رواية عشقت حورية الفصل الثامن والعشرون 28 - بقلم يوستينا سامي

أسد: بجد يا جدي، انتوا قدرتوا تحددوا مكان نور؟ مراد: لا، هنقدر. اصلك مش عارف مين قاعد عندي في البيت. علي وصالح قرايب حور من الصعيد. أنا رأيي إننا نروح البيت ونعرف منهم إيه المكان اللي ممكن يكونوا مخبيين فيه نور. أسد: فكرة حلوة أوي. خليك أنت يا حسن علشان ما تتعبش، وأنا هروح أنا ومراد. حسن: أنا رجلي على رجلكوا. يلا بينا. و فعلاً نزل حسن ومراد وعزيز وأسد وراحوا لبيت مراد. حور فاقت من أثر المخدر لقت نفسها مربوطة.

حور: أنا فين؟ الحقوووني! الحقني يا أسد، أنا فين؟ حسام: أهلاً أهلاً بمرأة أسد العقاد. بجد حمدلله على السلامة. لا لا، اوعي تبصيلي البصة دي، أنا مش عايز منك حاجة حرام، لسمح الله. أنا بس هرجع الحاجة لأصحابها. يعني هرجعك لأهلك وناسك يا قطة. حور: أنت أكيد مجنون. أنت فعلاً مش طبيعي. أسد كان عنده حق لما قال عليك واحد مختل. ويكون في علمك، أسد هيدور عليا وهييجي وساعتها هيقتلك. حسام فضل يضحك جامد. حسام: مين ده اللي هيقتلني؟

أسد خلاص بينحدر. أسد فاضله تكة واحدة بس ويدخل هو مستشفى المجانين. وبعدين عايز أقولك حاجة، صحيح أسد اللي أنت واخدة فيه قلم ده وفاكرك إنه أحسن واحد في العالم، ده خاين! لا متستغربيش أوي كدة. أيوه، خاني مع مراتي وشفتهم بعيوني. وأنا هوريكي. و فعلاً طلع حسام تسجيلات بين أسد وفيروز. التسجيل: أسد: فيروز، اسمعيني. حسام بدأ يشك فيا وفيكي على فكرة. فيروز: إيه يا أسد؟ هو أنت خايف منه؟

اسمع كلامي، أنا هطلب منه الطلاق ونهرب أنا وأنت ونتجوز. أسد: أنت اتجننتي ولا إيه؟ أنا مستحيل أستغني عن ورثي. أنا اللي تعبت فيه أوي وكبرته ومش مغني إن حسام شريك معايا. إن دي فلوسه هو. فيروز: طب والحل يا أسد؟ أنا بحبك أوي. أسد: للأسف، أنا كمان بحبك ومقدرش أستغني عنك. قفل حسام التسجيل. حسام بوجع: ها، إيه رأيك في حبيبك اللي أنت مستنياه ييجي ينقذك؟

ده باع أخوه عشان عشرة خمسة عشر سنة. ده واحد واطي وخاين وعمري ما هسيبه أبداً. حور بعياط: هو أنا ليه بتخدع كدة في كل الناس؟ ليه كدة؟ أنا مش عايزة أرجعله تاني. خليني عندك هنا يا حسام، أرجوك. وأنا موافقة على كل طلباتك، صدقني. حسام ابتسم بخبث. حسام: أي حاجة؟ طيب يا حور، أنا موافق بس بشرط تنفذي كل اللي هقولك عليه بالحرف الواحد. وفعلاً حسام قالها على شرطه. حور بدموع ووجع: وأنا موافقة! يا ترى حور وافقت على إيه أصلاً؟

وفعلاً راحوا البيت عند مراد. علي أول ما شاف أسد اتصدم. علي: هو أنت تبقى اللي أنقذت حور بنت عمي؟ أنت؟ أسد: احم... أنت جاي لحد عندي، وما كنتش تعرفني ولا إيه؟ علي قرب من أسد ومسكه من قميصه. علي: أنت اللي ضربت نار على عمي يوم العركة؟ أنت اللي قتلت أبو حور؟ أنا عارفك وفاكرك كويس. محدش عرف يوصلك ساعتها لأنك مش قريبنا. أسد زق علي.

أسد: أيوه، لأني مكنتش رايح أقتل حد أصلاً لأنكوا مش أهلي ولا ليا عداوة معاكوا. أنا كنت رايح مع صحاب عمري جاسر وحسام، أو اللي كنت فاكرهم صحاب عمري. اللي انتوا ثأركم معاهم. أنا لما شفت عمك موجه المسدس عليهم، أنا ضربت نار علشان أنقذهم مش أكتر. والله أنا ما كنتش عايز أقتل حد ولا أعيش عمري بذنب واحد. أنا حتى معرفشي اسمه. عزيز: أيوه يا ابني.

أسد: حفيدي مش بيكدب. ولعلمك، عبد الرحيم اتصالح مع حسام ونسي ثأره، بس عشان يرجع حور وخطَف حفيدتي نور. علي: إيه؟ معقول الكلام ده؟ عبد الرحيم خطف حد من عندكوا؟ علي بص لأسد بحدة. علي: بص، أنا جاييلك هنا علشان أطلب منك تساعدني آخد حقي من أمي وأرجع عيشة تاني لحضني وأطلقها من جوزها، وأرجع حور تاني بدل ما تبقى هربانة طول عمرها. ودلوقتي بقولك نرجع بنت عمك. هاااااااا، يا بن العقاد، إيديك في إيدي. أسد حط إيده في إيد علي.

أسد: معاك يا علي، بس عايزك تفهمني إيه اللي حصل من ساعة موت عمك. وأسد اتكلم مع علي وعرف كل اللي عملته أمه في حور، وإنها أخدت ورثها، واللي عملته كمان في عيشة. أسد بحدة: واضح بقي إن مشوار الصعيد ده مش بس عشان نرجع نور. ده في حاجات كتير أوي لازم ترجع زي الأول.

علي: البلد كلها خربت يا أسد. أمي من ساعة ما عمي مات بقت هي اللي تعتبر ماسكة العمودية وظالمة كل أهل البلد، وآخرها أنا ابنها. أجبرت حياه تتجوز اللي كانوا السبب في موت أهلها. بجد مش زيك أنت. أسد بص له بحدة. أسد: طب كفاية كلام في الماضي. أنا عندي مشوار لازم أجمع أكبر عدد من الرجالة. لازم لما نروح البلد نبقى أقوى من العمدة يا علي. بس فجأة موبيل أسد رن. حسن: مين اللي بيرن يا أسد؟ أسد بغيظ: ده حسام. والله لأقتله.

مراد شد التليفون من إيد أسد. مراد: اهدى يا أسد، إحنا عايزين نعرف إيه طلباته ده لو أنت عايز حور ترجعلك سليمة. ماشي. مراد فتح الميكروفون. مراد: ألو يا حسام. حسام: أهلاً أهلاً مراد. بص، أنا عارف إن أسد أكيد جنبك دلوقتي. أنا بس كنت عايز أقوله إن حور معايا، وإنها عايزة توجهله رسالة مهمة أوي. صح يا حبيبتي. أسد اتصدم أول ما سمع الكلمة دي وشد التليفون من إيد مراد. أسد: ألووو يا حسام.. فين حور.. ألوووو.

حور بصوت موجوع: لو سمحت، ابعد عني. أنا مش عايزة أعرف عنك حاجة أو حتى أسمع صوتك. أنا هتجوز حساااااام. ابعد عني يا أحقر بني آدم عرفته في حياتي. أسد 😳 أنا اتوجعت أوي الصراحة علشان أسد.