رواية عشقت قاتل ابي الفصل الثالث 3 - بقلم صباح غمري

كانت تتسلل في نصف الليل، ودخلت المطبخ، جابت السكينة اللي كانت شاريها من فترة، وضحكت وهي باصة لها، ومشيت وحدة وحدة لحد ما وصلت للأوضة، وبصتله بكرة وحقد. هي: هاخد حق كل السنين اللي وجعتني فيها، كل مرة خونتني فيها وضحكت عليا فيها، أنا اديتك عمري وكل حاجة، بس خلاص، آن الأوان آخد حقي فيه منك. هاني بيفتح عينه بخضة شافها: انتي بتعملي إيه!! ثرى وسابتش فرصة إنه يكلم، ودخلت السكينة في قلبه،

وأكثر من طعنة: بعمل كدا، عرفت بعمل إيه يا هاني، وكمان شوية هبكي عليك وهحزن، بس من جوايا هتبسط، هتبسط إني آخدت حقي منك. ..................... هنا قربت منه وهي بتبوس إيديه: ارجوك يا يوسف، عشان خاطري. نرمين صعبت عليها هنا: خلاص يا يوسف، عشان خاطري. يوسف زقها: متدخليش. نرمين: لا أدخل، حرام عليك اللي بتعمله فيها دا. هنا جايه تقوم تقف عشان تكلم، وقعت من طولها. يوسف بخضة رمى التليفون من إيده: هنا، هنا اصحي.

ولكن بدون فايدة، هنا مكنتش بتصحي. ****************** محمد: يعني دلوقتي إيه اللي هنعمله؟ ثرى: هتقول ليوسف إنك قتلته وعملت اللي قال عليه، وهتاخد اللي انت عاوزه كل شهر، قولت إيه؟ محمد بتوتر: بس هو قال إني أستخدم المسدس، فإزاي مات بالسكينة؟ ثرى: مش مشكلتي، أنت هتحلها، ويلا انقل معايا هاني لحد قدام الباب. محمد: أكيد مش هتأذيني صح؟ ثرى بضحكة: أكيد، وهظبطك كمان يا محمد، ولا أنت شاكك فيا؟ محمد: لا أبداً، اعتبري كل حاجة حصلت.

*************** "صباحًا" يوسف: وبعدين يا دكتور؟ أنا جيت من ستة الصبح هنا، ودلوقتي الساعة عشرة، وأنت بتقولي نفس الكلام. الدكتور: يا يوسف بيه، أنا مش فاهم، كل ما بتفوق صدقني بتروح في دنيا تانية، وإحنا بنحاول معاها، هي كأنها دخلت في حالة مش عاوزة تفوق للدنيا. يوسف افتكر باباها ومحمد، طلع جري وساب الدكتور، وجاب موبايله من الجاكيت. يوسف: الو، الو يا محمد، وقف كل حاجة، أوعى تكون نفذت التهديد بتاعنا.

محمد بخوف: للأسف، أنت حضرتك كنت بتتكلم بزعيق، وأنا نفذت. يوسف بصدمة كبيرة: أنت بتقول إيه!! محمد بلع ريقه: أنا نفذت وقتلته. يوسف وقع الموبايل من إيده، وفضل واقف من الصدمة مبينطقش. .................. ثرى بعياط: الو، الو يا مها. مها بخوف: في إيه يا ثرى، أنت بتعيطي. ثرى: الحقيني، بتصل بيوسف وهنا مش بيردوا. مها: هتلاقيهم لسه نايمين، مالك يا ثرى. ثرى بشهقة وعياط أكتر: هاني، هاني اتقتل. مها وقعت من طولها ومحستش.

عزة: ست مها، ست مها. .......... قفلت ثرى السكة، وطلعت سجارتها تشربها وهي بتضحك: ولسه، أنا هوريكي هعمل فيكي إيه يا مها، أنتِ وابنك يوسف، والله لاخليكي تندمي على اليوم الفكرتي تخدعيني فيه. ******************* "في القسم" ثرى ببكاء: صحيت من النوم بدور عليه، لقيت باب الشقة مفتوح، وهو قصاد منه وبدمه. وبانهيار: أنا عاوزة حق جوزي يرجع، عاوزة حقه. الظابط: اهدي يا أمي، هنجبلك حقه والله، شاكة في حد ليه مصلحة في كدا؟

ثرى بخبث وبكاء: مقدرش أقول إيه بس. الظابط: اتكلمي، أوعدك إني هساعدك. ثرى بصتله بجمود فجأة: يوسف، جوز بنتي هنا. *************** هنا فاقت وبصت حواليها، وبتحاول تسترجع اللي حصل: يوسف، بابا، بابا. يوسف جري من برا لما سمع صوتها: اهدي، اهدي يا هنا، كل حاجة تمام. هنا: يوسف، أنت مقتلتهوش صح، فين بابا، فين هو؟ يوسف: هو كويس، كله تمام. سمعوا صوت الباب بيخبط. يوسف راح عشان يفتح. الظابط: ........