رواية عشقت قاتل ابي الفصل السابع 7 - بقلم صباح غمري

هنا وهي ماسكة الصور: مين دي يا يوسف؟ رمت الصور قدامه. يوسف بصدمة نزل على الأرض: انتي إزاي تقربي من حاجتي؟ هنا فضلت واقفة بصالة: أنا بقولك مين دي يا يوسف، دا مش أنا؟ يوسف بص لها: فيه حاجات الأحسن تكون مستخبية. هنا بدموع بصت له ودارت عشان تدخل الحمام ودماغها هتنفجر من كتر التفكير. *** في الصباح. ياسمين: أنا لبست. لؤي قرب منها وباسها من راسها: إيه الجمال دا كله؟ قوليلي.

ياسمين خجلت وبعدت: ممكن متعملش كدا تاني، أنا بحاول أحبك بس اديني فرصة. لؤي بص لياسمين وقرب من شفايفها وباسها: سيبني أحبك بطريقتي. ياسمين بخجل وصدمة: لؤي، بطل! لؤي ضحك وأخدها في حضنه: طب يلا ولا إيه؟ ياسمين بابتسامة: يلا يا معلم. *** في بيت ثرية. ثرية: هنقتلها هي كمان. محمد بتوتر: لا مش هنقتل حد تاني، انسى كفاية بقي. ثرية بصت له بشر: عاوزها تاخد كل حاجة، هاااا انطق.

محمد بلع ريقه: أكيد لا بس مينفعش نحل كل حاجة بالقتل، أنا مش هقتل. ثرية ضحكت: ومين قالك إنك أنت اللي هتقتل؟ محمد: اومال مين؟ فيه حد تالت عارف. ثرية ضحكت أكتر: الأعداء كتير، سيبني أنا أشاور بس. *** "صحيت هنا من النوم لقيته نايم جنبها كالعادة زي السنين اللي فاتت. افتكرت أول مقابلة بينهم." في الماضي. هنا: آآآآآه مش تفتح يا أعمى! يوسف بصدمة: انتي؟ إيه جابك هنا؟ هنا: انت اللي إيه يا جدع؟ هو أنا أعرفك؟

انت في الشركة بتاعتنا بتعمل إيه؟ يوسف: أنا أنا جاي لهاني بيه. هنا: طيب بص أنا بنته. يوسف: يعني طلعتي عايشة؟ هنا بضحكة: حد قالك ميتة؟ يوسف سرح في ضحكتها: تعرفي ضحكتك حلوة أوي. هنا بصت له بخجل ومدت إيديها تسلم: هاي، أنا هنا وانت؟ "نرجع تاني." هنا بدأت تبصله وتفكر أكتر وأكتر. يوسف فتح عينيه فجأة: بتفكري في إيه؟ هنا بخضة: ولا حاجة. وجاية تقوم من السرير، يوسف شدها لحضنه وقرب منها يشم شعرها. هنا بخوف: يوسف بتعمل إيه؟

يوسف حط إيده على خدها وشال شعرها: شكلك حلو وانتي لسه صاحية. هنا: ليه اتصدمت أول مرة شوفتني فيها؟ يوسف زقها: تاني الموضوع ده. هنا: تاني وتالت ورابع. يوسف: عاوزة تعرفي! هنا: مش هسكت غير لما أعرف. يوسف راح على الدرج وطلع الصور: شايفة الصور دي؟ دي أكتر إنسانة حبيتها في الدنيا وأكتر إنسانة خلتني أكره حياتي كلها وأكتر إنسانة لحد النهاردة أنا لسه بعشقها. هنا بحزن: اتجوزتني عشان أنا شبهها كمان صح؟ ***

"كانت ماشية في وسط الشوارع، مبسوطة، حاسة إنها طايرة. من سنين بتحاول تتعالج وإنهاردة هي قدرت تتغلب على كل شيء، قدرت تبص للحياة من ناحية تانية." لؤي: مبسوطة؟ ياسمين: أوي أوي. لؤي: تروحي الملاهي؟ ياسمين: مستحيل تعمل كدا، أكيد مش هتوافق. لؤي مد لها إيديه: هاتي إيدك. ياسمين مدت إيديها له بانبساط: يلا بينا. "من بعيد." محمد: مش معقول! ومسك تليفونه. ثرية: الو، خير يا محمد؟

محمد: ثرية هانم، شفت هنا في السوق مع واحد تاني وماسكة في إيديه ومعرفش هما رايحين على فين. ثرية: انت بتتكلم جد؟ خليك ماشي وراهم واعرفلي مين دا. محمد: أعرف يوسف. ثرية: متخافش أنا اللي هعرفه قريب وابعتلي صور ليهم. *** يوسف: اتجوزتك عشان حاجات كتير، بس أولهم اللي لفت نظري إنك شبهها فعلاً. هنا والخنقة تملكت منها بصت حواليها

ومسكت الأباجورة وقربت منه: انت إنسان مقرف وميهمش انت عملت فيا إيه، وأنا لو مش هاخد حقي منك انهاردة، فانا هاخده غصب عن أي حد. ولسه هتضربه. يوسف مسك إيديها.