رواية عشقت اسد الصعيد الفصل الحادي عشر 11 - بقلم رنا احمد

في قصر القناوي…. كانت نايمة فرح في حضن أسد واتكلمت بحزن شديد. / تصدق ي أسد برغم كل اللي عملته إلا أنها صعبانة عليا، ليه عملت كده؟ أنا كنت بعتبرها أختي بالظبط، ماما عمرها مفرقتش بينا في المعاملة، كانت بتحبها زي بالظبط، ليه تعمل كده؟ ليه؟ أسد بعشق: / روحي قلبي، متعبيش نفسك بالأسئلة لأنك مش هتلاقي إجابة، فيه ناس بيكون فيها الشر كده من غير أسباب، المهم إننا مع بعض، أنا مش عايز حاجة تانية من الدنيا خلاص. فرح بعشق:

/ بعشق ي أسد، بجد حكايتنا غريبة جداً، من الخيال. أسد بعشق: / هي من الخيال فعلاً، لأني معايا حورية من الجنة مش بشر. فرح بابتسامة ودلع: / بموت في كلامك ده. أسد بغمزة: / كلامي بس؟ طب تعالي بقى علشان عايزك في موضوع مهم. ******************* في شقة حاتم، أحد المجرمين. حاتم بنظرة خبيثة: / ههههه، تستاهلي، طول عمرك طماعة، قولتلك اتجوزك ي بت وأعيشك ملكة، اديكي اتبهدلتي ورجعتي بقميص النوم. رحاب بحدة وهي تشرب سيجارتها:

/ وأنت فاكرني هسكت؟ أنا هشفي غليلي كويس أوي، وأنت لازم تساعدني ي حاتم، والمقابل اللي أنت عايزه هتاخده. حاتم بجدية: / أنت عايز إيه بالظبط؟ وأنا معاك في أي حق. رحاب بغضب جحيمي: / لازم تقتله، أسد لازم يموت علشان أشفي غليلي وأحرق قلب فرح عليه، لازم أشفي غليلي بأي تمن. حاتم بجدية وإجرام: / وأنا رقبتي، أوعدك إني هخلصك منه في أقرب وقت. ******************* في احتفال عائلة القناوي بأحد الصفقات الهامة.

كانوا واقفين كلهم، دخل أسد بطلته الساحرة لفرحة حياته. / إيه القمر المنور ده؟ أنا مقدرش على كده ي فرحة قلبي. فرح بابتسامة ساحرة: / حبيبي، أنت تستاهل أكتر من كده بكتير، مبروك ي حبيبي على الصفقة دي. أسد وهو يقبل يدها بعشق: / الله يبارك فيكي ي فرحة عمري كله، ثواني. طلع أسد على المنصة مع انتباه الجميع.

/ طبعاً منورنا النهارده، هو الكل فاكر إن الاحتفال ده بسبب الصفقة، بس فيه سبب تاني أهم وغالي على قلبي، عيد ميلاد فرحة قلبي فرح. الكل سقف بابتسامة، وهي دمعت من عشق ذلك الوسيم. جاسر بأسف شديد: / أنا آسف، قوليلي أعمل إيه بس علشان تسمحيني. داليا بوجع ومرارة: / مفيش حاجة ممكن تعملها تخليني أسامحك، حتى لو طلبت مني للسماح قصاد العالم كله. جاسر بنظرة ماكرة: / أنتِ بتقويلي فيها؟ طيب. داليا بصدمة: / هيعمل إيه المجنون؟

جاسر بابتسامة: / لو سمحتم اسمعوني، أنا غلطت غلطة كبيرة أوي في حق مراتي وحبيبتي داليا، ومستعد أعمل أي حاجة علشان تصفى لي وتسمحني، حتى لو هبوس رجلها قدام العالم كله، كنت غبي وحمار ي داليا، بس سامحيني عشان خاطري، أنا مقدرش أعيش من غيرك. أسرع إليها وضمها باشتياق، أما هي فكانت عيناها تتدمع فرحاً. سما بغيظ شديد: / شايف؟ شايف؟ الرومانسية! شوف كل واحد فيهم قال على مراته إيه! ي بختهم، هي دي الرومانسية؟ ي وكستك ي سما.

علي بابتسامة وغمزة: / ي روحي، دول مش فالحين إلا في الكلام، لكن أنا بتاع الفعل كله، وأنتِ مجربة. سما بخجل شديد: / علي لم نفسك. علي بابتسامة: / عيوني ي حبيبتي. كانوا واقفين أسد وفرحة وهما بيضحكوا، لكن فجأة فرح قلبها اتخطف لما شافت سلاح متوجه على أسد، لتصرخ بفزع أرعب الجميع. / حاسب ي أسد، حاسب. لتدفع أسد بخوف لتتوسط الرصاصة تلك الشجرة، ليسرع حاتم بفزع شديد ليلحقوا به جاسر وعلي ويتم القبض عليه. **************/**********

في القسم… في مكتب الظابط. الظابط بغضب جحيمي: / جرى إيه يالا؟ إحنا هنتحايل عليك ولا إيه؟ مين اللي مسلطك تقتل أسد باشا؟ حاتم بخوف عليها: / مفيش سعادتك، أنا اللي عملت كده من نفسي. أسد بغضب: / أنا معرفكش أصلاً، ولا بيني وبين حد أي عداوة تخليه يعمل كده، مفيش إلا هي، رحاب، مش كده؟ انطق. الظابط بحدة: / انطق يالا! هي دي البنت اللي بيقول إليها أسد بيه، اعترف بالذوق بدل ما أخليك تعترف غصبن عنك، فاهم؟ حاتم بدموع وخوف:

/ أيوه هي ي باشا، بس أبوس إيديكم سيبوها، أنا هشيل الليلة كلها لوحدي. الظابط بغضب: / إحنا بنتعازم على بعض ي روح أمك. أسد بصدمة: / نفسي أفهم، أنت ليه بتعمل كده؟ وليه بتدافع عنها؟ ليه عايز تشيل كل حاجة لوحدك وتحميها؟ ليه؟ حاتم بدموع وعصبية: / عشان بحبها من سنين ي بيبه، كنت بشتغل ميكانيكي على قد حالي، كنت عايش ومبسوط. روحت أتقدملها،

رفضتني وقالتلي: "أنا عايزة واحد معاه فلوس مش شحات زيك". من يومها قررت أشتغل في كل حاجة غلط عشان أجيب فلوس، قررت أقتلك لأنك وجعتها وجرحتها، عرفت أنا بعمل كده ليه ي باشا. كان أسد بيسمع من جواه ومستغرب، وبيحتقر رحاب اللي بغبائها ضيعت حب مستحيل يتعوض. بعد ساعة… وصلت رحاب بعد ما قبضوا عليها، جريت عليها فرح بدموع وصراخ. / إزاي كان جواكي كل الشر ده وأنا معرفش؟ إزاي كنت بعتبرك أختي؟ إزاي؟ بس ليه عملت كده؟

فهميني، ليه عملتي كده؟ رحاب بصراخ وغضب: / عملت كده عشان طول عمري حظي وحش، أبويا وأمي يموتوا وأنا لأ، أنتِ دخلتي الكلية اللي أنتِ عايزاها لكن أنا لأ، كفاية أوي اللي خالتي بتدفعولي من لبس واحتياجات لأنك أنتِ عارفة إن أبويا كان مجرد موظف غلبان، طول عمرك بتتفوقي عليا ي فرح، كل اللي يشوفك كان بيعجب بيكي، حتى أنا، يحبني واحد جعر ولا يسوى زي حاتم، وأنتِ يحبك أسد الصعيد بنفسه اللي أي واحدة تتمناه، مش بقولك حظي وحش. فرح بحدة:

/ أنتِ عمرك ما كان حظك وحش، أنتِ اللي دايماً كل حاجة مش عاجباكي ومبترضيش بكرم ربنا عليكي، الجعر اللي مش عاجبك ده حبك، حب كان يكفي العالم كله، كان مستعد يضحي بحياته عشانك، أنتِ فعلاً تستاهلي النهاية دي ي رحاب. مشت رحاب بعد ما خلاص حياتها انتهت واتدمرت، أسد كان واقف بعيد وسامع كل حاجة بس محبش يدخل بينهم، جري على فرح وحضنها بعشق. / اهدي ي حبيبتي، اهدي. فرح بدموع: / هي ليه جواها كل ده ليا ي أسد؟

أنا عمري ما آذيتها في حاجة، عمري. أسد بابتسامة: / روحي قلبي، خلاص انسي، يلا أعزمك على الغداء ي فرحة حياتي. ******************** بعد مرور ثلاث أشهر… في الجامعة، دخل حازم بغيظ شديد وهو بيدور عليها في كل حتة لحد ما لاقاها، راح لها بغيظ شديد. / بقولك إيه بقا؟ لحد كده وكفاية أوي، أنا بقالي 3 شهور بلف وراكي، قسماً بالله العظيم خلاص اتأربيت، بس دلوقتي خلاص، أنا بحبك وعايز أتجوزك ي شهد، مش قادر أعيش من غيرك والله.

شهد وهي تعدل نظارتها بمكر: / ي عني فعلاً عمرك ما حبيت سما وقلبك ليا وبس؟ حازم بغيظ شديد: / ي أبويا! كده كتير، حرام عليكي، أنا عمري ما كان فيه حاجة بيني وبين سما، وحتى لو فيه من عندي ولا عندها انتهت من ساعة جوازها من الزفت أخوكي. شهد بغيظ شديد: / متقولش على أخويا زفت. حازم بغيظ شديد: / سيبك من الهبل ده، المهم هنعمل إيه؟ شهد بابتسامة ساحرة: / خلاص، روح لعلي واطلبني منه. حازم بفرحة عارمة: / يااااه، أخيراً! بحبك.

شهد بابتسامة: / وأنا بموت فيك ي حازم. ************///******** في قصر القناوي.. في فرح حازم وشهد… كان واقف حازم بغيظ لأنه مش لاقي حد يربط له الكرفت. سما بضحك: / ههههه، مالك كده؟ عمال تبص شمال ويمين زي الحرامية. حازم برجاء: / سما بنت عمي، اللهي يسترك ي شيخة، اربطي لي الكرفت عشان اتأخرت. سما بابتسامة: / عيوني ي سيدي.

فعلاً وقفت تربط له الكرفت، في نفس الوقت كان واقف علي وفي دراعه شهد، بس محدش فيهم اتأثر لحظة لو شك في حاجة، بالعكس، كان شاكلهم فعلاً إخوات. سما بابتسامة: / ها ي سيدي، تمام كده؟ حازم بابتسامة: / ربنا ما يحرمني منك أبداً يا سما، أتمنى إنك تسمحيني لو كنت جرحتك بكلمة، أنا آسف. سما بابتسامة: / أنا مسامحاك ي حازم، اللي شفعلك في كل اللي حصل إن بسبب اللي أنت عملته قابلت الحب اللي بجد، علي راجل، ربنا يسعدك أنت وشهد يارب.

حازم بابتسامة وسعادة: / وأنتِ وعلي يارب، يلا هاخد عروستي، الناس خللت بره. قرب منها علي بابتسامة: / الفستان تحفة ي روحي. سما وهي محاوطة من رقبته بدلع: / ي سلام ي عني، متخنتش بسبب الحمل. علي وهو يقبل يدها بعشق: / تخنتي إيه بس؟ ده أنتي كل حالاتك زي القمر. علي مائدة الطعام. دخل جاسر ناحيته بغيظ شديد: / حرام عليكي! هنجبلك أكل منين؟ أنا تعبت بجد. داليا بغيظ شديد: / هو فيه إيه؟ ها؟ أنت دفعت لي حاجة من جيبك؟

أنا باكل في بيت أبويا، عد عليا أنا وابنك اللقمة عد، خليني أجيب لك أسد أخويا يشوف يشغل لك معاه. جاسر بضحك: / ههههه، لا وعلي إيه؟ أنا آسف ي ستي، بحبك. داليا بعشق: / وأنا كمان بعشقك ي حبيبي. ******************* علي المسرح… حازم بابتسامة ساحرة: / إيه الحلاوة دي؟ لو عنيكي بيسحرني. شهد بحزن: / بس ي خسارة، ضعيفة. حازم بعشق وهمس: / دي ضعيفة دي؟ عليها قوة، طعنت قلبي في لحظة وخلتني أسير ليكي طول العمر، بعشقك ي شهد، بعشقك.

شهد بابتسامة: / وأنا كمان بموت فيك ي حبيبي. *********************** عند فرح وأسد…… كانت واقفة فرح وهي حاطة إيدها على بطنها اللي ظهرت، حست بأسد بيحضنها وهو حاطط إيده على بطنها بابتسامة. / مساء الورد على أم الغالي. فرح بابتسامة: / مساء النور ي أبو الغالي، ي مالك قلبي. أسد بابتسامة عاشقة: / كويس طول ما أنتِ معايا وفي حضني ي حبيبتي، بعشقك ي فرح، بعشقك ي روحي. فرح وهي ماسكة إيده بعشق: / وأنا بعشقك ي أسد الصعيد ❤️❤️❤️❤️❤️.