رواية عشقت جبروت الفصل الثاني 2 - بقلم مريم محمد

وقف وراها واتكلم بهمس: وأنا عايز قهوة اسبريسو. كرما اتخضت وزقته بعيد عنها. كرما: بسم الله الرحمن الرحيم. سليم بصوت عالي: سمعتي. كرما بخوف: سمعت سمعت. وهمست وهو طالع: نفسي أعرف اللي مشغلني عند الراجل ده، ما أمشي وأرتاح بقى. سليم: بتقولي حاجة؟ كرما بخوف: بقول القهوة جهزت. سليم ببرود: طب هاتيها بره. طلعت كرما خلف سليم وناولت كل واحد قهوته. وجت عند سليم وبتديله قهوته، راح لامس إيدها وغمزلها. كرما اتكسفت واستغربت.

سليم ومشيت. بعد ساعة مشي الجميع ودخل سليم ببروده المعتاد. سليم: انتي يا بتاعة انتي. كرما كانت بتذاكر على سفرة المطبخ، سابت اللي في إيدها وبصتله. كرما ببراءة: نعم. سليم: اعملي لي شاي. قامت كرما تعمل الشاي وقرب سليم من السفرة يشوف الكتاب. سليم بتساؤل: انتي في كلية. كرما بخجل: آه في كلية إعلام. سليم: اممم حلو. ربنا معاكي. انتي في سنة كام. كرما: في آخر سنة. الأخيرة.

ودتله كوباية الشاي. مشي سليم وهو بيبصلها ببرود. وكانت كرما فرحانة إنه أول مرة يتكلم معاها من غير ما يزعقلها. في صباح يوم جديد. تيا وهيا حد مسندها. تيا: يعني إيه مش هتدخليني؟ بقولك يا حيوانة، انتي هدخل. كرما بصوت عالي: وليه الغلط بقى! نزل سليم على صوتهم في إيه. تيا ببكاء: سليم. سليم شافها جري عليها، حضنها بحب واشتياق. سليم: مالك يا حبيبتي. تيا: في واحدة واقفة مش عايزة تدخلني. هيا مين دي.

سليم: حقك عليا. دي شغالة هنا وأنا قايل محدش يدخل البيت غير اللي أعرفه، وهي أول مرة تشوفك متعرفش إنك أختي. مشي السواق اللي كان مسندها وشالها هو. طلعها غرفتها. سليم بحنية: ارتاحي انتي، وعلى غداء هصحيكي. وطلع من الغرفة نزل على المطبخ. سليم بصوت عالي: انتي يا بتاعة انتي. ابقي خلي بالك من ألفاظك دي. أختي. كرما: بس أنا مش كنت أعرف. سليم: ودلوقتي عرفتي. وطلع من المطبخ.

كرما بتريقة على سليم: ودلوقتي عرفتي. جتك نيلة في شكلك الحلو ده. سمعها سليم وهو ماشي ورجع تاني. سليم: أنا آه عارف إني حلو، لكن تتريقي عليا. وبدأ يقرب منها.