رواية عشقت دياب الصعيد الفصل الثامن 8 - بقلم مريم محمد

غرام بضحكة: آه يا مرام، إيه رأيك في المفاجأة دي؟ عثمان: إزاي تنزلي القاهرة وليه ما تقوليليش؟ غرام: قلت لبابا وعمو إني هعملك مفاجأة. عثمان: ادخلي استريحي وبكرة ترجعي. وسابها ودخل، وغرام دخلت وراه وقفلت الباب. غرام وهي بتقعد جنبه: إزاي أرجع بكرة؟ هو أنا لحقت أقعد يا عثمان؟ عثمان: أنتي عايزة إيه؟ أنا أظن آخر مرة إحنا معرفناش نتفق مع بعض. غرام: إحنا من زمان كدا وبنرجع نتفاهم ونتصالح ونعمل اللي أنت عايزه.

عثمان: أنا مش مضطر أستحمل بشاعة كلامك وأنك تغلطي في نور وحنة. غرام: خلاص أنا معترفة بغلطي. عثمان: كل مرة بتقولي كدا، فإحنا مش هننفع مع بعض، مشاكلنا هتزيد ومش هنعرف نربي عيالنا من كتر مشاكلنا. غرام بحزن: أول مرة تقول كدا، دي مش من عادتك، أوعى تكون حبيت واحدة غيري يا عثمان، ده أنا أموت فيها. عثمان بتوتر: بطلي هبل. وقام يطلع غرفته عشان يجهز وسابها قاعدة. وبعد شوية نزل وهو بيغني. غرام: رايح فين يا حبيبي؟

عثمان بلا مبالاة: عندي مشوار هخلصه وجاي. هزت غرام رأسها وقربت باستُه على خده، وعثمان أبعدها عنه ومشى. "في الصعيد" دياب بصوت عالي وهو بيكسر في كل حاجة في غرفته: فين العلاج، فين يا حنة؟ حنة ببكاء: اهدي يا دياب، اهدي. فضل دياب يكسر في كل حاجة حواليه وهو بيدور على علاج ومش لاقيه. دياب بتعب: مش قادر، مش قادر يا حنة. حنة ببكاء وهي بتحضنه: حقك عليا يا قلب حنة وهتخف خلاص، أنت بس استحمل شوية كمان يا حبيبي. دياب بتعب

ووشه شاحب جامد وجسمه خاسس: أي حاجة آخدها، أي مسكن يا حنة، أنا مش قادر. حنة ببكاء: لو عليا أديك يا قلب حنة، بس أنا مش عايزة أتعب أكتر. فضلت تلعب في شعره لحد ما نام. "عند عثمان" كان قاعد في مطعم ومعه قمر. قمر بوجه شاحب: يعني مراتك معاك في البيت دلوقتي؟ عثمان: أيوه، بس زي ما قلتلك هتمشي بكرة. قمر بغيرة: لا تمشي دلوقتي. عثمان بحدة: قمررر، دي بنت عمي يعني من لحمي ودمي وبنتي. قمر بحزن: أنا مش قصدي، أنا آسفة.

سكتت شوية واتكلمت: ممكن تروحّني؟ هز عثمان رأسه وقام خدها عشان يروحّها. بعد نص ساعة كان وصل عند بيتها. قمر وهي بتفتح باب العربية: باي. شدها عثمان وخلاها ما تنزلش. قمر: في إيه يا عثمان؟ قرب عثمان باسها من شفايفها وهي استجابت. وبعد دقايق بعد وهو بياخد نفسه. عثمان: بحبك يا قمر. قمر بصدمة ممزوجة بالفرحة: قلت إيه؟ عثمان: بحبك يا قمر. حضنته قمر بفرحة. قمر بفرحة: أنا كمان بحبك.

عثمان: هتجوزك في أقرب وقت يا ملاكي يا من ملكتي قلبي. "بعد شهر"