رواية عشقت فهد الصعيد الفصل الخامس 5 - بقلم الكاتبة المجهولة

تقولوا لي فهد إيه؟ نور بتوتر: ها مافيش يا خوي. قرب فهد منهم وأكمل: بقولكم هاتقولوا ليا إيه؟ شيماء: خلاص يا نور أنا هقول لفهد، أصلاً كان لازم نقوله من الأول وما نسمعش كلام ضحى. فهد: تقولوا إيه وتسمعوا كلام ضحى؟ إيه هوا في إيه بالظبط؟ شيماء: بص يا فهد، يوم طلوع النتيجة بتاعت الإعدادية روحنا أنا ونور وضحي المدرسة عشان نجيبها، بس هناك حصل... **Flashback** ضحى بفرحة: أخيراً أنا مش مصدقة نفسي! نور: ألف مبروك يا حبيبتي.

شيماء: إحنا لازم نحتفل النهارده. ضحى: أكيد يا بنتي. وأتحركوا البنات للخروج من المدرسة، بس ضحى قالت لهم: ضحى: شيماء استنيني هنا، هاروح الحمام. نور: تمام. وراحت ضحى الحمام. *** في الحمام. خلصت ضحى وراحت عشان تغسل إيديها، وبتبص في المراية بتلاقي خيال أستاذ حسام. بتتخض ضحى وبترجع لورا وبتبص وراها. ضحى: حضرتك إيه اللي جابك هنا؟ حسام وهو بيبص ليها بصات جريئة: جاي أشوفك يا قمر. ضحى بخوف: تشوفني ليه؟ انت عايز إيه؟

حسام وهو بيقرب منها: عايزك يا قمر. ضحى: ابعد عني. وزقته ولسه هاتخرج، شده من شعرها. حسام: مش هسيبك إلا لما آخد اللي أنا عايزه. ضحى وهي بتضرب فيه: ابعد عني، غور. وبدأت تصرخ. حسام: اسكتي خالص. وراح قطع كم البلوزة بتاعتها. ضحى عمالة تصرخ وتضرب فيه وتصرخ، وهوا عمال يقرب منها ويسكتها. *** نور: هيا ضحى اتأخرت ليه؟ شيماء: معرفش. نور: شيماء، انتي سامعة الصوت ده؟ شيماء: دا صوت ضحى.

وجريوا البنات عليها، وراحوا لقوا أستاذ حسام عمال يقرب من ضحى وهي بتضرب وبتصرخ فيه. شيماء راحت جابت حاجة وضربته على دماغه، أغمي عليه. نور: يالهوي، مات. شيماء: لا لسه. وراحوا عند ضحى اللي كانت منهارة عياط. نور: ضحي، ضحي حبيبتي، انتي بخير؟ عملك حاجة؟ (لا رد) شيماء: ضحي طمنيني، انتي بخير. ضحى بنهار: أنا بخير، بس بس كان عايز يخو... وانهارت من العياط. شيماء: أهدي يا روحي، ماحصلش حاجة.

نور: قومي اغسلي وشك وظبطي حجابك وألبسي الجاكت ده عشان نمشي. وبي الفعل قامت ضحى غسلت وشها وعملت حجابها ولبست الجاكت عشان البلوزة مقطوعة، وطلعت هيا والبنات من المدرسة. نور: إحنا لازم نقول لفهد ولجدي. ضحى بخوف: لا، محدش يقول حاجة. شيماء: إزاي يعني؟ لا لازم يعرفوا. ضحى: لا، ونبي محدش يقول حاجة. نور: طب هنعمل إيه مع حسام؟ ضحى: أنا هسافر القاهرة. شيماء: إيه؟ تسافري؟ ضحى: أيوا، هسافر. أنا مش هقعد هنا تاني.

نور: بس فهد مش هيوافق، لا أحنا لازم نقوله. ضحى بعياط: لا، ونبي يا نور. شيماء: ماهو إحنا مش هنسيبك تسافري. ضحى: لا، هسافر. أنا مش هقعد في الصعيد تاني بعد اللي حصل ده. نور: طب وفهد؟ ضحى: مش هقوله، وهوا هينساني. شيماء بدموع: طب وإحنا؟ ضحى: عمري ما هنساكم، وهكلمكم، وانتوا تعالوا معايا. نور: فهد مش هيوافق. ضحى: أنا هقوله. السواق: يا هوانم، وصلنا البيت. ونزلوا البنات من العربية ودخلوا القصر. **Back**

شيماء: هوا ده اللي حصل، عشان كده ضحى مكنتش عايزة تقعد في الصعيد. فهد بغضب وغيره: وإزاي متقولوش حاجة زي كده؟ نور: ولله يا فهد، ضحى هيا اللي قالت ما نقولش ليك. فهد بغضب: حسابكم انتوا وهيا بعدين. وسابهم ونزل ورزع الباب وراه. نور: كان لازم تقولي ليه. شيماء: أيوا، كان لازم. يا ريت كنت قلتله من زمان، وما كانش حصل الخلاف دا ما بينهم. نور: ربنا يستر بقي. *** نزل فهد بغضب واتجه إلى المكتب ورن على رقم. شخص: ألو يا باشا.

فهد: اسمع، عايزك تجيب لي اللي اسمه حسام الزناتي ده. شخص: أوامر يا باشا. فهد: تجيبه على المخزن من غير شوشرة، عشان الفرح. شخص: حاضر يا باشا. وقفل فهد معاه وأكمل: والله لأوريك يا حسام الكلب إزاي تمد إيدك على حاجة تخص فهد الصعيد. واتجه إلى الخارج عند الضيوف. *** بعد مرور 3 ساعات. وصلت أخيراً ضحى إلى الصعيد. كان في استقبالهم العائلة كلها، وكان يقف فهد ويحاول أن يسيطر على غضبه.

نزلت ضحى من العربية وكانت جميلة جداً، وكان فهد ينظر إلى الموبايل الخاص بيه، وألتفت ناظره على هذه الحورية القادمة. أهذه هي طفلتي؟

يا إلهي، كم أصبحت كتلة من الجمال والاحترام. كم أريد أن أخفيها عن أنظار الجميع. كم أشتاق بأن آخذها بين ضلوعي. يا الله، كم اشتقت لها وكأنها غائبة عني منذ قرون وليست سنين. نعم، إنها هي، هذه الصغيرة الشقية. أصبحت اليوم ملكة جمال وسحرتني من نظرة من عينيها. يا لله، كم أود بأن أعتبها على كل هذا البعد، ولكن ماذا أفعل؟ فإنها تملك عقلاً بحجم النملة. ولكن ها هي عادت، عادت إلى قلبي وعقلي وروحي. عادت طفلتي الشقية.

فضل فهد ينظر إليها وهو منبهر من جمالها. شيماء ونور وهما بيجروا عليها. نور بعياط: وحشتيني، كده متسأليش علينا. ضحى بدموع: غصب عني، سمحيني يا حبيبتي. شيماء: خلاص بقى، كفاية حزن النهارده. ضحكت نور وضحى. سالم: إزيك يا خوي؟ اتوحشتك جوي. محمد: وانت أكتر والله يا خوي. وترمي في حضنه. سليم: إزيك يا ولد عمي؟ أحمد: بخير يا ولد عمي، كيف حالك؟ سليم: الحمد لله زين. زينب: إزيك يا فخرية يا خيتي؟

فخرية بدموع: بخير يا خيتي، اتوحشتك جوي. زينب: وانت أكتر ولله. فاطمة: إزيك يا زينب؟ كده متسأليش. زينب: معلش يا حبيبتي. محمد: أزيك يا بنتي؟ فخرية بدموع: بخير يا بوي، اتوحشتك جوي. محمد: وانت أكتر يا بنتي. سليم: أمال فين عروستنا؟ ضحى: إزيك يا عمي. سليم: الحمد لله يا بنتي، ما شاء الله، بقيتي قمر يا بنتي. ضحى بكسوف: تسلم يا عمي. فخرية: ما شاء الله، كبرتي وبقيتي عروسة زي القمر. زينب: ربنا يخليكي يا حبيبتي. فهد: إزيك يا جدي؟

محمد: بخير يا ولدي، اتوحشتك. فهد: إنت أكتر ولله. فهد: إزيك يا عمي؟ إزيك يا مرات عمي؟ أحمد: بخير يا ولدي. سالم: مافيش إزيك يا بنت عمي؟ فهد: بعد إذنك يا جدي، هاروح أشوف الضيوف. أضايقت ضحى من تصرفه ده، بس كانت عايزة تشوفه عشان كان وحشها جداً. سالم: فخرية، يلا خدي الحريم ودخلوا جوا. فخرية: حاضر يا عمي. ودخلوا الحريم، واتجهوا الرجالة إلى المندرة. فاطمة: يلا يا بنات، روحوا اجهزوا عشان المأذون قرب خلاص.

نور: ماشي يا مرات عمي. واتجهوا البنات إلى الغرفة.