رواية عشقت قاتل ابي الفصل الرابع 4 - بقلم صباح غمري

"اسفه على التأخير يا بنات، كان عندي شغل. أتمنى يجيب تفاعل حلو." في المستشفى. هنا: يوسف، أنت ما قتلتهوش صح؟ فين بابا؟ فينه؟ يوسف: هو كويس، كله تمام. سمعوا صوت الباب بيخبط. يوسف راح عشان يفتح. الظابط: فين يوسف رفعت؟ يوسف: أيوا أنا حضرتك، خير. الظابط: مطلوب القبض عليك. يوسف بيبلع ريقه: ليه؟ هو في حاجة؟ الظابط: بتهمة قتل هاني الشناوي. هنا جريت على الباب: بتقول إيه؟ أنت بتكلم عن مين؟ ها، انطق، بتكلم عن مين؟

يوسف حاول يمسكها يهديها. هنا: ابعد عني، ابعد عنيييي. أنت بتقولوا إيه؟ باااااباااا. ووقعت من طولها للمرة التانية، محستش بشيء. *** في القسم. يوسف: وأنا إيه اللي دخلني؟ الظابط طلع جزء من سلسلة من جيبه: إيه رأيك في دي؟ لقيناها جنب هاني، وواضح إنها كانت أثر اعتداء عليه وهو كان بيحاول يدافع عن نفسه. يوسف بتوتر: حضرتك، أنا مراتي لازم أقف جنبها الفترة دي، فبعد إذنك سبني، هي في المستشفى لوحدها.

الظابط بشك: لا حضرتك هتفضل معانا شوية. يا عسكري، يا عسكري. العسكري: افندم. الظابط: خد يوسف الحجز برا. يوسف بزعيق: أنت اتجننت؟ أنا يوسف رفعت، ده أنا هوديك في ستين داهية. *** هنا صحيت من النوم، لقيت ثرية جنبها. هنا بعياط: ماما، هو الكلام ده صح؟ بابا فين؟ ثرية ببكاء: أبوكي راح يا بنتي، راح مننا، اتقتل وأنا ما كنتش حاسة. هنا ببكاء أكتر: يا ماما، أرجوكي قوليلي إن ده حلم. ثرية حضنتها: أنا آسفة يا بنتي، بس دي الحقيقة.

هنا في وسط بكاءها: فين يوسف؟ ثرية: يوسف الظابط أخده. هنا مسحت دموعها: حق بابا هيرجع يا ماما، ولو بعد مية سنة. *** بعد مرور أربع أيام. هنا دخلت القسم بكل جبروت وهي ماشية بثبات. هنا: فين مكتب الظابط الماسك قضية هاني الشناوي؟ العسكري: اتفضلي من هنا. الظابط بإعجاب: أهلاً أهلاً مدام هنا، حضرتك تبقي بنت أستاذ هاني، صحيح؟

هنا بثبات: أيوا، اللي اتقتل في شقته وأنتم لحد دلوقتي مش عارفين تجيبوا حقه، ومتهمين جوزي بالظلم مع إنه كان معايا في الوقت ده. الظابط: حضرتك، إحنا عندنا إثبات ولسه مكمل. هنا: وأنا عندي شهود. الظابط: مش فاهم. هنا بصوت عالي: ادخلي يا نرمين. نرمين دخلت بخوف: حضرتك، أنا نرمين صاحبة يوسف من أيام الجامعة. أنا وقتها كنت مع يوسف وهنا في الفيلا، في نفس الوقت اللي اتقتل فيه أستاذ هاني. الظابط: وإيه إثباتك برضه إنه هو كان موجود؟

هنا طلعت فلاشة: الفلاشة دي فيها تسجيل بدخول يوسف الفيلا في الوقت اللي اتقتل فيه بابا، وإنه ما خرجش من أوضته غير بيا وأنا تعبانة ووداني المستشفى. الظابط بذهول: أنا مش عارف، أنا احتترت. هنا: مستنية جوزي في العربية برا، وياريت القضية دي تتحل بأسرع وقت. *** الظابط: مراتك باين عليها بتحبك وبتعزك زي والدها. يوسف بصدمة بص له وهو بيمضي: تقصد إيه؟ الظابط: مراتك هي اللي أفرجت عنك وجابت أدلة مش إنك قتلت أبوها.

يوسف: تقصد هنا مراتي؟ الظابط: أيوا، هو فيه غيرها. يوسف بذهول: لا، لا، بس أنا خلاص، خلاص مش مهم. *** هنا طلعت فلوس من شنطتها: مهمتك خلصت لحد هنا. نرمين: هو أنتِ ليه دافعتي عنه؟ أنا سمعته وهو بيقول... هنا: اخرسي، ولا كأنك سمعتي ولا شفتي، فاهمة؟ نرمين بخوف: حاضر، حاضر. أنا مليش أي علاقة بحاجة، سلام. يوسف جه من وراها: هنا! هنا وهي واقفة بتاخد نفسها بالعافية، اتلفتت وبصتله. هنا قربت منه وحضنته.