان. مش عشان أخت صاحبة عمرى لأ، عشان فكرت إنك أنتِ اللي هتشيلي اسمي وهتصوني شرفي وغيبتي. لكن كسرتي قلبي وخلاص. كرهتك وقرفت منك. ومتخافيش مش هقول لعمر عشان ممكن يقتل*ك. وخسارة يروح في كل*ب زيك.

كارما بعياط 😭: ماهو، ماهو أنا... مصطفى: هتقولي إن محدش قالك الصح من الغلط، صح؟ (بقلمي فاطمة الزهراء) حركت كارما رأسها بنعم. مصطفى بسخرية: طب ما كنزى أختك ونفس ظروفك وأكبر منك بسنة، بس ومفيش حد قالها حاجة. وكمان جدك وأخوكي وأمك كانوا بيسيبوها لوحدها في البيت بالشهر والإتنين والتلاتة. وشوفي الفرق بينك وبينها. فرق السما والأرض. هي غالية بإحترامها وأنتِ رخي*صة بـ... وسابها ومشي. وكارما عيطت بحرقة.

مصطفى وهو ماشي خبط في كنزى. كنزى وشها أحمر: آسفة، آسفة. وجريت وهي مكسوفة. مصطفى بص لها ومشي. شعور وحش أوي لما تكون بتحب حد وتكون فاكر إنه بيحبك وتعيش أحلام ومعاك. وفي الآخر تكتشف إنك مش بالنس*بة له حاجة وتقوم من أحلامك الجميلة على كابوس ربنا ميكتبهاش على حد. (بقلمي فاطمة الزهراء)

(نتعرف بقى على الواد ده، مصطفى العمري صاحب عمر وأسر. بس هو أصغر منهم عنده 24 سنة في كلية طب. عيونه رمادي وشعره كستنائي وبشرته بيضاء. وبيحب عمر جداً وبيعتبره أخوه لأنه متربي في بيتهم. وليه قصة مؤثرة جداً جداً.) (عند مريم ومرام) مريم ومرام قاعدين في المدرج. مريم: البت سوسو سرى فين؟ مرام: تلاقيها بتشوف أخبار المعيد اللي علينا. مريم: بتفضل تدور وتتلزق فيهم وهما مش يبعروها حتى. سوسو (سارة)

: اسكتوا اسكتوا علينا دلوقتي. دكتور جامد، جموده لأ، واسمه اسمه دكتور اا... قاطعهم دخول الدكتور. مريم ومرام بخفوت: احيييه، احيييه، احيييه. بقى هو ده الدكتور؟ مرام: إيه ده؟ بقى هو ده أسر؟ هو الدكتور؟ مريم: هههه، ده إحنا هنتشفلح ونتشوح وهيطلع علينا بلاء السنين الأزرق. ههه. وبيقولوا عليه جامد ههه. مرام بصت لها بغيظ: متكلميش عليه كده. مريم: خلاص نسيت إنه الـ... مرام: جو استي.

أسر: أنا الدكتور أسر عبد الرحمن. هدرسلكم السنة دي. أحب كل واحد يعرف نفسه. كل واحد عرف نفسه وجه الدور على مريم ومرام. أسر: اسمك إيه؟ (بقلمي فاطمة الدالي) مريم بغباء: أنا... أسر: على ما أعتقد أن الدور عليكِ. مريم: اسمي مريم خالد. أسر: تمام. وحضرتك؟ مرام: مرام خالد. أسر بتفاجؤ مستصنع 😳: هو انتوا أخوات؟ مريم بغيظ 😒: وحيا... حطت مرام إيدها على بقها. مرام: أيوه يا دكتور. أسر: طب الأنسة كانت عايزة تقول حاجة.

مرام: لأ أبداً يا دكتور. أسر: تمام. وبتبدأ المحاضرة. *** بعد ساعات وساعات بيخلص اليوم الدراسي وكل واحد رجع بيته. في المساء، في فيلا الشرقاوي. داخل غرفة مظلمة تجلس وفي يدها صورة وتبكي بشدة. أميرة (مامت عمر وأخت حبيبة التوأم) بتبص لصورة حبيبة اللي ماسكاها وبتعيط: ليه كده يا حبيبة؟ ليه تسيبيني لوحدي وتروحي لبابا وماما؟ أنا خلاص مستنياكي تيجي تاخديني. بس أنا عمري ما حسيت إنك ميتة. أنتِ عايشة، صح؟ عايشة. أنا حاسة بكده...

قاطعها فتح الباب بقوة وكان عمر. أميرة بتمسح دموعها بسرعة: فيه إيه يا عمر؟ عمر بغضب: بتعملي إيه في الضلمة وبتعيطي ليه؟ أميرة: ولا حاجة يا حبيبي. أنا بس... (بقلمي فاطمة الدالي) عمر بغضب أكبر: أنا مبحبش أكرر كلامي مرتين. بتعيطي ليه؟ وبعدين أنتِ مش محتاجة تقولي عشان أنا عارف ليه ومن وأنا صغير كمان. بس حابب إنك تفضفضي مش أكتر. وأحب أقولك إن اللي أنتِ مقطعة نفسك من العياط عشانها دي عايشة. وسابها وبيخرج. أميرة

بصدمة وبفرحة في نفس الوقت: هو قال إن حبيبة عايشة؟ آه، قال إن حبيبة عايشة. بس أنا لازم أتأكد بنفسي. وبتخرج وراه وبتدخل أوضة المكتب وبيكون شغال على ورق ومش بصلها حتى. أميرة: يا عمر... عمر ببرود من غير ما يبصلها: نعم؟ أميرة: أنت قلت إن حبيبة أختي عايشة. عمر ببرود: أيوه. أميرة: وأنت عرفت إزاي؟ عمر: مش شغلك. أميرة بغضب: ولد احترم نفسك! ولا شايف نفسك كبرت نسيت إنك أمك؟ و... قاطعها عمر بنظرات غضب والشر يتطاير من عيونه.

(بقلمي فاطمة الدالي) أميرة بخوف: يا عمر، أنا عايزة أروح لحبيبة. عمر ببرود ورجع بص لشغله تاني: مفيش ستات تخرج بعد الساعة 8. الساعة 8 بالظبط باب الفيلا هيتقفل. أميرة بدموع: طب أنا عايزة أشوفها والنبي. عمر بزعيق: ما قولت لأ. أميرة بتحط وشها في الأرض ودموعها بتنزل بغزارة. ولسه هتمشي قاطعها صوت عمر. عمر ببرود: روحي بس خدي معاكي حراسة. أميرة بفرحة وبتهاز رأسها: بجد؟ عمر: آها. أميرة: طب أنا ممكن أطلب منك طلب؟ عمر: خير؟

أميرة: ممكن تحضني؟ نفسي أوي أحضنك. ده أنا آخر مرة حضنتك فيها كنت لسه في اللفة. عمر بص لها وسكت. وبعدين بيفتح لها دراعه. وأميرة بتقرب منه وبتحضنه جامد. (بقلمي فاطمة الدالي) أميرة بفرحة: أوعى يا عمر، أوعى يا ابني تبعدني عنك تاني. عمر: تمام. وبعد وقت بيسيبها وهي بتطلع تلبس عشان تروح عند حبيبة. وبعد وقت بتنزل، حبيبة بتتفاجئ إن عمر وجده هيروحوا معاها. وبتنطلق السيارات إلى بيت حبيبة. *** في بيت مريم.

مريم بتكون لسه راجعة من الشغل. مريم بزعيق: يااااا نااااس ياااا خالق ياااا بشاااااارررر. حبيبة: اخرسي شوية واطلعي غيري هدومك واستحمي الأول. يكون مروان وصل وتاكلوا مع بعض. (بقلمي فاطمة الزهراء) مريم بتعب: ماشي. آآه، كنت هنسى. بتطلع من شنطتها فلوس وبتعطيها لها. مريم: خدي القبض، انهارده أول الشهر. حبيبة بحب: لا يا بنتي، ده إحنا بقالنا شهرين بناخد قبضك وأنتي بقالك سنتين مشترتيش حاجة لنفسك. حتى مجبتيش هدوم.

مريم: طب إحنا بنشتغل ليه؟ مش عشان منطلبش حاجة من حد؟ ولو البيت محتاج حاجة نجيبها. حبيبة: آها. مريم: تبقى تاخدي الفلوس. وبتعطيها لها وبتطلع على أوضتها. دقائق وحبيبة سمعت الباب بيخبط. حبيبة: أكيد مروان قلب أمه جه. هو طول عمره كده ينسى المفتاح ويغلبني معاه. و بتفتح الباب وهي بتتكلم. حبيبة: مروان مش... أميرة! أميرة بابتسامة كلها دموع. حبيبة: وووو... أكمل ولا لا؟ ***★*** تفتكروا عمر عرف سر حبيبة إزاي؟

وحبيبة هتستقبلهم إزاي؟ ومصطفى هيعمل إيه مع كارما وهيقول لعمر ولا لأ؟ وكارما هتكمل اللي بتعمله ولا ضميرها صحي؟ كل ده هنعرفه في البارت اللي جاي ده لو فيه إنشاء الله 😂.