رواية عشقت جميلة الصعيد الفصل الأول 1 - بقلم هاجر محمود

بوجه أوشك على البكاء: "يا بابا ليه بس سبني هنا ومش هعمل حاجة تضايقك تاني؟ أردف الأب عبد الحميد بصرامة: "أنا قلت كلمة وهتتنفذ يا عمر، هتروح الصعيد هناك عند جدتك." عمر بحنق: "يا بابا تيتا؟ لأ والنبي، بص أنا آسف مش هخرج أصيع ولا أكلم بنات ولا أرتبط وهتلم." عبد الحميد: "دي المرة الكام يا عمر تقولي فيها الكلام ده؟ خلص الكلام أنا كلمت جدتك وقلت لها إنك رايح لها بكرة الصبح." عمر: "بكرة إيه؟

أسيب حياتي كده عندك عادي وأروح بلد فلاحي؟ أومأ له عبد الحميد: "أيوه هتسيب حياتك عادي وتروح الصعيد." عمر بتذمر: "طب أنا بقى مش هتلم وهعمل لكم فضيحة وأعاكس اللي هناك." عبد الحميد: "طب ربنا يوفقك يا حبيبي بس ما تجيش تعيط ها؟ عمر وهو يذهب لغرفته ببكاء مصطنع: "والله ظلم! ده كله عشان قفشتني مع بنات؟ عايز تقفشني مع رجالة يعني ولا إيه؟ عبد الحميد: "سمعتك يا محترم، والله لتروح لجدتك يا عمر." عمر بحنق: "وإشمعنى جدتي يعني؟

ما لقيتش غيرها! ثم غير وجهه بابتسامة غبية وديني عند خالتي في إسكندرية أنا موافق." عبد الحميد نظر له بقرف وتركه وذهب لغرفته. عمر بحزن: "لأ والله كده ظلم." في غرفة عمر كان يتحدث مع زميل له أسر. أسر بضحك: "الصعيد! يا بختك والله البنات هناك إيه؟ صاروخ! عمر: "يا عم صاروخ إيه بلا قرف، هلاقيهم بشنبات كلهم." أسر بضحك: "يا لهوي مش قادر، وكله كوم وجدتك دي كوم تاني."

عمر بزعل: "أنا ما أعرفش الولية دي طالعالي في البخت، لما بتيجي هنا يتكتم عليَّ نفسي." أسر: "أخص عليك يا عمر، دي تيتا دي نسمة ما بتعملش حاجة." عمر: "خالص ما بتعملش حاجة خالص، أنا رايح أنام." أسر: "معاك ربنا يا صاحبي، تصبح على خير." عمر: "وأنت من أهله، بقولك إيه ما تيجي معايا؟ أسر بضحك: "لأ ما بحبش البنات بشنبات، خلينا هنا في المزز دول." عمر بغيظ: "صحيح ما أنت أبوك عمره ما قفشك."

أسر: "يا عم قفشني كتير بس هو مش هيتكلم عشان ميس نادية." عمر: "آه نفسي أمسك على أبويا حاجة بس محترم للأسف." أسر: "أبوك ده كينج أقسم بالله." عمر: "آه كينج، اقفل يا ابني خليني أتخمد وأشوف المصيبة بتاعت بكرة." وأغلق الهاتف ونام وهو قلق لما سيحدث غدًا. _في الصباح عند محطة القطار كان والده يوصله ويخبره بأن يأخذ باله من جدته وألا يفتعل المشاكل هناك.

عمر: "حاضر يا بابا وهغسل سناني قبل ما أنام وآكل صحي وما آكلش من بره وما أتخانقش ولا أعاكس حد كده تمام." عبد الحميد: "ما تزعلش مني يا عمر، كله لمصلحتك." عمر بابتسامة غبية: "طب مش هزعل وهتلم يلا نرجع البيت." عبد الحميد بصرامة: "روح اركب القطر يا عمر يلا." عمر بغيظ: "طب ماشي ماشي، وتركه يلحق بالقطار." وصل بعد عدة ساعات لينظر بعدم فهم إلى الواقف أمامه يحمل لوحة فيها صورته وهو صغير بدون ملابس.

عمر بصدمة: "يا نهار أسود إيه ده؟ ده أنا صح، مش مسامحك يا أبويا." وذهب باتجاهه. عمر: "أحم هو أنت مين؟ تكلم الآخر: "أنت اللي مين يا جدع أنت؟ عمر: "أنا عمر عبد الحميد اللي أنت ماسك صورته ومخليها فرجة لكل الناس." نظر الآخر للصورة التي بيده ثم نظر تارة أخرى لعمر لينظر له بغضب: "أنت هتقول إيه يا جدع أنت؟ هتكذب إياك؟ عمر: "لأ والله حضرتك مش بكذب، أنا عمر اللي أنت شايل صورته."

أردف الآخر قائلًا: "بقولك إيه يا جدع أنت، حلّ عن خلقتي، أنت كبير واللي في الصورة صغير كيف بقى؟ عمر بابتسامته الغبية: "لأ ما هو حضرتك ده أنا وأنا صغير وكده أنا دلوقتي كبرت." نظر له بشك: "طب قول لي جدتك نسمة أم أبوك اسمها إيه؟ عمر بعدم فهم: "نعم! دفعه الآخر أوقعه على الأرض: "أنا قلت لك أنك كذاب أهو، ما تعرفش ستك نسمة اسمها إيه." عمر بغيظ: "اسمها نسمة يا عم الحاج."

أردف الآخر بصوت غليظ: "أيوه صح اسمها ستي نسمة يبقى أنت حفيدها بتاع البنات." عمر وهو يهز رأسه بإيجاب: "أيوه أنا والله بتاع البنات، إلا قولي يا أنت اسمك إيه؟ "أنا راشد جوز عمتك نعمة." عمر: "ما شاء الله أنت راشد عمتي نعمة مين؟ راشد: "هتشوفها لما نوصل يا ابني." عمر: "إلا قولي يا راشد هي تيتا حاكيالكم إيه عني؟

راشد بضحك: "يا بوي ده مسيطالك في الصعيد كلها بأنك بتاع بنات ومش متربي وأنك عينك زايغة وبلاوي كتيرة، طب أنت عارف الصورة اللي أنا ماسكها؟ معلقاها على باب الدار." وضحك. عمر: "هو إيه اللي بيضحك في الموضوع؟ ده أنا كده اتفضحت." راشد بضحك: "أيوه أنت مفضوح أصلًا ههههههههه." عمر بغيظ: "حسبي الله فيكم كلكم." كان يسير مع راشد، لفت انتباهه امرأة بطرحة عشوائية على رأسها تمسك أطفال من أذنيهم. عمر: "هي مين دي يا عم راشد؟

راشد: "أميرة الصعيد كلها، البونبوناية بتاعتنا." عمر: "ما تخلص يا عم راشد مين يعني؟ وإزاي ماسكة أطفال كده حرام عليها؟ راشد: "دول شياطين تلاقيهم عملوا مصيبة إياك." عمر وهو يذهب إليها. عمر: "لو سمحتي دول أطفال ما يصحش كده." نظرت خلفها لتجد ذلك العمر بابتسامته الغبية لتنظر له بشر: "بقولك إيه يا جدع أنت، ما تتدخلش وتوكل على الله." عمر بتوهان: "ده أنتي صاروخ يخربيت عينك." نظرت له بشر وغيظ: "بتجول إيه يا قليل الحيا أنت؟

عمر بغمزة: "شكلك قطة بتخربش وأنا بحب القطط." راشد بهمس: "الله يخربيتك ده أنت هتموت." هتفت الفتاة بعصبية: "أنت شكلك مش من هنا، اتجي شري وغور من وشي." عمر: "آه أنا من القاهرة، عرفتي إزاي يا أروبة أنتي؟ أتى صوت غليظ يخبره: "أنت هتقول إيه يا واد أنت؟ اتهبلت إياك؟ عمر بغباء وهو ينظر لتلك الفتاة: "هو صوتك ماله قلب على صوت البهايم لما بيجعروا كده ليه؟ نظرت له بخبث ولم تستطع كتم ضحكتها بينما يشده راشد من ذراعه بخوف.

بينما نظر لها عمر بغمزة: "أموت أنا في الضحكة دي يا فرسة." وفجأة وجد شخص يمسكه من تلابيب التيشيرت من الخلف ليجعله يقف أمامه. عمر بابتسامته الغبية: "مالك يا عم الحاج ماسكني كده ليه؟ مش شايفني بحاول أثبت الفرسة دي؟ نظر له الآخر بغضب شديد ثم أبرحه ضربًا. عمر بصراخ: "بلاش وشي هعاكس مين أنا دلوقتي ويقعوا في جمالي؟ آآآه يا ابن الـ... _يقف أمام جدته وانصدم من كثرة عائلة أبيه.

راشد بضحك: "هههههههه عاكس دهب بنت الحاج أشرف وخطيبها شافه ضربه قوي قوي ههههههه." عمر بتقليد: "هو إيه اللي هههههه؟ إيه اللي بيضحك يعني؟ نسمة: "أنت لازم تتعلم الأدب يا ابن ابني، شغل القاهرة ما يمشيش هنا." عمر: "لأ معلش يا تيتا، اتصلي على أبويا قولي له ابنك وش مشاكل وبيتضرب." نسمة تضرب بعصاها على الأرض ليفزع قليلًا. نسمة بحدة: "أنا قلت كلمة، أنت هتتعلم الأدب وتعيش معايا وسط ناسك وأهلك."

عمر ببكاء مصطنع: "إيه عذاب الكفار ده؟ حسبي الله."