رواية عشقت جبروت الفصل الرابع 4 - بقلم مريم محمد

زقته بعيد عنها بكل قوتها و ضربته بالقلم. كرما بغضب: انت ازاي تعمل كدا؟ انت اتجننت؟ قرب منها سليم بكل شر، و كرما بتبعد بخوف و دموعها بتنزل لحد ما لزقت في الحيطه. سليم لزق فيها و لسه هيضربها. كرما ببكاء و شهقات: متضربنيش ونبي، لا لا ونبي. بعد سليم عنها و هو بيتنفس بسرعه. سليم بزعيق: غوري من وشي. جريت كرما من المطبخ بكل خوف و هيا بتحمد ربها أن سليم مش عملها حاجه.

بعد ساعه، كان سليم قاعد في غرفة الريسيبشن و بيشرب سجائر بكل غضب. في ذلك الوقت، طلعت كرما و معاها شنطة هدومها. سليم ببرود: رايحه فين؟ كرما: همشي، انا مش عايزه اكمل شغل عندك. سليم ببرود: ادخلي اوضتك و مش عايز اسمع ولا كلمه. كرما بصوت عالي: والله انا حره، و همشي. وقف سليم بكل غضب و قرب منها. سليم بصوت عالي: قولت روحي علي اوضتك. كرما و هيا بتخبط برجليها علي

الأرض زي الاطفال و بتبكي: انت جبروت، جبروت. انا مش كدبت لما سميتك جبروت. سليم بصدمه: انا جبروت؟ كرما بخوف و تعلثم: انا قصدي... ثم كملت بقوه: اه، جبروت. سليم: تمام، انا جبروت و قولت الي عندي، و اتزفتي ادخلي اوضتك. و راح قعد بكل برود. سليم: و وريني بقا هتطلعي ازاي. مشيت كرما بكل غضب و هيا بتشتم في سرها. سليم ببرود: بتقولي حاجه؟ كرما بخوف: لا. و طلعت تجري علي غرفتها. في ذلك الوقت، اتصل حد علي سليم. سليم: عاصي، عامل اي؟

عاصي بغضب: مقولتليش ليه أن تيا رجعت؟ سليم بغضب: و انت مالك بختي؟ عاصي بضعف: انت عارف يا صاحبي أني بحبها و شاريها. سليم: بس انت عارف أن اختي فقدت بصرها. عاصي بحزن: و هتعمل العمليه و هتشوف، و لو العمليه مش نجحت انا عايزها زي ما هيا، انا بحبها و انت عارف أنها بتحبني. سليم: بس هيا بعد ما فقدت بصرها ممكن ترفض انها تكون مراتك و تقول أنها بتظلمك معاها. عاصي بلهفه: انا هعرف أقنعها، اهم حاجه أنك موافق. سليم بضحك: موافق.

كانت كرما طالعه من غرفتها و شافته بيضحك. قالت بصوت عالي و هيا مش حاسه بنفسها و أن هو سمعها: ده طلع بيضحك زينا و وسيم كمان. بصلها سليم ووووو