رواية عشقت قاتل ابي الفصل السادس 6 - بقلم صباح غمري

الدكتور: مبروك، والدتك حامل. هنا ويوسف بصدمة: حامل!! الدكتور: أيوه، هو فيه حاجة؟ عزة بذهول: لا يا دكتور، اتفضل اتفضل أوصلك على الباب. الدكتور: طيب، دي ورقة بالتحاليل المطلوبة، تعملها وتجيبها لي العيادة. *** مها بعياط: إنت من امتى بتحاسبني؟ أنا أمك مش هنا يا يوسف بيه، يعني تكلم معايا عدل. يوسف: أمي، الحامل من واحد نامت معاه، ويبقى عشيقها. مها ضربت يوسف بالقلم: اخرس!

هاني كان جوزي الله يرحمه، وكثير حاولت أقولك بس هو منعني خوفاً عليا. أنا مجوزاه على سنة الله ورسوله وكان فيه شهود، فاهم؟ يوسف بابتسامة: مجوزاه؟ ودي مسرحية جديدة. بقولك إيه، الولد ده ينزل. أنا مش هسمح لحتة عيل ابن حرام مجاش الدنيا ياخد حق من حقوقي. أملاك هاني كلها هتبقى بتاعتي، هي وشركته. وإنتي سواء أو هنا أو حتى العيل اللي في بطنك ده، ولا ليكوا أي حاجة عندي.

مها بعصبية وغل: إنت شيطان والحقد ظاهر من عينيك، وفي يوم يا يوسف هتبقى لوحدك، ولا هتلاقي جنبك أي حد. فااااهم؟ *** "في أوضة هنا" هنا: أيوه يا ماما زي ما بقولك، حامل. أنا مستغربة. ثرية بخوف: من مين يعني؟ وإزاي؟ هنا: مش عارفة، أنا أموت وأعرف. مش فاهمة في إيه ومش هقدر أسأل يوسف. ثرية: طيب يا بنتي، اقفلي دلوقتي ليسمعك أو حاجة. هنا قفلت واستغربت الخوف من صوت والدتها، وقامت تاخد بجامة من الدولاب عشان تدخل تاخد دش.

هنا: اشمعنى يعني مش عاوز حد يقرب للدرج ده؟ بصراحة أنا نفسي أعرف إيه فيه، وممكن يبقى مصلحة ليا. *** "في بيت مجهول" الشاب: وإنت شايف إن إمتى الوقت المناسب المفروض تظهر فيه البنت دي؟ بص له الشخص اللي كان قاعد على الكرسي وحاطط رجل على رجل بقرف: وقت ما أشوف إنها تظهر هقولك إنها تظهر. الشاب باندفاع: إحنا مش عاوزين نأذي حد. قام من الكرسي بتاعه وقرب منه: لما أعوز أأذي هأذي، مفيش حاجة هتوقفني. فهمت؟ طلعت

هي من أوضتها تجري بعياط: أنا اتخنقت من العيشة دي، اتخنقت. أنا نفسي أطلع الشارع. الشخص: امشي دلوقتي إنت. وقرب منها وهي ترجع لورا وحط إيده على خدها: ليه خايفة مني؟ هي برعشة: أنا بس عاوزة أطلع. ضمها لحضنه: والله العظيم أنا بحبك وعمري ما هضرك، وحاضر هعملك اللي عاوزاه. بكرة هنخرج. هي: بجد؟ لؤي: عمري ما أوعدك بشيء ما أوفيش فيه. *** "في أوضة هنا" هنا كانت بتبص للصور بدموع: مين دي؟ دي مش أنا، طب إزاي؟

أنا مش فاهمة حاجة. أنا متأكدة إنه مش أنا. طب إزاي الصورة شبهي كدا؟ يوسف بصوت عالي: هنا، إنتي بتعملي إيه؟ هنا اتدورّت وهي ماسكة الصور: مين دي يا يوسف؟ ورمى الصور قدامه. يوسف بصدمة: ......