رواية عشقت غروره الفصل الرابع عشر 14 - بقلم اسماء صالح

ملك بصدمة: شهد؟! ليلي: أي مش هدخلنا ولا إيه يا خالد؟ خالد: لا طبعاً اتفضلوا. دخلت ملك مسرعة إلى غرفتها وهي في قمة خوفها من ظهور شهد المفاجئ لها. ليلي: عامل إيه يا واد أخويا؟ خالد بجدية: الحمد لله يا عمتي. بعد إذنكم هشوف ملك وأجيلكم. نظرت له شهد بغيظ. دخل خالد لملك في غرفتها وجدها تجلس على حافة السرير بخوف. اقترب منها ببطء: مالك يا حبيبتي؟ ملك بخوف: خالد أنا قلقانة من شهد المرة دي وخايفة تعمل حاجة، باين أوي على شكلها.

خالد باطمئنان: لا متقلقيش. هما أكيد زيارة وهيمشوا على طول. تعالي معايا. خرج لهم وخلفه ملك. ليلي تحتضن ملك: عاملة إيه يابنتي كويسة؟ ملك: كويسة يا طنط. عاملة إيه يا شهد؟ شهد بضيق: الحمد لله. ليلي: امال محمود وهبة فين يا خالد؟ مش موجودين في شقتهم. خالد: بقالهم فترة مسافرين عند خالتوا. ليلي: طيب يا حبيبي إحنا جايين هنا علشان فرح شهد، وبما إن مصطفى هنا فهنعمل الفرح هنا. ملك بصدمة: فرح شهد؟

شهد بغضب: آه فرحي. مفيش مبروك ولا إيه؟ ملك: لا أبداً. مبروك يا شهد. شهد بقرف وهي تنظر للجهة الأخرى: شكراً. ليلي: طيب يابني تيجي معانا في فيلا شهد ومصطفى؟ هنجهز الفرح هناك. خالد: طبعاً يا عمتي لازم أقوم بالواجب معاكم. ذهب خالد وملك لفيلا مصطفى ابن عمها لشهد، وجلسوا معهم. أقنع مصطفى خالد أن يقيم معه هو وملك بالفيلا لمدة شهر لفرح شهد. شهد فرحت كثيراً لاقترابها من خالد.

وصل خالد وملك للفيلا واستقبلهم مصطفى وعائلته بعد ما أتى بكل أغراضه من منزلهم. جدة مصطفى: اتفضلوا يا حبايبي بالاوضة اللي فوق. الخدم هيوصلوا شنطكم فوق. مصطفى بترحاب: اتفضل يا خالد نورتوا. دخلت ملك الغرفة وكلها غضب. خالد باستغراب: في إيه يا ملك مالك؟ ملك بعصبية: مالك؟ إيه اللي انت عملته ده؟ أنا مش عايزة أقعد معاهم هنا.

خالد: مفيش حد هيقدر يقربلك وأنا معاكي. هنقضي كام يوم الفرح وهنمشي وخلاص. شهد هتتجوز أكيد مش هتفكر في حاجة تاني. ملك بغضب: دي تهيؤات. انت مش شايف بتبصلي إزاي ولا طريقة كلامها. آآآخ. خالد بهدوء: يا حبيبتي أنا مينفعش أزعل عمتي. وبعدين قريب هييجي جدي وزين من السفر وكلهم هيكونوا هنا وأنا جمبك متخافيش. نظرت له باستسلام. ليقبّل خدها بحب ويحضنها برفق. تاني يوم.

استيقظ خالد من نومه وجد ملك تنام بحضنه. وهو ظل يتأمل بها وقبل يدها، وآخر يقبل خدها. لتستيقظ من نومها بإنزعاج: امممم بس يا خالد. اقترب من خدها مكتماً ضحكته وعضها برفق: آآآآه. خالد بمشاكسة: قلب خالد. ملك بنوم: بس بقي عايزة أنام. خالد: لا كفايا نوم. قومي علشان ننزل نفطر معاهم. رفعت رأسها من على صدره بهدوء: نفطر هنا؟ بلاش تحت. خالد بهدوء: ميصحش يا حبيبتي نفطر معاهم أول يوم الأول وبعدين نشوف. يلا. تنهدت بزهق: حاضر.

نهض من على الفراش واقترب من ملك وحملها براحة. ملك بقلق: براحة يا خالد. خالد: متخافيش أنا هشيلك مش هوقعك. ملك بغيظ: هعضك لو وقعتني. خالد بضحك: ههههه بقي كده يا مفترية. ملك بضحك: ههههه بس هنا بقي. يلا نزلني. نزلها بهدوء: لا أنا هدخل معاكي. شهقت بكسوف: لاااا أنا هدخل لوحدي. يلا بره بقي من غير ما أطردك. اقترب من الباب وأسند عليه بحزن مصطنع: أهون عليكي؟ خليني جمبك علشان خاطري.

ملك بضحك على منظره: هههههه آآآه مش قادرة. انت عامل كده ليه؟ اطلع بقي. خالد بزعل: ماشي ياملك ماشي. سلام. ضحكت عليه ملك وهبط خالد وجلس معهم بالأسفل. بعد دقائق خرجت ملك من غرفتها مرتدية فستان بسيط يظهر جمالها برقة. تقترب ملك من السلالم وتقدم رجلها للسلم وتهبط. وتأتي لها شهد من الخلف لتزيحها بغضب وتقع ملك من أعلى السلالم بصرااااخ. آآآآه. نهض خالد وجميع الأسرة بخضة وينظر خلفه يجد ملك والدماء وووو.